Connect with us

Ethiopia

በኢትዮጵያ ቡድን ውስጥ ወርቅነሽ ኪዳኔን ፍለጋ

Published

on

በኢትዮጵያ ቡድን ውስጥ ወርቅነሽ ኪዳኔን ፍለጋ

በኢትዮጵያ ቡድን ውስጥ ወርቅነሽ ኪዳኔን ፍለጋ | ታደለ አሰፋ ከለንደን

ወርቅነሽ ኪዳኔ ለእኔ የቡድን ስራ ተምሳሌት ነች ከራሷ በላይ የቡድን ውጤት የሚያስደስታት ታሪካዊ አትሌት፣ አሁን ግን ያዘመን በብዙ መልኩ አልፋል እርሷ በጉዳት እና ወሊድ ምክንያት እንደፈለገችው ብዙ ሳትጓዝ ቀርታለች፣ በሜዳ ላይ ለቡድን ስራ ሲሉ እራሳቸውን መስዋእት የሚያደርጉ አትሌቶች አይደለም አብረው ውሃ የሚጠጡና የሚበሉ በፈገግታ እንደ አንድ ቡድን የሚተያዩ አትሌቶችን አጥተን ቆይተናል፡፡

በአንድ ጀምበር አንድነታችንን እንዳለጣነው ሁሉ በአንድ ጀምበርም አንድነታችንን አንመልሰውም ከቡድን ስራ በፊት እንደ አንድ ቡድን መነጋገር ይቀድማልና፣ ባለሙያዎቹ አትሌቲክስ የግል ክህሎት ላይ የተመሰረተ ስፖርት እንደ ሆነ ይናገራሉ እውነታውም እርሱ ነው፣ በሀይሌ ፍጥነት የልምምድ ሁኔታ ቀነኒሳን ሩጥ ማለት በቀነኒሳ ፍጥነት እና ልምምድ ታምራት ቶላን ስራ ማለት ስፖርቱን ያለመረዳት ችግር የሚፈጥው ነው፡፡

አትሌቶች የቡድን ስራ ውስጥ ለመሳተፍ በቅድሚያ እርስ በእርስ ማን ምን አይነት ብቃት አለው የሚለውን ሊተዋወቁ ይገባል ማን ምን አይነት ልምምድ እንደ ሰራ በማይታወቅበት ማን አንዱን ዙር በስንት ሲሄድ እንደ ነበር በማይታወቅበት የቡድን ስራ ከሚዲያ ወሬ ባለፈ ለመተግበር አስቸጋሪ ነው፡፡

ከዛ ውጭ ሁሉም አትሌቶች በተመሳሳይ የብቃት ደረጃ ላይ የሚገኙ ሲሆኑ ነው፣ ከሁሉም በላይ እራሳቸውን መስዋእት አድርገው ሌላው እንዲሸንፍ ለማድረግ ወርቅነሽ ኪዳኔ አሊያም አሰፋ መዝገቡ መሆን ሲቻል ፡፡

አሁን ግን ዘመኑ ተቀይሮአል ሁሉም አሸናፊ ስለ መሆን ነው የሚያልመው አንተ ዙሩን አክርለት እርሱ ፍጥነት ስላለው የመጨረሻውን ዙር አፈትልኮ ይውጣ ያለፈበት የስልጠና ዘዴ ሆኖአል፣ እንደ አልማዝ አያና የመጨረሻውን ዙር አፈትልከው መውጣት የማይችሉ አትሌቶች ከመጀመሪው ዙር ጀምሮ አፍጥኖ በመሄድ ተወዳዳሪን ከቻሉ ደርቦ ማስወጣት የቡድን ስራን በትራክ ላይ ጊዜ አልፎብካል ብሎታል፡፡

READ  በአማራ ክልል የአስተዳደር ይገባናል ጥያቄዎች ምላሽ እያገኙ ነው

ለዛም ነው አሰልጣኝ ቶሎሳ ቆቱ በ10 ሺህ ሴቶች “ሁላችሁም የየራሳችሁን የምትችሉትን ሩጡ ስትጨርሱ ግን ማንም ያሸንፍ ማን ባንዲራ ይዛችሁ ተቃቀፉ” የምትል እውነታ ላይ የተመሰረተች ምክር ጣል ሲያደርጉ የተሰሙት፡፡

ሮም በአንድ ቀን አልተገነባችምና አንድነትም በአንድ ለሊት እና በአንድ መግለጫ አይመጣም ግን ከሜዳ ላይ የቡድን ስራ በፊት የቡድን አንድነት ስሜት ይቀድማል፣ ይህን ጅምር ደግሞ በጋራ ከመመገብ እስከ በጋራ ውድድር ከማየት ይጀመራል ዘንድሮ የተሻለ ነገር አይቻለሁ በተለይ የቡድን አባላቱ የወንዶች ማራቶን በጋራ ተሰብስበው ውድድሩን በቴሌቪዝን ሲመለከቱ( ፎቶግራፍ ከስር አለ) ለካ እኛ ኢትዮጵያውያን የሚስተባብረን ካገኘን አንድነትን እንመርጣለን አስብሎኛል፡፡

አሁንም ግን ከቡድኑ ጋር የማይቀላቀሉ የራሳቸውን ውድድር ለማድረግ ብቻ የመጡ ስለ ሌሎች ውጤት የማይሰሙና ከቡድን አባላቶቻቸው ጋር ሰውነት እያሟሟቁ እንኳን ሰላምታ የማይለዋወጡ እንዳሉ ታዝባለሁ፣ ታዲያ ከቡድን ስራ በፊት የቡድኑ አንድነት ላይ መስራት አይቀድም ትላላች፡፡

ማራቶን በለንደን…. 35ተኛ ኪሎ ሜትርን የማለፍ ችግር ከወትሮው በተለየ መልኩ መዞሪያ የበዛበት የዘንድሮው ውድድር በአንድ ስፍራ ላይ አራት ጊዜ መመላለስን ጠይቆዋል፣ በተለይ የመዞሪያው ስፍራ ጠባብ መሆን ውድድሩን ፈታኝ አድርጎታል፣ በወንዶች ማራቶን የማነ ፀጋዬ የቀኝ የውስጥ እግሩ ደም በመቋጠሩ ሩጫውን ለማቋረጥ ተገዳል፣ ፀጋዬ መኮንን አስራ ዘጠነኛ ወጥቶአል፣ በጥሩ አቋም ላይ የነበረው ታምራት ቶላ የእግር ህመም እና የታክቲክ ስህተት ወርቅ አሳጥተውታል፡፡

በ10ሺህ ለመሮጥ ፍላጎቱ የነበረው ታምራት ፌዴሬሽኑም ያቀረበለትን ጥያቄ ቢቀበልም የእግር ህመሙ ግን የትራክ መሮጫ ጫማ ስፓይክ (ከስሩ እሾክ የመሰሉ ጥርሶች ያሉት ጫማ ነው) ሲያደረግ ስለሚነሳበት በሀኪም ትእዛዝ የማራቶን ጫማው ተጨማሪ እግር መደገፊ እንዲገባለት ተደርጎ ሮጦአል፡፡

READ  21 ተቃዋሚ የፖለቲካ ፓርቲዎች ሰባተኛ የድርድር ቅድመ ውይይታቸውን ዛሬ ያካሂዳሉ

ታምራት ወደ 30ኛው ኪሎሜትር ድረስ ኬንዊውን ጄፌሪ ኪሪዊ ጋር እየተፈራረቁ መምራት ቢችሉም ኬንውያኑ ፍጥነቱን ቀንሶ የተቆረጡ የቡድን ጓደኞቹን ሊቀላቅልብኝ ነው ብሎ በማሰብ ፍጥነቱን ጨምሮ ሲወጣ የግራ እግሩ ጉዳት በመቀስቀሱ ቀሪውን ዙር ከነጉዳቱ ለመሮጥ ተገዳል፡፡

አሰልጣኞቹ ግን የታምራትን ፈጥኖ መውጣት ለወርቅ ሜዳሊያ ማጣት እንደ ምክንያት ቀጥረውታል፣ ታምራት እስከ መጨረሻው ኪሎ ሜትር ድረስ አብሮ ቢሄድ ኖሮ የ10 ሺህ ሩዋጭ ስለሆነ ኬንያዊው አትሌት እርሱን የሚያቆም ጉልበት አይኖረውም ሲሉ አስቴየታቸውን ሰጥተዋል፡፡

ማራቶን ቡድናችን የጋራ ዝግጅት አላደረገም፣ ከአራት የተለያዩ የስልጠና ማእከላት ነው የመጣው፡፡ በተለይ በሴቶች ቡድን ሁሉም በየስልጠና ማእከላቸው በፍጥነት ላይ የተመሰረተ ልምምድ ላደረጉ አትሌቶች ውድድሩ ፍጥነት ሲቀንስ የእግር መዛላ ያመጣል ፍጥነትን ጨምሮ ለመጓዝ ግን ከአራት ስልጠና ማእከል ለመጡ አትሌቶች መነጋገር ቢችሉ የውድድሩ ፍጥነት በጋራ በዚህ ኪሎሜትር ይህን ያህል ፍጥነት ላይ አድርገን ይዘነው ብንሄድ በዚህ ያህል ቢፈጥኑብን እኛ ደግሞ በዚህ ያህል ብንቀንሰው ከሰራነው እና ካለን የግል ብቃት አንጻር ተብሎ የአራቱም የስልጠና ማእከላት አሰልጣኞች እንኳን ቢያወሩ የተሻለ ውጤት ማስመዝገብ በተቻለ ነበር፡፡

ሹሬ ደምሴ አምስተኛ ማሬ ዲባባ ስምንተኛ ብርሀን ዲባባ አስረኛ አሰለፈች መርጊያ አስራ ሁለተኛ ወጥተዋል፡፡ ከሁሉም በላይ ግን የስልጠና ዘዴያችን እንዴት ከ35 ኪሎ ሜትር በሁዋላ ማለፍ ያስችለናል የሚለው ሊመለስ የሚገባው ጥያቄ ነው፡፡ DIRETUBE

Continue Reading

Ethiopia

ሰማያዊ ፓርቲ ሕዝባዊ ስብሰባ ጠራ

Published

on

ሰማያዊ ፓርቲ ሕዝባዊ ስብሰባ ጠራ

ሰማያዊ ፓርቲ ከአባላቱና ደጋፊዎቹ ጋር በወቅታዊ የሀገሪቱ ጉዳዮች ላይ ለመምከር ሕዝባዊ ስብሰባ ጠራ።

ፓርቲው ስብሰባውን የሚያካሂደው ጥቅምት 19 ቀን 2010 በአዲስአበባ ሜክሲኮ አካባቢ በሚገኘው የመብራት ሀይል አዳራሽ ነው። ፓርቲው በእለቱ ከቀትር በሀላ በጠራው ስብሰባ ላይ ማንኛውም ኢትዮጵያዊ ሊገኝ እንደሚችል ጥሪ አስተላልፎአል።

ሰማያዊ ፓርቲ በቅርቡ በመስቀል አደባባይ ሊጠራ አቅዶ የነበረው ሕዝባዊ ስብሰባ በአዲስአበባ ከተማ አስተዳደር ቦታው ባለመፈቀዱ መስተጎአጎሉ ይታወሳል።

DIRETUBE

READ  በአማራ ክልል የአስተዳደር ይገባናል ጥያቄዎች ምላሽ እያገኙ ነው
Continue Reading

Africa

የኢትዮጵያ፣ የግብጽ እና የሱዳን የውሃ ጉዳይ ሚኒስትሮች የሶስትዮሽ ስብሰባ በስኬት መጠናቀቁን ተገለጸ

Published

on

የኢትዮጵያ፣ የግብጽ እና የሱዳን የውሃ ጉዳይ ሚኒስትሮች የሶስትዮሽ ስብሰባ በስኬት መጠናቀቁ ተገለጸ

የውጭ ጉዳይ ሚኒስቴር ቃል አቀባይ አቶ መለስ ዓለም በሰጡት ጋዜጣዊ መግለጫ እንዳሉት በቴክኒክ ደረጃ በሶስትዮሽ ብሔራዊ ኮሚቴ ውይይት ወቅት ያልተቋጩ ጉዳዮች ዙሪያ በሶስቱ አገራት የውሃ ጉዳይ ሚኒስትሮች በመግባባት መንፈስ ላይ የተመሰረተ ገንቢ ውይይት ተደርጎ በስኬት ተጠናቋል።

ኢትዮጵያ የድንበር ተሻጋሪ ወንዞችን አጠቃቀም በተመለከተ ካላት በጋራ ተጠቃሚነት፣ ፍትሐዊነት፣ምክንያታዊነት እና ጉልህ ጉዳት ያለማድረስ መርሆዎች በመነሳት ከህዳሴ ግድብ ጋር በተያያዘ ከሁለቱ አገራት ጋር ተባብራ መስራቷን ትቀጥላለች ብለዋል።

እንደ አቶ መለስ ገለጻ የሶስቱ አገራት የውሃ ሚ/ሮች ቀጣይ ውይይታቸውን በቅርቡ በሚገለጽ ጊዜና ቦታ ለማድረግ የተስማሙ ሲሆን ትናንት (ጥቅምት 8 ቀን 2010 ዓ.ም.) የተደረገው ውይይት በበለጠ መግባባትና በግልጽ ወንድማማችነት መንፈስ የተካሄደ ነበር።

የሶስቱ አገራት የውሃ ሚኒስትሮች ጥቅምት 7 ቀን 2010 ዓ.ም በህዳሴ ግድብ በኢትዮጵያ ጋባዥነት ያደረጉት ጉብኝት ታሪካዊ እንደሆነም አቶ መለስ ተናግረዋል።

ለዚህም ማሳያዎቹ በአገሮቹ መካከል ግልጽነትና የመረጃ ልውውጥ እንዲኖር እድል መፍጠሩ፣ በግድቡ ግንባታ ዙሪያ መሬት ላይ እየተከናወኑ ያሉ ተግባራትን ለማየት ማስቻሉ፣ ከጉብኝቱ በኋላ ከግድቡ የቴክኒክ ጉዳዮች አንጻር ሚኒስትሮቹ ላነሷቸው ጥያቄዎች በፕሬጀክቱ ጽ/ቤት በኩል የተሰጠውን አርኪ ማብራሪያ መጥቀስ ይቻላል። ሁለቱ ሚኒስትሮች ኢትዮጵያ ይህንን ጉብኝት በማዘጋጀቷ አመስግነዋል።

የውጭ ጉዳይ ሚኒስቴር በኤምባሲዎችና ቆንስላ ጽ/ቤቶቹ በኩል በ 2009 በጀት ዓመት አራት ነጥብ ዘጠኝ ስምንት (4.98) ሚሊዮን ዶላር የሚያወጣ ቦንድ ሸጧል፡፡ ከፍተኛው ተሳትፎ የተገኘውከመካከለኛ ምስራቅ ነው። በ2010 ዓ.ም የበጀት ዓመት አምስት ነጥብ አንድ (5.1)ሚሊዮን ዶላር ለመሸጥ ታቅዷል፡፡

የህዳሴ ግድብ ግንባታ በተሟሟቀ ሁኔታ እየተከናወነ ይገኛል። በአገር ውስጥና በውጭ የሚገኙ ኢትዮጵያውያንና ትውልደ አትዮጵያውያን በግድብ ግንባታ በገንዘብ የማይተመን የአርበኝነት መንፈስ እየተረባረቡ ናቸው።

READ  6ኛው የጣና ከፍተኛ የሰላምና ደህንነት ፎረም በባህር ዳር ይካሄዳል

ኢትዮጵያ ከህዳሴ ግድብ ጋር በተያያዘ ከግብጽና ሱዳን ጋር በወንድማማችነት መንፈስ ተባብራ መስራቷን ትቀጥላለች፣ ይህም ትብብር ብቸኛው አማራጭ ነው ብላ ስለምታምን ነው።

የውጭ ጉዳይ ሚኒስቴር
ቃል አቀባይ ጽ/ቤት
ጥቅምት 09 ቀን 2010 ዓ.ም.

 

Continue Reading

Ethiopia

የአውራምባ ታይምስ ዋና አዘጋጅና ባለቤት ጋዜጣውን ለመዝጋት እንደወሰነ ተናገረ

Elias Tesfaye

Published

on

አውራምባ ታይምስ

የአውራምባ ታይምስ ዋና አዘጋጅና ባለቤት የሆነው ዳዊት ከበደ ባልተጠበቀ ሁኔታ ጋዜጣውን ለመዝጋት እንደወሰነ ከደቂቃዎች በፊት በማህበራዊ ሚዲያዎች አማካኝነት ተናግሯል።

አውራምባ ታይምስ ድረገጽ በቅርቡ በትግራይ ክልል ከሚገኙ ተጽእኖ ፈጣሪ ወጣቶች (ምሁራን፣ የትግራይ ብሄርተኝነት አራማጆች፣ አክቲቪስቶችና ታዋቂ ግለሰቦች) ናቸው ያላቸው ጋር በተለያዩ ጉዳዮች ላይ ሲያወታይ መቆየቱ ይታወሳል። የድረገፁ መዘጋት እየተደረገ ካለው ውይይት ጋር ተያያዥነት ይኑረው አይኑረው የታወቀ ነገር የለም።

የአቶ ዳዊት ከበደ መግለጫ ይህን ይመስላል።

እ.ኤ.አ ከሜይ 2012 ጀምሮ ላለፉት አምስት አመታት በአገራችን ፖሊቲካዊ፣ ማህበራዊና ኢኮኖሚያዊ ርእሰ ጉዳዮች ዙሪያ በቻለው አቅም መረጃ ሲያቀርብላችሁ የነበረውን ድረገጻችን (www.awrambatimes.com) በተለያዩ (እዚህ በማንገልጻቸው) ፈታኝ ነገሮች ምክንያት ከፊታችን እሁድ ኦክቶበር 22, 2017 ጀምሮ ለመዝጋት የምንገደድ መሆኑን እየገለጽን፣ እስካሁን ስንሰጥ በነበረው የበጎ ፈቃድ አገልግሎት ከጎናችን በመሆን ጠቃሚ ሀሳቦችን በማዋጣት የሞራል ስንቅ ለሆናችሁን በአገር ውስጥና በውጭ ለምትኖሩ ኢትዮጵያዊያን ላቅ ያለ ምስጋናችንን እናቀርባለን።

ለወደፊትም አቅማችን በፈቀደ መጠን (ከግል ህይወታችን በሚተርፈን ጊዜ) ቴክኖሎጂው በፈጠረልን ነጻ የማህበራዊ ሚዲያ “ፕላትፎርም” (Facebook፣ Youtube እና Twitter) አማካኝነት ለአገራችን ሰላም እድገትና ብልጽግና ይጠቅማል የምንለውን ሀሳብ ማራመዳችንን እንደምንቀጥል እናረጋግጣለን።

ከሰላምታ ጋር
ዳዊት ከበደ
አዘጋጅ

 

READ  የስፖርት ማዕድ- ስፖርታዊ መረጃዎች እና የዝውውር ወሬዎች
Continue Reading

Trending

news.et Mobile App!

It's Faster!

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close