Connect with us

Art and Culture

ቴዲ አፍሮ የነገሰበት ኮንሰርት፤ ብዙ የታዘብንበት መድረክ

Published

on

ቴዲ አፍሮ የነገሰበት ኮንሰርት፤ ብዙ የታዘብንበት መድረክ

ቴዲ አፍሮ የነገሰበት ኮንሰርት፤ ብዙ የታዘብንበት መድረክ | ከስናፍቅሽ አዲስ@DireTube

እንግዲህ ኖረን ኖረን ዘመነ ኮንሰርት ላይ ደርሰናል፡፡ ድምጻውያን ከካሴቱ ባላይ ተስፋ የሚያደርጉት የገቢ ምንጭ እንዲህ ከእኛ ጋር ፊት ለፊት ተጋጥመው በመድረክ ስራዎቻቸውን የሚያቀርቡበት የሙዚቃ ኮንሰርት ነው፡፡

አዲስ ኮንሰርት ተናፍቆ ተናፍቆ እንዳይቀር የመጣ ዝግጅት ነው፡፡ የናፍቆታችን ምክንያቶች ብዙ ናቸው፡፡ ዐሊ ቢራን ከማሕሙድ ጋር አንድ መድረክ ማየት ከመናፈቅ በላይ ወደ ሆነ ስሜት ይወስደናል፡፡

ለዓመታት ከኤፍሬም ታምሩ ጋር ትገናኛለህ የተባለ አድናቂ ምን ሊሰማው እንደሚችል መገመት አያዳግትም፡፡ ያው ታደምን፡፡ እኛ ቴዲ አፍሮ ብለን አልነበረም የታደምነው፡፡ ለካንስ ድፍን የሚሌኒየም አዳራሽ ሰው አንድ ትኬት ቆርጦ አንድ ሰው በድብቅ በመያዝ ሁለት ሆኖ ገብቷል፡፡ ያ ሰውማ ቴዲ አፍሮ ነው፡፡

የታደለ ኤፍሬምን ፍለጋ ገብተን ቴዲ አፍሮን አደመጥን፡፡ ዲጄ ሼሪ እንዲህ ተፈትኖ የሚያውቅ አልመሰለኝም፡፡ እንዲያም ሆኖ ጥሩ አድርጎ መድረኩን አዝናንቶታል፡፡

ቴዲ እያለ የሚጮኽው ህዝብ ቴዎድሮስ ካሳሁን የነገሰበት የነ ኤፍሬም ታምሩ መድረክ አድርጎት አረፈ፡፡
ጎንደር ጎንደር የሚለው ዜማ ከመድረኩ በዲጄ ከአራት ጊዜ በላይ ተዘፈነበት፡፡ ሌላው ሙዚቃው እንዲሁ፡፡ ይሄ ሁሉ የሆነው ለመዝፈን ተራ የሚጠብቅ ድምጻዊ ቁጭ ብሎ ነው፡፡

ዐሊ ቢራ ኢትዮጵያዊው የምስራቅ አፍሪካ የሙዚቃ ንጉሥ ብቃቱን አሳይቶበታል፡፡ ሰውን ከፍ ወደ አለ ስሜት የወሰደበት ስራዎችን አቀርቧል፡፡

አቢ ላቀው የመድረኩ ፈርጥ ነበረች፡፡ ብዙ ሰው ኤፍሬምን ለማየት ጓጉቶ ቢመጣም ሰው እንደ ጠበቀው ብዙ ዘፈን በመድረኩ አልተጫወተም፡፡ ይልቁንስ ብዙም ሩቅ ያልሆኑ ድምጻውያን ብዙ ስራ በመጫወት ታዳሚው እንዲሰለቸው አድርገዋል፡፡

READ  የመንግሥት ተቋማት ለሚያጠቡ ሴት ሠራተኞች ልዩ ቦታ እንዲያዘጋጁ ሕግ ሊወጣ ነው

የጋሽ ሙሐሙድ ነገር እንደምታውቁት ነው፡፡ ባይሆን ባይሆን ደረጃው ከፍ ያለ የሙዚቃ ኮንሰርትን ከፍ ያለ ብር ከፍሎ መግባት የለመደው ህዝባችን እንደ ከፈለው ብር ደረጃውን የጠበቀ የሳውንድ ሲስተም አልታደልንም፡፡ የድምጽ ችግር አሁንም ችግራችን መሆኑ ታይቷል፡፡

መድረኩን ዝቅ ካደረጉ አጋጣሚዎች አንዱ የድምጹ ችግር ነው፡፡ የዐሊ ቢራን ሙዚቃ ለማጣጣም እንኳን እንከን ሆኖ ነበር፡፡
ከታናፈቀው የሙዚቃ ኮንሰርት የወጣ ሰው ምን ትዝታ አተረፍክ ቢሉት ቴዲ በሌለበት ሲነግስ አየሁኝ ማለቱ አይቀርም፡፡ አዲስ ኮንሰርት ቴዲ አፍሮ የነገሰበት የብዙ ድምጻውያን የጋራ መድረክ ነበር፡፡

DIRETUBE

Continue Reading

Art and Culture

ወደ ዳንጉር ተራራ፤ ከማንቡክ እስከ ጉብላክ

Published

on

ወደ ዳንጉር ተራራ፤ ከማንቡክ እስከ ጉብላክ

ወደ ዳንጉር ተራራ፤ ከማንቡክ እስከ ጉብላክ | ተጓዡ ጋዜጠኛ ሄኖክ ስዩም ወደ ዳንጉር ተራራ ይዞን ሊወጣ መተከል ዞን ገብቷል፡፡ በማንቡክ የነበረውን ቆይታ የጉብላክ ከተማን ድባብ እየተረከ ዳገቱን ይዞን ይወጣል፡፡ ስውሩ የተፈጥሮ መስህብ እስከ ዛሬስ የት ነበር? ብሎ ይጠይቃል፡፡ ቋንቋ አብሮ ለመኖር እንቅፋት የማይሆንበትን አኗኗርን እንዲህ ያስጎበኘናል፡፡ | ሄኖክ ስዩም በድሬ ቲዩብ

ማንቦጓ የሚለው ቃል የመጣው ከጉምዝኛ ነው፡፡ መዋቢያ ማለት ነው ትርጉሙ፡፡ ማንቦጓ የሚለው ቃል ደግሞ ማንቡክን ወለደ፡፡ እኔ ማንቡክ ነኝ፡፡

በአሶሳ በኩል ነው የመጣሁት 379 ኪሎ ሜትሮችን ተጉዤ እዚህ ደርሻለሁ፡፡ ያለሁባት ከተማ ስያሜዋን ያገኘችው ከማንቡክ ወንዝ ነው፡፡

የጉምዝ ሴቶች ወደ ወንዙ እየወረዱ ከሚዋቡበት፤ እናም ወንዙን ማንቦጓ ሲሉ መዋቢያ አሉት፡፡ ማንቡክ ከዚህ ቃል ተገኘ፡፡

ዳንጉር ነኝ፡፡ መተከል ገብቻለሁ፡፡ እዚህ ብዙ ተሸሽጎ የኖረ መስህብ አለ፡፡ እዚህ ምንም ያልተነገረለት ተአምር ተቆጥሮ አያልቅም፡፡ የጠንካራ ገበሬዎች ከተማ በጠዋት ትነቃለች፡፡ ሲያቅላላ የታረደው በሬ ጸሐይ ስትወጣ ትዝታውም አይተርፍ፡፡ እንዲህ ናቸው ስጋ ቤቶቿ፤ ብዙው ሱቅ ከግብርና የተቆራኘ ነው፡፡ ብዙ ሰው የሚያወጋችሁ ምድር ምን ያህል ፍሬ እንደሰጠችው ነው፡፡ ብዙ ቋንቋ የሚሰማባት ከተማ ናት፡፡

የሰው ልጆች ከተማ፤ 838700 ሄክታር ቆዳ ስፋት ካለው ዳንጉር ወረዳ ብዙው ቆላማ ነው፡፡ ሦስት እጁ ቆላማ በሆነበት ምድር ደግሞ ሃያ በመቶ የሚሆን አስደናቂ ደጋ ምድር አለ፡፡ ማንቡክ ግን ሞቃታማ ናት፡፡

በ1962 ዓ.ም. ነበር ከተማ ሆና የተቆረቆረችው፡፡ ከከተማዋ ታሪክ ጋር ባለውለታ ሆነው ፊታውራሪ ኢያሱ ዘለቀ እና አቶ ተፈራ ሆሬ ስማቸው ጎልቶ ይነሳል፡፡ ማንቡክን በጠዋት ለቅቄ መንገድ ጀመርኩ፡፡ ቀጥዬ የምንደረደርባት ከተማ ጉብላክ ነች፡፡

READ  የኢትዮጵያ አየር መንገድ የበረራ የዋይፋይ አገልግሎት ሊሰጥ ነው

ጉብላክ ከማንቡክ በበለጠ ለግብርና ሕይወት ትቀርባለች፡፡ ሁለ ተገሯ ከምድር ፍሬ ጋር የተገናኘ ነው፡፡ እዚህም እዚያም ሰሊጥ በቆሎ ማሽላ ነው ጨዋታው፡፡ ትራክተሮች ማየት ብርቅ አይደለም፡፡ የማሳ ላይ ውሎ አላደርስ ብሏቸው የነተበ ልብሳቸውን አላወልቅ ያሉ ብርቱዎች ወዛም ያደረጓት ከተማ ናት፡፡

ጉብላክ ሰባ በመቶ ምድሩ ሜዳማ ለሆነው ዳንጉር አንድ ማሳያ ናት፡፡ ሩቅ ድረስ በተዘረጉ የእርሻ ማሳዎች ተከባለች፡፡ ከጉብላክ እስከ ድባጉያ እጓዛለሁ፡፡ ከዚያ በኋላ ግን በእግር ነው፡፡

ለብዙ ሰዓታት በእግር መጓዝ፤ ወደ ዳንጉር ተራራ አናት መውጣት፤ ከዳንጉር አናት ሆኖ ትይዩውን በላያን ማየት፤ እድሜ ጠገቡን ገዳም መጎብኘት፤ የደገኛውን ምድር እስክጠግበው መቆየት፡፡ ወደዚያው ለመሄድ መንገድ ላይ ነኝ፡፡ DireTube

Continue Reading

Art and Culture

“ህዳር ሲታጣን” በዚህ ዘመን….

Published

on

“ህዳር ሲታጣን” በዚህ ዘመን….

ከ100 ዓመታት በፊት በአገራችን በህዳር ወር ተከስቶ የበረው የኢንፍሉዌንዛ በሽታ ስፍር ቁጥር የሌለው የሰው ህይወት እንዳጠፋ የታሪክ መዛግብት ያስረዳሉ።

በዘመኑ የነበሩት ነግስታት የበሽታውን ስያሜ “የህዳር በሽታ” ብለው በሽታው በቀላሉ ሊስፋፋ የሚችለው ደግሞ ከጽዳት ጉድለት መሆኑን ለህዝብ በማስገንዘብ ነዋሪዎች የመንደራቸውን ቆሻሻ እያሰባሰቡ በማቃጠል በሽታውን ለመከላከል እንዲዘምት በአዋጅ አዘዙ።

ይህ የቆሻሻ ማቃጠልና በጭስ የማጠኑ ልምድ በጊዜው የነበረውን በሽታ በማጥፋት ከፍተኛ ሚና የተጫወተ ቢሆንም አሁን የምናቃጥላቸው ፌስታልና የተለያዩ ኬሚካል ያላቸው ቁሶች የከባቢ ሙቀት መጨመርን የሚያባብስ መሆኑን የዘርፉ ባለሙያዎች ይገልጻሉ፡፡

በዘንድሮው ህዳር 12 ማለዳም አዲስ አበባ በግራጫማ ጭስ ታፍና ተስተውላለች፡፡

በጉዳዩ ላይ ያለዎት ሀሳብ አስተያየት ያካፍሉን!!  ebc

READ  ሙልጌታ አባተ (1957 – 2009) ብዙዎችን አስከብሮ በጥቂቶች ተቀበረ!
Continue Reading

Art and Culture

የዶክተር ነጋሶ ጊዳዳ ከፊት መምጣት

Published

on

የዶክተር ነጋሶ ጊዳዳ ከፊት መምጣት

የዶክተር ነጋሶ ጊዳዳ ከፊት መምጣት፤ የኦቦ ለማ መገርሳ ካቢኔ ሩቅ አሳቢነት እና የኦሮሞ ባህል ጥላቻን የመጥላት እሴት | ከስናፍቅሽ አዲስ በድሬቲዩብ

ዶክተር ነጋሶ ጊዳዳ የኦዳ ትራንስፖርት የብስራት ጉባኤ ላይ ከፊት ታይተዋል፡፡ ጎናቸው ያሉት ያሳደጓቸው የፖለቲካ ልጆች ናቸው፡፡ በርሃ ሳሉ አይተዋወቁም፡፡ የበርሃ ጓዱን ለእግዜሃር ሰላምታ ዓይኑን አያሳየኝ በሚል የፖለቲካ ሜዳ ሌላ ዓይነት ጨዋታ ማየታችን አጃኢብ አስብሎን ከርሟል፡፡

እውነቱ ግን ኦሮሚያን የሚመሯት የኦሮሞ ልጆች መሆናቸው ነው፡፡ አንድ መሪ የሚመራው ሕዝብ አብራክ ክፋይ ሲሆን ባህሉን ያከብራል፡፡ እንደ ባህሉ ይኖራል፡፡ ከሀገር ወግ አያፈነግጥም፡፡

እኔ በኦዳ ትራንስፖርት ጉባኤ ላይ ነጋሶን ከነ ለማ ጋር አብሬ ሳያቸው የገባኝ የገዳ ሥርዓት እሴት ምን ያህል ታላቅ መሆኑን ነው፡፡ በሀሳብ ልትለያይ ትችላለህ ግን ጠላት አይደለህም፡፡

ኦሮሚያን በመምራት በኩል የኦሮሞን ባህል አውቆ እንደ ኦሮሞ በመምራት ረገድ የተሳካላቸው መሪ አባዱላ ነበሩ፡፡ ግን እሳቸው በዚያን ወቅት ብቻቸውን ናቸው፡፡ ዛሬ ድፍን ካቢኔው ሊባል በሚችል መልኩ የአባቶቹን ወግ ጠንቅቆ ያውቃል፡፡ የአባቶቹ ወግ ደግሞ ጥላቻን ይጠላል፡፡

እናም እንደ ገዳ ባህል ወንድም ወንድሙን አይጠላም፡፡ ሀሳቡን ስለ ጠላ ወንድሙን አያሳድም፡፡ የዶክተር ነጋሶ ከፊት መምጣት ምስጢሩ ይሄ ይመስለኛል፡፡ ያም ሆኖ በጥላቻ ፖለቲካ መጠጥ የሰከርን ስለሆነ በሆነው ነገር ደንግጠናል፡፡ ተገርመን አላበቃንም፤ አሰላስለን አልጨረስንም፡፡

ዶክተሩ በምን አግባብ ዳግም በኦሮሞ ህዝብ ጉዳይ እንደ አንድ ኦሮሞ በጉባኤ እንግዳ ሆነው ይታደማሉ ብለን እናስብ ነበር፡፡ አዲስ ትውልድ መጣና አደረገው፡፡ በዶክተሩ ቋንቋ ስንጠቀም፤ መንግስቱ ሃይለማርያምን የማይመስል አዲስ ትውልድ፡፡ ይሄ ሌሎቹም ጋር ቢለመድ መልካም ነበር፡፡ ግን ውሃ መውቀጥ ስለሆነ አልናፍቀውም፡፡ ኦሮሚያ ይቀጥል ዘንድ ግን እመኛለሁ፡፡

READ  የሸቀጦች ዋጋ ንረት በዚህ ሳምንት

ኢትዮጵያ ዲሞክራሲን ብዙ ዓመታት ቀድማ የጀመረች ሀገር ናት ብለን ስንሟገት ማስረጃችን ገዳ ነው፡፡ ሀሳብ እንጂ ሰው እንደማይገፋ ማሳያ የሆነው ይህ ባህል የገዳ ስርዓት እሴት የፈጠረው ነው፡፡ እናም ደስ ያሰኛል፡፡

ኦህዴድ ቀጥሎ ስለ ዶክተሩ ህልውና ያስብበት፡፡ ተገፍተዋል፡፡ እንደ አንድ ተራ ሀገር ዘራፊ ካድሬ እንኳን የሚታዩ አይደሉም፡፡ ርዕሰ ብሔሩ በብዙ ችግሮች ውስጥ ናቸው፡፡

ትናንትናቸውን ማሰብ ባይቻል እንኳን ጀርመንን ከመሰለች ሀገር ከሞቀ ህይወት የሰው ሀገር ሰው ጭምር ይዘው ሀገር አለኝ ብለው የመጡት የኦሮሞን ህዝብ ለማገልገል እንጂ የጀመሩት ትምህርት አላልቅ ብሏቸው አሊያም፤ ከዚች ሀገር ስራ ፍለጋ አይደለምና፤ አርቀን በማሰብ ትውልድ የሚኮራበት ስራ እንስራ፡፡ DireTube

Continue Reading

Trending

news.et Mobile App!

It's Faster!

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close