Connect with us

Art and Culture

በትግራይ ክልል አሸንዳን እንደ አንድ የጎብኚ መስህብ የማልማቱ ስራ ተጠናክሮ ቀጥሏል

Published

on

በትግራይ ክልል አሸንዳን እንደ አንድ የጎብኚ መስህብ የማልማቱ ስራ ተጠናክሮ ቀጥሏል

በዘንድሮው የአሸንዳ በዓል ላይ ከ60 በላይ የሀገር ውስጥና የውጪ መገናኛ ብዙኃን ባለሙያዎች ሰሜናዊቷ ኮከብ ይታደማሉ፡፡

በትግራይ ክልል በየዓመቱ ከሚከበሩ ባህላዊና መንፈሳዊ ኩነቶች አንዱ የአሸንዳ በዓል ነው፡፡ በዓሉ በብዙ የትግራይ ክልል አካባቢዎች ቢከበርም በመቐለ የሚከናወነው ሥርዓት ግን ግዙፉ የልጃገረዶች ኩነት እየሆነ መጥቷል፡፡

የትግራይ ባህልና ቱሪዝም ቢሮ ልዩ ትኩረት በመስጠት የአሸንዳን በዓል በክልሉ እንደሚገኙ የሚዳሰሱ ቅርሶች ሁሉ ተናፋቂ የመስህብ ሀብት ለማድረግ እየሰራ ይገኛል፡፡

ባለፉት ተከታታይ አምስት ዓመታትም ለኩነቱ ትኩረት ተሰጥቶ እንደ አንድ የፌስቲቫል ቱሪዝም መዳረሻነት እየለማ ነው፡፡ ዘንድሮም በተመሳሳይ መልኩ የ2009 ዓ.ም. የአሸንዳ በዓልን በደማቅ ሥነ-ሥርዓት ለማካሄድ ዝግጅቱ ማለቁን ነው ከክልሉ ባህልና ቱሪዝም ቢሮ ያገኘነው መረጃ የሚያስረዳው፡፡

በዓሉን ለመታደምም አንጋፋ ዓለም አቀፍ መገናኛ ብዙሃንን ጨምሮ በርካታ የሀገራችን ሚዲያዎች ሰሜናዊቷ ኮከብ መቐለ ይከትማሉ ተብሎ ይጠበቃል፡፡

እስከአሁን በአለው መረጃ ከ60 በላይ የሀገር ውስጥና የውጪ መገናኛ ብዙሃን ባለሙያዎች የ2009 ዓ.ም. የአሸንዳን በዓል በመቐለ ከተማ በመታደም ይዘግቡታል፡፡

ለጋዜጠኞቹ በመቐለ እና አካባቢዋ እንዲሁም በተወሰኑ የትግራይ አካባቢዎች የቤተሰባዊ ትውውቅ ጉዞ መርሐ ግብርም እንደተዘጋጀ ነው ያገኘነው መረጃ የሚጠቁመው፡፡

የቅርስ ጥናትና ጥበቃ ባለስልጣን እንደ ፍቼ ጨምበላላ፣ መስቀልና ገዳ ሥርዓት ሁሉ በስሜን ኢትዮጵያ የሚከበሩትን የአሸንዳ፣ ሻዳይ፣ አሸንድዬ እና ሶለል የመሳሰሉ ተመሳሳይ የጋራ እሴቶች በዓለም የማይዳሰስ ቅርስነት ለማስመዝገብ የጥናት ስራውን እየሰራ እንደሚገኝ ባለፈው ዓመት ተገልጾ ነበር፡፡ DIRETUBE

 

READ  ከ139 ሚሊዮን ብር በላይ የውጭ ምንዛሪ አሳጥተዋል የተባሉ ነጋዴዎች ተከሰሱ
Continue Reading

Art and Culture

የኢትዮጵያ ባንዲራ ጉዳይ የባንዲራ ቀን አጀንዳ?

Published

on

የኢትዮጵያ ባንዲራ ጉዳይ የባንዲራ ቀን አጀንዳ?

የኢትዮጵያ ባንዲራ የሙስሊሙም የክርስቲያኑም የአይሁዱም ነው፡፡ ምክንያቱም ኢትዮጵያ ከእነዚህ እምነቶች መምጣት በፊት ያገኘችው የህገ ልቦና ዘመን ቃል ኪዳን ነውና?  | ስናፍቅሽ አዲስ በድሬቲዩብ

አልታደልንም፡፡ ይህው በባንዲራችን እንኳን መች እንግባባለን፡፡ ዛሬ በዓለም ላይ እንደኛ ብዙ ባንዲራ ይዞ አንድ መሆን ያቃተው ቀደምት ህዝብ ስለመኖሩ እጠራጠራለሁ፡፡

ኮኮቡን የሚጠሉ ወገኖችም ሆኑ አንበሳውን የሚናፍቁ፣ አሊያም ኮኮቡ ጌጣችን ነው ያሉ፤ ዓላማቸው በባንዲራ ልዩነት አንድ የነበረችውን ሀገር አስር የማድረስ እስኪመስል ግራ አጋብተውናል፡፡

የኢትዮጵያን ባንዲራ ቀለማት የእኔ ብላ በመቀበል የኢትዮጵያ ኦርቶዶክስ ፋና ወጊ ናት፡፡ ይሄ የሚያስመሰግን ነው፡፡

ጥቂት መስመር የሳቱ እምነታችን ኦርቶዶክሳውያን ነው የሚሉ ወገኖች ደግሞ ባንዲራውን ሙሉ የእምነታችን ነው በማለት ለሀገራዊ አንድነቱ እንቅፋት የሆኑ ይመስለኛል፡፡

ከዚህ ቀደም አንድ ጽሑፍ ላይ ያነበብኩት ሀሳብ ይሄንን ይበልጥ ያብራራልኛል ብዬ አስባለሁ፡፡

የኢትዮጵያ ባንዲራ የአይሁዱም፣ የክርስቲያኑም የሙስሊሙም ኢትዮጵያ ነው፡፡ የባንዲራው ታሪክ መነሻ ኖህ ነው፡፡ ኖህ የህገ ልቦና ዘመን ነቢይ ነው፡፡ ኖህ የአይሁድ አባት ነው፡፡ ኖህ የክርስቲያኖች ታላቅ ጻድቅ ነው፡፡ ኖህ በእስልምና ታላቅ ስፍራ የሚሰጠው ነቢይ ነው፡፡ እንግዲህ ሦስት ሳንሆን በፊት አንድ አድርጎ ያግባባን የነበረው የኖህ ቃል ኪዳን ነበር ማለት ነው፡፡ አሁን በባንዲራችን ሳቢያ ብዙ ሆነናል፡፡

የዘንድሮው ደመራ ላይ የቀድሞውን ባንዲራ ይዘው የታዩ ወገኖች አሁንም የባንዲራ ጉዳይ እንዳልተፈታ አሳይተዋል፡፡

በኦሮሚያ ክልል በሚደረጉ የቄሮ ሰልፎች የኢትዮጵያ ባንዲራ የመንገድ ላይ ማስታወቂያዎችን ያህል እንኳን ውልብ አትልም፡፡

በኦሮሚያ የኦነግ ባንዲራ አሁን ክልላዊ የሆነ እስኪመስል የሰልፎች ማድመቂያ ሆኗል፡፡

ያለ አግባብ በባንዲራ ጉዳይ እረፍት ወስዶ የተነሳው ኢህአዴግ ዳግም ኢትዮጵያን በአንድ ባንዲራ ለማግባባት እያደረኩ ነው የሚለው ጥረት በተቃራኒው ባንዲራ የማያግባባት ሀገር ትፈጠር ዘንድ አንድ ባለድርሻ እንዲሆን አድርጎታል፡፡

READ  በድርቅ አካባቢዎቸ እንስሳትን በመሸጥ ወደ ገንዘብ መለወጥ ይገባል ተባለ

በአማራ ክልል ለዘመናት የኖረው የቀድሞ ባንዲራን ይዞ ለቀብር ሥርዓት መውጣት ማስወንጀል ከጀመረ ወዲህ ባንዲራዋ የበለጠ ክብር አግኝታለች፡፡

በተቃራኒው ባለ ኮከቡን ባንዲራ የመንግስት አድርጎ ማየቱም ተለምዷል፡፡ በዚህ ሁኔታ ውስጥ የባንዲራ ቀንን ከመደገስ ግን አልቦዘንም፡፡ የእኔ ምኞት የሚያግባባንን ባንዲራ ማየት ነው፡፡ DIRETUBE

Continue Reading

Art and Culture

በ7ኛው የለዛ የአድማጮች ምርጥ የኪነጥበባት ሽልማት አሸናፊዎች

Published

on

በ7ኛው የለዛ የአድማጮች ምርጥ የኪነጥበባት ሽልማት አሸናፊዎች

በትላንትናው ዕለት የተካሄደው 7ኛው የለዛ የአድማጮች ምርጥ የኪነጥበባት ሽልማት አሸናፊዎች….

የአመቱ ምርጥ የቴሌቪዥን ተከታታይ ፊልም – ዘመን
የአመቱ ምርጥ መሪ ተዋናይ – አለምሰገድ ተስፋዬ (ያበደች የአራዳ ልጅ 3)
የአመቱ ምርጥ መሪ ተዋናይት – ዘሪቱ ከበደ (ታዛ)
የአመቱ ምርጥ ነጠላ ዜማ – ኢትዮጵያ (ቴዎድሮስ ካሳሁን)
የአመቱ ምርጥ አዲስ ድምፃዊ/ድምፃዊት – ዳዊት አለማየሁ
የአመቱ ምርጥ የሙዚቃ ቪዲዮ – ብስራት ሱራፌል (ወጣ ፍቅር)
የአመቱ ምርጥ የሙዚቃ አልበም – ቴዎድሮስ ካሳሁን (ቴዲ አፍሮ)/ኢትዮጵያ/
የአመቱ ምርጥ ፊልም -ታዛ
የሕይወት ዘመን ተሸላሚ – ግርማ በየነ

SHEGER FM 102.1 RADIO

READ  ከ139 ሚሊዮን ብር በላይ የውጭ ምንዛሪ አሳጥተዋል የተባሉ ነጋዴዎች ተከሰሱ
Continue Reading

Art and Culture

በጣና ሃይቅ የእምቦጭ አረምን ለማስወገድ ከኦሮሚያ ክልል የተውጣጡ በጎ ፈቃደኞች ወደስፍራው እያመሩ ነው

Published

on

በጣና ሃይቅ የእምቦጭ አረምን ለማስወገድ ከኦሮሚያ ክልል የተውጣጡ በጎ ፈቃደኞች ወደስፍራው እያመሩ ነው

በጣና ሃይቅ የተንሰራፋውን የእምቦጭ አረም የማስወገድ ዘመቻን ለማገዝ ከኦሮሚያ ክልል የተለያዩ አካባቢዎች የተውጣጡ 200 በጎ ፈቃደኛ ወጣቶች ወደ ባህርዳር እያመሩ መሆኑን የሁለቱም ክልል የኮሙዩኒኬሽን ጉዳዮች ቢሮ ገልፀዋል።

የኦሮሚያ ክልል ኮሙዩኒኬሽን ጎዳዮች ቢሮ ሃላፊ አቶ አዲሱ አረጋ እንዳሉት ጣናን ለመታደግ በሚደረገው ዘመቻ ለመሳተፍ ከ200 በላይ በጎ ፈቃደኛ ወጣቶች “ጣና የእኛ ነው” በሚል ወደ አማራ ክልል ማምራታቸውን ገልፀዋል።

ጣናን እንታደግ በሚለው ዘመቻ በክልል የሚገኙ የተለያዩ የህብረተሰብ ክፍሎች በመሳተፍ ላይ ናቸው።

ከዚህ ቀደም ምክትል ጠቅላይ ሚኒትስር አቶ ደመቀ መኮንን ጨምሮ ከፍተኛ የፌደራል እና የክልል የመንግስት ባለስልጣናት የእምቦጭ አረምን መስፋፋት በጣና ተገኝተው የስጋቱን ደረጃ ተመልክተዋል።

እምቦጭ አረምን የማስወገድ የ2010 ዘመቻ ባሳለፍነው ሳምንት መጀመሩ ይታወቃል።

ጣና የአንድ ክልል ሃብት ብቻ ሳይሆን የሁሉም ኢትዮጵያዊ በመሆኑ ገደብ የለሽ ርብርብ እንደሚያስፈልግ የክልሉ መንግስት ጥሪ አቅርቧል።

ይህንንም ተከትሎ የቅዱስ ጊዮርጊስ እግር ኳስ ክለብ ደጋፊዎች ከአዲስ አበባ ወደ ባህር ዳር በማምራት ለአንድ ሳምንት የቆየ ለ“ጣናን እንታደግ” ዘመቻ የሚውል የገቢ ማሰባሰቢያ ጨዋታዎችን ከባህርዳር ከተማ፣ ከፋሲል ከነማ እና ከአውስኮድ ጋር ሲያደርግ ሰንብቷል።

ደጋፊዎቹም በጣና ሀይቅ የተንሰራፋውን የእምቦጭ አረም በማስወገድ ዘመቻም ተሳትፈው ነበር።

የጎንደር እና የባህርዳር ዩኒቨርሲቲዎች አረሙን ለማጥፋት በሚደረገው ዘመቻ የሚያግዙ የተለያዩ ማሽኖችን በማዘጋጀት ላይ መሆናቸው ተነግሯል። ኤፍ ቢ ሲ

READ  በድርቅ አካባቢዎቸ እንስሳትን በመሸጥ ወደ ገንዘብ መለወጥ ይገባል ተባለ
Continue Reading

Trending

news.et Mobile App!

It's Faster!

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close