Connect with us

Art and Culture

ኑ! | ሚካኤል አስጨናቂ ፥ በድሬ ቲዩብ

Published

on

ኑ አብረን እንወለድ!

ኑ!
(ሚካኤል አስጨናቂ ፥ በድሬ ቲዩብ)
:
እንዲህ ነው ፥ በዓለም ውስጥ እስካለህ፤ ሁሌ ድል ማድረግ የለም ፥ ሁሌም መሸነፍ የለም ፤ ሁሌም መሳቅ የለም ፥ ሁሌም ማዘን የለም ፥ ሁሌም ስኬት የለም ፥ ሁሌም መውደቅ የለም!
ትናንት ትስቅ ነበር ፥ ትናንት ታስቅ ነበር ፥ ትናንት ተሳካልኝ ትል ነበር ፥ ትላንት ስኬትህ ያስጨበጭብልህ ነበር።
.
ዛሬስ?
.
ዛሬ እየሳቅክ አይደለም ፥ ዛሬ ከፍ ከፍ አትልም ፥ ዛሬ ማሸነፍ አትችልም ፥ ዛሬ ደግሞ የህይወት አዙሪት መውደቅ ላይ አድርሳሀለች!
.
ጥበበኛ ሰትሆን ግን ፥ ነገ ዛሬ አለመሆኑን ታውቃለህ!
ልክ እንደያሬድ አንድን ዛፍ ስትወጣ ከነበረች ትንሽ ትል ትማራለህ ፥ ልክ እንደ ሀዋርያው ጴጥሮስ በእንባ ማዕበል ታጥበህ ትመለሳለክ ፥ አልያም ከጌታህ እየሱስ አፈር ልሶ መነሳትን ፥ ትንሳኤን ትማራለህ!
.
ተመልከት ወዳጄ ነገ አሸንፋለሁ በል ፥ ነገ አሳካዋለሁ በል ፥ ነገ ከወደቅኩበት አቧራዬን አርገፍግፌ እነሳለሁ በል !
እያንዳንዱ ቀን የትውልድ ቀን ነውና!
ኑ አብረን እንወለድ!
ኑ ዛሬ ላይ ህይወትን አንድ ብለን እንቁጠር!
ኑ ነገን ለማሸነፍ አብረን አንትጋ!


ኑ!

መልካም ቀን። DIRETUBE

READ  ኦፌኮንና ሰማያዊ ፓርቲ በህግ ይጠየቃሉ መባሉ ተዘገበ

Trending