Connect with us

Art and Culture

ከጾለቶች ሁሉ ምላሽ የማያገኝ፤ ‹‹እባክህ ጌታ ሆይ አክባሪ ሴት ስጠኝ!››

Published

on

ከጾለቶች ሁሉ ምላሽ የማያገኝ፤ ‹‹እባክህ ጌታ ሆይ አክባሪ ሴት ስጠኝ!››

ከጾለቶች ሁሉ ምላሽ የማያገኝ፤
‹‹እባክህ ጌታ ሆይ አክባሪ ሴት ስጠኝ!››
(አሳዬ ደርቤ በድሬቲዩብ )


በዚህ መሬት ላይ እንደሚስቴ የምፈራው ፍጡር የለም፡፡ በቁመት ከቻርሊ ቻፕሊን የምታንስ ቢሆንም ስትቆጣ ግን ከሜትር አርቲስት አፈ-ወርቅ ተክሌ› ትረዝማለች፡፡ ሚስቴ በአንድ ወገኗ ከአቦ-ሸማኔ ጋር የሚያዛምዳትን ጥፍሯን የምታሳድገው እኔን ለመሟጨር እንጂ ለጣቶቿ ማማር ስለምታስብ ነው ብዬ አልወስደውም፡፡ እኔን ካገባቸ ጊዜ ጀምሮ እንደ ጥፍር ቀለም የምትጠቀመው የኔን ደም ሁኗል፡፡ በዚህም የተነሳ ደም ልለግስ ወደ ቀይ መስቀል ሄጄ ተለግሼ መመለሴ የቅርብ ጊዜ ትዝታዬ ነው፡፡
.
ሹራብ ስገዛ ከውበቱ በላይ ባለ ኮፊያ ስለመሆኑ እጠነቀቃለሁ፡፡ ኮፊያው ከጸሐይ ጨረር ብቻ ሳይሆን ቢያንስ በሳምንት ሁለት ቀን በሚስቴ ሹል ጥፍር አንገቴ ላይ የሚፈጠርን ንቅሳት ለመደበቅ ይረዳኛል፡፡

ሃይለኝነቷ ሲደክማት የዋለ ቀን ይብሳል፡፡ የድካሟ ምንጭ ተጫምታው ከምትውለው ባለ ተረከዝ ጫማዋ ጋር የተያያዘ መሆኑን በተደጋጋሚ ብነግራትም ‹‹አጭር›› ከመባል ይልቅ ሲደክሙ መዋልን ምርጫዋ አድርጋዋለች፡፡ እናም በቀጫጫ እግሯ ‹‹አይፈል ታወርን›› ስትገትት ትውልና አመሻሽ ላይ በድካም ዝላ ወደ ቤቷ ስትመጣ ሁሉም ነገር ለጠብ የሚያነሳሳት ሆኖ ያርፋል፡፡
.
የሚስቴ የሃይለኝነት ባህሪ እኔ ላይ ብቻ ሳይሆን ሞባይሌም ላይ ተፅዕኖውን አሳርፏል፡፡ ልክ ባለቤቴ ስትደውል መጥሪያውን ከሳይለት ሞድ ወደ ቫይብሬሽን በራሱ ጊዜ ይቀይርና መንቀጥቀጥ ይጀምራል፡፡

ምን ያድርግ? እኔ ባመጣሁበት ጣጣ እሱም ብዙ ጊዜ የመፈርከስ አደጋ ደርሶበታል፡፡
ይሄንን ለጉዳት የተፈጠረ ስልክ እንደገዛሁት አካባቢ አብዛኛው ባለትዳር ወንድ እንደሚያደርገው ሁሉ በፓስወርድ ተብትቤው ነበር፡፡ ሆኖም ግን እንዲህ ማድረጌ ከእሷ የሚደበቅ ሚስጥር ስላለኝ ሳይሆን ‹‹ጊዜው ሲደርስ የፍች ማመልከቻዬን እሰጣታለሁ›› በማለት ነው፡፡

READ  የታዳጊ አትሌቶች እድሜ ሌላኛው የአትሌቲክሱ ራስ ምታት

አንድ ቀን ታዲያ ይሄን ትብታቦዬን ስፈታ ሚስቴ ከአጠገቤ መቀመጧን ዘንግቸው ነበር፡፡
‹‹ፍቅርዬ እንዲህ ያለ ውስብስብ ፓስወርድ ስልክህ ላይ የምታደርገው ለምንድን ነው?›› አለችኝ ከእሷ በማይጠበቅ ለስላሳ ድምጽ፡፡
ዝም ብዬ ስራ ስፈታ ያደረኩት መሆኑን ነገርኳት፡፡
‹‹እስኪ ፍታው አለችኝ፡፡››
‹‹ትዳራችንን ነው?›› ልላት ብዬ ሙጭሪያዋን ስለፈራሁ መስመሮችን በማገጣጠም የሰራሁትን ላሊበላንና አክሱምን አጣምሮ የያዘ ፓስወርድ ፈትቼ ሰጠኋት፡፡
‹‹አሁን ደግሞ የፌስቡክህን ፓስወርድ አስገባው›› አለችኝ ብሮውሰሩን ከፍታ እየሰጠችኝ፡፡

አዕምሮዬን በፍጥነት በማሰራት በትክክለኛው ሰዓት ‹‹ሊዮ›› ኮከቤ ያደለኝን የትወና ብቃት ከተቀመጥኩበት ተስፈንጥሬ በመነሳት እተገብረው ጀመር፡፡

‹‹ለምንድን ነው ግን የሞቀ ትዳራችንን ባልተገባ ጥርጣሬ ውሃ የምትከልሽበት? ለምንድን ነው የዋህና አፍቃሪ ልቤን እንደ አንገቴ በየቀኑ የምትተለትይው?›› ወዘተረፈ እያልኩ ያለ ምንም እረፍት ለሩብ ሰዓት ያህል ዘበዘብኩኝ፡፡ (ጌትነት እንየውም እንዲህ አይተውን!)

‹‹በቃ ተወው እሽ የኔ ጌታ አትናደድብኝ›› ስትለኝ መንጎራደዴን አቁሜ እያለከለኩኝ ከአጠገቧ አረፍ አልኩኝ፡፡ (በጊዜው ከድካሜ ተነስቼ ማረጋገጥ የቻልኩት ነገር የቲያትር ተዋናዮች የድካማቸውን ያህል ክፍያ እንደማያገኙ ነው፡፡)

እናም በጣቷ አንገቴን እየደባበሰች ‹‹የማላምንህ እኮ ማርዮ….›› ስትለኝ ከአፏ ቀበል አድርጌ ‹‹የማታምኒኝ እኮ!›› አልኳት መለሳለሷ ያልታሰበ ጥቃት ለመሰንዘር መሆኑን ሳልረዳ፡፡

‹‹የማላምንህማ ሲያምኑህ የማትታመን ሰላቢ ተዋናይ መሆንህን ስለማውቅ ነው›› ብላ ስታሻሸው የነበረውን አንገቴን በብርሐን ፍጥነት በጥፍሯ ተለተለችው፡፡ ይሄም አልበቃ ብሏት አምስት ሺህ ጉብላሊት ጓደኞቼን እንደያዘ ሳምሰንግ ሞባይሌን ወለሉ ላይ አረገፈችው፡፡

ለአፍታ ይህል በልሳን ካወራሁ በኋላ ወደ መስታወቱ ሄጄ አንገቴን ስመለከተው ሞባይሌ ላይ የተበተብኩት ፓስወርድና አንገቴ ላይ ያሰመረችልኝ ንቅሳት በቅርጹ ተመሳሳይ የሚባል ነበረ፡፡
.
ይሄም ሆኖ ልፈታት እንጂ ልመታት አልፈልግም፡፡ ካልቾዬን ባሳርፍባት ከእሷ መጎዳት ባለፈም አገራችንን ‹ረዥም ርቀት ተምዘግዛጊ ሚሳዔል ተኮሰች› ብለው ሃያላን አገሮች ማዕቀብ ሊጥሉባት ይቻላሉ፡፡

READ  በቆሼ አደጋ ጉዳት የደረሰባቸው ወገኖች መኖሪያ ቤት ተሰጣቸው

በነገራችን ላይ አብዛኛው ባለትዳር ወንድ ታቅፎት የሚዞረውን ግርማ ሞገስና ክብር ወደ ቤቱ ሲገባ ይዞት አይገባም፡፡ እንደ እኔ በሚስቱ ጥፍር ባይተለተል እንኳን በነገር ሲቀቀል የሚያድር ነው፡፡

ሌላውን ተውትና አጼ ቴወድሮስን ዉሰዱ፡፡ በጀግንነታቸው ምድር የምትርድላቸው ንጉስ ቢሆንም ይሄ ጀግንነታቸው ግን በሚስታቸው በጥሩ-ወርቄ ፊት ላይ ግርማ አልነበረውም፡፡

ባንድ ወቅት እንደውም ላንድ ንጉስ በማይመጥን መልኩ በግልምጫ ስታፈርጣቸው ገብርዬ ተመልክቶ ‹‹እንዴት ብትጠግብ ነው ጌታዬን ለመዳፈር የበቃችው›› ብሎ ሲቆላጭ አጼው የመለሱለት ‹‹አይ ገብርዬ አንተ የምታውቀኝ ታጥቄ፣ እሷ የምታውቀኝ አውልቄ›› በማለት ነበር፡፡

ያም ሆኖ በእኛ በኩል ግን ከልብሳቸውን ጋር ጸጉራቸውንም ጭምር አውልቀው ሚስቶቻችንን ስናያቸው ምስኪን ከመሆናችን የተነሳ የማነቅ እንጂ የመናቅ ስሜት ገጽታችን ላይ አይስተዋልም፡፡ DIRETUBE

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close