Connect with us

Entertainment

ከቡና ወደ በለስ

Published

on

ከቡና ወደ በለስ

ከቡና ወደ በለስ | አሳዬ ደርቤ በድሬ ትዩብ

ዘወትር ከምሳ በኋላ ለቡና መጠጫ የመደብኩትን ወርሃዊ በጀት ከኮዱ ላይ ገንጥዬ በማንሳት ወደ ‹‹በለስ›› ካዛወርኩት ሁለት ሳምንት አለፈኝ፡፡

ይሄን ውሳኔ የወሰንኩት ባለፈው ቪኦኤ ስለ ሀገራችን የቡና ምርት ስጋት ላይ መውደቅ ሲዘግብ ከሰማሁ በኋላ ነው፡፡ ቪኦኤ ያቀረበው ዘገባ በውጭ አጥኚዎች የተጠና ሲሆን… ጥናቱ የሃገራችን የቡና ምርት በሚቀጥሉት አመታት አሁን ካለበት በግማሽ እንደሚቀንስ የሚገልጽ ነው፡፡

ለነገሩ ጥናቱን ባያቀርቡትም የሐረር ገበሬ ቡናውን እየመነጠረ በጫት እየተካው መሆኑን በዐይኔ በብረቱ አይቼ አረጋግጫለሁ፡፡
ስለዚህ እየጠፋ ያለውን ማስወገድ፣ እየተስፋፋ ያለውን መላመድ አስፈላጊ በመሆኑ የቡና ሱሴን በበለስ ለመተካት መሞከሬ አግባብነት ያለው ይመስለኛል፡፡

እንዳልኳችሁ ከአንጀት የማይደርስ ምሳዬን ለኮፍ ለኮፍ ካደረኩ በኋላ ወደ በለስ ደንበኛዬ ጋር በመሄድ አንድ ሶስት በለስ ጣል ሳደርግበት ሆዴ ብቻ ሳይሆን መንገድ ላይ ካልሾለኩኝ እያለ የሚታገለኝ ቦላሌዬም ባለበት ይረጋል፡፡

ባለፈው ታዲያ ባጋጣሚ ምሳዬን የበላሁት ከአንዲት የስራ ባልደረባዬ ጋር ስለነበር የዘወትር ተግባሬን ለመፈጸም አልቻልኩም ነበር፡፡ እናም በባልደረባዬ ትከሻ ተከልዬ የበለስ ደንበኛዬን ባላዬ ሙድ ላሽ ልለው ስል ‹‹አባው›› እያለ ይጠራኝ ጀመር፡፡

እንዳልሰማ ሰው ሆኜ ለማለፍ ስሞክር ጭራሽ ከኋላዬ ተክትሎ ‹‹ዋይ አይተን አደለም እንዴ የምጣራው›› አይለኝም!
‹‹እኔን ነው?›› አልኩት የጨመደደኝን እጁን ከሸሚዜ ላይ እያነሳሁና እየተቆጣሁ፡፡

‹‹ዋይ እኔን ነው አትበለኝ እንጂ! ለደንበኛዬ ብዬ ሙርጥ በለስ አስቀምጨልህ እንጂ ለምን አባክ የፈለኩህ መስሎህ ነው?›› በማለት በቁጣ ሲናገረኝ… ብስጭቱ ከአንድ ደህንነት እንጂ ከአንድ የበለስ ነጋዴ የማይጠበቅ ስለሆነብኝ ድምጼን እያለሰለስኩና ጉንጩን እየደባበስኩ ‹‹ለዛሬ ይቅርብኝ ብዬ ነው›› በማለት አልፌው ሄድኩኝ፡፡

READ  Dangote Taking Charge in Cement Industry Following Cheap Electricity

ያም ሆኖ ደንበኛዬን እንጂ በማንጎ ዋጋ በለሴን እየገዛሁ መመገቤን አልተውኩም፡፡

ችግሩ ግን በቡና ፈንታ ወደ በለስ ተጠቃሚነት ከተዛወርኩበት ጊዜ አንስቶ ወገቤ መግረር፣ እንብርቴ መጠጠር ከመጀመሩም በላይ የመጸዳጃ ቤት ቆይታዬም ረዥም ሁኗል፡፡ መጸዳጃ ቤት ውስጥ የማየው ፍዳ ልጇን ለመገላገል ወደ ሆስፒታል ከገባች እናት ጋር ሲነጻጸር በማማጥም ይሁን በመንቆራጠጥ የእኔው ሳያይል አይቀርም፡፡ ልዩነቱ ከእኔ ምጥ የሚጠበቅ ‹‹ቁስ-አካል›› አለመኖሩ ነው፡፡

ባለፈው እንደውም ከአንድ ሆቴል መጸዳጃ ቤት ገብቼ ‹‹እእእእእእህህህ›› የሚል ቅላጼ ያለው ረዥም ምጥ እያማጥኩ እንዳለ አንድ ድምጹን እንጂ መልኩን ያላየሁት ሰውዬ በትዕግስት ሆኖ መጸዳጃ ቤቱን እንዲለቅለት ሲጠብቀኝ ከቆዬ በኋላ ‹‹ምን በልተህ ነው እንዲህ ሆድህ የደረቀው?›› በማለት ጠየቀኝ፡፡
‹‹በለስስስስስ››
‹‹ውይ እሱን በልተህ ከገባህማ በቃላሉ አትወጣም››
‹‹አልወጣልኝ ብሎ ነው እንጂ መውጣቴስ አይቀርም›› አልኩት፡፡
‹‹አትወጣም ስልህ!››
‹‹ለምን አልወጣም?››
‹‹እሱን ቤተ-መንግስት ሂዲና ጠይቃቸው! እኔ የማውቀው ከዛሬ ነገ ይወጣሉ እያልኩኝ ሃያ አምስት ዓመት መጠበቄን ብቻ ነው›› ብሎኝ በራሱ ንግግር እየሳቀ ጥሎኝ ሄደ፡፡
.
የሰውዬውን አሉባልታ ችላ ብለን ወደ ምጡ ስንመለስ… ምንም እንኳን የበለስ ጣዕም የተመቸኝ ቢሆንም በሌላ መልኩ ግን የሚያስከትለውን ድርቀት መቋቋም አልቻልኩም፡፡ እንደውም አንዳንድ ጊዜ በምጤ መሃከል ትንሽ እረፍት ወሰድ አድርጌ ሳስበው ‹‹ጣና ሐይቅንም እንደ እኔ ሆድ የድርቀት ስጋት ያመጣበት ‹ጣና-በለስ› የሚባል ፕሮጀክት ይሆን?›› የሚል ስያሜን መሰረት ያደረገ ጥያቄ አንስቼ ወደ ምጤ እመለሳለሁ፡፡
‹‹እእእእእእእህህ››
በነገራችን ላይ ከበለስ ጋር ያስተዋወቀኝ አንድ ጓደኛዬ ሲሆን መፍትሔውንም ቢጠቁመኝ ብዬ ቀኑን ሙሉ ስልኩ ላይ ስደውልለት ከዋልኩ በኋላ አመሻሽ ላይ ስልኬን አንስቶ ሽግሬን ከጠየቀኝ በኋላ ‹‹ምን ብጠጣበት ይሻለኝ ይሆን?›› ብዬ ለጠየኩት ጥያቄ የመለሰልኝ መልስ እንዲህ የሚል ነበር፡፡
‹‹ምን አባክ ሞቶ ሃምሳ ጊዜ ድርቀት፣ ድርቀት እያልክ ታደርቀኛለህ? ሎምን ጡይት ጠጥተህ ባንድ ፊቱ ዱፍት አትልም››

READ  ኢሕአዴግ ያንዣበቡበትን ብዥታዎች አጥርቶ ወደ ጤንነት መመለሱን ጠቅላይ ሚኒስትሩ አስታወቁ

DIRETUBE

 

Continue Reading

Art and Culture

በጎፋ ጋዜ ማስቃላ ናፍቆት-ከአልባ ዙማ እስከ ጋልማ

Published

on

በጎፋ ጋዜ ማስቃላ ናፍቆት-ከአልባ ዙማ እስከ ጋልማ

በጎፋ ጋዜ ማስቃላ ናፍቆት-ከአልባ ዙማ እስከ ጋልማ | ተጓዡ ጋዜጠኛ ሄኖክ ስዩም መስቀልን መናፈቅ በሚል የመስቀልን ድባብ እየተረከልን ነው፡፡ ከዳሞታ ተራራ ግርጌ ከወላይታዎች ጊፋታ የጀመረው ትረካ ዛሬ ወደ ጎፋዎች መንደር ገብቷል፡፡ የጎፋ ጋዜ ማስቃላን ገጽታዎች እንዲህ ይተርክልናል፡፡ | ሄኖክ ስዩም በድሬ ቲዩብ

አልባ ትልቁ ተራራ፣ የካዎቹ ሞገስ ዘመናት ሲሻገር የተመለከተው ባለ እድሜ፤ አሁን የጎፋዎችን መንደር ናፍቆኛል፡፡ ልቤ ማዜ ወንዝ እስኪጎድል ጠብቆ ለመሻገር ትእግስት የለውም፡፡ የውርጭ ተራሮች በልምላሜ በሚያሸበርቁበት በዚህ ወቅት ሳውላ መሆን መታደል ነው፡፡ በዚህ ወቅት ብልቂ መግባት መባረክ ነው፡፡

ከጎፋ ጋር አብሮ ዮ! እንደማለት የዘመን አጋጣሚ የለም፡፡ እዚህ ከሁሉ የሚበልጠው ቀን ማስቃላ ነው፡፡ ዱዛ የሰው ቀልብ የሚስብበት የልምላሜው ወቅት ነው፡፡ የዛላ ዛዬ ሹቻ ናፍቆት ያላዩት ሀገር የሚለውን ይቃረናል፡፡

ያላ ሳውላ የትም ያለን በትዝታ የምትጎትት ከተማ ናት፡፡ የሆሴ ዜማ ጆሮን ሰላሳ ጊዜ ቢያራግፉት ደጋግሞ ማቃጨሉን አያቆምም፡፡ የጋሼ ባህላዊ ጨዋታ ኦ ሆያ ጋሼ ከአብሮነት ትዕይንቱ ጋር ከዓይን ላይ ሳይጠፋ ስለሚኖርበት ምድር ሳስብ ማስቃላን እናፍቃለሁ፡፡

ጎፋ ጋዜ ማስቃላ አይሰለችም፡፡ ዘለዓለም አብሮ የሚኖር ትዝታ ነው፡፡ የጎፋዎች ምርቃት ማስቃላን ዘለዓለም ከመኖር ጋር ይተሳሰራል፡፡

ምኞታቸው በበረከት የተሞላ ነው፡፡ አህያ ቀንድ እስክታበቅል፣ ልጃገረዶች አግብተው እስኪያልቁ፣ ያ ተራራ የኖረውን ዘመን በመኖር መስቀልን ለማየት የሚመኝ ባህል ውስጥ መኖር ጸጋ ነው፡፡

አንድ ቀን በኢትዮጵያ ትልቁ ኩነት ጎፋ ጋዜ ማስቃላ እንደሚሆን አምናለሁ፡፡ ያኔ ሩቅ የለም፡፡ ለጋዜ ማስቃላ የመጣ ጎብኚ በዎምባ ፏፏቴ ይጠበላል፡፡ የሊዲ ፏፏቴ ውበት የካሜራ ብርሃኖች ያብረቀርቁበታል፡፡

READ  Ethiopian Government Set to Scale up Support to the Mining Sector

 

ግንድ አንሳን የሚሳለም፣ ጋልጣ ማርያም ደጃፍ እልል የሚል ብዙ ነው፡፡ በመሎኮዛ ቅመም ያበዱ ምግቦችን እየተመገበ የሀገሬ ሰው መስከረምን እንደ አደይ ጎፋ ላይ ያብባል፡፡ ጎፋ ጋዜ ማስቃላ ይናፍቃል፡፡

ከተራሮች አናት እስከ ማዜ በርሃ መንፈሱ ሁሉ አንድ ነው፡፡

በቶ፣ ጋልማ፣ ቡልቂ፣ ላሃ…..የትም ይሁን ብቻ ማስቃላን አብሮ መሆን የመሰለ ነገር የለም፡፡ ከዚያ ማስቃላ ገባ ተብሎ ወጣ የለም፡፡
ጎፋ በጊያ ካንሶ አድምቆ ይሸኘዋል፡፡

ማስቃላን ለማሰናበት ባህላዊ ክንዋኔው ሲደምቅ ደቦጭ በና ሆኖ አብሮ በጊያ ካንሶ ትዕይንት በደስታ እንደማበድ መልካም እድል የለም፡፡ የመስቀል ናፍቆት ሩቅ ተጓዥ ነው፡፡

ከደቡብ ስሜን የሚወረውር፣ የጨዋ ሰፈር ደመራን ከገነት ተራራ ስር ከጎንደር ልጆች ጋር እንለኩሳለን፡፡ ኢዮሃ መስከረም፡፡

DIRETUBE

Continue Reading

Art and Culture

የካናዳው ፓርላማ አባል ቴዲ አፍሮን አስመልክቶ ለፕሬዝዳንት ሙላቱ የጻፉት ግልጽ ደብዳቤ

Published

on

የካናዳው ፓርላማ አባል ቴዲ አፍሮን አስመልክቶ ለፕሬዝዳንት ሙላቱ የጻፉት ግልጽ ደብዳቤ

“ኢትዮጵያ በየጊዜው ከፍተኛ መጠን ያለው እርዳታ ከካናዳ መንግስትና ሕዝብ ታገኛለች። በቅድሚያ ያ እርዳታ በረሃብ አለንጋ ለሚገረፉት ለእነኚያ ለታሰበላቸው ተረጂዎች መድረሱንና የሰዎች መብት መጠበቁን ማረጋገጥ እንሻለን። በእርግጥ የምናየው የሰብዓዊ መብት ረገጣ ግን በተዘዋዋሪም ቢሆን ያን ዓይነት አመኔታ እንድናሳድር የሚያግዝ አይደለም።” ለኢትዮጵያው ፕሬዝዳንት ሙላቱ ተሾመ ግልጽ ደብዳቤ የጻፉት የካናዳ ፓርላማ አባል አሌክስ ናዳል።

ድርጊቱ ከተፈጸመ ቀናት ቢያስቆጥርም አሁንም እያነጋገረ ነው። ከጉዳዩ ጋር የሚዛመዱ ሌሎች አዝማሚያዎችን ጨምሮም የዋሽንግተን ፖስት ጋዜጣ ሰሞኑን በሰፊው ለመዳሰስ የበቃ ርዕስ ነው።

የንግግር ነጻነት በማንም የማይቸር በማንም የማይደፈር ሰብዓዊ መብት ነው፤ ሲሉ ይንደረደራሉ፤ የኢትዮጵያ መንግስት የቴዲ አፍሮን የሙዚቃ ኮንሰርት መሰረዝ ተንተርሶ ሰሞኑን ለኢትዮጵያው ፕሬዝዳንት ሙላቱ ተሾመ ግልጽ ደብዳቤ የጻፉ አንድ የካናዳ ፓርላማ አባል ለአሜሪካ ድምጽ በሰጡት አስተያየት።

Canadian MP Writes Open Letter to President Mulatu in Support of Teddy Afro

The Canadian member of parliament, from Ottawa and serving the people of Barrie-Springwater-Oro-Medonte, wrote open letter to President Mulatu Teshome of Ethiopia in support of Laureate Teddy Afro and in protest against government’s last hour cancellation of the much awaited “Ethiopia” Album Launch that was scheduled for Sunday September 3, 2017. His letter was also for the prior denial of permission to have his concert at the Millenium Hall in Addis Ababa.

MP Alex Nuttall stated in his letter that “Music and arts are an important reflection on the mood a nation.” and concludes that Ethiopian government now stands against the “Canadian values of openness and freedom” by cancelling the concert and album launch party of artist Teddy Afro.

READ  በ500 ብር የሸጠኝ ፍቅረኛዬ

Laureate Tewodros Kassahun aka Teddy Afro has visited Canada multiple times. At his last visit to Canada Teddy Afro received Ethio-Canadian Heritage Center’s 2017 Award on June 24, 2017 in Toronto, Canada.

Continue Reading

Art and Culture

ዓለም ቱሪዝም ቀን በኢትዮጵያ ለ30ኛ ጊዜ መከበር ጀምሯል

Published

on

ዓለም ቱሪዝም ቀን በኢትዮጵያ ለ30ኛ ጊዜ መከበር ጀምሯል

ሀገር አቀፍን ኩነት የሚያስተናግደው የኦሮሚያ ክልል ነው፡፡

የዓለም ቱሪዝም ድርጅት አባል ሀገር የሆችው ኢትዮጵያ በመንግስታቱ ድርጅት የተወሰነውን የዓለም ቱሪዝም ቀን ዘንድሮ ለ30ኛ ጊዜ እያከበረች ነው፡፡

በዓለም ለ38ኛ ጊዜ እየተከበረ ያለው የዘንድሮው የዓለም ቱሪዝም ቀን “ቱሪዝም ለዘላቂ ልማት” በሚል መሪ ቃል በብሔራዊ ደረጃ በኦሮሚያ ክልል ይከበራል፡፡

ከዛሬ መስከረም 11 ቀን ጀምሮ ለስድስት ተከታታይ ቀናት እስከ መስከረም 16 ቀን 2010 የሚከበረው ይህ በዓል የኦሮሚያ ክልል መስህቦችን የመጎብኘት መርሃ ግብር ጨምሮ የፓናል ውይይቶችን ሌሎች ዝግጀቶችን ያካተተ ነው፡፡

በዓሉን ከቀናት በፊት ማክበር የጀመረው የደቡብ ክልል በጋሞ ጎፋ እና በሰገን አካባቢ ህዝቦች ዞን የሚገኙ የመስህብ ሀብቶችን በመጎብኘት በተለያዩ ዝግጅቶች እያከበረ ሲሆን አማራ ክልል ምዕራብ ጎጃም እና አዊ ዞን ላይ በተመሳሳይ መልኩ በዚህ ወር መጨረሻ ለማክበር ዝግጅት እያደረገ እንደሆነ የደረሰን መረጃ ያመላክታል፡፡ DIRETUBE

READ  በ500 ብር የሸጠኝ ፍቅረኛዬ
Continue Reading

Trending

news.et Mobile App!

It's Faster!