Connect with us

Business

ከከባድ ሙስና ወንጀል ጋር በተያያዘ የ210 ግለሰቦች ንብረት በፍርድ ቤት ታገደ

Published

on

ከከባድ ሙስና ወንጀል ጋር በተያያዘ የ210 ግለሰቦች ንብረት በፍርድ ቤት ታገደ

በከባድ የሙስና ወንጀል ተጠርጥረው የተያዙ ግለሰቦችና ከተጠርጣሪዎቹ ጋር ግንኙነት አላቸው የተባሉ የ210 ግለሰቦች ንብረት በፍርድ ቤት ታገደ፡፡

የፌደራል ጠቅላይ አቃቤ ህግ እንዳስታወቀው ግለሰቦቹ ከተጠረጠሩበት ወንጀል ጋር በተያያዘ 15 ኩባኒያዎች ታግደዋል፡፡

ከከእነዚህ መካከልም አሰር ኮንስትራክሽን፤ ዲኤምሲ ኮንስትራክሽን፤ ገምሹ በየነ ኮንስትራክሽን፤ ቲና ኮንስትራክሽን፤ የማነ ግርማይ ጠቅላላ ተቋራጭ፤ ትራንስ ናሽናል ኮምፒዩተር ቴክኖሎጂ፤ ሃይሰም ጠቅላላ ኢንጂኔሪንግ፤ከማኒክ ትሬዲንግ ሃላፊነቱ የተወሰነ የግል ማህበር፤ ጂንግ ሊንግ ኢንተርናሽናል ኢንጂኔሪንግና የመሳሰሉት ናቸው፡፡

ከወንጀሉ ተጠርጣሪዎች መካከል ተጨማሪ አንድ ግለሰብ ከፌደራል መንገዶች ባለስልጣን በቁጥጥር ስር ውሏል፡፡

በአጠቃላይ የተያዙት ሰዎች ቁጥርም 54 መድረሱን ጠቅላይ አቃቤ ህግ አስታውቋል፡፡ ebc

READ  ዶ/ር አርቲስት ሙላቱ አስታጥቄ የህይወት ዘመን የክብር ሽልማት አገኘ
Continue Reading

Africa

የኢትዮጵያ፣ የግብጽ እና የሱዳን የውሃ ጉዳይ ሚኒስትሮች የሶስትዮሽ ስብሰባ በስኬት መጠናቀቁን ተገለጸ

Published

on

የኢትዮጵያ፣ የግብጽ እና የሱዳን የውሃ ጉዳይ ሚኒስትሮች የሶስትዮሽ ስብሰባ በስኬት መጠናቀቁ ተገለጸ

የውጭ ጉዳይ ሚኒስቴር ቃል አቀባይ አቶ መለስ ዓለም በሰጡት ጋዜጣዊ መግለጫ እንዳሉት በቴክኒክ ደረጃ በሶስትዮሽ ብሔራዊ ኮሚቴ ውይይት ወቅት ያልተቋጩ ጉዳዮች ዙሪያ በሶስቱ አገራት የውሃ ጉዳይ ሚኒስትሮች በመግባባት መንፈስ ላይ የተመሰረተ ገንቢ ውይይት ተደርጎ በስኬት ተጠናቋል።

ኢትዮጵያ የድንበር ተሻጋሪ ወንዞችን አጠቃቀም በተመለከተ ካላት በጋራ ተጠቃሚነት፣ ፍትሐዊነት፣ምክንያታዊነት እና ጉልህ ጉዳት ያለማድረስ መርሆዎች በመነሳት ከህዳሴ ግድብ ጋር በተያያዘ ከሁለቱ አገራት ጋር ተባብራ መስራቷን ትቀጥላለች ብለዋል።

እንደ አቶ መለስ ገለጻ የሶስቱ አገራት የውሃ ሚ/ሮች ቀጣይ ውይይታቸውን በቅርቡ በሚገለጽ ጊዜና ቦታ ለማድረግ የተስማሙ ሲሆን ትናንት (ጥቅምት 8 ቀን 2010 ዓ.ም.) የተደረገው ውይይት በበለጠ መግባባትና በግልጽ ወንድማማችነት መንፈስ የተካሄደ ነበር።

የሶስቱ አገራት የውሃ ሚኒስትሮች ጥቅምት 7 ቀን 2010 ዓ.ም በህዳሴ ግድብ በኢትዮጵያ ጋባዥነት ያደረጉት ጉብኝት ታሪካዊ እንደሆነም አቶ መለስ ተናግረዋል።

ለዚህም ማሳያዎቹ በአገሮቹ መካከል ግልጽነትና የመረጃ ልውውጥ እንዲኖር እድል መፍጠሩ፣ በግድቡ ግንባታ ዙሪያ መሬት ላይ እየተከናወኑ ያሉ ተግባራትን ለማየት ማስቻሉ፣ ከጉብኝቱ በኋላ ከግድቡ የቴክኒክ ጉዳዮች አንጻር ሚኒስትሮቹ ላነሷቸው ጥያቄዎች በፕሬጀክቱ ጽ/ቤት በኩል የተሰጠውን አርኪ ማብራሪያ መጥቀስ ይቻላል። ሁለቱ ሚኒስትሮች ኢትዮጵያ ይህንን ጉብኝት በማዘጋጀቷ አመስግነዋል።

የውጭ ጉዳይ ሚኒስቴር በኤምባሲዎችና ቆንስላ ጽ/ቤቶቹ በኩል በ 2009 በጀት ዓመት አራት ነጥብ ዘጠኝ ስምንት (4.98) ሚሊዮን ዶላር የሚያወጣ ቦንድ ሸጧል፡፡ ከፍተኛው ተሳትፎ የተገኘውከመካከለኛ ምስራቅ ነው። በ2010 ዓ.ም የበጀት ዓመት አምስት ነጥብ አንድ (5.1)ሚሊዮን ዶላር ለመሸጥ ታቅዷል፡፡

የህዳሴ ግድብ ግንባታ በተሟሟቀ ሁኔታ እየተከናወነ ይገኛል። በአገር ውስጥና በውጭ የሚገኙ ኢትዮጵያውያንና ትውልደ አትዮጵያውያን በግድብ ግንባታ በገንዘብ የማይተመን የአርበኝነት መንፈስ እየተረባረቡ ናቸው።

READ  የማርቆሱ ማርቆስ-የሚያፈዘው ድንቅ ቅርስ በቀድሞዋ መንቆረር

ኢትዮጵያ ከህዳሴ ግድብ ጋር በተያያዘ ከግብጽና ሱዳን ጋር በወንድማማችነት መንፈስ ተባብራ መስራቷን ትቀጥላለች፣ ይህም ትብብር ብቸኛው አማራጭ ነው ብላ ስለምታምን ነው።

የውጭ ጉዳይ ሚኒስቴር
ቃል አቀባይ ጽ/ቤት
ጥቅምት 09 ቀን 2010 ዓ.ም.

 

Continue Reading

Business

ኒቪያ አዲስ የውበት መጠበቂያ ምርቱን በሸራተን አዲስ አስተዋወቀ

Published

on

ኒቪያ አዲስ የውበት መጠበቂያ ምርቱን በሸራተን አዲስ አስተዋወቀ

አዲስ ኒቪያ ንትፕሮቴክት ኤንድ ኬር ዲዮዶራ

ሰውነትን ካላስፈላጊ የላብ ጠረን የሚጠብቅ እና ለቆዳ ተስማሚ ሆኖ የተዘጋጀው አዲስ ፕሮቴክት ኤንድ ኬር የተሰኘ የኒቪያ ዲዮድራንት በገበያ ላይ ዋለ፡፡ ይህ አዲሱ ዲዮድራንት ከኒቪያ ምርቶች በልዩ ሁኔታ ከሚወደደው የኒቪያ የሰውነት ክሬም ግብኣቶች በመጠቀም የተዘጋጀ ሲሆን የራሱን ልዩ ማዓዛም እንዲኖረው ተደርጓል፡፡ አዲሱ የኒቪያ ዲዮድራንት ሰውነትን ለ48 ሰዓት ካላስፈላጊ የሰውነት ጠረን የሚጠብቁ እና ለሰውነት ቆዳ ተስማሚ የሆኑ ግብዓቶችን በውስጡ የያዘ ነው፡፡

አንዳንድ ዲዮድራንቶች ካላስፈላጊ የሰውነት ጠረን የሚከላከሉ ወይም የሰውነት ቆዳ ላይ ጉዳት የማያደርሱ ብቻ ሆነው ሊዘጋጁ ይችላሉ፡፡ በአሁን ወቅት ሴቶች ካላስፋጊ የሰውነት ጠረን የሚጠብቃቸው እንዲሁም በብብታቸው ቆዳ ላይ ጉዳት የማያስከትል ዲዮድራንት መጠቀምን ይሻሉ፡፡ ብብት በምላጭ፣ በሙቀት ወይም ጠባብ የሆኑ አልባሳትን በማዘውተር በሚፈጠር ወበቅ ከሌላው ሰውነታችን በተለየ ሁኔታ ጉዳት ሊደርስበት ይችላል፡፡

በተጨማሪም በተደጋጋሚ በሚደርስበት ጉዳት መጥቆር እና የቆዳ ቀለም መቀየር ሊከሰት ይችላል፡፡ ለዚህም ነው ለብብት ከፍተኛ ጥንቃቄ ማድረግ የሚጠበቅብን፡፡ ይህም ሆኖ አላስፈላጊ የሰውነት ጠረንን፣ የሰውነት ማሳከከን እና የቆዳ መቆጣትን በመፍራት ብቻ ዲዮድራንትን መጠቀም ማቆም አማራጭ አይሆንም፡፡ የምንወዳቸው ሰዎች ሁሌም ካጠገባችን እንዲሆኑ እንፈልጋለን፤ ለዚህም ነው ሰውነትን ካላስፈላጊ የሰውነት ጠረን የሚጠብቅ እና የሰውነት ቆዳ ላይ ጉዳት የማያደርስ አዲሱ ኒቪያ ዲዮድራንት ትክክለኛ አማራጭ የሚሆነው፡፡

25 ዓመታትን ባስቆጠረ የዲዮድራንት አሰራር ልምድ ባላቸው ጠበብቶቹ በመታገዝ ኒቪያ የሰውነታችንን ቆዳ በተገቢ ሁኔታ የሚንከባከብ እና እንዲሁም 48 ሰዓት ከአላስፈላጊ ጠረን የሚጠብቅ ዲዮድራንት ለተጠቃሚዎች ያቀረበ ሲሆን ልዩ በሆኑ የኒቪያ ክሬም ግብአቶች ሰውነትን ከጉዳት የሚጠብቅ እና ልዩ ግሩም መዓዛ የሚያጎናፅፍ ነው፡፡

READ  ዶ/ር አርቲስት ሙላቱ አስታጥቄ የህይወት ዘመን የክብር ሽልማት አገኘ

ኒቪያ ፕሮቴክት ኤንድ ኬር ዲዮድራንት ተጠቃሚዎች በኒቪያ ክሬም የሚያውቁትን ለሰውነት ተስማማሚነት በዚህም ዲዮድራንት ላይ የሚያገኙ ሲሆን ይህም ማለት ኒቪያ ክሬም የሚሰጠንን የመታደስ ስሜት፣ የሰውነት ጥራት፣ እና እንክብካቤ ጥቅሞች በተመሳሳይ ሁኔታ በአዲሱ የኒቪያ ዲዮድራንቶች ላይ እናገኛቸዋለን፡፡ አዲሱ የኒቪያ ዲዮድራንት ከሎሚ እና ግሩም መዓዛ ካለው ባርግሞት ከተሰኘ ፍሬ የተዘጋጀ ሲሆን ለተጠቃሚዎች በራስ የመተማመን ስሜትን ከመታደስ ስሜት ጋር ይሰጣል፡፡ የሰውነት ቆዳን ልስላሴ እና ጤንነት ለመጠበቅ ሮዝ አበባ እና የኦሊቭ ዝርያ ያለው ጃዝሚን የተሰኘ የአበባ አይነት ከሌሎች የእፅዋት ዘሮች በግብዓትነት ጥቅም ላይ ውሏል፡፡

ዘጠኝ እንስቶች ላይ የተደረገ ጥናት እንደሚያሳየው ከዘጠኙ እንስቶች ስምንቱ ከተቻ የተዘረዘሩትን ስለ አዲሱ የኒቪያ ዲዮድራንት ይህን አረጋግጠዋል፡-

  • ልዩ በሆነው መዓዛ እና በውስጡ በያዘው የኒቪያ ክሬም ግብኣቶች የሰውነት ቆዳ ጤንነት እና ውበትን ጠብቆ ለ48 ሰዓት በአግባቡ ከአላስፈላጊ የሰውነት ጠረን ይከላከላል፡፡
  • ምንም አይነት የአልኮል ግብኣት እና ሰውነትን የማቃጠል ባህሪ የሌለው በተለይ ለብብት ቆዳ ተስማሚ ነው፡፡
  • በሰውነት ላይ የሚገኝን ላብ በቶሎ በመምመጥ የደረቅ ሰውነት ስሜት የሚያጎናፅፍ
  • በሰውነት ላይ እርጥበት የማይተው

ኒቪያ ፕሮትክት ኤንድ ኬር ዲዮድራንት

 

  • ልዩ በሆነው መዓዛ እና በውስጡ በያዘው የኒቪያ ክሬም ግብኣቶች የሰውነት ቆዳ ጤንነት እና ውበትን ጠብቆ ለ48 ሰዓት በአግባቡ ከአላስፈላጊ የሰውነት ጠረን ይከላከላል፡፡
  • ምንም አይነት የአልኮል ግብኣት እና ሰውነትን የማቃጠል ባህሪ የሌለው በተለይ ለብብት ቆዳ ተስማሚ ነው፡፡
  • በልዩ ሁኔታ በተመረጡ ግብአቶች አማካኝነት ለሰውነት ተስማሚ ሆኖ የተሰራ
  • የሰውነትን ልስላሴ በመጠበቅ እና ምቾት ባለው ሁኔታ ሰውነትን በተስማሚ ሁኔታ በማድረቅ ረዘም ላለ ጊዜ የሚቆይ ንፁህ የመሆን ስሜትን ይሰጣል፡፡
  • በመድኃኒት ቅመማ መስፈርት ለሰውነት ቆዳ ተስማሚ መሆኑ የተረጋገጥ
READ  የማርቆሱ ማርቆስ-የሚያፈዘው ድንቅ ቅርስ በቀድሞዋ መንቆረር

 

በሮል እና በስፕሬ መልክ ለወንድም ለሴትም የተዘጋጀ ሲሆን ከጥር 2009 ዓ.ም ጀምሮ በሁሉም ኮስሞቲክስ መሸጫዎች እና ሱፐርማርኬቶች በመሸጥ ላይ ይገኛል፡፡

DIRETUBE

Continue Reading

Business

የስኳር እጥረት ለማቃለል ከውጭ የተሸመተው ስኳር ጅቡቲ ወደብ ደርሷል ተባለ

Published

on

በኢትዮጵያ ያጋጠመውን የስኳር እጥረት ለማቃለል ከውጭ የተሸመተው ስኳር ጅቡቲ ወደብ ደርሷል ተባለ

በዚህ ሣምንት ስኳሩን ወደ ኢትዮጵያ ለማጓጓዝም ጨረታውን ካሸነፉ ሁለት የትራንስፖርት አገልግሎት ሰጪ ተቋማት ጋር መስማማቱን የስኳር ኮርፖሬሽን ለሸገር ተናግሯል፡፡

ካለፈው ሚያዚያ ወር 2009 ዓ.ም በኋላ በተለያየ ምክንያት እንደውጥኔ ስኳር ማምረት አልቻልኩም ያለው ኮፖሬሽኑ ከነሐሴ ወር 2009 ዓ.ም ጀምሮ የስኳር አቅርቦት ችግር አጋጥሞኛል ብሏል፡፡

የአቅርቦት ችግሩን ለማቃለልም ከዓለም ገበያ 700 ሺ ኩንታል ስኳር ለመሸመት ጨረታ ወጥቶ እንደnበር ይታወሣል፡፡

ከአልጄሪያ የተሸመተው 366 ሺ ኩንታል ስኳርም ከትናንት በስቲያ ጅቡቲ ወደብ መድረሱን በኮርፖሬሽኑ የኮርፖሬት ኮሙኒኬሽን ሥራ አስፈፃሚው አቶ ጋሻው አይችሉህም ለሸገር ተናግረዋል፡፡

ስኳሩን ወደ መሐል ሀገር ለማጓጓዝም ጨረታውን ያሸነፉ ሁለት የማጓጓዣ አገልግሎት ሰጪ ተቋማት ተሰናድተዋልም ብለዋል፡፡

ከ700 ሺ ኩንታል ስኳሩ ቀሪው ከታይላንድ የተሸመተው 334 ሺ ኩንታል ስኳር በባህር ትራንስፖርት ወደ ኢትዮጵያ ጉዞ መጀመሩንም ሰምተናል፡፡

በተያያዘም በኬንያ ተልኮ በሞያሌ ጠረፍ ረዘም ላለ ጊዜ የቆየው 44 ሺ ኩንታል ስኳር ተጓጉዞ ሙሉ በሙሉ ወደ ወንጂ መድረሱንም ሰምተናል፡፡

ስኳሩ ለምግብነት እንደሚውልና እንደማይውልም ፍተሻ እየተደረገለት መሆኑን አቶ ጋሻው ነግረውናል፡፡

ስኳሩ መንገድ ላይ ባሳለፈው ዘለግ ያለ ጊዜ እንዳልተበላሸ ከተረጋገጠም ለህብረተሰቡ እንደሚከፋፈል ከአቶ ጋሻው ሰምተናል፡፡

ባለፈው ዓመት የግንቦት ወር የስኳር ኮርፖሬሽን ለኬንያ 100 ሺ ኩንታል ስኳር ለመላክ ያደረገውን ስምምነት ተከትሎ 44 ሺ ኩንታል ስኳር ተጭኖ ወደ ኬንያ መንገድ ከጀመረ በኋላ በተፈጠረ አለመግባባት ከ50 ቀናት በላይ ፀሐይና ወበቅ ሲፈራረቅበት ቆይቶ መመለሱ ይታወሣል፡፡

READ  በደቡብ ክልል በህብረተሰቡ ጥቆማ በሙስና ወንጀል የተሳተፉ 198 ግለሰቦች በቁጥጥር ስር ዋሉ
Continue Reading

Trending

news.et Mobile App!

It's Faster!

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close