“ፖለቲኮ-ኮሜድያኖች” “ኢትዮጵያ” የሚለውን “የኩሽ ምድር” ካሉት “ዓባይ” የሚለውንስ ማን ሊሉት ይሆን?

‹‹ኢትዮጵያ›› የሚለው የሀገራችን መጠሪያ ስም እንዲቀር እና ‹‹የኩሽ ምድር›› ተብላ እንድትጠራ የሚጠይቅ ነበር።

“ፖለቲኮ-ኮሜድያኖች” “ኢትዮጵያ” የሚለውን “የኩሽ ምድር” ካሉት “ዓባይ” የሚለውንስ ማን ሊሉት ይሆን?
(መላኩ አላምረው)

ያለ ‘ፕሮግራም’ – ሰው ሊያስቁ ሲሉ
ምርጥ ‘ኮሜዲያኖች’…
ፓርቲ እያቋቋሙ – “ምረጡኝ” ይላሉ 🙂
.
“ነገር ሁሉ ለበጎ ነው” እንዲል መጻፍ…  ሰሞኑን የፖለቲካ ለውጥ ለማምጣት የተሳናቸው የእኛ ተቃዋሚ ፓርቲዎች ከኢህዴግ ጋር እያደረጉት ባለው ቅድመ ድርድር ላይ ካቀረቧቸው የድርድር ሐሳቦች መካከል አንዱ ‹‹ኢትዮጵያ›› የሚለው የሀገራችን መጠሪያ ስም እንዲቀር እና ‹‹የኩሽ ምድር›› ተብላ እንድትጠራ የሚጠይቅ ነበር።

ወደው አይስቁ… አሉ። መቼም ዕድሜ ከሰጠን ገና የማንሰማው ነገር የለም። እነዚህ ቢመረጡና ዙፋን ቢቆናጠጡ… የማይቀይሩት ስም አይኖርም። አባቶቻችን ሕይወት የገበሩለትን ስም ለመቀየር ማሰባቸው ካላሳፈራቸው ምን ሊያሳፍራቸው?
.
እነዚህ “ፖለቲኮ-ኮሜዲያን” ዙፋን በተቆናጠጡ ማግስት ጀምሮ የ5 ዓመት ዕቅዳቸው ስም መቀየር ላይ ይሆናል። ለምሳሌ፦ የዓባይ/የግዮን ወንዝ ስምም መቀየሩ አይቀርም ነበር። (ማን ይሉት ይሆን? “የኩሽ ምድር ወንዝ?” “ማየ ኩሽ”?) የዓባይ ስም ሲቀየር ደግሞ የእኔም ስም መቀየሩ አይቀርም 🙂 ምክንያቱም የወንዙን ስም በመቀየር አያቆሙም። ከወንዙ ምንጭ እየጠጡ ያደጉና ፍቅሩ
በልባቸው የታተመባቸውን ሁሉ ስም አጠራራቸውን ለማጥፋት መጣራቸው የማይቀር ነው። (በነገራችን ላይ “ኢትዮጵያ”
የሚለውን ስም ቢቀይሩ ቀጥለው የሚያደርጉት ይህን ስም መጥራት ያላቆሙትን ማሳደድ ነው። ለነገሩ አሁንስ ቢሆን
ይህ የለም እንዴ?)

እናም ከዓባይ ወንዝ ቀጥሎ የሚቀየሩ የእኔ ስም ነው። (እኔንስ ማን ይሉኝ ይሆን ግን? 🙂 )
…..በዚሁ አጋጣሚ ግን አንድ ጥርጣሬየን እንድገልጽ ቢፈቀድክኝ። “ይህ የስም እንቀይር ሐሳብ ያመጣው ራሱ ኢህአዴግ ቢሆንስ? ከልምድ አንፃር ለስም ቅየራ የሚቀርበው እርሱ ነው ብየ ነው… እንጅ ኢህአዴግየ ‘ጨዋ’ መሆኑን አጥቸው እንዳይመስላችሁ 🙂 ብዙ ስሞችን “በጨዋነት” እንደቀየረ ይታወቃል። ለምሳሌ የባለሥልጣናቱ 🙂
.
እንደመረገም ሆኖብን ባለው ነገር ላይ የመደመር/የመጨመር ጉዞ አንችልበትም። ያለው ካላጠፋንና ስም አጠራሩን ካልቀየርን ለውጥ አይመጣም ብሎ የሰበከን ክፉ ሰይጣን ግን ማነው? ይህ ሕዝብ “ነፃነት ስጡን” እንጅ “ስም አሳጡን” አለ? ቢያንስ ስማችንን ተውልን። ቢያንስ (በምንም መልኩ ቢሆን) በምንታወቅበት ስን ተጠርተን እንኳን እንለፍ እንጅ። DIRETUBE

READ  የ2010 ረቂቅ በጀት ከ320 ቢሊየን ብር በላይ እንዲሆን ውሳኔ ተወሰነ

NO COMMENTS