Connect with us

Ethiopia

ሳዑዲ ያወጣችው የምህረት አዋጅ ሊጠናቀቅ ጥቂት ቀናት ቢቀሩትም የተመላሾች ቁጥር ግን አናሳ ነው 

FanaBC

Published

on

የሳዑዲ ዓረቢያ መንግስት የስራና የመኖሪያ ፈቃድ የሌላቸው ዜጎች ከሀገሪቱ እንዲወጡ

የሳዑዲ ዓረቢያ መንግስት የስራና የመኖሪያ ፈቃድ የሌላቸው ዜጎች ከሀገሪቱ እንዲወጡ ያስቀመጠው ቀነ ገደብ ሊጠናቀቅ 8 ቀናት ብቻ ቀርተውታል

ኤፍቢሲ በቦሌ አለም አቀፍ አውሮፕላን ማረፊያ ያነጋገራቸው ከሳዑዲ ተመላሾች የምህረት አዋጁ ሳይጠናቀቅ በመምጣታቸው ደስተኛ መሆናቸውን የገለፁ ሲሆን፥ ቀነ ገደቡ እስከሚያልቅ ቢቆዩ ግን ሊደርስ የሚችለው አስከፊ መሆኑን ይናገራሉ፡፡

ዜጎች እንግልት ሳይደርስባቸው ወደ ሀገራቸው እንዲመለሱ ለማድረግ ብሄራዊ ኮሚቴ ተቋቁሞ በሚሰሩ ስራዎች፥ የተመላሾች ቁጥር በየጊዜው እየጨመረ ቢመጣም ከሚገመተው መጠን አኳያ አነስተኛ ነው።

የምህረት አዋጁ ሳይጠናቀቅ አዲስ አበባ የገቡ ተመላሾች እንደሚናገሩት፥ አዋጁ ይራዘማል የሚል ዋጋ የሚያስከፍል አስተሳሰብ፣ የደላሎች ጉትጎታ፣ የተወሰኑ የሳዑዲ ዜጎች ያልተጨበጠ ማባበያ፥ ዜጎች ወደ ሀገራቸው እንዳይመለሱ ከሚገፋፉ ምክንያቶች ወስጥ ዋናዎቹ ናቸው።

አሁን በሀገራቸው የተገኙት ኢትዮጵያውያን ያለቻቸውን ጥቂት ገንዘብ እና ሙያ ተጠቅመው፥ መንግስት በሚያመቻቸው የስራ እድል ተሳታፊ ለመሆን አዲስ ተስፋ መሰነቃቸውን ይናገራሉ።

የኦሮሚያና አማራ ክልል የስራ ሃላፊዎችም ከየክልሎቻቸው ወደ ሳዑዲ ዓረቢያ በህገ ወጥ መንገድ የተጓዙት ዜጎች፥ በመጨረሻዎቹ ቀናት እንዲመለሱ ለማድረግ ከወረዳ እስከ ክልል ድረስ የተቀናጀ ስራ እየሰሩ መሆናቸውን ገልጸዋል።

ክልሎቹ በአሁኑ ወቅት እየሰሩት ያለው ስራ ዜጎች ወደ ሀገራቸው እንዲመለሱ ብቻ ሳይሆን፥ ተመልሰውም የሚቋቋሙበትን መንገድ ላይ ያተኮረ ጭምር ነው።

የኦሮሚያ ክልል ሰራተኛና ማህበራዊ ጉዳይ ቢሮ ሃላፊ አቶ መሃመድ ጅሎ፥ እስካሁን የተመለሱት ዜጎች ቁጥር ከሚታሰበው አኳያ ዝቅተኛ መሆኑን ተናግረው፥ ለተመላሾች በክልሉ ካሉ ወጣቶች ጋር የስራ እድል እንዲፈጠርላቸው አቅጣጫ ተቀምጦ ወደ ተግባር ተገብቷል ብለዋል፡፡

የአማራ ክልል መንግስት ኮሙኒኬሽን ጉዳዮች ፅህፈት ቤት ሃላፊ አቶ ንጉሱ ጥላሁን በበኩላቸው፥ የሳዑዲ ተመላሾችን በክልሉ ካለው የወጣቶች የስራ እድል ፈጠራ ጋር አስተሳስሮ ተጠቃሚ ለማድረግ አቅጣጫ ተቀምጧል ነው ያሉት።

READ  የአዳማ ከተማ አስተዳደር ለጊዜው አዲስ የሰው ቅጥር እንደማይፈፅም ተናገረ

እርሳቸው እንደሚሉት የክልሉ ቴክኒክ ሙያ እና ኢንተርፕራይዞች ልማት ቢሮ፥ ይህን ስራ የማስተባበር እና የማቀናጀት ሃላፊነት ተሰጥቶታል።

ሚኒስቴሩ ሳዑዲ ያወጣችው የምህረት አዋጅ ሊጠናቀቅ 8 ቀናት የቀሩት ሲሆን፥ በእነዚህ ቀናት ዜጎችን የማስመለሱ ስራ ተጠናክሮ ይቀጥላል ብሏል። fanabc

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close