Connect with us

Art and Culture

ሀገር ሲቀል ሰነፍ ያሻውን ይወቅሳል | ኃይሌ ገብረ ሥላሴ የምንጊዜም ጀግናችን ነው

Published

on

ሀገር ሲቀል ሰነፍ ያሻውን ይወቅሳል፡፡ ኃይሌ ገብረ ሥላሴ የምንጊዜም ጀግናችን ነው፡፡

ሀገር ሲቀል ሰነፍ ያሻውን ይወቅሳል፡፡ ኃይሌ ገብረ ሥላሴ የምንጊዜም ጀግናችን ነው፡፡ እንኳን ሌላ አስሩጦ ሩጦም አስከብሮናል፡፡
(ከስናፍቅሽ አዲስ )

ከዓለም ጋር ለንደን ነን፡፡ የአትሌቶቻችን ስኬትና ውድቀት ሂሳብ ለማወራረድ ሰሞኑን ኃይሌ ገብረ ሥላሴ ላይ የተከፈተውን ዘመቻ ዝም ብሎ ማለፍ አልቻልኩም፡፡

በእርግጥ በዓለም አደባባይ የምንፈልገውን በማጣታችን እንደሁሌው ሁሉ ጣቶች መቀሰር ጀምረዋል፡፡ ግን የእኔ ጣት እከሌ ላይ ለመጠቆም ሞራሉ፣ አቅሙ፣ መንፈሱና ጉልበቱ አላት ወይ ብሎ መጠየቅ ግን ውሎ እያደር ጠፍቷል፡፡

ብዙ ወርቅ የመላ ኢትዮጵያውያን መሻት ነው፡፡ ከአትሌቶቻችንም ድል መጠበቅ በራሱ ወንጀል አይደለም፡፡ ድል ሲርቅ የምንኮንነው ሰው፣ የምንኮንንበት መንገድ እና ራሳችንን ብቻ ባለቤት አድርገን ሌላው ሀገር ጠይ ጠላት እንደሆነ መፈረጁ ነው ያልተቀየረው ዓመላችን፡፡

የሃይሌ ቲም የኢትዮጵያን አትሌቲክስ ከያዘ የተወለደ ልጅ ገና ጥርስ ያላበቀለበት ያክል እድሜ ያስቆጠረ ነው፡፡

ሃይሌ እና ወዳጆቹ ተጋድለው አትሌቲክስን ለመምራት የመጡት ሳንቲም ለመቃረም አይደለም፡፡ በሰው ድል መክበርም አይሹም፤ ከብረው ያስከበሩን ናቸው፡፡ ከፍ ያደረጉን፡፡ ሚሊዮን ሆነን የአንዳቸውን ያህል ሀገር ሳናስጠራ ለኖርነው ህዝቦች መጠሪያ የሆኑ ባለውለታዎች ናቸው፡፡

የእረፍት ዘመናቸውን ዳግም አበሳ ለበዛው አትሌቲክስ ሰጥተው ቁም ስቅላቸውን ሲያዩ አየር ከመሻማት ውጪ አንዳች ፋይዳ ለሀገር ያላበረከተ ሁሉ ምላሱን ማስረዘም ያለበት አይመስለኝም፡፡

ሁሌም ቀጥሎን የምናስብ ትውልዶች ተተክተን፤ ዛሬ ካልሆነ ለነገ ምን ያድርግልናል ባይነት አውሬ አድርጎናል፡፡ አውሬ እንኳን ወዳጆቹንና ባለ ውለታዎቹን ልጆቹን ይበላል፡፡ ድል ከእኛ ሲርቅ እዚህ ግባ የሚባል ታሪክ የሌለው እየተነሳ ታሪካችንን፣ ክብራችንን እና ስማችንን እንካ ቅመስ ሲለው ዝም ማለት ወግ አይመስለኝም፡፡

READ  የኢትዮጵያ አየር መንገድ አውሮፕላን በህንድ በገጠመው የቴክኒክ ችግር ለማረፍ ተገደደ ተባለ

ማህበራዊ ሚዲያው ላይ እዚህም እዚያም ድሮም ሃይሌ የሚሉ መልዕክቶች ጥቂት መሰሪዎች በረጩት መርዝ ብዙሃን መንጋዎች ነጉደው ሀገር ተው ባይ የላትም ይሆን እያስባሉን ነው፡፡

ከወርቁ የሚበልጡት ወርቁን የሚያመጡት የእኛ ሰዎች ናቸው፡፡ የእኛ የምንላቸው ኢትዮጵያዊነትን ስለሚወዱ ነው፡፡ እንዲያማ ባይሆን ለባህሬን ሩጠው ድልን ሲቀናጁ በደም የእኛ ናቸው ብለን የእኛን ድል ማድረግ ያህል በጨፈርን፤ ግን እውነታው እንዲያ አይደለም፡፡

ኢትዮጵያዊነት እንኳን እኛ ዓለም የሚያውቀው እንደ ሃይሌ ባለው ሰው መስኮትነት የሚታይን ክብር እንጂ ኢንተርኔት ቤት ተወትፎ ታላቁን ሰው ታናሽ ለማድረግ በሚደረግ ዘመቻ አይደለም፡፡ አባቶቻችን ሀገር ሲቀል ሰነፍ ያሻውን ይወቅሳል እንዲሉለ፡፡ DIRETUBE

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close