Connect with us

Business

የሙስና ተጠርጣሪዎች የፍ/ቤት ውሎና ቀጠሮዎች

Published

on

የሙስና ተጠርጣሪዎች የፍ/ቤት ውሎና ቀጠሮዎች

በሙስና ወንጀል የተጠረጠሩ ከፍተኛ ባለሥልጣናትና ባለሀብቶች ጉዳያቸው በስምንት መዝገቦች በፍ/ቤት መታየት መጀመሩን ከፌደራል ጠቅላይ ዐቃቤ ሕግ የኮምኒኬሽን ዳይሬክቶሬት የተገኘ መረጃ ጠቆመ።

ከሐምሌ 22/2ዐዐ9 ዓ.ም. ጀምሮ በሙስና ወንጀል ተጠርጥረው በቁጥጥር ስር የዋሉት በተለያየ የመንግስት የስራ ኃላፊነት ላይ የሚገኙ ግለሰቦች ቁጥር 54 መድረሱ ይታወቃል፡፡

ከአሁን በፊት ተጠርጣሪዎቹ በፌ.ከ.ፍ/ቤት 2ኛ ወንጀል ችሎት ቀርበው ጉዳያቸው እንዲታይ /እንዲመረመር/ በተደረገው መሠረት የፌዴራል ፖሊስ ለተጨማሪ ምርመራ ተጨማሪ ጊዜ ለፍርድ ቤት በጠየቀው መሠረት ፍ/ቤትም የጉዳዮን ከባድነትና ውስብስብነት በመረዳት የ14 ቀን ተጨማሪ ጊዜ በመፍቀድ ለነሐሴ ዐ3/2ዐዐ9 ዓ.ም. ቀጠሮ መያዙ ይታወሳል፡፡

በመሆኑም ከትላንትና በስቲያ ነሐሴ 3 ቀን 2ዐዐ9 ዓ.ም. 45 ተጠርጣሪዎች ፍ/ቤት ቀርበው የ22 ተጠርጣሪዎች ጉዳይ በርካታ የችሎት ታዳሚዎች በተገኙበት ከታየ /ከተሰማ/ በኋላ ጉዳዩ በዕለቱ ባለመጠናቀቁ የቀሪዎቹ ተጠርጣሪዎች በማግስቱ ዐ4 ነሐሴ 2ዐዐ9 ዓ.ም. በዋለው ችሎት የተጠርጣሪ ቤተሰቦችና ሌሎች በርካታ ታዳሚዎች በተገኙበት ፖሊስ የተጠረጠሩበትን ፍሬ ነገር ለተከበረው ፍ/ቤት አሠምቷል፡፡ ባለፉት 14 ቀናት ውስጥ ምን ምን እንደተሰራም ዝርዝር ሪፖርቱን ለክቡር ፍ/ቤቱ አሰምቷል፡፡

በዚሁ መሠረት የተጠርጣሪዎቹ መዝገብ እንደ የተጠረጠሩበት ሁኔታ በ8 የተለያዩ መዝገቦች የተያዘ ሲሆን ፡-
1. በእነ አቶ ሙሳ ሙሃመድ 13 ተጠርጣሪዎች ጉዳያቸው ለነሐሴ 15/2ዐዐ9 ዓ.ም. እንዲታይ የፍ/ቤት ቀጠሮ መያዙ፣
2. በእነ አቶ አብዱ መሃመድ መዝገብ 8 ተጠርጣሪዎች ጉዳያቸው ለነሐሴ 15/2ዐዐ9 ዓ.ም. እንዲታይ የፍ/ቤት ቀጠሮ መያዙ፣
3. በእነ አቶ አበበ ተስፋዬ መዝገብ 6 ተጠርጣሪዎች ጉዳያቸው ለነሐሴ 17/2ዐዐ9 ዓ.ም. እንዲታይ የፍ/ቤት ቀጠሮ መያዙ፣
4. በእነ አቶ ኤፍሬም ደሳለኝ መዝገብ ዐ2 ተጠርጣሪዎች ጉዳያቸው ለነሐሴ 17/2ዐዐ9 ዓ.ም. እንዲታይ የፍ/ቤት ቀጠሮ መያዙ፣
5. በእነ ኢንጅነር ፈቃደ ኃይሌ መዝገብ ዐ3 ተጠርጣሪዎች ጉዳያቸው ለነሐሴ 17/2ዐዐ9 ዓ.ም. እንዲታይ የፍ/ቤት ቀጠሮ መያዙ፣
6. በእነ ወ/ሮ ፀዳለ ኃይሌ ማሞ መዝገብ ዐ2 ተጠርጣሪዎች ጉዳያቸው ለነሐሴ 8/2ዐዐ9 ዓ.ም. እንዲታይ የፍ/ቤት ቀጠሮ መያዙ፣
7. በእነ አቶ መስፍን መልካሙ መዝገብ ዐ6 ተጠርጣሪዎች ጉዳያቸው ለነሐሴ 17/2ዐዐ9 ዓ.ም. እንዲታይ የፍ/ቤት ቀጠሮ መያዙ፣
8. በእነ አቶ ዘነበ ይማም ለነሀሴ 17/2009 ዓ.ም እንዲታይ ፍ/ቤቱ ቀጠሮ የያዘ ሲሆን በአቶ አስናቀ ምህረት መዝገብ ጉዳይ በቀጣይ ቀጠሮ የሚታይ መሆኑን ፍርድ ቤቱ ጠቁሟል፡፡

READ  በኢትዮጵያ መንግስት እና በኢትዮጵያ አንድነት አርበኞች ግንባር መካከል የሰላም ስምምነት ተፈረመ

በወቅቱ የተነሱ የተለያዩ ጉዳዮች
– ተከላካይ ጠበቆች የጊዜ ቀጠሮ አያስፈልግም ሲሉ ለክቡር ለፍ/ቤት ማሰማታቸው
– ተከላካይ ጠበቆች ለደንበኞቻቸው የዋስትና መብት እንዲፈቀድ ለክቡር ፍ/ቤቱ መጠየቃቸው
– ፍርድ ቤቱ የሙስና ወንጀል ተጠርጣሪዎቹ የተጠረጠሩበት ጉዳዮ ከባድና ውስብስብ በመሆኑና የህዝብና የመንግስት ጥቅም ያለበት ጉዳይ

በመሆኑ የዋስትና መብት አለመፍቀዱ እና ፖሊስ የጠየቀውን ተጨማሪ የምርመራ ጊዜ መፍቀዱ
– በሌላ በኩል ተጠርጣሪዎች “በቁጥጥር ስር ከዋልንበት ጊዜ አንሰቶ እስካሁን ከጠበቆች እና ከቤተሰቦቻችን ጋር እንዳንገናኝ ተከልክለናል” በማለት ለፍ/ቤት አቤቱታ ቢያቀርቡም ፖሊስ “ሀሰት መሆኑን እና ከጠበቃም ከቤተሰብም ጋር እየተገናኙ መሆኑን ገልጿል፡፡

– ፍ/ቤቱም አለመከልከላቸው እውነት መሆኑን በቀጣይ ቀጠሮ ፖሊስ ማስረጃ እንዲያቀርብ ትዕዛዝ የሰጠ መሆኑ፣
– ሚዲያዎች ከፍረጃና ከስሜት የፀዳ ዘገባ እንዲዘግቡ ክቡር ፍ/ቤቱ ትዕዛዝ ሰጥቷል፡፡

ማስታወሻ
– የተጠርጣሪዎቹ ጉዳይ ቤተሰቦቻቸውና በርካታ ታዳሚዎች በተገኙበት በፌዴራል ከፍተኛ ፍርድ ቤት ልደታ ምድብ 2ኛ ወንጀል ችሎት የተሰማ /የታየ/ መሆኑ ይታወቃል። DIRETUBE

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close