Connect with us

Sport

ከስፖርት መዓድ -ትኩስ ዓለም አቀፋዊ ስፖርታዊ እና የዝውውር ወሬዎች………

Juliet Tedla Asfaw

Published

on

ከስፖርት መዓድ

1-ቼልሲዎች ለአርጀንቲናዊ አጥቂ ጎንዛሎ ሄጉዌን 87.5 ሚሊየን ፓውንድ ያቀረቡት ሂሳብ በጁቬንቱሶች ውድቅ መደረጉ ታውቋል፡፡ ጁቬንቱሶች ሂጉዌንን ከናፖሊ በ75.3 ሚሊየን ፓውንድ ባለፈው የክረምቱ ዝውውር ማስፈረማቸው ይታወቃል፡፡ ሰመያዊዎቹ ሮሜሎ ሉካኩን በማንቸስተር ዩናይትድ ከተነጠቁ በኋላ ሌላ ሁነኛ አጥቂ እያፈላለጉ ሲሆን የተለያዩ ሙከራዎችንም እያደረጉ ይገኛሉ፡፡ ሆኖም ግን አንትኒዮ ኮንቴ ትክክለኛ 10 ቁጥር ለባሽ ለማግኛታቸው ጥርጣሬ ስለገባቸው ይመስላል ዲያጎ ኮስታን ከመልቀቃቸው በፊት ነገሮችን በጥለቀት እየመረመሩ ናቸው፡፡

2-ብራዚላዊው የተከላካይ አማካኝ ሉካስ ሌቫ ከላዚዮ ጋር መነጋገር ይችል ዘንድ ፍቃድ ከሊቨርፑሎች ማግኘቱ ታውቋል፡፡ ትላንተና ሊቭርፑሎች ከዊጋኖች ጋር ካደረጉት ጨዋታ ላይ ከተካተቱት የቡድን ስብስብ ውጪ የሆነ ሲሆን ይህም የጣሊያኑ ክለብ ላዚዮ 5ሚሊየን ፓውንድ የዝውውር ሂሳብ ለተጫዋቹ በማቅረቡ ቀዮቹም የሮሙ ክለብ ባሳየው ፍላጎት ሙሉ ፍቃደኛ ቢሆኑም የድርድሩ ጉዳይ ለሉካስ ትተውለታል፡፡ አሰልጣኝ የርገን ክሎፕ በብራዚላዊው ዙሪያ ’’ 100 ፐርሰንት እርግጠኛ መሆን አልችልም፡፡አውነታው ግን ሉካስ በክለቡ ሊቆይ ይቻላል አሊያም ደግሞ በተቃራኒው’’ ሲሉ አስተያየታቸውን ሰጥተውታል፡፡ አሁን ላይ በወጡ ዘገባዎች ሉካስ ከላዚዮ ጋር ከስምምነት መደረሱንና ሰኞ አለትም በሰባት ሰዓት ሜዲካል ምርመራ ለማድረግ ቀጠሮ እንደተያዘለት አስነብበዋል፡፡

3-የማንቸስተር ዩናይትዱ አሰልጣኝ ጆሴ ሞሪንሆ ሮሜሎ ሉካኩና ቪክተር ሊንዶልፍን ቢያስፈርሙም ተጨማሪ ሁለት ተጫዋቾችን በዝውውር መሰኮቱ ማግኘት እንደሚፈልጉ ተናግረዋል፡፡ ልዩው ሰው እንደገለፁት ’’በዝውውር መስኮቱ 50 ፐርሰንት ስራችንን አከናውነናል ማለት ይቻላል ነገር ግን ባለን የቡድን ስብስብ ላይ ሁለት ታላላቅ ዝውውሮችን ማድረግ እንደሚጠበቅብን ይገባኛል፡፡ ቀላል ባይሆንም ያሰብነውን ማሳካት ስለሚኖርብን የምንፈልጋቸውን ተጫዋቾች ባናገኝ እንኳን አማራጮችን እንወስዳለን’’ ሲሉ ካሁን በኋላ ሁለት ተጫዋቾችን ወደ ቡድናቸው ከፍተኛ ወጪ አባል እንደሚያደርጉ ፍንጭ ሰጥተዋል፡፡አሰልጣኙ በዩናይትድ ከተመደበላቸው የተጫዋቾች ማዘዋወሪያ በጀት100 ሚሊየን ፓውንድ ቀሪ ተጫዋቾች ማስፈረሚያ  ሂሳብ ይቀራቸዋል፡፡

READ  ከስፖርት መዓድ -ትኩስ ዓለም አቀፋዊ ስፖርታዊ እና የዝውውር ወሬዎች………

4-የዶርትሞንዱ ጋቦናዊ ተጫዋች ኦቦሚያንግ በብዙ ክለቦች እይታ ውስጥ የወደቀ ተጫዋች ነው፡፡ የምዕራብ ለንደኑ ክለብ ቼልሲ ግን ተጫዋቹን ለማግኘት ከሌሎች ታላላቅ ክለቦች በተሸለ ተጫዋቹን የማግኘት ዕድል እንዳለው ዘገባዎች አመላክተዋል፡፡ አንቶኒዮ ኮንቴ ኦቦሚያንግን ለማስፈረም 65ሚሊየን ፓውንድ አቅርበው ከዶርትሞንድ ጋር ድርድር መጀመራቸው የታወቀ ሲሆን የጀርመኑ ክለብ ጥያቄያቸውን ውድቅ ቢያደርግባቸው እንኳን የሂሳብ መጠኑን ከመጨመር ወደ አይሉም ነው የተባለው፡፡ ቼልሲዎች የገጠማቸውመሰረታዊ የአጥቂ ችግር በከፍተኛ ሁኔታ ያሳሰባቸው በመሆኑ አንፈልግህም ያሉትን አመለኛውን ኮስታ በድጋሚ ለማባበል እየሞከሩ ይገኛሉ፡፡

5-የሜክሲኮው ግብ አዳኝ ሀቪየር ሄርናንዴዝ(ቺቻሪቶ) በዘንድሮ የዝውውር መስኮት ባየርን ሊቨርኩሰንን እንደሚለቅ እርግጥ  ነው ፡፡ የጀርመኑ ክለብም ማንኛውም 13.5ሚሊየን ፓውንድ የሚያቀርብ ክለብ ቺቻሪቶን መውሰድ እንደሚችል ይፋማድረጉ ይታወቃል፡፡ ሆኖም ግን የተጫዋቹ ፍላጎት እንደተጠበቀ ሆኖ ማለት ነው፡፡ በዚህም የተነሳ ሁለቱ የለንደን ክለቦች ማለትም ዌስትሃም እና ቼልሲ ወደ ፕሪሚየር ሊጉ መመለስ ለሚፈልገው ሜክኳዊ አጥቂ ፈላጊ ክለብ ሆነው ቀርበዋል፡፡ እናም የቺቻሪቶ ቀጣይ ማረፊያ የሎንደኖቹ ማለትም የሰሌቨን ብሊቹ መዶሻዎች አሊያም ደግሞ የአንቶኒዮ ኮንቴ ሰማያዊዎቹ ይሆናሉ በሚል በሰፊው ታምኗል፡፡ ቺቻሪቶ በተለይ በባከነ ደቂቃዎች በሚያስቆጥራቸው አንጀት አርስ ጎሎች በእግር ኳስ አፍቃሪያን ዘንድ የሚታወቅ ሲሆን 90 ደቂቃ እና የሄርናዴዝ ጎሎች በዩናይትድ ደጋፊዎች ዘንድ ሁሌም የሚታወሱ ናቸው፡፡

 

Sport

ከስፖርት ማዕድ- የውጪ ስፖርታዊ መረጃዎች

Juliet Tedla Asfaw

Published

on

ከስፖርት ማዕድ- የውጪ ስፖርታዊ መረጃዎች

  1. አርሰናል የፕሪሚየር ሊጉን ዋንጫ ካነሳ ብዙ አመታቶች ተቆጥረዋል፡፡ በትዕግስት ሲጠባበቁ የነበሩ የመድፈኞቹ ታማኝ ደጋፊዎችም አሁን አሁን ተሰላችተዋል  ለማለት ይቻላል፡፡ ፈረንሳዊው አሰልጣኝ አርሰን ቬንገርም በተወደሱበት ክለብ መተቸት መወቀስ ከዛም አልፎ ከአሰልጣኝነታቸው እንዲለቁ ከፍተኛ ግፊት እየተደረገባቸው ነው፡፡ ከሁሉም በላይ ደግሞ ታላላቅ የሚባሉ የመድፈኞቹ ተጫዋቾች (የለቀቁት እንዳሉ ሆነው)ክለቡን ሊያውም በነፃ ዝውውር ለመልቀቅ ተሰናድተዋል፡፡ ፕሮፌሰር ቬንገር ግን ማንኛውም ተጫዋች ክለቡን ቢለቅ የሚፈጥረው ተፅዕኖ እንደማይኖር ተናግረዋል፡፡      ’’በዚህ ክለብ ለረጅም አመታት ቆይቻለው፡፡የተላያዩ ታላላቅ ተጫዋቾች ትተውን ሄደዋል፡፡ ግን አረሰናል ቡድን እንጂ በነጠላ ተጫዋች ላይ የተንጠለጠለ አይደለም፡፡ ሁሉም ነገር የሚወሰነው በአይምሮህ ላይ ነው፡፡ ጭንቅላትህ ማሰብ እስካላቆመ ድረስ በሄደ ተጫዋች ላይ ሌላ ተክተህ ቡድንህን ማዋቀር ትችላለህ፡፡’’ ሲሉ ፈረንሳዊው አሰልጣኝ አስተያየታቸውን ሰጥተዋል፡፡ አርሰናል ዛሬ በኤምሬትስ ከዌስት ብሮም ጋር የፕሪሚየር ጨዋታውን ያደርጋል፡፡
  2. በክረምቱ የዝውውር መስኮት በጣም አሰልቺና አዝግ የነበረው የዲያጎ ኮስታ ጉዳይ በስተመጨረሻ መቋጫውን አግኝቷል፡፡ ቼልሲና አትሌቲኮ ማድሪድ በተጫዋቹ ዙሪያ ከስምምነት መድረሳቻውን ተከትሎ ማለት ነው፡፡ ሆኖም ግን በሶስት አመታት ውስጥ ሁለት የፕሪሚየር ሊጉን ዋንጫ እንዲያነሱ ትልቅ አስተዋፅኦ ያበረከተውን ኮስታን ማን ይተካዋል የሚለው ጥያቄ በቼልሲ ደጋፊዎች ዘንድ የሚነሳ እንደነበር አያጠራጥርም፡፡ ሆኖም ግን በቅዳሜው የስቶክ ሲቲ ጨዋታ ሌላኛው ስፔናዊ ተጫዋች አልቫሮ ሞራታ ከሚገርም ብቃት ሀትሪክ መስራቱን ተከትሎ የሰማያዊዎቹ ደጋፊዎችን ’እፎይ’ ከማስባሉም በላይ ’’ኮስታ ማነው?’’ አስብሏቸዋል፡፡ ታዲያ አልቫሮ ሞራታ በቼልሲ ቤት የዲያጎ ኮስታ ተተኪ ይሆንን?፡፡ የውድድር አመቱ በዚህ ዙሪያ ምላሽ ይኖረዋል፡፡
  3. ማንቸስተር ዩናይትድ የቅዳሜውን የሴይንት ሜሪ አስቸጋሪ ጨዋታ በሮሜሎ ሉካኩ ብቸኛ ጎል በአሸናፊነት ማጠናቀቁ ይታወሳል፡፡ሆኖም ግን የቀያይ ሰይጣኖቹ አውቶብስ ወደ ማንቸስተር ከተማ ሲመለስ ያለ ሮሜሎ ሉካኩ ነው፡፡ይህም የሆነበት ምክንያት ቤልጄማዊው አበረታች መድሀኒት ምርመራ እንዲያደርግ ቀጠሮ ስለተያዘለት ነበር፡፡ ተጫዋቹ ዩናይትድን ከሜዳው ውጪ ያደረገውን ከባድና ፈታኝ ጨዋታ በድል እንዲወጣ ቢያስችለውም በወቅቱ የተወሰነ መጉላላት እንደደረሰበት ለማወቅ ተችሏል፡፡
  4. የሳውዝአምፕተኑ ሆላንዳዊ ተከላካይ ቫንዳይክ በጥር የዝውውር መስኮት ወደ ሊቨርፑል የመዘዋወሩ ጉዳይ የማይሆን መሆኑ በሰፊው እየተዘገበ ይገኛል፡፡ የሴይንትመሪው ክለብ በጭራሽ ሆላንዳዊውን በዚህ የውድድር አመት የመሸጥ ፍላጎት የለውም ነው የተባለው ፡፡ በተለይ ሊቭርፑሎች ያለ ሳውዝአምፕተን ፍቃድ ተጫዋቹን ማናገራቸው ሁኔታውን ውስብስብ አድርጎታል፡፡ የመርሲሳይዱ ክለብ ይቅርታ በጉዳዩ  ዙሪያ ቢጠይቅም ተቀባይነትን ሊያገኝ በፍጹም አልቻለም፡፡ እንደውም አርሰናል እና ቼልሲ ቫንዳይክን የማዘዋወር ፍላጎት ስላላቸው ሳውዝአምፕተኖች ተጫዋቹን ወደ ሎንደን ሊሰዱት ይችላሉ የሚሉ ግምቶች ተበራክተዋል፡፡ቫንዳይክ ከራሱ ክለብ ቅጣት በኋላ በቅዳሜው የስቶክ ሲቲ ጨዋታ ወደ ሜዳ ይመለሳል ተብሎ ይጠበቃል፡፡
  5.  ቤልጄማዊው አጥቂ ሮሜሎ ሉካኩ ከኤቨርተን ወደ ማንቸስተር  ዩናይትድ ከተዘዋወረ በኋላ ስኬታማ የሚባል ጊዜ እያሳለፈ ይገኛል፡፡ የዩናትድ ደጋፊዎችም በተጫዋቹ እጅግ ከመደሰታቸው የተነሳ በስሙ እየዘመሩለት ቢገኙም ያዘጋጁት መዝሙር ግን ከዘረኝነት ጋር በተያያዘ ከፍተኛ ውዝግብን ፈጥሯል፡፡ ታላላቅ ተጫዋቾችም ደጋፊዎቹ ዝማሬውን እንዲቀይሩ በየሚዲያው ቢጎተጉቱም ደገፊዎቹ በደስተኝነት ስሜት ለሉካኩ እያዜሙለት ናቸው፡፡ ሮሜሎ ሉካኩ በአንደበቱ በዝማሬው ላይ ቅሬታ ካላቀረበ በአቋማቸው እንደሚፀኑም ደጋፊዎቹ አረጋግጠዋል፡፡
READ  በአውሮፓዊያኑ 2016 በመላው አለም 50 ጊዜ መንግስታት የኢንተርኔት አገልግሎትን ዘግተዋል ተባለ

Continue Reading

Ethiopia

በበርሊን ማራቶን ኪፕቾኬ ሲያሸንፍ ኢትዮጵያውያኑ አትሌቶች 2ኛና 3ኛ ወጥተዋል

FanaBC

Published

on

By

በበርሊን ማራቶን

(ኤፍ.ቢ.ሲ) ዓለም አቀፉ የበርሊን ቢ.ኤም.ደብሊው ማራቶን በዛሬው እለት ተካሂዷል። ዛሬ በተካሄደው የበርሊን ማራቶች በኬኒያዊው አትሌት ኤሉድ ኪፕቾጌ አንደኛ በመውጣት በአሸናፊነት አጠናቋል። ኤሉድ ኪፕቾጌ ውድድሩን 2 ሰዓት ከ03 ደቂቃ ከ34 ሴኮንድ በመግባት ነው በአንደኝነት ያጠናቀቀው።

በውድድሩ ላይ የተካፈለው ኢትዮጵያዊው አትሌት ጉዬ አዶላ 2 ሰዓት ከ03 ደቂቃ ከ47 ሰከንድ በመግባት ውድድሩን በሁለተኝነት አጠናቋል።

የ26 ዓመቱ አትሌት ጉዬ አዶላ በማራቶን የሩጫ ውድድር ላስ ሲካፈል ይህ የመጀመሪያው መሆኑም ተነግሯል። ሌላኛው ኢትዮጵያዊ አትሌት ሞስነት ገረመው 2 ሰዓት ከ06 ደቂቃ ከ11 ሰከንድ በመግባት ውድድሩን በሶስተኝነት ማጠናቀቅ ችሏል።

በበርሊን ቢ.ኤም.ደብሊው ማራቶን ላይ ከኤሉግ ኪፕቾጌ ጋር ከፍተኛ የማሸነፍ ቅድመ ግምት ተሰጥቷቸው የነበሩት አትሌት ቀነኒሳ በቀለ እና ዊልሰን ኪፕሳንግ አልተሳካለቸውም። በሴቶች በተካሄደው የበርሊን ቢ.ኤም.ደብሊው ማራቶን ኬኒያዊቷ አትሌት ግላድየስ ቼሬኖ ውድድሩን 2 ሰዓት ከ20 ደቂቃ ከ21 ሰከንድ በመግባት አሸንፋለች።

ኢትዮጵያዊቷ አትሌት ሩቲ አጋ ውድድሩን 2ኛ በመውጣት ያጠናቀቀች ሲሆን፥ ውድድሩን ለማጠናቀቅ 2 ሰዓት ከ20 ደቂቃ ከ41 ሰከንድ ወስዶባታል። የኬኒያዋ ቫላሪ አያቤይ 2 ሰዓት ከ20 ደቂቃ ከ53 ሰከንድ በመግባት ውድድሩን በሶስተኝነት አጠናቃለች። FBC

READ  ከስፖርት መዓድ -ትኩስ ዓለም አቀፋዊ ስፖርታዊ እና የዝውውር ወሬዎች………
Continue Reading

Sport

ከስፖርት ማዕድ- የውጪ ስፖርታዊ መረጃዎች

Juliet Tedla Asfaw

Published

on

ከስፖርት ማዕድ

1- ማንቸስተር ዩናይትድ ትላንት ወደ ሴይንት ሜሪ ተጉዞ በሮሜሎ ሉካኩ ብቸኛ ጎል 1 ለ 0 አሸንፎ ቢመለስም ሆኖም ግን የፔፔ ጋርዲዮላው ሲቲ ክሪስታል ፓላስን 5 ለ 0 በሆነ ሰፊ ውጤት
በማሸነፉ ምክንያት የመሪነቱ ማማ ላይ ሊቀመጥ ችሏል፡፡ይህን ተከትሎም በሁለቱ የማንቸስተር ከተማ ክለቦች ዙሪያ የተለያ አስተያየቶች እየተሰጡ ይገኛሉ፡፡ የቀድሞው የፕሪሚየር ሊጉ ድንቅ ተጫዋች ዳኒ መርፊ- ጆሴ ሞሪንሆ የፕሪሚየር ሊጉን ዋንጫ ለማንሳት በሲቲዎች ላይ የበላይነቱን መውሰድ ይገባቸዋል፡፡ሲቲዎች በሶስት ጨዋታዎች ላይ 16 ንፁህ ጎሎችን ማስቀጠር ችለዋል በአንፃሩ ዩናይትዶች 6 ጎሎችን ብቻ፡፡ ሁኔታዎች በዚሁ የሚቀጥሉ ከሆነ ፔፔ ጋርዲዮላ ከ ጆሴ ሞሪንሆ የተሻለ ቡድን በዘንድሮ ዓመት ይዘዋል ማለት ነው፡፡-ሲል አስተያየቱን ሰጥቷል፡፡

2- ሜሱት ኦዚል አስካሁን ድረስ በአርሰናል ቤት ኮንትራቱን ለማራዘም ፍቃደኛ ሊሆን ያለመቻሉ ነገር ከሚያሳየው የወረደ አቋም ጋር ተደማምሮ የተለየዩ ትችቶችንና ተግሳፆችን ሲያከናንበው ሰነባብቷል፡፡ ጀርመናዊው አማካኝ  ውሉን የማያራዝም ከሆነም በሚቀጥለው ዓመት ወደ ፈለገው ክለብ በነፃ ዝውውር የማምራት ነፃነት ይኖረዋል፡፡ አሁን ላይ ደገሞ እየወጡ ያሉ ዘገባዎች ኦዚልን ከማንቸስተር ዩናይትድ ጋር በማያያዝ ወደ ኦልድትራፎርድ በነፃ  መዘዋወር እንደሚፈልግ በሰፊው እያራገቡ ይገኛሉ፡፡ጆሴ ሞሪንሆም ለተጫዋቹ ልዩ ፍላጎት ያላቸው ሲሆን ሁኔታዎች የሚመቻቹ ከሆነ ወደ ቡድናቸው የማይቀላቅሉበት ምንም ምክንያት አይኖርም፡፡ ከኦዚል ሌላ ሳንቼዝም እንዲሁ በዚህ አመት  መጨረሻ ላይ አርሰናልን በነፃ ለመልቀቅ የተዘጋጀ ተጫዋች እንደሆነ ይታወቃል፡፡

3- ቼልሲ ትላንትና ስቶክ ሲቲን 4 ለ 0 ማሸንፉን ተከትሎ አልቫሮ ሞራታ ከፍተኛ የሆነ አድናቆት እየተቸረው ይገኛል፡፡ ስፔናዊው አጥቂ በእስካሁኑ የሰማያዊዎቹ ቤት ቆይታው ስድስት ጎሎችን ማስቆጠር የቻለ ሲሆን ከፍተኛ ተስፋ የተጣለበትእንቅስቃሴንም እያደረገ ይገኛል፡፡ ዲያጎ ኮስታ አትሌቲኮ ማድሪድን ለመቀላቀል በመስማማቱ የተነሳ ምትኩን ቼልሲ ላያገኝ ይችላል የሚለውን ስጋት ሞራታ በስቶኩ ጨዋታ ትክክል እንዳልሆነ ሶስት ጎሎችን በማስቆጠር አረጋግጧል ነው የተባለው፡፡ ቼልሲ የትላንቱን ጨዋታ ማሸነፉን ተከትሎ ከሲቲና ከዩናይትድ ለጥቆ በደረጃ ሰንጠረዡ በሶስተኛ ደረጃ ላይ ተቀምጧል፡፡
4- ሴኔጋላዊ ተጫዋች ሰኢዱ ማኔ ሊቨርፑል ማንኛውንም ክለብ በሜዳውም ሆነ ከሜዳው ውጪ በሚገባ የማሸነፍ አቅሙ አለው ሲለው ተናግሯል፡፡ ከሲቲ ጋር በነበረው ጨዋታ በተመለከተው ቀይ ካርድ ምክንያት አረፍት ላይ ያለው ማኔ  በክለቡ በመልበሻ ክፍል ውስጥም ያለው ድባብ ሀሪፍ እንደሆነ ገልፃ ቻምፒዮንስ ሊጉንም ለስድስተኛ ጊዜ ለማንሳት ማቀዳቸውንም ገልጧል፡፡ ሊቭርፑል በትላንትናው እለት ከሜዳው ውጪ ሌስተር ሲቲን በሳላህ፣ በኩቲንሆና በሄንደርሰን ጎሎች 3 ለ 2 አሸንፎ መመለሱ ይታወሳል፡፡

READ  ከስፖርት መዓድ -ትኩስ ዓለም አቀፋዊ ስፖርታዊ እና የዝውውር ወሬዎች………

Continue Reading

Trending

news.et Mobile App!

It's Faster!

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close