Connect with us

Sport

ከስፖርት መዓድ -ትኩስ ዓለም አቀፋዊ ስፖርታዊ እና የዝውውር ወሬዎች………

Juliet Tedla Asfaw

Published

on

ከስፖርት መዓድ

1-ቼልሲዎች ለአርጀንቲናዊ አጥቂ ጎንዛሎ ሄጉዌን 87.5 ሚሊየን ፓውንድ ያቀረቡት ሂሳብ በጁቬንቱሶች ውድቅ መደረጉ ታውቋል፡፡ ጁቬንቱሶች ሂጉዌንን ከናፖሊ በ75.3 ሚሊየን ፓውንድ ባለፈው የክረምቱ ዝውውር ማስፈረማቸው ይታወቃል፡፡ ሰመያዊዎቹ ሮሜሎ ሉካኩን በማንቸስተር ዩናይትድ ከተነጠቁ በኋላ ሌላ ሁነኛ አጥቂ እያፈላለጉ ሲሆን የተለያዩ ሙከራዎችንም እያደረጉ ይገኛሉ፡፡ ሆኖም ግን አንትኒዮ ኮንቴ ትክክለኛ 10 ቁጥር ለባሽ ለማግኛታቸው ጥርጣሬ ስለገባቸው ይመስላል ዲያጎ ኮስታን ከመልቀቃቸው በፊት ነገሮችን በጥለቀት እየመረመሩ ናቸው፡፡

2-ብራዚላዊው የተከላካይ አማካኝ ሉካስ ሌቫ ከላዚዮ ጋር መነጋገር ይችል ዘንድ ፍቃድ ከሊቨርፑሎች ማግኘቱ ታውቋል፡፡ ትላንተና ሊቭርፑሎች ከዊጋኖች ጋር ካደረጉት ጨዋታ ላይ ከተካተቱት የቡድን ስብስብ ውጪ የሆነ ሲሆን ይህም የጣሊያኑ ክለብ ላዚዮ 5ሚሊየን ፓውንድ የዝውውር ሂሳብ ለተጫዋቹ በማቅረቡ ቀዮቹም የሮሙ ክለብ ባሳየው ፍላጎት ሙሉ ፍቃደኛ ቢሆኑም የድርድሩ ጉዳይ ለሉካስ ትተውለታል፡፡ አሰልጣኝ የርገን ክሎፕ በብራዚላዊው ዙሪያ ’’ 100 ፐርሰንት እርግጠኛ መሆን አልችልም፡፡አውነታው ግን ሉካስ በክለቡ ሊቆይ ይቻላል አሊያም ደግሞ በተቃራኒው’’ ሲሉ አስተያየታቸውን ሰጥተውታል፡፡ አሁን ላይ በወጡ ዘገባዎች ሉካስ ከላዚዮ ጋር ከስምምነት መደረሱንና ሰኞ አለትም በሰባት ሰዓት ሜዲካል ምርመራ ለማድረግ ቀጠሮ እንደተያዘለት አስነብበዋል፡፡

3-የማንቸስተር ዩናይትዱ አሰልጣኝ ጆሴ ሞሪንሆ ሮሜሎ ሉካኩና ቪክተር ሊንዶልፍን ቢያስፈርሙም ተጨማሪ ሁለት ተጫዋቾችን በዝውውር መሰኮቱ ማግኘት እንደሚፈልጉ ተናግረዋል፡፡ ልዩው ሰው እንደገለፁት ’’በዝውውር መስኮቱ 50 ፐርሰንት ስራችንን አከናውነናል ማለት ይቻላል ነገር ግን ባለን የቡድን ስብስብ ላይ ሁለት ታላላቅ ዝውውሮችን ማድረግ እንደሚጠበቅብን ይገባኛል፡፡ ቀላል ባይሆንም ያሰብነውን ማሳካት ስለሚኖርብን የምንፈልጋቸውን ተጫዋቾች ባናገኝ እንኳን አማራጮችን እንወስዳለን’’ ሲሉ ካሁን በኋላ ሁለት ተጫዋቾችን ወደ ቡድናቸው ከፍተኛ ወጪ አባል እንደሚያደርጉ ፍንጭ ሰጥተዋል፡፡አሰልጣኙ በዩናይትድ ከተመደበላቸው የተጫዋቾች ማዘዋወሪያ በጀት100 ሚሊየን ፓውንድ ቀሪ ተጫዋቾች ማስፈረሚያ  ሂሳብ ይቀራቸዋል፡፡

READ  ከስፖርት መዓድ -ትኩስ ዓለም አቀፋዊ ስፖርታዊ እና የዝውውር ወሬዎች………

4-የዶርትሞንዱ ጋቦናዊ ተጫዋች ኦቦሚያንግ በብዙ ክለቦች እይታ ውስጥ የወደቀ ተጫዋች ነው፡፡ የምዕራብ ለንደኑ ክለብ ቼልሲ ግን ተጫዋቹን ለማግኘት ከሌሎች ታላላቅ ክለቦች በተሸለ ተጫዋቹን የማግኘት ዕድል እንዳለው ዘገባዎች አመላክተዋል፡፡ አንቶኒዮ ኮንቴ ኦቦሚያንግን ለማስፈረም 65ሚሊየን ፓውንድ አቅርበው ከዶርትሞንድ ጋር ድርድር መጀመራቸው የታወቀ ሲሆን የጀርመኑ ክለብ ጥያቄያቸውን ውድቅ ቢያደርግባቸው እንኳን የሂሳብ መጠኑን ከመጨመር ወደ አይሉም ነው የተባለው፡፡ ቼልሲዎች የገጠማቸውመሰረታዊ የአጥቂ ችግር በከፍተኛ ሁኔታ ያሳሰባቸው በመሆኑ አንፈልግህም ያሉትን አመለኛውን ኮስታ በድጋሚ ለማባበል እየሞከሩ ይገኛሉ፡፡

5-የሜክሲኮው ግብ አዳኝ ሀቪየር ሄርናንዴዝ(ቺቻሪቶ) በዘንድሮ የዝውውር መስኮት ባየርን ሊቨርኩሰንን እንደሚለቅ እርግጥ  ነው ፡፡ የጀርመኑ ክለብም ማንኛውም 13.5ሚሊየን ፓውንድ የሚያቀርብ ክለብ ቺቻሪቶን መውሰድ እንደሚችል ይፋማድረጉ ይታወቃል፡፡ ሆኖም ግን የተጫዋቹ ፍላጎት እንደተጠበቀ ሆኖ ማለት ነው፡፡ በዚህም የተነሳ ሁለቱ የለንደን ክለቦች ማለትም ዌስትሃም እና ቼልሲ ወደ ፕሪሚየር ሊጉ መመለስ ለሚፈልገው ሜክኳዊ አጥቂ ፈላጊ ክለብ ሆነው ቀርበዋል፡፡ እናም የቺቻሪቶ ቀጣይ ማረፊያ የሎንደኖቹ ማለትም የሰሌቨን ብሊቹ መዶሻዎች አሊያም ደግሞ የአንቶኒዮ ኮንቴ ሰማያዊዎቹ ይሆናሉ በሚል በሰፊው ታምኗል፡፡ ቺቻሪቶ በተለይ በባከነ ደቂቃዎች በሚያስቆጥራቸው አንጀት አርስ ጎሎች በእግር ኳስ አፍቃሪያን ዘንድ የሚታወቅ ሲሆን 90 ደቂቃ እና የሄርናዴዝ ጎሎች በዩናይትድ ደጋፊዎች ዘንድ ሁሌም የሚታወሱ ናቸው፡፡

 

Ethiopia

አቶ ተክለወይኒ በEthio FM 107.8 በሰጡት መግለጫ ውክልናቸው መነሳቱ ተገለፀ

Elias Tesfaye

Published

on

EthioSport EthioFM

የትግራይ ክልል አስተዳደር ክልሉን በመወከል የኢትዮጲያ እግር ኳስ ፌዴሬሽን ም/ፕሬዚዳንት የሆኑትን የአቶ ተክለወይኒ አሰፋን ውክልና ያነሳው

1) ከትላንት ወዲያ በEthio FM 107.8 ኢትዮ ስፖርት ፕሮግራም ከጋዜጠኛ Tadele Assefa ጋር በነበራቸው ቆይታ ያደረጉት ንግግር እና
2) ዛሬ በኢትዮጲያ እግር ኳስ ፌዴሬሽን ጉባዔ ላይ ያደረጉት ንግግር የክልሉን መንግስት አቋም እንደማያንጸባርቅ ስለታመነበት መሆኑን ሁለት የከፍተኛ አመራር አባላት ገልጸውልኛል።

ከኤፍ ኤሙ ጋር ያደረጉት ንግግር ላይ ጠቅላይ ሚኒስተሩን የሚቃረን በመሆኑ ከሳቸው የቀረበ ቅሬታ ነበረ ወይ የሚል ጥያቄ ያቀረብኩ ሲሆን፤ “ከጠ/ሚኒስትሩ የቀረበ ነገር የለም፣ እንዲቀርብም አትጠብቅም፣ የክልሉ ውሳኔ መነሻ የተክለወይኒ ንግግር የክልሉን አቋም የማያንጸባርቅ መሆኑ ብቻ ነው” ብለኛል።

READ  ከስፖርት መዓድ -ትኩስ ዓለም አቀፋዊ ስፖርታዊ እና የዝውውር ወሬዎች………
Continue Reading

Ethiopia

የኢትዮጵያ እግርኳስ ፌደሬሽን ለአዲሱ ትውልድ ሊራራለ ይገባል

Elias Tesfaye

Published

on

(ዳን አድማሱ ለፌደሬሽኑ ያስተላለፈው መልዕክት)

  • የኢትዮጵያ አንዱ ትኩሳት

ልጅ እያለው ለእግር ኳስ የነበረኝ ፍቅር በቀላሉ የሚገለፅ አይደለም ትምህርት ቤት ከትምህርት ቤት መልስ ቅዳሜና እሁድ በተለይም ክረምት እግር ኳስ ከአመት እስከ አመት ከህይወቴ ጋር ተሰፍቶ ነበር ሙዚቃ በጣም ብወድም ለራሴ አንድ ቀን የሀገሬን ማሊያ ለብሼ ያን ወርቅ የኢትዮጵያ ደጋፊ ከጫፍ እስከጫፍ ሳስጨፍር በህልሜ እያየው እንቅልፍ ሳልተኛ ያደርኩባቸው ሌሊቶች ቁጥር አይገልፃቸውም ለእናቴ የቀረኋት አንድ ልጅ እኔ ስልሆንኩ ከፍተኛ ቁጥጥር ቢኖርብኝም አንዳንዴ በመስኮት እየዘለልኩ ወይም አልጋ ውስጥ ትራስ በማስተኛት የተለያየ ዘዴ በመፍጠር ከሜዳ አልቀረም

አንድ ግዜ እጄ ዞሮ በከፍተኛ ስቃይ በንጋታው ሜዳ ሄጄ እናቴ ሜዳ ድረስ መጥታ ስትወስደኝ የመረረ ለቅሶዬን ያዩ አንድ እናት መነኩሴ እንዳትገርፊው ገዝቼሻለው ብለው ያስጣሉኝን መቼም አረሳውም አንዳንዴም ጠዋት እንደወጣው ምግብ ሳልበላ እዛው ሜዳ አምሽቼ እመለስ ነበር ምክኒያቱም ለምሳ ከገባው መውጣት የለም ቀጭን ብሆንም በጣም ጎበዝ አጥቂ ነኝ በሁለቱም እግሬ እጫወታለው በጣም ጥሩ ትንፋሽ አለኝ ፈጣን ነበርኩ ኳስ ካገኘው ከመረብ ማገናኘት በጣም ቀላል ነው አብረውኝ ከሚጫወቱ የትምህርት ቤት ጎደኞቼ አንዱ ጀግና play maker ነበር ክለብ ጥሪ አድርጎ ወደ ጃንሜዳ ሄደ ጎደኛዬ አይደለም ለኢትዮጵያ እግርኳስ ብቻ ሳይሆን ለአውሮፓ የሚመጥን ብቃት ነበረው

በደስታ ሸኘሁት ትንሿ ልቤ በመንፈስ አብራው ነበረች ጎደኛዬ ጃንሜዳ ደርሶ ከታየ በሁላ የ3 ወር ደሞዙንና በዛን ጊዜ እንኳን አይተን ሰምተን የማናቀውን ገንዘብ እንደተየቀ በደስታ ለምትዘለው ልቤ በሀዘን በሚዘንበው እንባው ነገረኝ በንጋታው ወደ ጃንሜዳ ለመሄድ የተቁነጠነጠው እግሬ ከዳኝ ልቤ ቀጥ አለች ውስጤ ሞተ እንደኔ አንድ ድሀ እናት ብቻ ላለው ኢትዮጵያዊ ልጅ የእግር ኳስ ፍቅር ብቻ ምንም አያደርግለትም ከዛች ቀን ቡሀላ ትንሿ ልቤ በኢትዮጵያ እግር ኳስ ላይ ቂም ያዘች (በማን ላይ እንዳልኩ ይገባችኋል ) የአውሮፓን እግር ኳስ በጣም እከታተላው እንደ ኢትዮጵያ ህዝብ እግር ኳስን የሚወድ ያለ አይመስለኝም ህዝቤ ስለሆነ አይደለም

READ  ከስፖርት መዓድ -ትኩስ ዓለም አቀፋዊ ስፖርታዊ እና የዝውውር ወሬዎች………

ብራዚሎች ሮናልዲኒሆ እንግሊዞች ጋስኮይ ጣሊያኖች ፔርሎ ወይም ፈረንሳዬች ዚዳን ስፔኖች ኢኔሽታ እና አርጀንቲናውያን ሜሲ አላቸው የኢትዮጵያ ህዝብ ፔሌ ወይ ማራዶና አልነበረውም ሜሲ ና ሮናልዶ ወይም ቡፎን የለውም( ይህን ስል ብዙ ጀግኖቻችንን መቼም አረሳቸውም ከድሮም ከአሁንም ) ታዲያ የኢትዮጵያ ህዝብ ለምን ኳስ ይወዳል ምክኒያቱም እያንዳንዱ ሰፈር ሜዳ ላይ ሜሲ ሮናልዶ ካንቴ ዣቪ ካንቶና ሄነሪ ላምፓርድ ጄራርድ ቤካም ነይማር ጊግስ ትልቁሮናልዶ … አሉ ምንአልባትም ሜዳ ላይ እንደማይክል ማይክ ሳይሆን ኳስ ይዞ የሚያዝናናው ሮናልዲኒሆን ስንት ጓዳ አቅፎ እንደመከነ ቤት ይቁጠረው የኢትዮጵያ እግርኳስ ፌዴሬሽን ከይድነቃቸው ተሰማ ቡሀላ እንደእኔ ምንም የሰራ አይመስለኝም የኛ ህልም ቅዠት ሆኗል የኛ ብቃት ባክኗል ምኞታችን መክኗል እንጀራችን ሻግቷል ሳቃችን ተነጥቋል ቢያንስ ለእነዚ ልጆች እራሩላቸው የኢትዮጵያን እግር ኳስ አድኑ የኢትዮጵያ እግር ኳስ እርግማን ምን እንደሆነ ባላውቅም አንድ መሲህ ግን ሁልጊዜ እጠብቃለው እግርኳስ በእውቀትና በፍቅር እንጂ በጡንቻ አይመራም

ወደ ኋላ ነው እንጂ ወደ ኋላ ፊት የለም

ዳን አድማሱ

Continue Reading

Ethiopia

የ2010 ቶታል ታላቁ ሩጫ በኢትዮጵያ – በ2010 ዓ.ም. የአትሌቶች የውድድር ሽልማት በእጥፍ ጨመረ

Published

on

የ2010 ቶታል ታላቁ ሩጫ በኢትዮጵያ - በ2010 ዓ.ም. የአትሌቶች የውድድር ሽልማት በእጥፍ ጨመረ

የታላቁ ሩጫ በኢትዮጵያ ቢሮ በዘንድሮው የ2010 ቶታል ታላቁ ሩጫ በኢትዮጵያ ላይ ለሚወዳደሩ አሸናፊ ወንድና ሴት አትሌቶች የሚሰጠው የገንዘብ ሽልማት በእጥፍ ጨምሮ ለእያንዳንዳቸው 100,000 ብር ማድረጉን አስታወቀ፡፡

የሽልማት መጠን ማስተካከያው የተደረገው ታላቁ ሩጫ በኢትዮጵያ ለብዙ ጀማሪ አትሌቶች የወደፊት አለማቀፋዊ ተሳትፎ ፈር ቀዳጅ መድረክ መሆን አንዱ አላማው እንደመሆኑ አትሌቶችን ለማበረታታት ታስቦ የተደረገ ነው፡፡

ይህ ሽልማት ባጠቃላይ የዘንድሮው የሽልማት መጠንን ከ300 ሺ ብር በላይ እንደሚያደርሰውም ታውቋል፡፡

በተጨማሪም የዚህ አመት የታላቁ ሩጫ በኢትዮጵያ ተሳታፊዎች ውድድሩን ለመሳተፍ ከሚለብሱት የሩጫ ቲ-ሸርት በተጨማሪ የመሮጫ ቁጥር በደረት ላይ ማድረግ አስገዳጅ ቅድመ ሁኔታ መሆኑንም የሩጫው አዘጋጆች
አስታውቀዋል፡፡

ይህም ታላቁ ሩጫ በኢትዮጵያን እንደሌሎች አለም አቀፍ ውድድሮች ያለውን ደረጃውን ከፍ ከማድረጉም በተጨማሪ ሃሰተኛ የሆነ ቲ-ሸርትን ለማስወገድ ታስቦ የተደረገ ነው፡፡

የመሮጫ ቁጥር እያንዳንዱ ባር ኮድ ሲኖረው ማንኛውም ተሳታፊ ያለ መሮጫ ቁጥር ለመሳተፍ ቢሞክር ከውድድሩ ውጪ እንደሚሆን
ተገልጧል፡፡

30 ቀናት የቀሩት የ17ተኛው ዙር ታላቁ ሩጫ ባለፈው አመት የጀመረውን የሁለት ማእበል መነሻ ሩጫ ዘንድሮም የሚቀጥለው ሲሆን ከተሳታፊዎች በተሰጠ አስተያየት መሰረት ውድድሩን ከአንድ ሰዓት በታች ለሚጨርሱ መነሻን ቀይ ከማድረግ ይልቅ አረንጓዴ(በተለምዶው አረንጓዴ ከትራፊክ መብራት ጋር ተያይዞ ቀድሞ መሄድን ስለሚያመላክት) ተደርጓል፡፡

ከአጠቃላዩ 44ሺህ ተሳታፊ 7ሺው ፈጣን ሯጮችን ሲያሳትፍ ቀሪው 37ሺህ ቀይ ቲ- ሸርት ለሚለብሱና ዘና ብለው ውድድሩ ላይ የሚሳተፉ ሯጮች የሚሆን ይሆናል፡፡

ለበለጠ መረጃ፡ ታላቁ ሩጫ በኢትዮጵያ ሕሊና ንጉሴ 0911601710 ኢሜል፡ hilina@ethiopianrun.org

READ  ከስፖርት መዓድ -ትኩስ ዓለም አቀፋዊ ስፖርታዊ እና የዝውውር ወሬዎች………
Continue Reading

Trending

news.et Mobile App!

It's Faster!

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close