Connect with us

Sport

ከስፖርት መዓድ -ትኩስ ዓለም አቀፋዊ ስፖርታዊ እና የዝውውር ወሬዎች………

Juliet Tedla Asfaw

Published

on

ከስፖርት መዓድ

1-የሞናኮው ተጫዋች ቶማስ ሌማር በአርሰናል በጥብቅ የሚፈለግ ተጫዋች እንደሆነ ይታወቃል፡፡ በመድፈኞቹ እና በፈረንሳዩ ክለብ መካከልም በተጫዋቹ ዙሪያ ድርድሩ ወደ መቋጨቱ መቃረቡን የሚገልፁ ዘገባዎች በሰፊው ሲወጡ ነበር፡፡ አሁን ላይ ሞናኮ ሌማርን ለመልቀቅ ፍቃደኛ አለመሆኑ ተሰምቷል፡፡ ይህም የተጫዋቹን ወደ ኤምሬትስ የመጓዝ ጉግት ውሀ ቸልሶበታል ነው የተባለው፡፡ በእርግጥ ሞናኮዎች ወሳኝ ተጫዋቾቻቸው በተለያዩ ክለቦች እየተወሰዱባቸው ይገኛሉ፡፡በርናንዶ ሲልቫ በቀዳሚነት ወደ ኢትሀድ ያመራ ቀዳሚው ተጫዋቻቸው ሲሆን ቲማዩ ባካዮኮም የቼልሲ ንብረት እነደሆነ በትላንትናወ ዕለት ተረጋግጧል፡፡ብንጃሚን ሜንዲም ወደ ሲቲ ለመግባት የተቃረበ ሲሆን የምባፔም ጉዳይ ጥያቄ ምልክት ውስጥ ነው ያለው፡፡ እናም ቁልፍ ተጫዋቾቻቸውን በሌሎች ታላላቅ ክለቦች እየተነጠቁ ያሉት ሞናኮዎች የቶማስ ሌማርን የአርሰናል ዝውውር በስተመጨረሻ ለማገት እንደወሰኑ ዘገባዎች አትተዋል፡፡

2-ጆሴ ሞሪንሆ የአልቫሮ ሞራታን ዝውውር ለምን እነደተደናቀፈባቸው ለመጀመሪያ ጊዜ ለጋዜጠኞች ይፋ አድርገዋል፡፡ ፖርቹጋላዊው አሰልጣኝ እንደገለፁት ከሆነ ለሞራታ ዝውውር አለመሳካት አንድና አንድ ተጠያቂው ሪያልማደሪድ እንደሆነ ተናገረዋል’’በመጀመሪያ ማድሪዶች የተጫዋቹን የመግዣ ዋጋ በግልፅ አስቀምጠው ነበር፡፡እኛም ያን ዋጋቸውን ተመርኩዘን ድረድር ጀመርን፡፡ ሆኖም ግን እነሱ የመጀመሪያ ቃላቸውን አጥፈው በከፍተኛ ደረጃ የማይቀመስ ሂሳብ እንደሚፈልጉ አስረግጠው ነገሩን፡፡ዛሬ የተናገርከውን ነገር ነገ መድገም መቻል አለብህ፡፡ ማድሪዶች ግን ወላውለዋል፡፡ይህም ያሳፍራል’’ ሲሉ የስፔኑን ክለብ ወቅሰዋል፡፡አክለውም ክርስቲያኖ ሮናለዶ ወደ ኦልድ ትራፎረድ የመምጣቱ ነገር ያበቃለት መሆኑንም ገልፀዋል፡፡

3-ኤቨርተኖች የአርሰናሉ የክንፍ ተጫዋች ቲዮ ዋለኮትን በ30 ሚሊየን ፓውንድ ለማስፈረም ማቀዳቸው ተሰምቷል፡፡ ክርስቲያን ቤንቴኬን ከክሪስታል ፓላስ የማግኘት ዕድላቸው የተደናቀፈባቸው ኤቨርተኖች ዥሩድና ዋልኮትን ከመድፈኞቹ ለማስመጣት አስበዋል፡፡ ነገር ግን አርሰናሎች ዥሩድን የዶርተሞንዱን ጋቦናዊ ተጫዋች ኦቦሚያንግን ወደ ኤምሬትስ ለማስመጣት የዝውውሩ አካል ሊያደርጉት እንደወሰኑ ነው የተነገረው፡፡ እንዲያም ሆኖ አሰልጣኝ ሮናልድ ኪዩመን ባለፈው የውድድር ዘመን መድፈኞቹን ሊለቅ ከጫፍ ደርሶ የነበረውን ዋልኮት ወደ ጉዲሰን ፓርክ ለማስመጣት ከፍተኛ ተስፋ እንደሰነቁ ታውቋል፡፡

READ  ኦባማ ለአፍሪካ ምን ሰሩ? Obama’s Legacy In Africa

4- የዝውውር መስኮቱ አነጋጋሪ አጥቂ አልክሲ ሳንቼዝ አርሰናልን መልቀቅ እንደሚፈልግ ፍንጭ ሰጥቷል፡፡ቺሊያዊው በቻመፒዮንስ ሊጉ ለሚሳተፍ ክለብ መጫወት እንደሚፈልግና የአርሰናልን ምላሽ እየተጠባበቀ መሆኑን አስታውቋል፡፡አርሰናሎች በፕሪሚየር ሊጉ አምስተኛ ሆነው በመጨረሳቸው ከአውሮፓ ቻምፒዮንስ ሊግ ውጪ መሆናቸው ይታወቃል፡፡ የአርሰናልና የሳንቼዝ ጉዳይ በየጊዜው ያልተጨበጡ ወሬዎች እየተነዙበት እስካሁን መቋጫን ሳያገኝ አለ፡፡

5-ሪያል ማድሪዶች የሞናኮውን የ18 አመት ኮከብ ምባፔን ለማስፈረም ከማንቸስተር ሲቲ እና ከፒኤስጂ ከባድ የሆነ ፉክክር እንደገጠማቸው ይታወቃል፡፡ 120 ሚሊየን ፓውንድ አይቀመስ ዋጋ የተጫነበት ወጣቱ ምባፔን ለማግኘት ታዲያ ጋሬዝ ቤልን የዝውውሩ አካል ለማድረግ ማሰባቸው ታውቋል፡፡ሆኖም ግን ማድሪዶች አልቫሮ ሞራታን የማጣት አደጋ የተጋረጠባቸው ሲሆን ዩናይትድን 80 ሚሊየን ፓውንድ ተጫዋቹ ላይ በመጫን ያራቁት ቢሆንም ሌላኛው የእንግሊዝ ክለብ ቼልሲ ለሞራታ 70 ሚሊየን ፓውንድ አቅርቧል፡፡

Ethiopia

አቶ ተክለወይኒ በEthio FM 107.8 በሰጡት መግለጫ ውክልናቸው መነሳቱ ተገለፀ

Elias Tesfaye

Published

on

EthioSport EthioFM

የትግራይ ክልል አስተዳደር ክልሉን በመወከል የኢትዮጲያ እግር ኳስ ፌዴሬሽን ም/ፕሬዚዳንት የሆኑትን የአቶ ተክለወይኒ አሰፋን ውክልና ያነሳው

1) ከትላንት ወዲያ በEthio FM 107.8 ኢትዮ ስፖርት ፕሮግራም ከጋዜጠኛ Tadele Assefa ጋር በነበራቸው ቆይታ ያደረጉት ንግግር እና
2) ዛሬ በኢትዮጲያ እግር ኳስ ፌዴሬሽን ጉባዔ ላይ ያደረጉት ንግግር የክልሉን መንግስት አቋም እንደማያንጸባርቅ ስለታመነበት መሆኑን ሁለት የከፍተኛ አመራር አባላት ገልጸውልኛል።

ከኤፍ ኤሙ ጋር ያደረጉት ንግግር ላይ ጠቅላይ ሚኒስተሩን የሚቃረን በመሆኑ ከሳቸው የቀረበ ቅሬታ ነበረ ወይ የሚል ጥያቄ ያቀረብኩ ሲሆን፤ “ከጠ/ሚኒስትሩ የቀረበ ነገር የለም፣ እንዲቀርብም አትጠብቅም፣ የክልሉ ውሳኔ መነሻ የተክለወይኒ ንግግር የክልሉን አቋም የማያንጸባርቅ መሆኑ ብቻ ነው” ብለኛል።

READ  ከስፖርት መዓድ -ትኩስ ዓለም አቀፋዊ ስፖርታዊ እና የዝውውር ወሬዎች………
Continue Reading

Ethiopia

የኢትዮጵያ እግርኳስ ፌደሬሽን ለአዲሱ ትውልድ ሊራራለ ይገባል

Elias Tesfaye

Published

on

(ዳን አድማሱ ለፌደሬሽኑ ያስተላለፈው መልዕክት)

  • የኢትዮጵያ አንዱ ትኩሳት

ልጅ እያለው ለእግር ኳስ የነበረኝ ፍቅር በቀላሉ የሚገለፅ አይደለም ትምህርት ቤት ከትምህርት ቤት መልስ ቅዳሜና እሁድ በተለይም ክረምት እግር ኳስ ከአመት እስከ አመት ከህይወቴ ጋር ተሰፍቶ ነበር ሙዚቃ በጣም ብወድም ለራሴ አንድ ቀን የሀገሬን ማሊያ ለብሼ ያን ወርቅ የኢትዮጵያ ደጋፊ ከጫፍ እስከጫፍ ሳስጨፍር በህልሜ እያየው እንቅልፍ ሳልተኛ ያደርኩባቸው ሌሊቶች ቁጥር አይገልፃቸውም ለእናቴ የቀረኋት አንድ ልጅ እኔ ስልሆንኩ ከፍተኛ ቁጥጥር ቢኖርብኝም አንዳንዴ በመስኮት እየዘለልኩ ወይም አልጋ ውስጥ ትራስ በማስተኛት የተለያየ ዘዴ በመፍጠር ከሜዳ አልቀረም

አንድ ግዜ እጄ ዞሮ በከፍተኛ ስቃይ በንጋታው ሜዳ ሄጄ እናቴ ሜዳ ድረስ መጥታ ስትወስደኝ የመረረ ለቅሶዬን ያዩ አንድ እናት መነኩሴ እንዳትገርፊው ገዝቼሻለው ብለው ያስጣሉኝን መቼም አረሳውም አንዳንዴም ጠዋት እንደወጣው ምግብ ሳልበላ እዛው ሜዳ አምሽቼ እመለስ ነበር ምክኒያቱም ለምሳ ከገባው መውጣት የለም ቀጭን ብሆንም በጣም ጎበዝ አጥቂ ነኝ በሁለቱም እግሬ እጫወታለው በጣም ጥሩ ትንፋሽ አለኝ ፈጣን ነበርኩ ኳስ ካገኘው ከመረብ ማገናኘት በጣም ቀላል ነው አብረውኝ ከሚጫወቱ የትምህርት ቤት ጎደኞቼ አንዱ ጀግና play maker ነበር ክለብ ጥሪ አድርጎ ወደ ጃንሜዳ ሄደ ጎደኛዬ አይደለም ለኢትዮጵያ እግርኳስ ብቻ ሳይሆን ለአውሮፓ የሚመጥን ብቃት ነበረው

በደስታ ሸኘሁት ትንሿ ልቤ በመንፈስ አብራው ነበረች ጎደኛዬ ጃንሜዳ ደርሶ ከታየ በሁላ የ3 ወር ደሞዙንና በዛን ጊዜ እንኳን አይተን ሰምተን የማናቀውን ገንዘብ እንደተየቀ በደስታ ለምትዘለው ልቤ በሀዘን በሚዘንበው እንባው ነገረኝ በንጋታው ወደ ጃንሜዳ ለመሄድ የተቁነጠነጠው እግሬ ከዳኝ ልቤ ቀጥ አለች ውስጤ ሞተ እንደኔ አንድ ድሀ እናት ብቻ ላለው ኢትዮጵያዊ ልጅ የእግር ኳስ ፍቅር ብቻ ምንም አያደርግለትም ከዛች ቀን ቡሀላ ትንሿ ልቤ በኢትዮጵያ እግር ኳስ ላይ ቂም ያዘች (በማን ላይ እንዳልኩ ይገባችኋል ) የአውሮፓን እግር ኳስ በጣም እከታተላው እንደ ኢትዮጵያ ህዝብ እግር ኳስን የሚወድ ያለ አይመስለኝም ህዝቤ ስለሆነ አይደለም

READ  ጆን ቴሪ ለአስቶን ቪላ ፊርማውን አኑሯል

ብራዚሎች ሮናልዲኒሆ እንግሊዞች ጋስኮይ ጣሊያኖች ፔርሎ ወይም ፈረንሳዬች ዚዳን ስፔኖች ኢኔሽታ እና አርጀንቲናውያን ሜሲ አላቸው የኢትዮጵያ ህዝብ ፔሌ ወይ ማራዶና አልነበረውም ሜሲ ና ሮናልዶ ወይም ቡፎን የለውም( ይህን ስል ብዙ ጀግኖቻችንን መቼም አረሳቸውም ከድሮም ከአሁንም ) ታዲያ የኢትዮጵያ ህዝብ ለምን ኳስ ይወዳል ምክኒያቱም እያንዳንዱ ሰፈር ሜዳ ላይ ሜሲ ሮናልዶ ካንቴ ዣቪ ካንቶና ሄነሪ ላምፓርድ ጄራርድ ቤካም ነይማር ጊግስ ትልቁሮናልዶ … አሉ ምንአልባትም ሜዳ ላይ እንደማይክል ማይክ ሳይሆን ኳስ ይዞ የሚያዝናናው ሮናልዲኒሆን ስንት ጓዳ አቅፎ እንደመከነ ቤት ይቁጠረው የኢትዮጵያ እግርኳስ ፌዴሬሽን ከይድነቃቸው ተሰማ ቡሀላ እንደእኔ ምንም የሰራ አይመስለኝም የኛ ህልም ቅዠት ሆኗል የኛ ብቃት ባክኗል ምኞታችን መክኗል እንጀራችን ሻግቷል ሳቃችን ተነጥቋል ቢያንስ ለእነዚ ልጆች እራሩላቸው የኢትዮጵያን እግር ኳስ አድኑ የኢትዮጵያ እግር ኳስ እርግማን ምን እንደሆነ ባላውቅም አንድ መሲህ ግን ሁልጊዜ እጠብቃለው እግርኳስ በእውቀትና በፍቅር እንጂ በጡንቻ አይመራም

ወደ ኋላ ነው እንጂ ወደ ኋላ ፊት የለም

ዳን አድማሱ

Continue Reading

Ethiopia

የ2010 ቶታል ታላቁ ሩጫ በኢትዮጵያ – በ2010 ዓ.ም. የአትሌቶች የውድድር ሽልማት በእጥፍ ጨመረ

Published

on

የ2010 ቶታል ታላቁ ሩጫ በኢትዮጵያ - በ2010 ዓ.ም. የአትሌቶች የውድድር ሽልማት በእጥፍ ጨመረ

የታላቁ ሩጫ በኢትዮጵያ ቢሮ በዘንድሮው የ2010 ቶታል ታላቁ ሩጫ በኢትዮጵያ ላይ ለሚወዳደሩ አሸናፊ ወንድና ሴት አትሌቶች የሚሰጠው የገንዘብ ሽልማት በእጥፍ ጨምሮ ለእያንዳንዳቸው 100,000 ብር ማድረጉን አስታወቀ፡፡

የሽልማት መጠን ማስተካከያው የተደረገው ታላቁ ሩጫ በኢትዮጵያ ለብዙ ጀማሪ አትሌቶች የወደፊት አለማቀፋዊ ተሳትፎ ፈር ቀዳጅ መድረክ መሆን አንዱ አላማው እንደመሆኑ አትሌቶችን ለማበረታታት ታስቦ የተደረገ ነው፡፡

ይህ ሽልማት ባጠቃላይ የዘንድሮው የሽልማት መጠንን ከ300 ሺ ብር በላይ እንደሚያደርሰውም ታውቋል፡፡

በተጨማሪም የዚህ አመት የታላቁ ሩጫ በኢትዮጵያ ተሳታፊዎች ውድድሩን ለመሳተፍ ከሚለብሱት የሩጫ ቲ-ሸርት በተጨማሪ የመሮጫ ቁጥር በደረት ላይ ማድረግ አስገዳጅ ቅድመ ሁኔታ መሆኑንም የሩጫው አዘጋጆች
አስታውቀዋል፡፡

ይህም ታላቁ ሩጫ በኢትዮጵያን እንደሌሎች አለም አቀፍ ውድድሮች ያለውን ደረጃውን ከፍ ከማድረጉም በተጨማሪ ሃሰተኛ የሆነ ቲ-ሸርትን ለማስወገድ ታስቦ የተደረገ ነው፡፡

የመሮጫ ቁጥር እያንዳንዱ ባር ኮድ ሲኖረው ማንኛውም ተሳታፊ ያለ መሮጫ ቁጥር ለመሳተፍ ቢሞክር ከውድድሩ ውጪ እንደሚሆን
ተገልጧል፡፡

30 ቀናት የቀሩት የ17ተኛው ዙር ታላቁ ሩጫ ባለፈው አመት የጀመረውን የሁለት ማእበል መነሻ ሩጫ ዘንድሮም የሚቀጥለው ሲሆን ከተሳታፊዎች በተሰጠ አስተያየት መሰረት ውድድሩን ከአንድ ሰዓት በታች ለሚጨርሱ መነሻን ቀይ ከማድረግ ይልቅ አረንጓዴ(በተለምዶው አረንጓዴ ከትራፊክ መብራት ጋር ተያይዞ ቀድሞ መሄድን ስለሚያመላክት) ተደርጓል፡፡

ከአጠቃላዩ 44ሺህ ተሳታፊ 7ሺው ፈጣን ሯጮችን ሲያሳትፍ ቀሪው 37ሺህ ቀይ ቲ- ሸርት ለሚለብሱና ዘና ብለው ውድድሩ ላይ የሚሳተፉ ሯጮች የሚሆን ይሆናል፡፡

ለበለጠ መረጃ፡ ታላቁ ሩጫ በኢትዮጵያ ሕሊና ንጉሴ 0911601710 ኢሜል፡ hilina@ethiopianrun.org

READ  በቃሊቲ ማረሚያ ቤት የሞተው ኬንያዊ ቤተሰቦች በመታሰሩ የደረሰበት ጭንቀት ለሞት እንዳበቃው ተናገሩ
Continue Reading

Trending

news.et Mobile App!

It's Faster!

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close