Connect with us

Sport

ከስፖርት ማዕድ- ትኩስ የዝውውር ወሬዎች

Juliet Tedla Asfaw

Published

on

ከስፖርት ማዕድ

1- የፊሊፕ ኩቲንሆ ጉዳይ አሁንም መሰራታዊና ተጨባጭ የሆነ መግባባት ላይ እስካሁን ሊደርስ አልቻለም፡፡ ባርሴሎናዎች አሁንም የኔይማርን ተተኪ በአማራጭ ተጫዋቾች ለማግኘት ከፍተኛ ጥረት እያደረጉ ይገኛሉ፡፡ የ25 ዓመቱ ኩቲንሆ ደግሞ ቀዳሚ በካታሎኑ ክለብ ራዳር ውስጥ የገባ ተጫዋች ነው፡፡ ኩቲንሆም ወደ ባርሳ ለመጓዝ ፍላጎት ቢኖረውም ቀዮቹ ግን በፍጹም ፍቃደኛ ሊሆኑ አልቻሉም፡፡ ጀርመናዊው አሰልጣኝ የርገን ክሎፕ በድጋሚ ብራዚላዊው የአጥቂ አማካኝ ድንቅ ተጫዋች ፊሊፕ ኩቲንሆ ለማንኛውም ክለብ በየትኛውም ዋጋ እንደማይሸጥ ተናግረዋል፡፡ ሆኖም ግን አሁንም የዝውውር መስኮቱ እንደ ኔይማር ሁላ በኩቲንሆ ጉዳይ አዲስ ወሬ ሊያሰማን ይችላል፡፡

2- የቀድሞው የአርሰናል ድንቅ አጥቂ አለን ራይት የአርሰን ቬንገር ቡድን ትልቁ ችግሩ መሪ የሆነ ተጫዋች ማጣቱ እንደሆነ ገልጧል፡፡ ማንቸስተር ዩናይትዶች ኒማኒያ ማቲችን 40 ሚሊየን ፓውንድ አውጥተው ማስፈረማቸው ለመድፈኞቹ ትልቅ ትምህርት ሊሆናቸው ይገባል ብሏል፡፡ የቀድሞው የአርሰናል ተጫዋች አስተያየቱን በመቀጠልም አርሰን ቬንገር ከተኙበት በመንቃት ቡድኑን ሊመራ የሚችል ተጫዋች ሊያስፈርሙ እንደሚገባ በመጠቀስ ለዚህ ደግሞ እንደ ቫንዳይክ ዓይነት ተጫዋች ትክክለኛ ምርጫ እንደሆነ ጠቁሟል፡፡አለን ራይት በ ፋይቭ ላይቭ ስፖርት አስተያየቱን በሚሰጥበት ወቅት እልህና ቁጭት በተቀላቀለበት ስሜት እነደነበር ለማስተዋል ተችሏል፡፡

3- ቴሪ ሄነሪ ጋሬዝ ቤል ሪያል ማድሪድን የሚለቅ ከሆነ ለሱ ትክክለኛ ማረፊያው ሊሆን የሚገባው ማንቸስተር ዩናይትድ እንደሆነ አስተያየቱን ሰጥቷል፡፡ ጆሴ ሞሪንሆም ዌልሳዊውን ወደ ኦልድ ትራፎርድ የሚያስመጡት ከሆነ ከከፍተኛ ሞገድ እንደታደጉት ይቆጠራል ብሏል፡፡ ሄነሪ ቤልን የገለፀበት መንገድ ’’ ጋሬዝ ቤል እንደ እኔ በየትኛውም ሊግ መጫወት የሚችልና በቡድን ውስጥ ተፅዕኖ መፍጠር የሚችል ተጫዋች ነው፡፡ በበርናባው የጎደለው ነገር እንዳለ ያስታውቃል፡፡ሆኖም ግን ይህ የተጫዋቹ ጉድለት (ቤልን ማለቱ ነው) ወደ ማንቸስተር ዩናይትድ ቢቀላቀል ያለምንም ጥርጥር ይቀረፋል፡፡ እርግጠኛ ነኝ ሞሪንሆም የቤል ፈላጊ አሰልጣኝ ናቸው፡፡’’

READ  በየመን ላይ ጦር የሰበቀችው የተባበሩት አረብ ኤምሬት የ 5 ቢሊዮን ዶላር ጦር መሳሪያ ግዢ ስምምነት አካሄደች

4- ሆላንዳዊው ተከላካይ ቫንዳይክ በአውሮፓ ቻምፒዮንስ ሊግ መጫወት ስለሚፈልግ  ሳውዝአምፕተኖች እንዲለቁት ሲወተውት ቆይቷል፡፡ በአሁን ሰዓት ደግሞ በዓይምሮ በኩል ዝግጁ አይደለሁም በሚል ከክለቡ ጋር ልምምድ ማድረግ ያቋረጠ ሲሆን ይህም በሴይንት ሜሪው ክለብ መማረሩን ያሳያል ነው የተባለው፡፡ የሊቨርፑል ታማኝ ደጋፊዎች የተጫዋቹን እያንዳንዱን እንቅስቃሴ እየተከታተሉ ሲሆን ወደ አንፊልደ ሮድ እንዲመጣም ከፍተኛ ፍላጎትና ጉጉት አሳድረዋል፡፡ይህን ሁኔጣ በመረዳት ይመስላል ሊቨርፑልም የቫንዳይክን የዝውውር ጉዳይ ለአንዴና ለመጨረሻ ጊዜ ለመቋጨት 60 ሚሊየን ፓውንድ መድቧል፡፡60 ሚሊየን ፓውንድ + የቫንዳይክ ወደ ቀዮቹ የመሄድ ፍላጎት = የሳውዝአምፕተኖች የእሺታ መልስ ይሆናል ተብሎ ይጠበቃል፡፡

5- የፒኤስጂ ተጫዋች ሰርጌ ኦሪየር የፈረንሳዩን ክለብ እንደሚለቅ በይፋ ከታወቀ በኋላ ከማንቸስተር ዩናይትድ ጋር ስሙ በስፋት ሲያያዝ ቆይቷል፡፡ ሆኖም ግን በዝውውሩ ላይ ቼልሲዎች የተጫዋቹ ፈላጊ ክለብ ሆነው ብቅ ብለዋል፡፡ 27 ሚሊየን ፓውንድ የተለጠፈበት ኮትዲቯራዊ ተጫዋች አሁን ባለው ሁኔታ ወደ እንግሊዝ መግባት በፍርድ ቤት ዕግድ ምክንያት የማይችል በመሆኑ ኦሪየርን አስፈራሚ የሚሆን የፕሪሚየር ሊጉ ክለብ በይግባኝ ውሳኔውን ማስቀልበስ ይኖርበታል፡፡ ሁለቱ የእንግሊዝ ክለቦችም ማለትም ቼልሲ እና ዩናይትድ ይህን ሀላፊነት በመውሰድ ተጫዋቹን ለማስፈረም እየተንቀሳቀሱ ይገኛሉ፡፡ የምዕራብ ለንደኑ ክለብ ቼልሲ አሁንም በሮሜሉ ሉካኩ ጉዳይ ዩናይትዶችን ለመበቀል ቀዳዳ እያፈላለጉ ይመስላሉ፡፡

Ethiopia

በአዲስ አበባ በመገንባት ላይ የሚገኘው የብሔራዊ ስታዲየም ግንባታ 58 በመቶ ደረሰ

Published

on

በአዲስ አበባ በመገንባት ላይ የሚገኘው የብሔራዊ ስታዲየም ግንባታ 58 በመቶ ደረሰ

በአዲስ አበባ በቦሌ ክፍለ ከተማ ገርጂ አካባቢ እየተገነባ የሚገኘው የብሔራዊ ስታዲየም ግንባታ 58 በመቶ መድረሱን የወጣቶችና ስፖርት ሚኒስቴር ገለፀ።

የፕሮጀክቱ ግንባታ በአጠቃላይ በ48 ነጥብ 8 ሄክታር መሬት ላይ የሚከናወን ሲሆን፥ ስታዲየሙ ብቻውን 95 ሺህ ካሬ ሜትር ይሸፍናል ተብሏል።

የብሔራዊ ስታዲየሙ ግንባታ ታህሳስ 26 ቀን 2008 ዓ.ም የተጀመረ ሲሆን፥ የመጀመሪያው ምዕራፍ ግንባታ በ2010 ዓ.ም መጨረሻ ላይ ይጠናቀቃል ተብሎ እንደሚጠበቅ ሚኒስቴሩ ገልጿል።

ግንባታውን ለማጠናቀቅ ከተያዘለት 900 ቀናት ውስጥ 650 ቀናት ስራ ላይ መዋሉን ጠቅሶ፥ ብሔራዊ ስታዲየሙ የኦሎምፒክና የዓለም ዋንጫ መመዘኛዎችን በማሟላት ነው በመገንባት ላይ የሚገኘው ብሏል።

ብሔራዊ ስታዲየሙ ለመጀመሪያ ምዕራፍ ግንባታ ወጪ 2 ነጥብ 4 ቢሊየን ብር ተመድቦለታል።
የግንባታው ሙሉ ወጪ በመንግስት የሚሸፈን ይሆናል።

ግንባታው እየተካሄደ የሚገኘው በቻይና ስቴት ኮንስትራክሽን ኢንጅነሪንግ ሊሚትደ ኩባንያ፥ሲሆን፥ ኤም ኤች(MH) ኢንጅነሪንግ የግንባታው አማካሪ ነው ፡፡

ስታዲየሙ ሲጠናቀቅ በወንበር 60 ሺ ሰው የመያዝ አቅም አለው።

የብሔራዊ ስታዲየሙ ግንባታ ለበርካታ ወጣቶች የስራ ዕድል የፈጠረ ሲሆን የቴክኖሎጅ ሽግግርም እየተደረገ እንደሚገኝ፥ ከወጣቶች እና ስፖርት ሚኒስቴር ያገኘነው መረጃ ያሳያል።

ኤፍ ቢ ሲ

READ  በየመን ላይ ጦር የሰበቀችው የተባበሩት አረብ ኤምሬት የ 5 ቢሊዮን ዶላር ጦር መሳሪያ ግዢ ስምምነት አካሄደች
Continue Reading

Health

የሰውነትዎን ጤንነት መጠበቅ የሚያስችሉ የባለሙያ ምክሮች

Published

on

የሰውነትዎን ጤንነት መጠበቅ የሚያስችሉ የባለሙያ ምክሮች

አብዛኛዎቻችን የእግር ጉዞ ማድረግ የተሻለ እና የሰውነት ቅርፅን ለማስተካከል ብቸኛ መንገድ ነው ብለን እናስባለን።
በዚህ የተነሳ ብዙ ሰዎች ሌላ እንቅስቃሴ ማድረግ አይፈልጉም።

በሃርቫርድ የሕክምና ትምህርት ቤት የመድኃኒት ባለ ሙያዎች እንደሚሉት ከሆነ የሰውነት ቅርፅ ለማስተካከል ረዥም የእግር ጉዞ ከማድረግ ባሻገር ሌሎች ተጨማሪ አማራጮች አሉ።

እነዚህ አማራጮች ክብደትን በመቀነስ፣ ጡንቻ በማዳበር፣ አጥንት በማጠንከር እና የአእምሮ እና የልብ ጤንነት በመጠበቅ የተሻለ አስተዋፅኦ ያላቸው ናቸው።

ዋና

መዋኘት ሁሉም ሰው ሊሰራው የሚችለው ቀላል የስፖርት እንቅስቃሴ ሲሆን፥ የልብ ምት ፍጥነትን ለማስተካከል፣ በሰውነት ውስጥ ጤናማ የደም ዝውውር እንዲኖር ለማድረግ እና በዕድሜ መግፋት ምክንያት የሚከሰት የአዕምሮ እርጅናን ይከላከላል።

ይህም በተለይ የሪሕ እና በመተጣጠፊያ አካባቢ ችግር ላለባቸው ሰዎች ጥሩ መሆኑን የህክምና ባለሙያዎች ይመክራሉ።

በተጨማሪም በቀን ውስጥ ለ30 ደቂቃዎች መዋኘት የመንፈስ ጭንቀትን እና ውጥረትን ለመቋቋም ይረዳል።

እጅ እና እግርን ብቻ በማንቀሳቀስ የሚሰራ እንቅስቃሴ ( Tai Chi)

ይህ የአካል ብቃት እንቅስቃሴ እጅ እና እግርን ብቻ በማንቀሳቀስ ቆሞ የሚሰራ ሲሆን፥ የሰውነት ቅርጽን ለመጠበቅ እና የአካል ጥንካሬ ለማግኘት የሚረዳ ነው።

በመሆኑም ጠንካራ የሆነ ሰውነት እንዲኖረን ያደርጋል፤ በተለይም በዕድሜ ለገፉ ሰዎች ሚዛን ለመጠበቅ በጣም አስፈላጊ ነው።

 

ፑሽ አፕ

እያየነው ያለነው ስለ ክብደት መቀነስ፣ የመቋቋም ሀይሎችን ማግኘት እና ሌሎች የሰውነት ጥንካሬ የሚያስገኙ ስራዎችን ነው።

በሰውነት ሙሉ ለሙሉ በመተኛት ሁለት እጆችን መሬት ላይ በማስደገፍ የሚሰራ ስፖርት (ፑሽ አፕ) የአካል ብቃት እንቅስቃሴ፥ ቀስ በቀስ የሰውነት ጡንቻዎቻችንን በማጠንከር ሙሉ ጉልበት እንዲኖረን የሚያደርግ ነው።

READ  ከስፖርት ማዕድ- ትኩስ የዝውውር ወሬዎች

ይህን የአካል ብቃት እንቅስቃሴ በማድረግዎ የመክሳት አጋጣሚን እስከ 30 በመቶ ሊቀንስ እንደሚችል ጥናቶች አረጋግጠዋል።

እንቅስቃሴው ሲደረግም በእያንዳንዱ የፑሽ አፕ ዙር የ20 ሰከንድ እረፍት መውሰድ እና ሶስት ጊዜ እንቅስቃሴውን መደጋገም ያስፈልጋል ተብሏል።

የእግር ጉዞ

በየቀኑ ለ30 ደቂቃዎች ያህል መጠነኛ ርቀት መጓዝ በአንጎል እና በሰውነት ላይ በጎ ተጽእኖ እንዲኖር ይረዳል።

በቅርቡ የተደረገ ጥናት እንደሚያሳየው ከ60 እስከ 88 ዓመት ዕድሜ የሆናቸው ሰዎች፥ በየቀኑ ለ30 ደቂቃዎች ያህል በሳምንት አራት ቀናት በእግራቸው ቢጓዙ የአእምሮ ጤንነታቸውን እና የሰውነት ጥንካሬያቸውን ማዳበር ይችላሉ።

በተጨማሪም ከባድ የመንፈስ ጭንቀት ያለባቸው ሰዎች ለ10 ቀናት በተከታታይ 30 ደቂቃዎች በእግር ከተጓዙ በኋላ በሕመም ላይ ከፍተኛ መሻሻል አሳይቷል ነው ያለው ጥናቱ።

እነዚህ የተጠቀሱት እንቅስቃሴዎች በምናደርግበት ጊዜ አንድ ጊዜ ተንቀሳቅሶ ለረጅም ቀናት ማቆም ሳይሆን፥ በተደጋጋሚ መፈፀም ያለባቸው ናቸው።

ይህን ስናደርግም ሰውነታችን ጥንካሬ እንዲያገኝ ብሎም በሽታ የመከላከል አቅሙን ማሳደግ ያስችላል።

metro.co.uk

Continue Reading

Sport

ከስፖርት ማዕድ- አለም አቀፋዊ ስፖርታዊ መረጃዎች

Juliet Tedla Asfaw

Published

on

ከስፖርት ማዕድ- አለም አቀፋዊ ስፖርታዊ መረጃዎች

  1. ከሰሞኑ የማንቸስተር ዩናይትዱ አሰልጣኝ ጆሴ ሞሪንሆ ስማቸው ከፒኤስጂ ጋር  መያያዙ የተለያዩ ጋዜጦች በተለይ ዴይሊ ሜይል አትቶ ነበር፡፡ ይህን ተከትሎም ዩናይትዶች በአሁን ሰዓት አስራ ስምንት ወር ቀሪ ኮንትራት የሚቀራቸውን ፖርቹጋላዊ አዲስ ውል ለማስፈረም ማሰቡን እየተነገረ ይገኛል፡፡ ሞሪንሆ ማንቸስተር ዩናይትድ የመጨረሻ ክላባቸው አለመሆኑን መናገራቸውን በቀጣይነት ሌላ ክለብን በአሰልጣኝነት እንደሚረከቡ አመላክቷል፡፡ሞሪንሆ ’’አሁንም ታላቅ ነገር መፍጠር የምችል አሰልጣኝ እንደሆንኩ አምናለው፡፡ አዲስ ነገርም መሞከር እፈልጋለሁ፡፡ በመሆኑም የእግር ኳስ የአሰልጣኝነት ዘመኔን በዩናይትድ ለማጠናቀቅ እቅድም ሆነ ሀሳብ የለኝም’’ ሲሉ አስተያየታቸውን ሰጥተዋል፡፡
  2. የአርሰናሉ ጀርመናዊ አማካኝ ሜሱት ኦዚል በጥር የዝውውር መስኮት ክለቡን ሊለቅ እንደሚችል ፍንጮች እየታዩ እንደሆነ ተገልጧል፡፡ ኦዚል ሚቀጥለው ክረምት የሚጠናቀቅ ኮንትራት በመድፈኞቹ ቤት ቢኖረውም አስካሁን ግን ውሉን ለማራዘም ያሳየው ፍላጎት በጣም አነስተኛ ነው፡፡ በለንደን ለመቆየትም ሶስት መቶ ሺ ሳምናታዊ ክፍያን በመደራደሪያነት ቢያቀርብም ፈረንሳዊው አስልጣኝ ግን ጥያቄውን ለመቀበል ምንም አይነት አዝማሚያ የላቸውም፡፡ እናም ተጫዋቹን በነፃ በክረምቱ ከማጣታቸው በፊት በጥር ለመሸጥ ወስነዋል ነው የተባለው፡፡ ኦዚልን ወደ ክለባቸው ለማምጣት ማንቸስተር ዩናይትድና የሮዝነሪው ክለብ ኢንተር ሚላን ፍላጎት እንዳላቸው ይታወቃል፡፡
  3. የአውሮፓ ቻምፒዮንስ ሊግ የምድብ ሶስተኛ ዙር ጨዋታዎች ዛሬ እና ነገ በተለያዩ የአውሮፓ ከተሞች ቀጥለው ይውላሉ፡፡ በዚህም መሰረት ዛሬ ምሽት የሚካሄዱ ጨዋታዎችን ስንመለከት አፒዮል ከ ዶርትሞንድ፣ ፌይኖርድ ከሻክታር ዶኔስክ፣ ማን.ሲቲ ከ ናፖሊ ማሪቦር ከ ሊቨርፑል፣ ሞናኮ ከ ቤሺክታሽ፣ ሌፕዚግ ከ ፖርቶ፣ ሪያልማድሪድ ከቶትንሀም(ተጠባቂ ጨዋታ)፣ ስፓርታ ሞስኮው ከ ሲቪላ ተጋጣሚዎች ናቸው፡፡ ስማቸው ከፊት ለፊት የተገለፁት ሁሉም ክለቦች ጨዋታዎቹን በሜዳቸው የሚያከናውኑ ይሆናል፡፡
  4. ቼልሲ በክሪስታል ፓላስ ከሜዳው ውጪ የ2 ለ 1 አስደንጋጭ ሽንፈት ከደረሰበት በኋላ በሰማያዊዎቹ ቤት ጥሩ ያልሆነ መንፈስ ተፈጥሯል፡፡ በተለይ  ፓላስ በፕሪሚየር ሊጉ የመጀመሪያ ጎሉን ያስቆጠረውና ነጥብ የተባለ ነገር ማግኘት የቻለው በባለፈው አመት የሊጉ ቻምፒዮን ክለብ ላይ መሆኑ ጉዳዩን የበለጠ አስገራሚ አድርጎታል፡፡  በዝውውር መስኮቱ በውድ ዋጋ ያስፈረሙት ስፔናዊው አጥቂ አልቫሮ ሞራታ መጎዳት እጁጉን እንደጎዳቸው በግልፅ ያሳበቀባቸው ጣሊያናዊው አሰልጣኝ አንቶኒዮ ኮንቴ በእሮቡ የቻምፒዮንስ ሊግ የሮማ ጨዋታ ወደ አሸናፊነታቸው ለመመለስ አስበዋል፡፡ በዚህ ጨዋታም ሞራታ ይደርሳል የተባለ ቢሆንም የሚሰለፈው ግን በድጋሚ ሊፈጠር ለሚችለው አደገኛ ጉዳት ኮንቴ ሀላፊነቱን በመውሰድ ይሆናል፡፡ የአጥቂ መስመር ክፍተታቸውን ሰማያዊዎቹ በጥር የዝውውር መስኮት ጂሚ ቫርዲን እና ክርስቲያን ቤንቴኬን በእቅዳቸው ውስጥ ማስገባታቸው ታውቋል፡፡
  5. ማንቸሰተር ዩናይትድ ወደ አንፊልድ ተጉዞ ከሊቨርፑል ጋር አቻ በተለያየበት  ጨዋታ ጆሴ ሞሪንሆ የተከተሉት ዘይቤ በብዙዎች ዘንድ ለሰላ ትችት ዳርጓቸዋል፡፡ በአንፊልድ ጨዋታ ላይ ሁሌም ድንቅ የሚሆነው ዳቪድ ዴሂያ ያዳናት ኳስ ሊቨርፑሎችን ሶስት ነጥብ ስታስጥላቸው ዩናይትዶችን ደግሞ አንድ ነጥብ አስገኝታላቸዋለች፡፡ ሆኖም ከዩናይትድ ታላቅነት፣ ታሪካዊነት እና ከገነባው ስም አንፃር ጆሴ የተከተሉት የጨዋታ መንግድ ታላላቅ የእግር ኳስ ተንተኞች ሳይቀሩ’’ አሳፋሪ’’ ሲሉ ገልፀውታል፡፡ ሆኖም ግን የቀድሞው የዌስትሀም፣የኒውካስል እንዲሁም የክሪስታል ፓላስ አሰልጣኝ የነበሩት አለን ፓርዲው ’’ እንደ እኔ ዩናይትድ የተከተለው መንገድ ትክክለኛና የሚያዋጣ ነበር፡፡ ዛሬ ላይ ሞሪንሆ ያገኙት አንድ ነጥብ ግንቦት ላይ ምን ያህል አስፈላጊ እንደሆነ ትገነዘባላችው፡፡በአንፃሩ በጨዋታው ውጤት ሊቨርፑልንም ለማሽቀንጥር ጆሴን የረዳቸው ነው፡፡ በዕርግጥ ሲቲ አሁን ላይ አስፈሪ ክለብ ቢሆንም ዩናይትድ ግን ይህን መቆጣጠሪያ መንገድ አያጣም’’ ሲሉ ፖርቹጋላዊውን አሰልጣኝ ተከላክለውላቸዋል፡፡
READ  ከስፖርት ማዕድ- ትኩስ የዝውውር ወሬዎች

Continue Reading

Trending

news.et Mobile App!

It's Faster!

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close