Connect with us

Art and Culture

ጥቁር በግ

Published

on

ጥቁር በግ

ጥቁር በግ | በያሬድ ነጋሽ

ሴትየዋ አዲስ ሆቴል ትከፍትና ገበያ የማብዛት አንዳች ምትሀታዊ ድግምት አለው ወደ ተባለው ግለሰብ ዘንድ ትሄዳለች ፡፡ ግለሰቡ ወዳለበት ቦታ በእርሶ መጃን ብላ በእንብርክክ ደረሰች፡፡ አዲስ ሆቴል መክፈቷ እና ቤቷ በገበያ እንዲጥለቀለቅ እንዲያደርግላት ፈልጋ እርሱ ድረስ እንደመጣች ነገረችው፡፡

አዋቂውም ጉዳዩን እያጤነ በመምሰል በዝምታ ቆየ፡፡ ትንሽ ቆይቶም ዶቃ እና ጨሌውን ምራቁን እንፍ እያለ አሻሽቶ መሬቱ ላይ ጣለው ፡፡ ቀጥሎም ጨሌውና ዶቃው አመላከቱኝ የሚለውን ለመናገር እተዘጋጀ ከዛ በፊት ግን 100,000 ብር ፊት ለፊት ባለው ሙዳይ ላይ እንድታስቀምጥ ያዛታል ፡፡ እሷም “ገበያዬ ይብዛ እንጂ አረ እኔ ምን ገዶኝ” በማለት የ100,000 ቼክ ፅፋ አስቀመጠችለት፡፡አዋቂው ትዛዝና ትንቢቱን ደባልቆ ይነግራት ጀመር ፡፡ ጥቁር በግ ገዝታ ቆዳውን በግቢዋ አትክልት ስፍራ ውስጥ እንድትቀብረው እና ስጋውን ደግሞ ዱለት እያደረች ለተጠቃዎች ቁርስ ላይ እንድትሰጣቸው ነገሯት ይህንን ነገር ለአራት ጊዜ እንድትሞክረው ያዛታል፡፡ ይህንንም ካደረገች ቤቷ በገበያ እንደሞላ ገልፆላት ተለያዩ፡፡

ባለሆቴሏም አዋቂው እንዳላት አንዳች ሳታጎድል ለማድረግ እንቅስቃሴ ጀመረች፡፡ ለአራት ጊዜ የሚሆኗትን ጥቋቁር በጎች ገዛች ፡፡ በመጀመሪያውም ዙር አንዱን በግ አርዳ ቆዳውን በአትክልቱ ሥፍራ ውስጥ ቀበረች ፡፡ ዱለቱንም ቁርስ ላይ በነፃ ለተመጋቢዎች ሰጠች፡፡ አዋቂው አልተሳሳተም ነበር፡፡ ቤቷ ከቁርስ እስከ እራት በሰዎች ተጨናነቀ፡፡ ነገሮች እንዲሁ እንደቀጠሉ ነው፡፡ በሆቴሏም አራቱንም ዙር ሳታቋርጥ በጎቹን እያረደች ቆዳውን እየቀበረች ዱለቱን ቁርስ ላይ ለሰዎች እየሰጠች ቤቷም በሰዎች እንደተጥለቀለቀ ነው ፡፡ አዋቂው አራት ጊዜ እንድታደርግ ያዘጋት ድግምት ካለቀ በኋላ ግን የደንበኛው ቁጥር እየቀነሰ ሄዶ በኋላም ዝም ጭጭ ማለት ጀመረ ፡፡ይህም ጉዳይ ባለሆቴሏን ክፉኛ አስጨነቃት፡፡ በድጋሚም አዋቂው ዘንድ ሄዳ በእርሶ መጀን ምን አጉድዬ ይሆን ብላ ለመለማመን ለመሄድ ተነሳች፡፡

READ  የአዲስ አዲስ አበባ ዩኒቨርሲቲ ለአምስት ምሁራን የፕሮፌሰርነት ማዕረግ ሰጠ

ያሄ ምኑ ነው ድግምት ? እንዲመስል ግን ጥቁር በግ አርደሽ ቆዳውን መሬት ቀብረሽ … … … እግዜር ያሳያቹ አንድ ሆቴል በነጻ ዱለት ካበላ ለምን በሰው አይጨናነቅም ? በነጻ የሚያበላውን ዱለት ሲቀር ደግሞ እንዴት ሰው ሁሉ አይቀርም ? ባለሆቴሏን ግን ይበላት ብዬ ወደ ዋና ጉዳዬ ልግባ፡፡

አለማችን በመምሰል ተውጣለች፡፡ እኛም ለእውነታው ሳይሆን እውነት ለሚመስለን ጉዳይ ቀልባችንን ሰጥተን እንኖራለን፡፡ ወደ ግለሰቦች እና ወደ ተቋማት ለአንዳንድ ጉዳያችን መፍትሄ ፍለጋ ተጉዘን ይሆናል ፡፡ መፍትሄ ሰጪውም እጃችን ላይ ያሉ መፍትሄዎችን የተለያዩ የስነ-ልቦና ጥበቦችን (psychological makeup) በመጠቀም ከእጃችን ወስደው እራሱኑ መልሰው ለእጃችን ይሰጡናል ፡፡ በተለያዩ የስነ-ልቦና ጥበቦች የመታለል ሰለባ የሚሆኑ ሰዎች ደግሞ በተሳሳተ መረጃ የታጨቀ ግንዛቤ ያላቸው እና እነሱ ባይረዱትም የተሳሳተ ግንዛቤያቸው ለአታላዩችና ለአሳሳቾች ገጦ መታት በመቻሉ ነው ፡፡

አንድ አሜሪካዊ ነጭ ወደ ኢትዩጵያ ይመጣና ከበርቻቻ አብዝቶ የያዘው ብር ኒል ይገባና ምግብ ለመብላት እንኳን እስኪያቅተው ድረስ አጣ መነጣ፡፡ ይህንን ችግሩን ለመፍታት በከተማችን በሚገኝ አንድ የግል ትምህርት ቤት ውስጥ የእንግሊዘኛ ንግግር (spoken English) መምህር ሆኖ ይቀጠራል፡፡ በት/ቤቱ ውስጥም ከሁሉ ጋር ጓደኝነትን ያበጃል፡፡ መሀከል ላይ ግን ኢትዩጵያዊ ጓደኞቹ ከዚህ ሰው ጋር አንድ ቀላል ፤ ነገር ግን ብዙ ብር የሚያሳፍሳቸውን የንግድ እቅድ ያወጣሉ፡፡

የእቅዳቸው ገበያ ጥናት ያልተወጣበት ያልተወረደበት ሲሆን ነገር ግን የብዙዎቻችን በተሳሳተ መረጃ የታጨቀ ግንዛቤ መነሻ ያደረገ ነበር፡፡ ይህም የሀገር ሰውን እና የሀገር ውስጥ ምርትን አንኳሶ የማየት አባዜአችን ነበር፡፡ ለዚህ አባዜአችን ማረጋገጫ የሆናቸው ደግሞ የሆስፒታላቸውን ፈዋሽነት ፣ የትምህርት ቤታቸውን መላቅ እና የምርታቸውን ጥራት ለህዝብ ለማሳመን ከጀርመን ሀገር በመጡ ሀኪሞች ፣ ከአሜሪካ በመጡ መምህራን እና ከጣሊያን ባስመጣነው ማሽን በሚል ማስታወቂያ የሚስነግሩ ድርጅቶች መብዛታቸው እና እኛም ትልቅነትን ፣ መላቅና እና ጥራትን በዚሁ መለካትና ማመን መጀመራችን ነበር፡፡ ነገሩን በዝርዝር እንመልከተው፡፡

READ  የደመና ኩታ በሚያጣፋው ስፍራ ያረፈው-ታሪካዊው የቁልቢ ገብርኤል፤

ነገሩ እንዲህ ነው፡፡ ከፊት ለፊታቸው የፋሲካ በአል ሊደርስ ወራቶች ቀርተዋል፡፡ በአዲስ አበባ ኤግዝቢሽን ማዕከል ውስጥ በሚደረገው የፋሲካ ኤግዚብሽንና ባዛር ላይ ለመነገድ የሚያስችለውን ምዝገባ አደረጉ፡፡ በመንደራቸው በቅርብ ከሚያገኟቸው ፈሳሽ ሳሙና አምራቾች ጋር ውል ይዋዋሉና እነሱ በሚፈልጉት ሌብል በማሻሸግ ምርቶቻቸውን ተረክበዋቸው የኤግዚብሽንና ባዛር ዝግጅቱ ውስጥ ተሳታፊ ለመሆን ይጠብቁ ጀመር ፡፡ ኤግዚብሽንና ባዛር ዝግጅቱም ተጀመረና ባነር ፣ ብሮሸሮች … የአሜሪካን ስም ደጋግሞ በማውሳት አሳተሙ፡፡ ያኛው ያጣና የመነጣ አሜሪካዊ ጓደኛቸውን ሱፍና መነፀር በማድረግ በድንኳኑ ውስጥ ቁጭ ብሎ ሞባይሉን የመነካካት ውለታ ብቻ እንዲውልላቸው ጠይቀውት ተስማማ፡፡ ሁሉ ነገር ባቀዱት መሠረት ተጓዘ፡፡ የሀገራችንን ትላልቅ ሳሙና አምራቾችን ባስከነዳ ሁኔታ ያስገቡት የገፍ ፈሳሽ ሳሙና በፈለጉት ዋጋ ጨርሰው ወጡ፡፡ ይህ ፈሳሽ ሳሙና ግን ድንገት ማምረቻው እቤታችን ጎን ሆኖ ዞር ብለን ያላየነው ይሆናል፡፡

አንድ ሀብታም ቤተሰብ የእነሱን ክብር ለሚመጥን ትልቅ ፍጥረት ሴት ልጃቸውን ለማዳር ይነሳሉ፡፡ ቀን ከሌሊት ብርሃኑ ሳይጠፋ የሚኖር ፀሀይ ነው በተባሉት መሠረት ፀሀይን ከፍጥረት ትልቅ በመሆንህ ሴት ልጃችንን ልንድርልህ መጥተናል ይሉታል፡፡ ፀሀይም እንደተሳሳቱ ነገራቸው ብርሃኔ ዘልቆ እንዳይሄድ ማገድ የሚችል ደመና ለተባለ ትልቅ ፍጥረት ልጃቸውን እንዲድሩ መክሮ ሸኛቸው ፡፡

ቤተሰቡ ለዳመናም እንደዛ አሉ፡፡ እሱም ወዳሻው ቦታ ገፍቶ መውለድ የሚችል ነፋስ ለተባለ ትልቅ ፍጥረት ልጃቸው እንዲድሩ ይመክራቸዋል፡፡ ቤተሰቡም ንፋስ ጋርም እንዲህ አሉ፡፡ ነፋስም ወደ ፈለኩት እንዳልሄድ ማገድ የሚቻለው ተራራ የሚባል ፍጥረት ትልቅ ነውና ለእሱ ዳሩለት ይላቸዋል፡፡ ተራራንም እንዲሁ ጠየቁ፡፡ እሱም ከስሩ በስቶ ከላዩ መውጣት የሚቻለው አይጥ የተባለ ታላቅ ፍጥረት ስላለ ከእሱም በላይ ታላቅ እንደማያገኙ አሳምኖ ሰደዳቸው፡፡ ቤተሰቡም እጅግ አዘነ ለዘመናት በቤታቸው ኮርኒስ ውስጥ ሆኖ ሰላም የነሳቸው አይጥ ትልቁ ፍጥረት መሆኑን ሳይረዱ ያባከኑት ጊዜና ያወጡት ወጪ ነደዳቸው፡፡ ካሉትም አይጦች መሀከል መልከመልካሙን መርጠው ለልጃቸው ዳሩለት ይባላል፡፡

READ  በአዲሰ አበባ ዘጠኝ የነዳጅ ማደያዎችን ለማቃጠል ሲንቀሳቀሱ ተይዘዋል የተባሉ ግለሰቦች ተከሰሱ

አንሳሳት !! .. .. .. እጃችንና አካባቢያችን ላይ ለችግራችን የሚሆኑ ብዙ መፍትሄዎች አሉ፡፡ ግለሰቦችን ከቆዳ ቀለማቸው ፣ ከነተበው እና ካደፈው ልብሳቸው ፣ ካልተመቸው ገጻቸው እና ከደሳሳ ጎጆአቸው በላይ ተሻግሮ የሚያይ መረዳት ካለን ከመፍትሄም በላይ የህይወትን ቁልፍ ሊያስጨብጡን ይችላሉ፡፡ እንዲህ ካሰብን ደግሞ እውነት በማስመሰል በሚዘጋጅ የስነልቦና ተውኔት ሳንታለል እውነታውንና መፍትሄውን በቅርባችን አንዳች ወጪ ሳናወጣ ማግኘት ይቻለናል እላለሁ፡፡ DIRETUBE

 

Continue Reading

Art and Culture

ወደ ዳንጉር ተራራ፤ ከማንቡክ እስከ ጉብላክ

Published

on

ወደ ዳንጉር ተራራ፤ ከማንቡክ እስከ ጉብላክ

ወደ ዳንጉር ተራራ፤ ከማንቡክ እስከ ጉብላክ | ተጓዡ ጋዜጠኛ ሄኖክ ስዩም ወደ ዳንጉር ተራራ ይዞን ሊወጣ መተከል ዞን ገብቷል፡፡ በማንቡክ የነበረውን ቆይታ የጉብላክ ከተማን ድባብ እየተረከ ዳገቱን ይዞን ይወጣል፡፡ ስውሩ የተፈጥሮ መስህብ እስከ ዛሬስ የት ነበር? ብሎ ይጠይቃል፡፡ ቋንቋ አብሮ ለመኖር እንቅፋት የማይሆንበትን አኗኗርን እንዲህ ያስጎበኘናል፡፡ | ሄኖክ ስዩም በድሬ ቲዩብ

ማንቦጓ የሚለው ቃል የመጣው ከጉምዝኛ ነው፡፡ መዋቢያ ማለት ነው ትርጉሙ፡፡ ማንቦጓ የሚለው ቃል ደግሞ ማንቡክን ወለደ፡፡ እኔ ማንቡክ ነኝ፡፡

በአሶሳ በኩል ነው የመጣሁት 379 ኪሎ ሜትሮችን ተጉዤ እዚህ ደርሻለሁ፡፡ ያለሁባት ከተማ ስያሜዋን ያገኘችው ከማንቡክ ወንዝ ነው፡፡

የጉምዝ ሴቶች ወደ ወንዙ እየወረዱ ከሚዋቡበት፤ እናም ወንዙን ማንቦጓ ሲሉ መዋቢያ አሉት፡፡ ማንቡክ ከዚህ ቃል ተገኘ፡፡

ዳንጉር ነኝ፡፡ መተከል ገብቻለሁ፡፡ እዚህ ብዙ ተሸሽጎ የኖረ መስህብ አለ፡፡ እዚህ ምንም ያልተነገረለት ተአምር ተቆጥሮ አያልቅም፡፡ የጠንካራ ገበሬዎች ከተማ በጠዋት ትነቃለች፡፡ ሲያቅላላ የታረደው በሬ ጸሐይ ስትወጣ ትዝታውም አይተርፍ፡፡ እንዲህ ናቸው ስጋ ቤቶቿ፤ ብዙው ሱቅ ከግብርና የተቆራኘ ነው፡፡ ብዙ ሰው የሚያወጋችሁ ምድር ምን ያህል ፍሬ እንደሰጠችው ነው፡፡ ብዙ ቋንቋ የሚሰማባት ከተማ ናት፡፡

የሰው ልጆች ከተማ፤ 838700 ሄክታር ቆዳ ስፋት ካለው ዳንጉር ወረዳ ብዙው ቆላማ ነው፡፡ ሦስት እጁ ቆላማ በሆነበት ምድር ደግሞ ሃያ በመቶ የሚሆን አስደናቂ ደጋ ምድር አለ፡፡ ማንቡክ ግን ሞቃታማ ናት፡፡

በ1962 ዓ.ም. ነበር ከተማ ሆና የተቆረቆረችው፡፡ ከከተማዋ ታሪክ ጋር ባለውለታ ሆነው ፊታውራሪ ኢያሱ ዘለቀ እና አቶ ተፈራ ሆሬ ስማቸው ጎልቶ ይነሳል፡፡ ማንቡክን በጠዋት ለቅቄ መንገድ ጀመርኩ፡፡ ቀጥዬ የምንደረደርባት ከተማ ጉብላክ ነች፡፡

READ  ዘንድሮ ለስድስተኛ ግዜ በሚካሄደው 5P አለም አቀፍ አውደ ርእይ ላይ ከመቶ በላይ የሀገር ውስጥ እና የውጪ ድርጅቶች ይሳተፋሉ ተባለ

ጉብላክ ከማንቡክ በበለጠ ለግብርና ሕይወት ትቀርባለች፡፡ ሁለ ተገሯ ከምድር ፍሬ ጋር የተገናኘ ነው፡፡ እዚህም እዚያም ሰሊጥ በቆሎ ማሽላ ነው ጨዋታው፡፡ ትራክተሮች ማየት ብርቅ አይደለም፡፡ የማሳ ላይ ውሎ አላደርስ ብሏቸው የነተበ ልብሳቸውን አላወልቅ ያሉ ብርቱዎች ወዛም ያደረጓት ከተማ ናት፡፡

ጉብላክ ሰባ በመቶ ምድሩ ሜዳማ ለሆነው ዳንጉር አንድ ማሳያ ናት፡፡ ሩቅ ድረስ በተዘረጉ የእርሻ ማሳዎች ተከባለች፡፡ ከጉብላክ እስከ ድባጉያ እጓዛለሁ፡፡ ከዚያ በኋላ ግን በእግር ነው፡፡

ለብዙ ሰዓታት በእግር መጓዝ፤ ወደ ዳንጉር ተራራ አናት መውጣት፤ ከዳንጉር አናት ሆኖ ትይዩውን በላያን ማየት፤ እድሜ ጠገቡን ገዳም መጎብኘት፤ የደገኛውን ምድር እስክጠግበው መቆየት፡፡ ወደዚያው ለመሄድ መንገድ ላይ ነኝ፡፡ DireTube

Continue Reading

Art and Culture

“ህዳር ሲታጣን” በዚህ ዘመን….

Published

on

“ህዳር ሲታጣን” በዚህ ዘመን….

ከ100 ዓመታት በፊት በአገራችን በህዳር ወር ተከስቶ የበረው የኢንፍሉዌንዛ በሽታ ስፍር ቁጥር የሌለው የሰው ህይወት እንዳጠፋ የታሪክ መዛግብት ያስረዳሉ።

በዘመኑ የነበሩት ነግስታት የበሽታውን ስያሜ “የህዳር በሽታ” ብለው በሽታው በቀላሉ ሊስፋፋ የሚችለው ደግሞ ከጽዳት ጉድለት መሆኑን ለህዝብ በማስገንዘብ ነዋሪዎች የመንደራቸውን ቆሻሻ እያሰባሰቡ በማቃጠል በሽታውን ለመከላከል እንዲዘምት በአዋጅ አዘዙ።

ይህ የቆሻሻ ማቃጠልና በጭስ የማጠኑ ልምድ በጊዜው የነበረውን በሽታ በማጥፋት ከፍተኛ ሚና የተጫወተ ቢሆንም አሁን የምናቃጥላቸው ፌስታልና የተለያዩ ኬሚካል ያላቸው ቁሶች የከባቢ ሙቀት መጨመርን የሚያባብስ መሆኑን የዘርፉ ባለሙያዎች ይገልጻሉ፡፡

በዘንድሮው ህዳር 12 ማለዳም አዲስ አበባ በግራጫማ ጭስ ታፍና ተስተውላለች፡፡

በጉዳዩ ላይ ያለዎት ሀሳብ አስተያየት ያካፍሉን!!  ebc

READ  የአዲስ አዲስ አበባ ዩኒቨርሲቲ ለአምስት ምሁራን የፕሮፌሰርነት ማዕረግ ሰጠ
Continue Reading

Art and Culture

የዶክተር ነጋሶ ጊዳዳ ከፊት መምጣት

Published

on

የዶክተር ነጋሶ ጊዳዳ ከፊት መምጣት

የዶክተር ነጋሶ ጊዳዳ ከፊት መምጣት፤ የኦቦ ለማ መገርሳ ካቢኔ ሩቅ አሳቢነት እና የኦሮሞ ባህል ጥላቻን የመጥላት እሴት | ከስናፍቅሽ አዲስ በድሬቲዩብ

ዶክተር ነጋሶ ጊዳዳ የኦዳ ትራንስፖርት የብስራት ጉባኤ ላይ ከፊት ታይተዋል፡፡ ጎናቸው ያሉት ያሳደጓቸው የፖለቲካ ልጆች ናቸው፡፡ በርሃ ሳሉ አይተዋወቁም፡፡ የበርሃ ጓዱን ለእግዜሃር ሰላምታ ዓይኑን አያሳየኝ በሚል የፖለቲካ ሜዳ ሌላ ዓይነት ጨዋታ ማየታችን አጃኢብ አስብሎን ከርሟል፡፡

እውነቱ ግን ኦሮሚያን የሚመሯት የኦሮሞ ልጆች መሆናቸው ነው፡፡ አንድ መሪ የሚመራው ሕዝብ አብራክ ክፋይ ሲሆን ባህሉን ያከብራል፡፡ እንደ ባህሉ ይኖራል፡፡ ከሀገር ወግ አያፈነግጥም፡፡

እኔ በኦዳ ትራንስፖርት ጉባኤ ላይ ነጋሶን ከነ ለማ ጋር አብሬ ሳያቸው የገባኝ የገዳ ሥርዓት እሴት ምን ያህል ታላቅ መሆኑን ነው፡፡ በሀሳብ ልትለያይ ትችላለህ ግን ጠላት አይደለህም፡፡

ኦሮሚያን በመምራት በኩል የኦሮሞን ባህል አውቆ እንደ ኦሮሞ በመምራት ረገድ የተሳካላቸው መሪ አባዱላ ነበሩ፡፡ ግን እሳቸው በዚያን ወቅት ብቻቸውን ናቸው፡፡ ዛሬ ድፍን ካቢኔው ሊባል በሚችል መልኩ የአባቶቹን ወግ ጠንቅቆ ያውቃል፡፡ የአባቶቹ ወግ ደግሞ ጥላቻን ይጠላል፡፡

እናም እንደ ገዳ ባህል ወንድም ወንድሙን አይጠላም፡፡ ሀሳቡን ስለ ጠላ ወንድሙን አያሳድም፡፡ የዶክተር ነጋሶ ከፊት መምጣት ምስጢሩ ይሄ ይመስለኛል፡፡ ያም ሆኖ በጥላቻ ፖለቲካ መጠጥ የሰከርን ስለሆነ በሆነው ነገር ደንግጠናል፡፡ ተገርመን አላበቃንም፤ አሰላስለን አልጨረስንም፡፡

ዶክተሩ በምን አግባብ ዳግም በኦሮሞ ህዝብ ጉዳይ እንደ አንድ ኦሮሞ በጉባኤ እንግዳ ሆነው ይታደማሉ ብለን እናስብ ነበር፡፡ አዲስ ትውልድ መጣና አደረገው፡፡ በዶክተሩ ቋንቋ ስንጠቀም፤ መንግስቱ ሃይለማርያምን የማይመስል አዲስ ትውልድ፡፡ ይሄ ሌሎቹም ጋር ቢለመድ መልካም ነበር፡፡ ግን ውሃ መውቀጥ ስለሆነ አልናፍቀውም፡፡ ኦሮሚያ ይቀጥል ዘንድ ግን እመኛለሁ፡፡

READ  በሶማሌ ክልል የአጣዳፊ ትውከት እና ተቅማጥ በሽታን ለመከላከል መንግሥት እርምጃ እየተወሰደ ነው ተባለ

ኢትዮጵያ ዲሞክራሲን ብዙ ዓመታት ቀድማ የጀመረች ሀገር ናት ብለን ስንሟገት ማስረጃችን ገዳ ነው፡፡ ሀሳብ እንጂ ሰው እንደማይገፋ ማሳያ የሆነው ይህ ባህል የገዳ ስርዓት እሴት የፈጠረው ነው፡፡ እናም ደስ ያሰኛል፡፡

ኦህዴድ ቀጥሎ ስለ ዶክተሩ ህልውና ያስብበት፡፡ ተገፍተዋል፡፡ እንደ አንድ ተራ ሀገር ዘራፊ ካድሬ እንኳን የሚታዩ አይደሉም፡፡ ርዕሰ ብሔሩ በብዙ ችግሮች ውስጥ ናቸው፡፡

ትናንትናቸውን ማሰብ ባይቻል እንኳን ጀርመንን ከመሰለች ሀገር ከሞቀ ህይወት የሰው ሀገር ሰው ጭምር ይዘው ሀገር አለኝ ብለው የመጡት የኦሮሞን ህዝብ ለማገልገል እንጂ የጀመሩት ትምህርት አላልቅ ብሏቸው አሊያም፤ ከዚች ሀገር ስራ ፍለጋ አይደለምና፤ አርቀን በማሰብ ትውልድ የሚኮራበት ስራ እንስራ፡፡ DireTube

Continue Reading

Trending

news.et Mobile App!

It's Faster!

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close