Connect with us

Art and Culture

ጳጳስና ፓትረያሪክ ፊት የነሳው የአባባ ተስፋዬ ቀብር

Published

on

ጳጳስና ፓትረያሪክ ፊት የነሳው የአባባ ተስፋዬ ቀብር

ጳጳስና ፓትረያሪክ ፊት የነሳው የአባባ ተስፋዬ ቀብር | እዚህ ሀገር አንድ ነጠላ ዜማ ካልሰራህ አልያም ተከታታይ የቴሌቨዥን ቧልት ላይ ካልቦለትክ እንኳን ሀገር ቤተክህነትም አታከብርህም፡፡ | ከስናፍቅሽ አዲስ

ከሰው ኑሮ ይልቅ የሰው ሞት ብዙ የሚያስተምርበት ዘመን ላይ ደርሰናል፡፡ አባባ ተስፋዬ ዝቅ ብለው ኖረው ከፍ ብለው እንዲቀበሩ የተደረገውን ጥረት አይተናል፡፡ ለአንድ ቀን አዳራሹን የማይፈቅድ ተቋም እንደ አስለቃሽ ሬሳ ስር መርመስመስ ባህሉ በሆነባት ሀገር መሞት ሁለት ሞት ነው፡፡

የአባባ ተስፋዬ ቀብር ላይ የጠበቅነው ቀርቶ ያልጠበቅነው ሆኗል፡፡ የባህል ቱሪዝም ሚኒስቴር ሹማምንት ከሕይወት ዘመኑ ከያኒ ጋር የሚያገናኛቸው ነገር የለም መሰል አፈር ለማልበስ ጊዜ አጥተዋል፡፡ በተቃራኒው የኢትዮጵያው ምክትል ጠቅላይ ሚኒስቴር ክቡር አቶ ደመቀ መኮንን  በአባባ ተስፋዬ የቀብር ሥነ-ሥርዓት ላይ ተገኝተዋል፡፡

መንግስት በሁለተኛው ሰው የተወከለበት የቀብር ሥነ-ሥርዓት ላይ ቤተ ክህነት ሲሆን ፓትረያሪኳን አሊያም ጳጳሳቷን ወክላ ትገኛለች ብሎ የማይጠረጥር ዜጋ አለ ብዬ አላምንም፡፡

ቤተ ክህነት ከኢየሱስ ቼጉቬራ ይበልጥብኛል ብሎ የሚያምነውንና እምነቱን በአደባባይ ለወጣቶች ሲሰብክ የኖረውን ደራሲ ስብሐት ገብረ እግዚአብሔር በፓትረያሪኩ መሪነት በብጹአን ጳጳሳት አጃቢነት በክብር ቀብረዋለች፡፡

በርካታ ድምጻውያን በጳጳሳት አጀብ ቀብረናል፡፡ በቴሌቨዥን ድራማዎች ላይ ከማሳቅ ያለፈ ሚና ለትውልዱ ትተው ያላለፉ ሰዎች በቤተክህነት ክብር አግኝተው ከፍ ባለ መንፈሳዊ ማዕረግ ሲቀበሩ አይተናል፡፡

በእርግጥ አሁን የገባኝ ነገር ቤተ ክህነት በክብር እንድትቀብርህ ኢትዮጵያን ወክለህ ኮርያ መዝመት የለብህም፤ ሕይወት ዘመንህን ህጻናትን ለማረቅ መድከምህም አይበጅህም፡፡

ይልቁንም አንድ ዘፈን ዝፈን፤ አሊያም ራሷን ጨምረህ እየሸረደድክ ተፈላሰፍ፣ ወይም ዝናህ ከገንዘብህ ጋር ከፍ ብሎ ግነን ያኔ፤ አቤት የጳጳሳቱ ብዛት፤ ያኔ አቤት የሰንበት ተማሪው ዝማሬ፤ ያኔ አቤት የቀሳውስቱ ጥንድ ድርብ፤ አባባ ተስፋዬ ምናልባትም የመጨረሻውን ምዕራፍ ሲንከራተቱ የተመለከቱ የቤተ ክህነት ሹማምንት መንግሥት የማይፈልጋቸው ይሆኑ ይሆን በሚል ችላ ያሉት የቀብር ስነ-ሥርዓት ላይ ምክትል ጠቅላይ ሚኒስትሩ ተገኙ፡፡

READ  ደራሲው- «በደራሲው መፅሐፍ ድርሰትን ሲደርስ»

ሃይማኖታቸውን ጠብቀው ያለፉት የኢትዮጵያ ታላቅ ሰው የሃይማኖት አባቶችን ትኩረት ባልሳበ የቀብር ሥነ-ሥርዓት ተሸኙ፡፡ ጳጳስና ፓትረያሪክ ፊት የነሳው የአባባ ተስፋዬ ቀብር ተረሳና ሕይወት ሌላ ምዕራፍ ጀመረች፡፡ DIRETUBE

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close