Connect with us

Sport

የዝውውር መስኮቱ ዋና አጀንዳ አልቫሮ ሞራታ አሁን ደግሞ በአርሰናሎች እይታ ውስጥ ገብቷል

Juliet Tedla Asfaw

Published

on

አልቫሮ ሞራታ

እንደ ስፔኑ ዶን ባሎን የዜና  ምንጭ ዘገባ አርሰናሎች የአሌክሲ ሳንቼዝ ተተኪ አጥቂ ይሆናቸው ዘንድ ብዙዎችን ባስደነቀ መልኩ ዓይናቸውን ወደ አልቫሮ ሞራታ አዙረዋል፡፡እንደዘገባው ከሆነ አርሰን ቬንገር በ52 ሚሊየን ፓውንድ ከሊዮን ላስፈረሙት አሌክሳንደር ላካዛቴ ትክክለኛ አጣማሪ አልቫሮ ሞራታ እንደሆነ አምነዋል፡፡

ሞራታ በሌላኛው የሎንደን ክለብ ቼልሲ የሚፈለግ በመሆኑ መድፈኞቹ ፉክክሩን ለማሸነፍ ከሰማያዊዎቹ ከባድ ፉክክር ይጠብቃቸዋል፡፡  ሳንቼዝ በቻምፒንስ ሊጉ መጫወት እንደሚፈልግና የሰሜን ለንደኑን ክለብ መልቀቅ እንደሚፈልግ በግልፅ ተናግሯል፡፡

አለቫሮ ሞራታ ወደ ኦልድትራፎርድ  ይጓዛል ቢባልም  በዩናይትድና በማድሪድ መካከል ስምምነት ባለመደረሱ ዝውውሩ ሳይሳካ ቀርቷል፡፡ ቼልሲ ደግሞ ዘግየት ብሎ በከፍተኛ ሂሳብ ተጫዋቹን ለማግኘት ድርድር የጀመረ ሲሆን አሁን ደግሞ አርሰናሎች የተጫዋቹ ፈላጊ ሆነዋል፡፡ የዝውውር መስኮቱ አብይ መነጋገሪያ ርዕስ አልቫሮ ሞራታ የመጨረሻ ማረፊያ ክለብ የትኛው ይሆናል የሚለውን ጥያቄ የእግር ኳስ አፍቃሪያን በጉጉት ምላሽ እየጠበቁለት ይገኛሉ፡፡

READ  Kenya AIMS Set to Honor Haile Gebrselassie
Continue Reading

Ethiopia

አቶ ተክለወይኒ በEthio FM 107.8 በሰጡት መግለጫ ውክልናቸው መነሳቱ ተገለፀ

Elias Tesfaye

Published

on

EthioSport EthioFM

የትግራይ ክልል አስተዳደር ክልሉን በመወከል የኢትዮጲያ እግር ኳስ ፌዴሬሽን ም/ፕሬዚዳንት የሆኑትን የአቶ ተክለወይኒ አሰፋን ውክልና ያነሳው

1) ከትላንት ወዲያ በEthio FM 107.8 ኢትዮ ስፖርት ፕሮግራም ከጋዜጠኛ Tadele Assefa ጋር በነበራቸው ቆይታ ያደረጉት ንግግር እና
2) ዛሬ በኢትዮጲያ እግር ኳስ ፌዴሬሽን ጉባዔ ላይ ያደረጉት ንግግር የክልሉን መንግስት አቋም እንደማያንጸባርቅ ስለታመነበት መሆኑን ሁለት የከፍተኛ አመራር አባላት ገልጸውልኛል።

ከኤፍ ኤሙ ጋር ያደረጉት ንግግር ላይ ጠቅላይ ሚኒስተሩን የሚቃረን በመሆኑ ከሳቸው የቀረበ ቅሬታ ነበረ ወይ የሚል ጥያቄ ያቀረብኩ ሲሆን፤ “ከጠ/ሚኒስትሩ የቀረበ ነገር የለም፣ እንዲቀርብም አትጠብቅም፣ የክልሉ ውሳኔ መነሻ የተክለወይኒ ንግግር የክልሉን አቋም የማያንጸባርቅ መሆኑ ብቻ ነው” ብለኛል።

READ  የተባበሩት መንግስታት የሰብአዊ መብት ኮሚሽን ባለስልጣን የጋናውን ተጫዋች አደነቁ
Continue Reading

Ethiopia

የኢትዮጵያ እግርኳስ ፌደሬሽን ለአዲሱ ትውልድ ሊራራለ ይገባል

Elias Tesfaye

Published

on

(ዳን አድማሱ ለፌደሬሽኑ ያስተላለፈው መልዕክት)

  • የኢትዮጵያ አንዱ ትኩሳት

ልጅ እያለው ለእግር ኳስ የነበረኝ ፍቅር በቀላሉ የሚገለፅ አይደለም ትምህርት ቤት ከትምህርት ቤት መልስ ቅዳሜና እሁድ በተለይም ክረምት እግር ኳስ ከአመት እስከ አመት ከህይወቴ ጋር ተሰፍቶ ነበር ሙዚቃ በጣም ብወድም ለራሴ አንድ ቀን የሀገሬን ማሊያ ለብሼ ያን ወርቅ የኢትዮጵያ ደጋፊ ከጫፍ እስከጫፍ ሳስጨፍር በህልሜ እያየው እንቅልፍ ሳልተኛ ያደርኩባቸው ሌሊቶች ቁጥር አይገልፃቸውም ለእናቴ የቀረኋት አንድ ልጅ እኔ ስልሆንኩ ከፍተኛ ቁጥጥር ቢኖርብኝም አንዳንዴ በመስኮት እየዘለልኩ ወይም አልጋ ውስጥ ትራስ በማስተኛት የተለያየ ዘዴ በመፍጠር ከሜዳ አልቀረም

አንድ ግዜ እጄ ዞሮ በከፍተኛ ስቃይ በንጋታው ሜዳ ሄጄ እናቴ ሜዳ ድረስ መጥታ ስትወስደኝ የመረረ ለቅሶዬን ያዩ አንድ እናት መነኩሴ እንዳትገርፊው ገዝቼሻለው ብለው ያስጣሉኝን መቼም አረሳውም አንዳንዴም ጠዋት እንደወጣው ምግብ ሳልበላ እዛው ሜዳ አምሽቼ እመለስ ነበር ምክኒያቱም ለምሳ ከገባው መውጣት የለም ቀጭን ብሆንም በጣም ጎበዝ አጥቂ ነኝ በሁለቱም እግሬ እጫወታለው በጣም ጥሩ ትንፋሽ አለኝ ፈጣን ነበርኩ ኳስ ካገኘው ከመረብ ማገናኘት በጣም ቀላል ነው አብረውኝ ከሚጫወቱ የትምህርት ቤት ጎደኞቼ አንዱ ጀግና play maker ነበር ክለብ ጥሪ አድርጎ ወደ ጃንሜዳ ሄደ ጎደኛዬ አይደለም ለኢትዮጵያ እግርኳስ ብቻ ሳይሆን ለአውሮፓ የሚመጥን ብቃት ነበረው

በደስታ ሸኘሁት ትንሿ ልቤ በመንፈስ አብራው ነበረች ጎደኛዬ ጃንሜዳ ደርሶ ከታየ በሁላ የ3 ወር ደሞዙንና በዛን ጊዜ እንኳን አይተን ሰምተን የማናቀውን ገንዘብ እንደተየቀ በደስታ ለምትዘለው ልቤ በሀዘን በሚዘንበው እንባው ነገረኝ በንጋታው ወደ ጃንሜዳ ለመሄድ የተቁነጠነጠው እግሬ ከዳኝ ልቤ ቀጥ አለች ውስጤ ሞተ እንደኔ አንድ ድሀ እናት ብቻ ላለው ኢትዮጵያዊ ልጅ የእግር ኳስ ፍቅር ብቻ ምንም አያደርግለትም ከዛች ቀን ቡሀላ ትንሿ ልቤ በኢትዮጵያ እግር ኳስ ላይ ቂም ያዘች (በማን ላይ እንዳልኩ ይገባችኋል ) የአውሮፓን እግር ኳስ በጣም እከታተላው እንደ ኢትዮጵያ ህዝብ እግር ኳስን የሚወድ ያለ አይመስለኝም ህዝቤ ስለሆነ አይደለም

READ  በዓለማችን የሚገኙ እና ሊጎበኙ የማይችሉ ጥብቅ ቦታዎች

ብራዚሎች ሮናልዲኒሆ እንግሊዞች ጋስኮይ ጣሊያኖች ፔርሎ ወይም ፈረንሳዬች ዚዳን ስፔኖች ኢኔሽታ እና አርጀንቲናውያን ሜሲ አላቸው የኢትዮጵያ ህዝብ ፔሌ ወይ ማራዶና አልነበረውም ሜሲ ና ሮናልዶ ወይም ቡፎን የለውም( ይህን ስል ብዙ ጀግኖቻችንን መቼም አረሳቸውም ከድሮም ከአሁንም ) ታዲያ የኢትዮጵያ ህዝብ ለምን ኳስ ይወዳል ምክኒያቱም እያንዳንዱ ሰፈር ሜዳ ላይ ሜሲ ሮናልዶ ካንቴ ዣቪ ካንቶና ሄነሪ ላምፓርድ ጄራርድ ቤካም ነይማር ጊግስ ትልቁሮናልዶ … አሉ ምንአልባትም ሜዳ ላይ እንደማይክል ማይክ ሳይሆን ኳስ ይዞ የሚያዝናናው ሮናልዲኒሆን ስንት ጓዳ አቅፎ እንደመከነ ቤት ይቁጠረው የኢትዮጵያ እግርኳስ ፌዴሬሽን ከይድነቃቸው ተሰማ ቡሀላ እንደእኔ ምንም የሰራ አይመስለኝም የኛ ህልም ቅዠት ሆኗል የኛ ብቃት ባክኗል ምኞታችን መክኗል እንጀራችን ሻግቷል ሳቃችን ተነጥቋል ቢያንስ ለእነዚ ልጆች እራሩላቸው የኢትዮጵያን እግር ኳስ አድኑ የኢትዮጵያ እግር ኳስ እርግማን ምን እንደሆነ ባላውቅም አንድ መሲህ ግን ሁልጊዜ እጠብቃለው እግርኳስ በእውቀትና በፍቅር እንጂ በጡንቻ አይመራም

ወደ ኋላ ነው እንጂ ወደ ኋላ ፊት የለም

ዳን አድማሱ

Continue Reading

Ethiopia

የ2010 ቶታል ታላቁ ሩጫ በኢትዮጵያ – በ2010 ዓ.ም. የአትሌቶች የውድድር ሽልማት በእጥፍ ጨመረ

Published

on

የ2010 ቶታል ታላቁ ሩጫ በኢትዮጵያ - በ2010 ዓ.ም. የአትሌቶች የውድድር ሽልማት በእጥፍ ጨመረ

የታላቁ ሩጫ በኢትዮጵያ ቢሮ በዘንድሮው የ2010 ቶታል ታላቁ ሩጫ በኢትዮጵያ ላይ ለሚወዳደሩ አሸናፊ ወንድና ሴት አትሌቶች የሚሰጠው የገንዘብ ሽልማት በእጥፍ ጨምሮ ለእያንዳንዳቸው 100,000 ብር ማድረጉን አስታወቀ፡፡

የሽልማት መጠን ማስተካከያው የተደረገው ታላቁ ሩጫ በኢትዮጵያ ለብዙ ጀማሪ አትሌቶች የወደፊት አለማቀፋዊ ተሳትፎ ፈር ቀዳጅ መድረክ መሆን አንዱ አላማው እንደመሆኑ አትሌቶችን ለማበረታታት ታስቦ የተደረገ ነው፡፡

ይህ ሽልማት ባጠቃላይ የዘንድሮው የሽልማት መጠንን ከ300 ሺ ብር በላይ እንደሚያደርሰውም ታውቋል፡፡

በተጨማሪም የዚህ አመት የታላቁ ሩጫ በኢትዮጵያ ተሳታፊዎች ውድድሩን ለመሳተፍ ከሚለብሱት የሩጫ ቲ-ሸርት በተጨማሪ የመሮጫ ቁጥር በደረት ላይ ማድረግ አስገዳጅ ቅድመ ሁኔታ መሆኑንም የሩጫው አዘጋጆች
አስታውቀዋል፡፡

ይህም ታላቁ ሩጫ በኢትዮጵያን እንደሌሎች አለም አቀፍ ውድድሮች ያለውን ደረጃውን ከፍ ከማድረጉም በተጨማሪ ሃሰተኛ የሆነ ቲ-ሸርትን ለማስወገድ ታስቦ የተደረገ ነው፡፡

የመሮጫ ቁጥር እያንዳንዱ ባር ኮድ ሲኖረው ማንኛውም ተሳታፊ ያለ መሮጫ ቁጥር ለመሳተፍ ቢሞክር ከውድድሩ ውጪ እንደሚሆን
ተገልጧል፡፡

30 ቀናት የቀሩት የ17ተኛው ዙር ታላቁ ሩጫ ባለፈው አመት የጀመረውን የሁለት ማእበል መነሻ ሩጫ ዘንድሮም የሚቀጥለው ሲሆን ከተሳታፊዎች በተሰጠ አስተያየት መሰረት ውድድሩን ከአንድ ሰዓት በታች ለሚጨርሱ መነሻን ቀይ ከማድረግ ይልቅ አረንጓዴ(በተለምዶው አረንጓዴ ከትራፊክ መብራት ጋር ተያይዞ ቀድሞ መሄድን ስለሚያመላክት) ተደርጓል፡፡

ከአጠቃላዩ 44ሺህ ተሳታፊ 7ሺው ፈጣን ሯጮችን ሲያሳትፍ ቀሪው 37ሺህ ቀይ ቲ- ሸርት ለሚለብሱና ዘና ብለው ውድድሩ ላይ የሚሳተፉ ሯጮች የሚሆን ይሆናል፡፡

ለበለጠ መረጃ፡ ታላቁ ሩጫ በኢትዮጵያ ሕሊና ንጉሴ 0911601710 ኢሜል፡ hilina@ethiopianrun.org

READ  የሞሪሸሱ ጠቅላይ ሚኒስትር ሥልጣናቸውን ለልጃቸው ሊያስተላልፉ እንደሆነ እየተነገረ ነው
Continue Reading

Trending

news.et Mobile App!

It's Faster!

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close