Connect with us

Business

በአዲስ አበባ ጉድለት የተገኘባቸው 19 የአሽከርካሪ ማሰልጠኛ ተቋማት ተዘጉ

FanaBC

Published

on

በአዲስ አበባ ጉድለት የተገኘባቸው 19 የአሽከርካሪ ማሰልጠኛ ተቋማት ተዘጉ

በአዲስ አበባ በቂ የማለማመጃ ተሽከርካሪዎች ካለማቅረብ ጀምሮ ሌሎች ጉድለቶች የተገኙባቸው 19 የአሽከርካሪ ማሰልጠኛ ተቋማት ተዘጉ።

በሀገሪቱ ከሚደርሱ የትራፊክ አደጋዎች መካከል 80 በመቶው በአሽከርካሪዎች የብቃት ማነስ ምክንያት የሚከሰት መሆኑን የተደረጉ ጥናቶች ያመለክታሉ።

ለችግሩ የማሰልጠኛ ተቋማቱ ብቃት ማነስ ምንጭ ሲሆን፥ በቂ የማለማመጃ ተሽከርካሪ ማቅረብ አለመቻልን ጨምሮ ትምህርት ላልወሰደ ተለማማጅ በገንዘብ መንጃ ፈቃድ እስከ መስጠት የደረሰ ህገ ወጥ ተግባር የሚፈጽሙ ስለመኖራቸው ሰልጣኞች ያነሳሉ።

በአዲስ አበባ 66 የአሽከርካሪ ማሰልጠኛ ተቋማት የሚገኙ ሲሆን፥ የአዲስ አበባ አሽከርካሪ እና ተሽከርካሪ ፍቃድ እና ቁጥጥር ባለስልጣንም ባደረገው ግምገማ ጉድለቶች ማግኘቱን ገልጿል።

በድንገተኛ ፍተሻ እና በየሁለት አመቱ ከሚካሄደው ግምገማ በተገኘው ውጤትም መሰረት ከ66ቱ ተቋማት መካከል 19 እንዲዘጉ መደረጉን፥ የባለስልጣኑ ምክትል ዳይሬክተር አቶ ታምሩ ፉፋ ተናግረዋል።

በጊዜያዊነት አሽከርካሪዎችን ከማሰልጠን ከታገዱት 19 ተቋማት መካከል አስራ አምስቱ ለሁለት ወራት ቀሪዎቹ አራት ተቋማት ደግሞ ለሶስት ወራት አገልግሎት እንዳይሰጡ ተወስኗል።

ተቋማቱ እንዲህ አይነት እርምጃ የተወሰደባቸው ከማሰልጠኛ ተሸከርካሪ አቅርቦት ጀምሮ ሌሎች በርካታ ጉድለቶች ስለተኙባቸው መሆኑንም ምክትል ዳይሬክተሩ አመላክተዋል።

በጊዜያዊነት እንዲዘጉ የተወሰነባቸው ተቋማት የተቀመጠውን መስፈርት ማሟላታቸው እስከሚረጋገጥ እና የተወሰነባቸው የቅጣት ጊዜ እስከሚጠናቀቅ ድረስ ምንም አይነት ስልጠና መስጠትም ሆነ አዲስ ሰልጣኞችን መቀበል አይችሉም።

ተቋማቱ በእጃቸው ያለውን ሰልጣኞች ስልጠና ካጠናቀቁ በኋላም እንደ ቅጣታቸው መጠን ለሁለት እና ሶስት ወራት ይዘጋሉም ነው ያሉት።

በጊዜያዊነት እንዲዘጉ ከተደረጉት ተቋማት በተጨማሪም ለ34 የአሽከርካሪ ማሰልጠኛ ተቋማት የመጀመሪያ እና የመጨረሻ የፅሁፍ ማስጠንቀቂያ ተሰጥቷል።

ከ34ቱ ተቋማት ውስጥም ሰባቱ የመጀመሪያ ማስጠንቀቂያ ሲሰጣቸው 27ቱ ደግሞ የመጨረሻ የፅሁፍ ማስጠንቀቂያ ነው የተሰጣቸው።

READ  የአዲስ አበባ የታክሲ ሾፌሮች አመጽ ቀስቃሽ የታክሲ ጥቅሶችን በአስቸኳይ እንዲያነሱ ተነግሯቸዋል ተባለ

ባለስልጣኑ በዙር ካደረጋቸው ግምገማዎች በተጨማሪም ከህብረተሰቡ የሚነሱ ቅሬታዎችን መነሻ በማድረግ እና ተቋማቱ ላይም ክትትል በማድረግ፥ 47 ያህል ሰልጣኞችን ህጋዊ ባልሆነ መልኩ እና ስልጠናቸውን ሳያጠናቅቁ ለፈተና ሊያስቀምጡ የሞከሩ ሶስት ተቋማት ላይም እርምጃ ወስዷል።

በዚህም ኬቢ ቁጥር ሶሰት 40 ሰልጣኝ፣ ይሄነው ማስተዋል 2 ሰልጣኝ እንዲሁም ፎርዊል 5 ሰልጣኞችን ህጋዊ ባልሆነ መንገድ ሊያስፈትኑ ሲሉ ተይዘው ላልተወሰነ ጊዜ አንዲዘጉ ተደርጓል።

በዙር ግምገማውም ሆነ በተጨማሪ ክትትል እርምጃ የተወሰደባቸው ተቋማት በተሰጣቸው ደብዳቤ መሰረት፥ የተገኘባቸውን ክፍተት እስከተሰጣቸው ወር ድረስ ካስተካከሉ ወደ ስራቸው የሚመለሱ ሲሆን ማስተካከል ባልቻሉት ላይ ግን እርምጃው የሚቀጥል ይሆናል።

ኤፍ ቢ ሲ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close