Connect with us

Art and Culture

ሰይፉ ፋንታሁን መመስገን አለበት!

Published

on

ሰይፉ ፋንታሁን መመስገን አለበት!
(ሚካኤል አስጨናቂ ፥ በድሬ ቲዩብ )

ሰላም ተወዳጆች እንደምን ሰንብታችኋል? መቼም የዘንድሮ ሰው ወዳጁ ሲጠፋ ወዴት ገብቶ ይሆን ብሎ እንኳ አይፈልግም?! ምፅ!
የሆነውም ሆኖ መተናል !

በሰሞኑ አንድ አባታችን በሞት ከዚህ ዓለም መለየታቸውን ተከትሎ በእጅጉ አዝነን የነበረ ቢሆንም ፥ ታሪክ ሰርተውና ትውልድ አንፀው ያለፉ አባታችን በአካል ቢለዩንም ባቆዩልን መልካም ስራዎች ግን ሁሌም ከጎናችን እንዳሉ ስለሚሰማን ተፅናንተናል!

አዎን አባባ ተስፋዬ ማለት ፥ በቴሌቪዥን መስኮት ላይ ብቅ ብለው ሲመክሩን ሲገስፁን ተረትም ሲተርኩልን ሁሌም አጠገባችን ያሉ ያህል ጥልቅ የሆነ የደስታ ስሜት እንደሚሰማን ለማስታወስ ሁላችንም ቢሆን ወደልጅነት ህይወታችን ለአንድ አፍታ ያህል በትዝታ መመለስ ብቻ ጥሩ ምስካሬ ሊሆነን ይችላል።

ይህም ብቻ አይደለም ፥ እኒህ ከያኒ አባታችን ፣ እኒህ መካሪ አባታችን ከቴሌቪዥን መስኮት ተለይተው በነበሩበትም ወቅት ላይ ሁላችንም አንዳች ነገር የጎደለን ያህል ስሜትም የተሰሙን ጊዜያትም ነበሩ።

በነዚህ ጊዜያት ውስጥ ደግሞ ከአብዛኛዎቻችን የዚህ ትውልድ ልማድ ውጭ በሆነ ሁኔታ ጋዜጠኛው ሰይፉ ፋንታሁን እኒህን አባት በተደጋጋሚ በመጎብኘትና ከጎናቸውም ባለመለየት ከተነፋፈቁት ህዝብ ጋርም መልሰው እንዲገናኙ ያደረገበት ሁኔታ ነበር።
እኛም እንግዲህ ብዕራችንን በማንሳት ፥ ሰውም በህይወት እያለ ለሰራው መልካም ስራ መመስገን አለበት በማለት ጋዜጠኛውን ሰይፉ ፋንታሁን ሆይ ስላደረከው መልካም ስራ ሁሉ ልናመሰግንህ እንወዳለን በማለት ላቅ ያለ አክብሮትና ከበሬታችንን ይኸው አድርሰናል።
መልካም ምሽት ! DIRETUBE

READ  በጅማ የቦምብ ጥቃት በ13 ሰዎች ላይ ጉዳት አደረሰ

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close