Connect with us

Art and Culture

የሚበረታታው የኢትዮጲያ የሙዚቃ ኢንዱስትሪ!

Published

on

የሚበረታታው የኢትዮጲያ የሙዚቃ ኢንዱስትሪ!

የሚበረታታው የኢትዮጲያ የሙዚቃ ኢንዱስትሪ! | ሚካኤል አስጨናቂ ፥ በድሬ ቲዩብ

እንደ መግቢያ → { የደራሲውን ተጨማሪ ስራዎች ለምትፈልጉ አንባቢያን “Michael Aschenaki” ብላችሁ ፌስቡክ ላይ በመፈለግ መከታተል ትችላላችሁ }

ሰላም ለእናንተ ይሁን ተወዳጆች! ሳምንቱ እንዴት አለፈ? ለነገሩ እናንተ ምን ትሆናላችሁ ?! ይብላኝ እንጂ ለኔ ለታካች ሚስኪኑ! ምፅ…
ወገን አሁን እኔ አገባሁ የምለው ሚስት ነው ወይስ ሚጥሚጣ!
ቆይታ መጣች ፥ ዝም አልኩ ! አምሽታ መጣች ፥ ዝም አልኩ! አድራ መጣች ፥ ዝም አላልኩም…….
“ ሴትዮ ይሄ ነገር አልበዛም? “ የምትለዋን አጭር ጥያቄ በቁጣ ሳይሆን ተለሳልሼ ጠየቅሁ ፤ የጠበቀኝ ምላሽ ግን በዕውነቱ ጠንከር ያለ ነበር

“ እኔን ሴትዮ!” ብላ አንባረቀች ፤ በዕውነቱ በሰዓቱ የማስታውሰው ነገር ቢኖር የእንቁላል መጥበሻውን ስታነሳ ማየቴን ብቻ ነበር ፤ አንዳች ነገር “ኪው” የሚል ድምፅ አውጥቶ አናቴን ከበረቀሰኝ በኋላ የሆነ ነገር ብልጭ ብሎብኝ ከመሬት ተዘረርሁ! ከተጋደምኩበት ከሁለት ሰዓታት በኋላ ስባንን ግን ሚስቴ ፊት ለፊቴ አልነበረችም! “ኡፍ ተመስገን ጌታዬ !“ ብዬ ገና ከመተንፈሴ ወደ ጀርባዬ ዞር ስል ደህና ባለ እንጨቱን የቤት መጥረጊያ አነጣጥራ እየጠበቀችኝ ነበር።
ከቀድሞው በባሰና አሳዛኝ በሆነ ቅላፄ

” የኔ ፍቅር በዕውነቱ ሴትዮ የሚለውን ቃል በመናገሬ ፥ ዱንዝዝ ድንጋይ ራስ መሆኔ ስለገባኝ ይቅርታሽን ጠይቄያለሁ! ግን እንደሁ ተወዳጁ ድሬ ቲዩብ ላይ አንድ የማነሳት ቁም ነገር አለችና መጥረጊያሽን ቁጭ አድርገሽ ዕድሉን ትሰጪኝ ዘንድ በማክበር እጠይቃለሁ “ እንዳልኳት ፥ ትንሽ እንደማንገራገር ብላ
” ሰውዬ በድሬ ቲዩብ አትምጣብኝ ፥ የሆንክ አስኮናኝ!“ ብላ መጥረጊያውን ወደቦታው መለሰችው።
ተጀመረ ……………………………….
ጥሩ ጅማሮ ነው!

READ  በወሊሶ ወረዳ ውስጥ በደረሰ የእሳት ቃጠሎ 73 መኖሪያ ቤቶች ወደሙ

ሙዚቃ ከ ሰው ልጅ መፈጠር ጀምሮ የነበረ ፣ ያለ እና የሚኖር ስሜት ቀስቃሽ ሚስጥራዊ ሀይል ነው። ሙዚቃ ከሰው ልጆች ባሻገር እንስሳትን እና ዕፅዋትን ሁሉ ስሜት የሚሰጥ ጥበብ መሆኑን ብዙ የሳይንስ ጥናቶች ያመላክታሉ።

ሀገራችንም በዚህ የሙዚቃ ኢንዱስትሪ ውስጥ በተለያዩ ጊዜዎች ውስጥ ሲዋዥቅ የነበረ እሽክርክሮሽ ውስጥ አሳልፋለች ፥ ብዙ ወርቃማ ጊዜያት እንደነበሩ ሁላ ”አይይ ሙዚቃ እቴ !? የ እብድ ዘመን መጣ!“ ያስባሉ ታሪኮችንም ማንሳት እንችላለን።
በተለይ ወርቃማ ከሆኑት የአስራ ዘጠኝ መቶ ስልሳ ጊዜያት አንስቶ የነበረው ድንቅ የሙዚቃ ጊዜያት በ አስራ ዘጠኝ መቶ ዘጠናዎቹ መጀመርያ ላይ ወደነበረው የዘመናዊ ሙዚቃ ጥንስስ ወቅት ላይ ደርሶ በነበረበት ሰዓት ከባድ የሚባሉ ተግዳሮቶች የገጠሙት ሲሆን በሂደት ደግሞ የተሻሉ ነገሮችንም ሰምተን እንድናጣጥምም ሆነናል። እነዚህ የዘመናዊ ሙዚቃ ጅማሮች ላይም ተወዳጁ አርቲስት ቴዲ አፍሮ ፥ ጎሳዬ ተስፋዬ እና አሌክሶ የተጫወቱትን የጎላ ሚና ለማንሳት እንወዳለን።

እነዚህ አርቲስቶች የአስራ ዘጠኝ ዘጠናዎቹ የዘመናዊ ሙዚቃ ፈርጦች ናቸው ብንል ማጋነን አይሆንብንም።
የሚሊኒየምን አዲስ ብስራት ተከትሎ በነበሩት ጥቂት ወቅቶች ላይ ይህ ጅማሮ ከሽፎ ፥ ሙዚቃዎቻችን ከሀገራዊ ለዛ ወተው የውጪውንም ቃና በቅጡ ሳይዙ መሀል ቤት ላይ ተንጨባርቀው እኛንም ጆሮዎቻችንን መቀለጃ አድርገውበት የነበረበት ክስተት የተፈጠረ ሲሆን አሁን አሁን ደግሞ ባህላችንን ከዘመናዊ ሙዚቃ ጋር አማክለው እየወጡ ያሉ ስራዎች ተስፋችን ተመልሶ እንዲያገግም አድርገውናል። በዚህም ላይ እነ ሚኪያስ ቸርነት ፣ ወንዲማክ ፣ መስፍን በቀለ ፥ የእነ አቢዮት የጭፈራ ጥምረት ፣ያሬድ ነጉ ፣ አለምዬ ፣ አስጌ ባሌ ሮቤ እና የመሳሰሉትን ለማመስገን እንወዳለን።

READ  እንዴት ነሽ አወዳይ፤

ይሁንና እነዚህ ድንቅ ባህልን ከዘመናዊ ስራ ጋር የማጣመር ስራዎች እንዳሉ ሆነው ፥ መሰረታዊ በሆኑት የግጥም ስራዎች ፣ የቀረፃ እና ቅንብር ፥ በክሊፕ ስራዎች ላይም ከፍተኛ ክፍተቶች መስተዋላቸው አልቀረም። ተደጋጋሚ የሆኑና ተመሳሳይ ክሊፖችን ማየት አሰልቺ ከመሆኑም ባሻገር ሀገሬ ፥ ሀገሬ እያሉ በአውሮፓ ና አሜሪካ ጎዳናዎች ላይ እስክስታ ማውረድ የሀገርን ፍቅር ተዓማኒነትም አጠራጣሪ ያደርገዋል። የማይኖሩትን ዓለም አስመስሎ እንደመቅረብ አሳፋሪ የህሊና ዝቅጠት ያለ አይመስለኝም።

ከዚህ መለስ ባለውና ቀድሞ ከበላይ በጠቀስነው ባህልን ከዘመናዊ ሙዚቃ ጋር የማጣመር ጥሩ የሚበረታታ ጅማሮ መሰረቱን ሳይለቅ ባህላዊውን የሀገራችንን የ አኗኗር ዘይቤ ከዘመናዊ ሙዚቃዎች ጋር አጣምሮ ፥ ከዚህ ቀደም በህንድ እና በቻይና አዘውትረን ያየናቸውን አይነት ከምዕራብያውያን ተፅዕኖ የተላቀቀ የራሳችን ቀለም እና አሻራዎች ያረፈባቸው ስራዎችንም በተከታታይ እንደሚያስገኝልን ተስፋ እናደርጋለን።
መልካም ይሁን በያላችሁበት! DIRETUBE

Continue Reading

Art and Culture

ወደ ዳንጉር ተራራ፤ ከማንቡክ እስከ ጉብላክ

Published

on

ወደ ዳንጉር ተራራ፤ ከማንቡክ እስከ ጉብላክ

ወደ ዳንጉር ተራራ፤ ከማንቡክ እስከ ጉብላክ | ተጓዡ ጋዜጠኛ ሄኖክ ስዩም ወደ ዳንጉር ተራራ ይዞን ሊወጣ መተከል ዞን ገብቷል፡፡ በማንቡክ የነበረውን ቆይታ የጉብላክ ከተማን ድባብ እየተረከ ዳገቱን ይዞን ይወጣል፡፡ ስውሩ የተፈጥሮ መስህብ እስከ ዛሬስ የት ነበር? ብሎ ይጠይቃል፡፡ ቋንቋ አብሮ ለመኖር እንቅፋት የማይሆንበትን አኗኗርን እንዲህ ያስጎበኘናል፡፡ | ሄኖክ ስዩም በድሬ ቲዩብ

ማንቦጓ የሚለው ቃል የመጣው ከጉምዝኛ ነው፡፡ መዋቢያ ማለት ነው ትርጉሙ፡፡ ማንቦጓ የሚለው ቃል ደግሞ ማንቡክን ወለደ፡፡ እኔ ማንቡክ ነኝ፡፡

በአሶሳ በኩል ነው የመጣሁት 379 ኪሎ ሜትሮችን ተጉዤ እዚህ ደርሻለሁ፡፡ ያለሁባት ከተማ ስያሜዋን ያገኘችው ከማንቡክ ወንዝ ነው፡፡

የጉምዝ ሴቶች ወደ ወንዙ እየወረዱ ከሚዋቡበት፤ እናም ወንዙን ማንቦጓ ሲሉ መዋቢያ አሉት፡፡ ማንቡክ ከዚህ ቃል ተገኘ፡፡

ዳንጉር ነኝ፡፡ መተከል ገብቻለሁ፡፡ እዚህ ብዙ ተሸሽጎ የኖረ መስህብ አለ፡፡ እዚህ ምንም ያልተነገረለት ተአምር ተቆጥሮ አያልቅም፡፡ የጠንካራ ገበሬዎች ከተማ በጠዋት ትነቃለች፡፡ ሲያቅላላ የታረደው በሬ ጸሐይ ስትወጣ ትዝታውም አይተርፍ፡፡ እንዲህ ናቸው ስጋ ቤቶቿ፤ ብዙው ሱቅ ከግብርና የተቆራኘ ነው፡፡ ብዙ ሰው የሚያወጋችሁ ምድር ምን ያህል ፍሬ እንደሰጠችው ነው፡፡ ብዙ ቋንቋ የሚሰማባት ከተማ ናት፡፡

የሰው ልጆች ከተማ፤ 838700 ሄክታር ቆዳ ስፋት ካለው ዳንጉር ወረዳ ብዙው ቆላማ ነው፡፡ ሦስት እጁ ቆላማ በሆነበት ምድር ደግሞ ሃያ በመቶ የሚሆን አስደናቂ ደጋ ምድር አለ፡፡ ማንቡክ ግን ሞቃታማ ናት፡፡

በ1962 ዓ.ም. ነበር ከተማ ሆና የተቆረቆረችው፡፡ ከከተማዋ ታሪክ ጋር ባለውለታ ሆነው ፊታውራሪ ኢያሱ ዘለቀ እና አቶ ተፈራ ሆሬ ስማቸው ጎልቶ ይነሳል፡፡ ማንቡክን በጠዋት ለቅቄ መንገድ ጀመርኩ፡፡ ቀጥዬ የምንደረደርባት ከተማ ጉብላክ ነች፡፡

READ  በአፍሪካ ቻምፒየንስ ሊግ ቅዱስ ጊዮርጊስ የዲሞክራቲክ ሪፐብሊክ ኮንጎው ኤ.ኤስ ቪታን ረታ

ጉብላክ ከማንቡክ በበለጠ ለግብርና ሕይወት ትቀርባለች፡፡ ሁለ ተገሯ ከምድር ፍሬ ጋር የተገናኘ ነው፡፡ እዚህም እዚያም ሰሊጥ በቆሎ ማሽላ ነው ጨዋታው፡፡ ትራክተሮች ማየት ብርቅ አይደለም፡፡ የማሳ ላይ ውሎ አላደርስ ብሏቸው የነተበ ልብሳቸውን አላወልቅ ያሉ ብርቱዎች ወዛም ያደረጓት ከተማ ናት፡፡

ጉብላክ ሰባ በመቶ ምድሩ ሜዳማ ለሆነው ዳንጉር አንድ ማሳያ ናት፡፡ ሩቅ ድረስ በተዘረጉ የእርሻ ማሳዎች ተከባለች፡፡ ከጉብላክ እስከ ድባጉያ እጓዛለሁ፡፡ ከዚያ በኋላ ግን በእግር ነው፡፡

ለብዙ ሰዓታት በእግር መጓዝ፤ ወደ ዳንጉር ተራራ አናት መውጣት፤ ከዳንጉር አናት ሆኖ ትይዩውን በላያን ማየት፤ እድሜ ጠገቡን ገዳም መጎብኘት፤ የደገኛውን ምድር እስክጠግበው መቆየት፡፡ ወደዚያው ለመሄድ መንገድ ላይ ነኝ፡፡ DireTube

Continue Reading

Art and Culture

“ህዳር ሲታጣን” በዚህ ዘመን….

Published

on

“ህዳር ሲታጣን” በዚህ ዘመን….

ከ100 ዓመታት በፊት በአገራችን በህዳር ወር ተከስቶ የበረው የኢንፍሉዌንዛ በሽታ ስፍር ቁጥር የሌለው የሰው ህይወት እንዳጠፋ የታሪክ መዛግብት ያስረዳሉ።

በዘመኑ የነበሩት ነግስታት የበሽታውን ስያሜ “የህዳር በሽታ” ብለው በሽታው በቀላሉ ሊስፋፋ የሚችለው ደግሞ ከጽዳት ጉድለት መሆኑን ለህዝብ በማስገንዘብ ነዋሪዎች የመንደራቸውን ቆሻሻ እያሰባሰቡ በማቃጠል በሽታውን ለመከላከል እንዲዘምት በአዋጅ አዘዙ።

ይህ የቆሻሻ ማቃጠልና በጭስ የማጠኑ ልምድ በጊዜው የነበረውን በሽታ በማጥፋት ከፍተኛ ሚና የተጫወተ ቢሆንም አሁን የምናቃጥላቸው ፌስታልና የተለያዩ ኬሚካል ያላቸው ቁሶች የከባቢ ሙቀት መጨመርን የሚያባብስ መሆኑን የዘርፉ ባለሙያዎች ይገልጻሉ፡፡

በዘንድሮው ህዳር 12 ማለዳም አዲስ አበባ በግራጫማ ጭስ ታፍና ተስተውላለች፡፡

በጉዳዩ ላይ ያለዎት ሀሳብ አስተያየት ያካፍሉን!!  ebc

READ  በወሊሶ ወረዳ ውስጥ በደረሰ የእሳት ቃጠሎ 73 መኖሪያ ቤቶች ወደሙ
Continue Reading

Art and Culture

የዶክተር ነጋሶ ጊዳዳ ከፊት መምጣት

Published

on

የዶክተር ነጋሶ ጊዳዳ ከፊት መምጣት

የዶክተር ነጋሶ ጊዳዳ ከፊት መምጣት፤ የኦቦ ለማ መገርሳ ካቢኔ ሩቅ አሳቢነት እና የኦሮሞ ባህል ጥላቻን የመጥላት እሴት | ከስናፍቅሽ አዲስ በድሬቲዩብ

ዶክተር ነጋሶ ጊዳዳ የኦዳ ትራንስፖርት የብስራት ጉባኤ ላይ ከፊት ታይተዋል፡፡ ጎናቸው ያሉት ያሳደጓቸው የፖለቲካ ልጆች ናቸው፡፡ በርሃ ሳሉ አይተዋወቁም፡፡ የበርሃ ጓዱን ለእግዜሃር ሰላምታ ዓይኑን አያሳየኝ በሚል የፖለቲካ ሜዳ ሌላ ዓይነት ጨዋታ ማየታችን አጃኢብ አስብሎን ከርሟል፡፡

እውነቱ ግን ኦሮሚያን የሚመሯት የኦሮሞ ልጆች መሆናቸው ነው፡፡ አንድ መሪ የሚመራው ሕዝብ አብራክ ክፋይ ሲሆን ባህሉን ያከብራል፡፡ እንደ ባህሉ ይኖራል፡፡ ከሀገር ወግ አያፈነግጥም፡፡

እኔ በኦዳ ትራንስፖርት ጉባኤ ላይ ነጋሶን ከነ ለማ ጋር አብሬ ሳያቸው የገባኝ የገዳ ሥርዓት እሴት ምን ያህል ታላቅ መሆኑን ነው፡፡ በሀሳብ ልትለያይ ትችላለህ ግን ጠላት አይደለህም፡፡

ኦሮሚያን በመምራት በኩል የኦሮሞን ባህል አውቆ እንደ ኦሮሞ በመምራት ረገድ የተሳካላቸው መሪ አባዱላ ነበሩ፡፡ ግን እሳቸው በዚያን ወቅት ብቻቸውን ናቸው፡፡ ዛሬ ድፍን ካቢኔው ሊባል በሚችል መልኩ የአባቶቹን ወግ ጠንቅቆ ያውቃል፡፡ የአባቶቹ ወግ ደግሞ ጥላቻን ይጠላል፡፡

እናም እንደ ገዳ ባህል ወንድም ወንድሙን አይጠላም፡፡ ሀሳቡን ስለ ጠላ ወንድሙን አያሳድም፡፡ የዶክተር ነጋሶ ከፊት መምጣት ምስጢሩ ይሄ ይመስለኛል፡፡ ያም ሆኖ በጥላቻ ፖለቲካ መጠጥ የሰከርን ስለሆነ በሆነው ነገር ደንግጠናል፡፡ ተገርመን አላበቃንም፤ አሰላስለን አልጨረስንም፡፡

ዶክተሩ በምን አግባብ ዳግም በኦሮሞ ህዝብ ጉዳይ እንደ አንድ ኦሮሞ በጉባኤ እንግዳ ሆነው ይታደማሉ ብለን እናስብ ነበር፡፡ አዲስ ትውልድ መጣና አደረገው፡፡ በዶክተሩ ቋንቋ ስንጠቀም፤ መንግስቱ ሃይለማርያምን የማይመስል አዲስ ትውልድ፡፡ ይሄ ሌሎቹም ጋር ቢለመድ መልካም ነበር፡፡ ግን ውሃ መውቀጥ ስለሆነ አልናፍቀውም፡፡ ኦሮሚያ ይቀጥል ዘንድ ግን እመኛለሁ፡፡

READ  ሰማያዊ ፓርቲ በአገሪቱ የተከሰቱ ችግሮችን የሚያጠና ኮሚቴ አቋቋመ ተባለ

ኢትዮጵያ ዲሞክራሲን ብዙ ዓመታት ቀድማ የጀመረች ሀገር ናት ብለን ስንሟገት ማስረጃችን ገዳ ነው፡፡ ሀሳብ እንጂ ሰው እንደማይገፋ ማሳያ የሆነው ይህ ባህል የገዳ ስርዓት እሴት የፈጠረው ነው፡፡ እናም ደስ ያሰኛል፡፡

ኦህዴድ ቀጥሎ ስለ ዶክተሩ ህልውና ያስብበት፡፡ ተገፍተዋል፡፡ እንደ አንድ ተራ ሀገር ዘራፊ ካድሬ እንኳን የሚታዩ አይደሉም፡፡ ርዕሰ ብሔሩ በብዙ ችግሮች ውስጥ ናቸው፡፡

ትናንትናቸውን ማሰብ ባይቻል እንኳን ጀርመንን ከመሰለች ሀገር ከሞቀ ህይወት የሰው ሀገር ሰው ጭምር ይዘው ሀገር አለኝ ብለው የመጡት የኦሮሞን ህዝብ ለማገልገል እንጂ የጀመሩት ትምህርት አላልቅ ብሏቸው አሊያም፤ ከዚች ሀገር ስራ ፍለጋ አይደለምና፤ አርቀን በማሰብ ትውልድ የሚኮራበት ስራ እንስራ፡፡ DireTube

Continue Reading

Trending

news.et Mobile App!

It's Faster!

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close