Connect with us

Art and Culture

የምርጫ ማግስት ጠብ ሰልችቶናል | ይልቁንስ በኮረጆዋ ጉዳይ ከአሁኑ ተደራደሩ

Published

on

የምርጫ ማግስት ጠብ ሰልችቶናል

የምርጫ ማግስት ጠብ ሰልችቶናል፡፡ ይልቁንስ በኮረጆዋ ጉዳይ ከአሁኑ ተደራደሩ፡፡ ለመሆኑ ኢትዮጵያ ከሸራ ኮሮጆ የምትወጣው መቼ ይሆን?
ከስናፍቅሽ አዲስ@DireTube

ተቃዋሚዎችና ገዢው ፓርቲ ድርድር ላይ መሆናቸውን ሰምቻለሁ፡፡ ምን አገባሽ አትበሉኝ እንጂ ገዢው ፓርቲ ዳቦ ቆርሶ ተፎካካሪ ፓርቲዎች ብሎ ያወጣውን ስም አልወደድኩትም፡፡ ተቃዋሚ ናቸዋ፡፡

በተለያዩ ርዕሰ ጉዳዮች ላይ ድርድር እያደረጉ የሚገኙት ፓርቲዎች ብዙ አጀንዳ አንስተው መጣላቸውን ስሰማ የረሱትን ጉዳይ አስታወስኩ፡፡

የሀገሪቱን ስምም ለመቀየር እኮ ኮረጆ የሞላ ድምጽ አግኝቶ መንግስት መሆን ያስፈልጋል፡፡ ኮረጆ ለመሙላት ደግሞ ኮረጆዋ ምን አይነት ትሁን የሚለው ወሳኝ ይመስለኛል፡፡

ያው መንግስታችን ሲታማ የምንሰማው ነው፡፡ ኮረጆ አስቀድሞ ሞልቷል ይሉት ነበር በምርጫ ወቅት፤ እኔ እንኳን ሲሞላም ሲሞላም አላየሁም፡፡ እንዲህ ያለ ነገር መቆሚያው መቼ ይሆን ብዬ ሳስብ ግን አንድ ነገር መጣለኝ፡፡

ሱማሌ ላንድ ሳትቀር ድፍን ዓለም ሸራ ከመሰለ ዳፍንታም የማያሳይ ኮሮጆ ወጥቶ ለዕይታ ግልጽ ላስቲክ መሳይ የፕላስቲክ ኮሮጆ መጠቀም ጀምሯል፡፡ ሰሞኑን ኬኒያ ያያችሁት አይነት ማለት ነው፡፡

ይህ ኮሮጆ እንደመስታወት ፍንትው አድርጎ የሚያሳይ ነው፡፡ የእኛው ለሀሜት ያጋልጣል፡፡ ድፍን ብሎ ይመጣና ከውጤት በኋላ ገዢው ፓርቲ አስቀድሞ ድምጽ የተሰጠበት ወረቀት ጠቅጥቆታል ምናምን እናደምጣለን፡፡ ከዚህ ሁሉ ኮሮጆው እንደ ዓለም ቢሆንስ?

ባንወዳደር እንኳን ተፎካካሪዎቹ ቢያንስ እንዲህ ያለ ጥርጣሬን የሚፈጥሩ ቁሳቁሶች ከምርጫው ዓለም እንዲወገድ ስምምነት ላይ ቢደርሱልን ምርጫን ተከትሎ ከሚደመጥ አሉሽ አሉሽ ይገላግሉን ነበር፡፡

ይሄ ኮሮጆ በዓለም ላይ የዘመኑ ምርጫ እና ለተጠያቂነት እና ግልጽነት እጅግ ተመራጭ ኮሮጆ ነው፡፡ አስቀድሞ ኮሮጆው ተፈትሾ የታሸገ ነው የሚለው ሀሳብ እንደሁ ማን ላይ ሆነሽ ማንን ታሚያለሽ እየተባለ ተአማኒነት አጥቷል፡፡

READ  በለንደን በደረሰው የእሳት አደጋ ከ13 የሚሆኑ ትውልደ ኢትዮጵያውያን የደረሱበት አልታወቀም

አንዳንዴ ምርጫ ባልኖረ እላለሁ፡፡ ሰላም የነበረ ሀገር ምርጫን ተከትሎ ፍዳውን ይበላል፡፡ መስታወት የሚደቀው፣ ጥይት የሚሰማው፣ አምባገነንነት ፈንቅሎ ሲወጣ የሚታየው በምርጫ ማግስት ነው፡፡

ጎመን በጤና የሚለው የፓርቲ መሪም ቢሆን በምርጫ ማግስት ድል ወይም ሞት ይዘምራል፡፡ ቀኝ እጃቸውን ሰጥተው የሚያገዳድሉት ያው የፈረደበትን ህዝብ በመሆኑ የምርጫ ማግስት ጠብ ያስፈራል፡፡

እናም ጠቡን ከሚቀንሱ ጉዳዮች አንዱ መሆን ከቻለ እስቲ አስቡትና እናንተ ድርድር ላይ ያላችሁ ተፎካካሪዎች ኮሮጆአችን በሚቀየርበት ጉዳይ ምከሩልን ቢያንስ አንዱን አቤቱታ ከማድመጥ እናርፋለንና፡፡ DIRETUBE

 

Continue Reading

Art and Culture

የኢትዮጵያ ባንዲራ ጉዳይ የባንዲራ ቀን አጀንዳ?

Published

on

የኢትዮጵያ ባንዲራ ጉዳይ የባንዲራ ቀን አጀንዳ?

የኢትዮጵያ ባንዲራ የሙስሊሙም የክርስቲያኑም የአይሁዱም ነው፡፡ ምክንያቱም ኢትዮጵያ ከእነዚህ እምነቶች መምጣት በፊት ያገኘችው የህገ ልቦና ዘመን ቃል ኪዳን ነውና?  | ስናፍቅሽ አዲስ በድሬቲዩብ

አልታደልንም፡፡ ይህው በባንዲራችን እንኳን መች እንግባባለን፡፡ ዛሬ በዓለም ላይ እንደኛ ብዙ ባንዲራ ይዞ አንድ መሆን ያቃተው ቀደምት ህዝብ ስለመኖሩ እጠራጠራለሁ፡፡

ኮኮቡን የሚጠሉ ወገኖችም ሆኑ አንበሳውን የሚናፍቁ፣ አሊያም ኮኮቡ ጌጣችን ነው ያሉ፤ ዓላማቸው በባንዲራ ልዩነት አንድ የነበረችውን ሀገር አስር የማድረስ እስኪመስል ግራ አጋብተውናል፡፡

የኢትዮጵያን ባንዲራ ቀለማት የእኔ ብላ በመቀበል የኢትዮጵያ ኦርቶዶክስ ፋና ወጊ ናት፡፡ ይሄ የሚያስመሰግን ነው፡፡

ጥቂት መስመር የሳቱ እምነታችን ኦርቶዶክሳውያን ነው የሚሉ ወገኖች ደግሞ ባንዲራውን ሙሉ የእምነታችን ነው በማለት ለሀገራዊ አንድነቱ እንቅፋት የሆኑ ይመስለኛል፡፡

ከዚህ ቀደም አንድ ጽሑፍ ላይ ያነበብኩት ሀሳብ ይሄንን ይበልጥ ያብራራልኛል ብዬ አስባለሁ፡፡

የኢትዮጵያ ባንዲራ የአይሁዱም፣ የክርስቲያኑም የሙስሊሙም ኢትዮጵያ ነው፡፡ የባንዲራው ታሪክ መነሻ ኖህ ነው፡፡ ኖህ የህገ ልቦና ዘመን ነቢይ ነው፡፡ ኖህ የአይሁድ አባት ነው፡፡ ኖህ የክርስቲያኖች ታላቅ ጻድቅ ነው፡፡ ኖህ በእስልምና ታላቅ ስፍራ የሚሰጠው ነቢይ ነው፡፡ እንግዲህ ሦስት ሳንሆን በፊት አንድ አድርጎ ያግባባን የነበረው የኖህ ቃል ኪዳን ነበር ማለት ነው፡፡ አሁን በባንዲራችን ሳቢያ ብዙ ሆነናል፡፡

የዘንድሮው ደመራ ላይ የቀድሞውን ባንዲራ ይዘው የታዩ ወገኖች አሁንም የባንዲራ ጉዳይ እንዳልተፈታ አሳይተዋል፡፡

በኦሮሚያ ክልል በሚደረጉ የቄሮ ሰልፎች የኢትዮጵያ ባንዲራ የመንገድ ላይ ማስታወቂያዎችን ያህል እንኳን ውልብ አትልም፡፡

በኦሮሚያ የኦነግ ባንዲራ አሁን ክልላዊ የሆነ እስኪመስል የሰልፎች ማድመቂያ ሆኗል፡፡

ያለ አግባብ በባንዲራ ጉዳይ እረፍት ወስዶ የተነሳው ኢህአዴግ ዳግም ኢትዮጵያን በአንድ ባንዲራ ለማግባባት እያደረኩ ነው የሚለው ጥረት በተቃራኒው ባንዲራ የማያግባባት ሀገር ትፈጠር ዘንድ አንድ ባለድርሻ እንዲሆን አድርጎታል፡፡

READ  በኢትዮጵያ ከ4 ሴተኛ አዳሪዎች አንዷ ኤችአይቪ አለባት

በአማራ ክልል ለዘመናት የኖረው የቀድሞ ባንዲራን ይዞ ለቀብር ሥርዓት መውጣት ማስወንጀል ከጀመረ ወዲህ ባንዲራዋ የበለጠ ክብር አግኝታለች፡፡

በተቃራኒው ባለ ኮከቡን ባንዲራ የመንግስት አድርጎ ማየቱም ተለምዷል፡፡ በዚህ ሁኔታ ውስጥ የባንዲራ ቀንን ከመደገስ ግን አልቦዘንም፡፡ የእኔ ምኞት የሚያግባባንን ባንዲራ ማየት ነው፡፡ DIRETUBE

Continue Reading

Art and Culture

በ7ኛው የለዛ የአድማጮች ምርጥ የኪነጥበባት ሽልማት አሸናፊዎች

Published

on

በ7ኛው የለዛ የአድማጮች ምርጥ የኪነጥበባት ሽልማት አሸናፊዎች

በትላንትናው ዕለት የተካሄደው 7ኛው የለዛ የአድማጮች ምርጥ የኪነጥበባት ሽልማት አሸናፊዎች….

የአመቱ ምርጥ የቴሌቪዥን ተከታታይ ፊልም – ዘመን
የአመቱ ምርጥ መሪ ተዋናይ – አለምሰገድ ተስፋዬ (ያበደች የአራዳ ልጅ 3)
የአመቱ ምርጥ መሪ ተዋናይት – ዘሪቱ ከበደ (ታዛ)
የአመቱ ምርጥ ነጠላ ዜማ – ኢትዮጵያ (ቴዎድሮስ ካሳሁን)
የአመቱ ምርጥ አዲስ ድምፃዊ/ድምፃዊት – ዳዊት አለማየሁ
የአመቱ ምርጥ የሙዚቃ ቪዲዮ – ብስራት ሱራፌል (ወጣ ፍቅር)
የአመቱ ምርጥ የሙዚቃ አልበም – ቴዎድሮስ ካሳሁን (ቴዲ አፍሮ)/ኢትዮጵያ/
የአመቱ ምርጥ ፊልም -ታዛ
የሕይወት ዘመን ተሸላሚ – ግርማ በየነ

SHEGER FM 102.1 RADIO

READ  በኢትዮጵያ ከ4 ሴተኛ አዳሪዎች አንዷ ኤችአይቪ አለባት
Continue Reading

Art and Culture

በጣና ሃይቅ የእምቦጭ አረምን ለማስወገድ ከኦሮሚያ ክልል የተውጣጡ በጎ ፈቃደኞች ወደስፍራው እያመሩ ነው

Published

on

በጣና ሃይቅ የእምቦጭ አረምን ለማስወገድ ከኦሮሚያ ክልል የተውጣጡ በጎ ፈቃደኞች ወደስፍራው እያመሩ ነው

በጣና ሃይቅ የተንሰራፋውን የእምቦጭ አረም የማስወገድ ዘመቻን ለማገዝ ከኦሮሚያ ክልል የተለያዩ አካባቢዎች የተውጣጡ 200 በጎ ፈቃደኛ ወጣቶች ወደ ባህርዳር እያመሩ መሆኑን የሁለቱም ክልል የኮሙዩኒኬሽን ጉዳዮች ቢሮ ገልፀዋል።

የኦሮሚያ ክልል ኮሙዩኒኬሽን ጎዳዮች ቢሮ ሃላፊ አቶ አዲሱ አረጋ እንዳሉት ጣናን ለመታደግ በሚደረገው ዘመቻ ለመሳተፍ ከ200 በላይ በጎ ፈቃደኛ ወጣቶች “ጣና የእኛ ነው” በሚል ወደ አማራ ክልል ማምራታቸውን ገልፀዋል።

ጣናን እንታደግ በሚለው ዘመቻ በክልል የሚገኙ የተለያዩ የህብረተሰብ ክፍሎች በመሳተፍ ላይ ናቸው።

ከዚህ ቀደም ምክትል ጠቅላይ ሚኒትስር አቶ ደመቀ መኮንን ጨምሮ ከፍተኛ የፌደራል እና የክልል የመንግስት ባለስልጣናት የእምቦጭ አረምን መስፋፋት በጣና ተገኝተው የስጋቱን ደረጃ ተመልክተዋል።

እምቦጭ አረምን የማስወገድ የ2010 ዘመቻ ባሳለፍነው ሳምንት መጀመሩ ይታወቃል።

ጣና የአንድ ክልል ሃብት ብቻ ሳይሆን የሁሉም ኢትዮጵያዊ በመሆኑ ገደብ የለሽ ርብርብ እንደሚያስፈልግ የክልሉ መንግስት ጥሪ አቅርቧል።

ይህንንም ተከትሎ የቅዱስ ጊዮርጊስ እግር ኳስ ክለብ ደጋፊዎች ከአዲስ አበባ ወደ ባህር ዳር በማምራት ለአንድ ሳምንት የቆየ ለ“ጣናን እንታደግ” ዘመቻ የሚውል የገቢ ማሰባሰቢያ ጨዋታዎችን ከባህርዳር ከተማ፣ ከፋሲል ከነማ እና ከአውስኮድ ጋር ሲያደርግ ሰንብቷል።

ደጋፊዎቹም በጣና ሀይቅ የተንሰራፋውን የእምቦጭ አረም በማስወገድ ዘመቻም ተሳትፈው ነበር።

የጎንደር እና የባህርዳር ዩኒቨርሲቲዎች አረሙን ለማጥፋት በሚደረገው ዘመቻ የሚያግዙ የተለያዩ ማሽኖችን በማዘጋጀት ላይ መሆናቸው ተነግሯል። ኤፍ ቢ ሲ

READ  በአዲስ አበባ የቤት ውስጥ ጥቃት የሚያጋጥማቸው ሴቶች እየበዙ ነው
Continue Reading

Trending

news.et Mobile App!

It's Faster!

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close