Connect with us

Ethiopia

በለንደን የአለም ሻምፒዮና ተሳታፊ የሚሆነው የኢትዮጵያ ቡድን አባላት ከሆቴላቸው ውስጥ ተዘረፉ

Published

on

በለንደን የአለም ሻምፒዮና ተሳታፊ የሚሆነው የኢትዮጵያ ቡድን አባላት ከሆቴላቸው ውስጥ ተዘረፉ

በለንደን የአለም ሻምፒዮና ተሳታፊ የሚሆነው የኢትዮጵያ ቡድን አባላት ከሆቴላቸው ውስጥ ተዘረፉ | ታደለ አሰፋ ከለንደን

ከአምስት በላይ የሚሆኑት የኢትዮጵያ አትሌቶች ትላንት ካረፉበት ሆቴል ውስጥ ይዘውት የነበረው ገንዘብ ተዘርፈዋል፡፡

በለንደን ታወር ብሪጅ አቅራቢያ እሚገኘው ጉማን የተሰኘ ሆቴል ውስጥ ያረፉት አትሌቶች መካከል ገንዘቤ ዲባባ፣ ጥሩነሽ ዲባባ፣ ማሬ ዲባባ፣ ሰንበሬ ተፊሪ ናቸው በሆቴላቸው ክፍል ውስጥ ያስቀመጡት ገንዘብ ከመሳቢ ውስጥ እና ከገንዘብ ቦርሳቸው ውስጥ የተዘረፈው፣ ዝርፊያው ለሆቴሉ ማናጀሮች ያመለከቱት አትሌቶቹ ድንጋጤ ውስጥ ገብተው ታይተዋል፡፡

የሆቴሉ ማናጀሮችም ዝርፊያውን የማጣራቱን ስራ ጀምረዋል፡፡ DIRETUBE

READ  ህንድና ኢትዮጵያ በንግድ፣ በኢንቨስትመንት እና ኮሙዩኒኬሽን የትብብር ስምምነቶች ተፈራረሙ
Continue Reading

Ethiopia

ሰማያዊ ፓርቲ ሕዝባዊ ስብሰባ ጠራ

Published

on

ሰማያዊ ፓርቲ ሕዝባዊ ስብሰባ ጠራ

ሰማያዊ ፓርቲ ከአባላቱና ደጋፊዎቹ ጋር በወቅታዊ የሀገሪቱ ጉዳዮች ላይ ለመምከር ሕዝባዊ ስብሰባ ጠራ።

ፓርቲው ስብሰባውን የሚያካሂደው ጥቅምት 19 ቀን 2010 በአዲስአበባ ሜክሲኮ አካባቢ በሚገኘው የመብራት ሀይል አዳራሽ ነው። ፓርቲው በእለቱ ከቀትር በሀላ በጠራው ስብሰባ ላይ ማንኛውም ኢትዮጵያዊ ሊገኝ እንደሚችል ጥሪ አስተላልፎአል።

ሰማያዊ ፓርቲ በቅርቡ በመስቀል አደባባይ ሊጠራ አቅዶ የነበረው ሕዝባዊ ስብሰባ በአዲስአበባ ከተማ አስተዳደር ቦታው ባለመፈቀዱ መስተጎአጎሉ ይታወሳል።

DIRETUBE

READ  ተስፋ የሚጣልባቸው አጥፊዎች | በያሬድ ነጋሽ
Continue Reading

Africa

የኢትዮጵያ፣ የግብጽ እና የሱዳን የውሃ ጉዳይ ሚኒስትሮች የሶስትዮሽ ስብሰባ በስኬት መጠናቀቁን ተገለጸ

Published

on

የኢትዮጵያ፣ የግብጽ እና የሱዳን የውሃ ጉዳይ ሚኒስትሮች የሶስትዮሽ ስብሰባ በስኬት መጠናቀቁ ተገለጸ

የውጭ ጉዳይ ሚኒስቴር ቃል አቀባይ አቶ መለስ ዓለም በሰጡት ጋዜጣዊ መግለጫ እንዳሉት በቴክኒክ ደረጃ በሶስትዮሽ ብሔራዊ ኮሚቴ ውይይት ወቅት ያልተቋጩ ጉዳዮች ዙሪያ በሶስቱ አገራት የውሃ ጉዳይ ሚኒስትሮች በመግባባት መንፈስ ላይ የተመሰረተ ገንቢ ውይይት ተደርጎ በስኬት ተጠናቋል።

ኢትዮጵያ የድንበር ተሻጋሪ ወንዞችን አጠቃቀም በተመለከተ ካላት በጋራ ተጠቃሚነት፣ ፍትሐዊነት፣ምክንያታዊነት እና ጉልህ ጉዳት ያለማድረስ መርሆዎች በመነሳት ከህዳሴ ግድብ ጋር በተያያዘ ከሁለቱ አገራት ጋር ተባብራ መስራቷን ትቀጥላለች ብለዋል።

እንደ አቶ መለስ ገለጻ የሶስቱ አገራት የውሃ ሚ/ሮች ቀጣይ ውይይታቸውን በቅርቡ በሚገለጽ ጊዜና ቦታ ለማድረግ የተስማሙ ሲሆን ትናንት (ጥቅምት 8 ቀን 2010 ዓ.ም.) የተደረገው ውይይት በበለጠ መግባባትና በግልጽ ወንድማማችነት መንፈስ የተካሄደ ነበር።

የሶስቱ አገራት የውሃ ሚኒስትሮች ጥቅምት 7 ቀን 2010 ዓ.ም በህዳሴ ግድብ በኢትዮጵያ ጋባዥነት ያደረጉት ጉብኝት ታሪካዊ እንደሆነም አቶ መለስ ተናግረዋል።

ለዚህም ማሳያዎቹ በአገሮቹ መካከል ግልጽነትና የመረጃ ልውውጥ እንዲኖር እድል መፍጠሩ፣ በግድቡ ግንባታ ዙሪያ መሬት ላይ እየተከናወኑ ያሉ ተግባራትን ለማየት ማስቻሉ፣ ከጉብኝቱ በኋላ ከግድቡ የቴክኒክ ጉዳዮች አንጻር ሚኒስትሮቹ ላነሷቸው ጥያቄዎች በፕሬጀክቱ ጽ/ቤት በኩል የተሰጠውን አርኪ ማብራሪያ መጥቀስ ይቻላል። ሁለቱ ሚኒስትሮች ኢትዮጵያ ይህንን ጉብኝት በማዘጋጀቷ አመስግነዋል።

የውጭ ጉዳይ ሚኒስቴር በኤምባሲዎችና ቆንስላ ጽ/ቤቶቹ በኩል በ 2009 በጀት ዓመት አራት ነጥብ ዘጠኝ ስምንት (4.98) ሚሊዮን ዶላር የሚያወጣ ቦንድ ሸጧል፡፡ ከፍተኛው ተሳትፎ የተገኘውከመካከለኛ ምስራቅ ነው። በ2010 ዓ.ም የበጀት ዓመት አምስት ነጥብ አንድ (5.1)ሚሊዮን ዶላር ለመሸጥ ታቅዷል፡፡

የህዳሴ ግድብ ግንባታ በተሟሟቀ ሁኔታ እየተከናወነ ይገኛል። በአገር ውስጥና በውጭ የሚገኙ ኢትዮጵያውያንና ትውልደ አትዮጵያውያን በግድብ ግንባታ በገንዘብ የማይተመን የአርበኝነት መንፈስ እየተረባረቡ ናቸው።

READ  «እስላማዊ መንግስት» ለመመስረት አሴሩ የተባሉ ተፈረደባቸው

ኢትዮጵያ ከህዳሴ ግድብ ጋር በተያያዘ ከግብጽና ሱዳን ጋር በወንድማማችነት መንፈስ ተባብራ መስራቷን ትቀጥላለች፣ ይህም ትብብር ብቸኛው አማራጭ ነው ብላ ስለምታምን ነው።

የውጭ ጉዳይ ሚኒስቴር
ቃል አቀባይ ጽ/ቤት
ጥቅምት 09 ቀን 2010 ዓ.ም.

 

Continue Reading

Ethiopia

የአውራምባ ታይምስ ዋና አዘጋጅና ባለቤት ጋዜጣውን ለመዝጋት እንደወሰነ ተናገረ

Elias Tesfaye

Published

on

አውራምባ ታይምስ

የአውራምባ ታይምስ ዋና አዘጋጅና ባለቤት የሆነው ዳዊት ከበደ ባልተጠበቀ ሁኔታ ጋዜጣውን ለመዝጋት እንደወሰነ ከደቂቃዎች በፊት በማህበራዊ ሚዲያዎች አማካኝነት ተናግሯል።

አውራምባ ታይምስ ድረገጽ በቅርቡ በትግራይ ክልል ከሚገኙ ተጽእኖ ፈጣሪ ወጣቶች (ምሁራን፣ የትግራይ ብሄርተኝነት አራማጆች፣ አክቲቪስቶችና ታዋቂ ግለሰቦች) ናቸው ያላቸው ጋር በተለያዩ ጉዳዮች ላይ ሲያወታይ መቆየቱ ይታወሳል። የድረገፁ መዘጋት እየተደረገ ካለው ውይይት ጋር ተያያዥነት ይኑረው አይኑረው የታወቀ ነገር የለም።

የአቶ ዳዊት ከበደ መግለጫ ይህን ይመስላል።

እ.ኤ.አ ከሜይ 2012 ጀምሮ ላለፉት አምስት አመታት በአገራችን ፖሊቲካዊ፣ ማህበራዊና ኢኮኖሚያዊ ርእሰ ጉዳዮች ዙሪያ በቻለው አቅም መረጃ ሲያቀርብላችሁ የነበረውን ድረገጻችን (www.awrambatimes.com) በተለያዩ (እዚህ በማንገልጻቸው) ፈታኝ ነገሮች ምክንያት ከፊታችን እሁድ ኦክቶበር 22, 2017 ጀምሮ ለመዝጋት የምንገደድ መሆኑን እየገለጽን፣ እስካሁን ስንሰጥ በነበረው የበጎ ፈቃድ አገልግሎት ከጎናችን በመሆን ጠቃሚ ሀሳቦችን በማዋጣት የሞራል ስንቅ ለሆናችሁን በአገር ውስጥና በውጭ ለምትኖሩ ኢትዮጵያዊያን ላቅ ያለ ምስጋናችንን እናቀርባለን።

ለወደፊትም አቅማችን በፈቀደ መጠን (ከግል ህይወታችን በሚተርፈን ጊዜ) ቴክኖሎጂው በፈጠረልን ነጻ የማህበራዊ ሚዲያ “ፕላትፎርም” (Facebook፣ Youtube እና Twitter) አማካኝነት ለአገራችን ሰላም እድገትና ብልጽግና ይጠቅማል የምንለውን ሀሳብ ማራመዳችንን እንደምንቀጥል እናረጋግጣለን።

ከሰላምታ ጋር
ዳዊት ከበደ
አዘጋጅ

 

READ  ተስፋ የሚጣልባቸው አጥፊዎች | በያሬድ ነጋሽ
Continue Reading

Trending

news.et Mobile App!

It's Faster!

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close