Connect with us

Entertainment

አማሮ ነኝ-ከኮሬዎች ምድር

Published

on

አማሮ ነኝ-ከኮሬዎች ምድር

አማሮ ነኝ-ከኮሬዎች ምድር | ተጓዡ ጋዜጠኛ ሄኖክ ስዩም አማሮ ነው፡፡ አማሮ በደቡብ ክልል ተወዳጁ ቡና የሚመረትበት የኮሬ ብሔረሰብ ወረዳ ነው፡፡ ከሰንሰለታማዎቹ ተራሮች ስር ሆኜ ይሄንን አየሁ ሲል ሄኖክ ስዩም የተመለከተውን እንዲህ ይነግረናል፡፡ (ሔኖክ ስዮም በድሬትዩብ)

አማሮ ገባሁ፡፡ የገላና ሸለቆ ጠንጣሎ በተራራ ከታገደበት ምድር፡፡ አማሮ የኮሬዎች ምድር ነው፡፡

ደቡብ ነኝ፡፡ የአባያና ጫሞ ሐይቆችን አየር ቁልቁል ወደ ነገሌ እንዳይከንፉ ካገዱት ሰንሰለታማ ተራሮች ስር፡፡ አሁን ያለሁባት ከተማ ኬሌ ትባላለች፡፡ ከዚህ ሀዋሳ 210 ኪሎ ሜትር ይርቃል፡፡ ኬሌ ጠዋት ማታ ተራራ የምታይ ከተማ ናት፡፡ የአማሮ ሰንሰለታማ ተራሮች ዓይናቸውን ከኬሌ ላይ ነቅለው አያውቁም፡፡

ኬሌ የዕርቅ ምድር ናት፡፡ ተፈጥሮ ይታረቅባታል፡፡ በዚያ የገላና ሸለቆ እስኪበቃው ተኝቶ ወበቅ ይተፋል፡፡ በዚህ የአማሮ ተራሮች ጉም ያስመልሳሉ፡፡ በመሀል እኔ ያለሁባት የኮሬዎች መዲና ኬሌ ተዘርግታለች፡፡ እንዲህ የታደሉ ከተሞች ትንሽ ናቸው፡፡

እዚህ ደራሲና ጋዜጠኛ ተሾመ ገብረ ስላሴ ደጋግሞ የተረካቸው የአማሮ ደጋማ ቀበሌዎች መዲና ውስጥ ሆኜ ሽቅብ ህይወት አያለሁ፡፡ እንደ በርሊን ግንብ ተራራ አንድን ህዝብ ሁለት ቦታ ከፍሎ ቆለኛና ደገኛ ሲያደርግ መሀል ሆኖ መመልከት እድል ነው፡፡ ተራራ ለአማሮ ብርቅ አይደለም፡፡ የአማሮ ተራሮች ባለ አረንጓዴ ካባ ናቸው፡፡ ልብሰ ተክህኖን ከፈጣሪ የታደሉ፡፡ ደሎ የአማሮ ትልቁ ተራራ ነው፡፡

 

በደቡብ ከሚገኙ አንጋፋ ተራሮች አንዱ ሲሆን ከጉጌ ቀጥሎ ወደ ሰማይ በመጠጋት የክልሉ ሁለተኛው ረዥሙ ተራራ ነው፡፡ አሁን ግን ኬሌ ከተማ ከሚገኘው ተራራ ስር ነኝ፡፡ ከዚህ ተራራ ንጹህ የምንጭ ውሃ ወንዝ ሆኖ ቁልቁል ይወርዳል፡፡

READ  ታላቁ የህዳሴ ግድብ አቅም ያለተጨማሪ ወጪ የሚያመነጨውን ሃይል በ400 ሜጋ ዋት ሊያሳድግ ነው ተባለ

ቤዋይ ወንዝ ኬሌን ከአማሮ ተራሮች ጋር የሚያቆራኝ ነው፡፡ የሽቅብን ውበት ቁልቁል ሰዶ ተፈጥሮን ከሰው ልጅ ሲያስታርቅ የሚኖር የፈጣሪ ስጦታ ነው፡፡ ማለዳ ተነሳሁ፡፡ ተራሮቹ በጉም ተሸፍነዋል፡፡ እንደ መንገደኛ ቁልቁል ቀስ እያለ የሚንደረደረው ጉም ሲመሽ ጉዞውን ጀምሮ ሲያቅላላ ኬሌ ከተማ አናት ደርሷል፡፡ ኬሌዎች አሁን ወደ ቤዋይ ወንዝ እየወረዱ ነው፡፡ ቤዋይ ከተራሮቹ አናት ጉዞውን ጀምሮ ያለሁበት ደርሷል፡፡

በጠዋት በዚህ ወንዝ መታጠብ የመንጻት ሥነ-ሥርዓትን ያክል ብዙ ትርጉም ያለው የተለየ ክንዋኔ ነው፡፡ ጦጣዎቹ ከዛፍ ሳይወርዱ፣ ወፎች ከጎጆአቸው ሳይወጡ ሰዎች እዚህ ፌት እንደ መስታወት የሚያሳይ ወንዝ ውስጥ እየገቡ መታጠብ ጀምረዋል፡፡ በየቀኑ እንዲህ ያለ ነገር ለዘመናት ኖሯል፡፡

ኬሌ እንኳን በእድሜዋ ለተከታታይ ሰባ አምስት ዓመታት ይሄንን ትዕይንት አይታለች፡፡ ከዚህ የወንዝ ውስጥ መለቃለቅ በኋላ ቀኑ ብሩህ ነው፡፡ ማልዶ ወንዙ ጋር የደረሰ ታጥቦ ሲጭርስ ጸሐይ ከተራሮች አናት ቁልቁል ትወርዳለች፡፡ አሁን ጉሙ ወደ መጣበት መልሶ መውጣት ጀምሯል፡፡ ወፎች እንሰት በከበባቸው ደኖች ውስጥ ተሸሽገው ማዜም ጀምረዋል፡፡

ኬሌ የምትናፍቀው ቀን መጥቶ በግርግር ልትታመስ በደስታ ቀኑን ጀምራዋለች፡፡ ሁሌም ማክሰኞና ቅዳሜ እንዲህ ነው፡፡ እነኚህ ሁለት ቀናት ይህቺ የአማሮዎች ከተማ ይበልጥ የምትደምቅበት ቀን ነው፡፡ ይህ ቀን ከቀሩት አምስት ቀናት ሁሉ በበለጠ ሩቅ ያሉት ኮሬዎች የሚቀርቡበት የገበያ ቀን ነው፡፡ ወደ ማክሰኞ ገበያ ለመሄድ ቁርስ መብላት ይኖርብኛል፡፡ ከኮሬዎች ጋር ገበያ መዋልን የመሰለ ነገር የለም፡፡ DIRETUBE

Continue Reading

Entertainment

የስሜን ተራሮች ብሔራዊ ፓርክ 50ኛ ዓመት | ደባርቅ የደመቀችበት ጠዋት

Published

on

የስሜን ተራሮች ብሔራዊ ፓርክ 50ኛ ዓመት | ደባርቅ የደመቀችበት ጠዋት

ተጓዡ ጋዜጠኛ ሄኖክ ስዩም ደባርቅ ነው፡፡ በስሜን ተራሮች ብሔራዊ ፓርክ 50ኛ ዓመት በዓል ላይ ታድሞ የዝግጅቱን ድባብ እየተረከልን ነው፡፡ ደባርቅ የደመቀችበት ጠዋት ሲል የጠዋቱን ውሎ እንዲህ ይነግረናል፡፡ | ሄኖክ ስዩም በድሬ ቲዩብ

ከእነኚህ ረዣዥም ተራሮች፣ ሰማይ የነኩ ምድሮች ወዲህ ያለችዋ ከተማ ዛሬ ደምቃለች፡፡ ደባርቅ ስሜን ተራሮች ብሔራዊ ፓርክ በብሔራዊ ፓርክነት የተመዘገበበትን 50ኛ ዓመት እያከበረች ነው፡፡

ዩኔስኮ ቅርሱን ከዓለም ቅርስነት እስርዘዋለሁ ብሎ ለብዝኃ-ሕይወቱ ጥበቃ ዋስትና እንዲሰጥ ያቀረበውን ጥያቄ ስሜኖች መስዕዋትነት ከፍለው አሳክተውታል፡፡

ስሜን በስሜኖች ያሳካውን ህልም ከ50ኛ ዓመቱ ጋር አብሮ እያጣጣመው ነው፡፡ የክልሉ ፕሬዝዳንት ክቡር አቶ ገዱ አንዳርጋቸው በክብር እንግድነት የተገኙበት ይህ በዓል የባህልና ቱሪዝም ሚኒስትር፣ ክብርት ሚኒስትር ደኤታዋ፣ የክልልና የፌዴራል የስራ ሃላፊዎች፣ ስሜንን በመታደግ ከኢትዮጵያ ህዝብ ጎን የቆሙ ሀገራት አምባሳደሮች ታድመውበታል፡፡

የስሜን ብሔራዊ ፓርክን ታሪክ እና የስሜነኞችን ወግ በሚያሳየው አውደ ርዕይ የተከፈተው የዛሬው ዝግጅት በጠዋት ፈረቃው መርሐ ግብር በጎንደሩ ፋሲለደስ ኪነት ቡድን ታጅቦ የደመቀ ነው፡፡

“ምንኛ ደግ ነው ስሜነኛ መሆን ከወገራ አልፌ አገኘሁ እንደሆን” በሚለው ሥነ-ቃል አጅበው እንኳን ደህና መጣችሁ ያሉትን የሰሜን ጎንደር ዞን ዋና አስተዳዳሪ የአቶ አምሳሉን መልዕክት ተከትሎ የዱር እንስሳት ልማትና ጥበቃ ባለስልጣን ዋና ዳይሬክተር አቶ ኩመራ ዋቅጅራ፣ ክብርት ሚኒስትር ዶክተር ሂሩት ወልደማርያም እና ክቡር አቶ ገዱ አንዳርጋቸው ንግግር አድርገዋል፡፡

ዝግጅቱ እስከነገ ይቀጥላል፡፡ ለስሜን ህልውና አስተዋጽኦ ያደረጉ አካላት እውቅና ይሰጣቸዋል፡፡ መሬታቸውን ለተፈጥሮ ሀብቱ ህልውና የሰጡ ባለ ራዕይ የስሜን ገበሬዎች የ50 ዓመቱ ባለ ታሪክ ሆነው ምስጋና ይቸራቸዋል፡፡ ወዳጅ ሀገራት ስለአበረከቱት አስተዋጽኦ ይመሰገናሉ፡፡

READ  መገናኛ ብዙሃኑን ያስደነገጠው የኤች አይ ቪ ኤድስ ስርጭት አህዝ፤ የመገናኛ ብዙሃን ጸረ ኤች አይ ቪ ኤድስ ንዑስ ፎረም አዳማ ላይ ጉባኤ ላይ ነው

የኦስትሪያ መንግስት ትብብር እና የበርካታ አጋሮች አብሮነት ዳግም ለትንሳኤ ያበቃውን የስሜን ተራሮች ብሔራዊ ፓርክ የመጎብኘቱ መርሐ ግብርም ይቀጥላል፡፡ የከሰዓቱን ዝግጅት ለመታደም ወደ ደባርቅ አዳራሽ እየገባሁ ነው፡፡ DIRETUBE

Continue Reading

Art and Culture

በ7ኛው የለዛ የአድማጮች ምርጥ የኪነጥበባት ሽልማት አሸናፊዎች

Published

on

በ7ኛው የለዛ የአድማጮች ምርጥ የኪነጥበባት ሽልማት አሸናፊዎች

በትላንትናው ዕለት የተካሄደው 7ኛው የለዛ የአድማጮች ምርጥ የኪነጥበባት ሽልማት አሸናፊዎች….

የአመቱ ምርጥ የቴሌቪዥን ተከታታይ ፊልም – ዘመን
የአመቱ ምርጥ መሪ ተዋናይ – አለምሰገድ ተስፋዬ (ያበደች የአራዳ ልጅ 3)
የአመቱ ምርጥ መሪ ተዋናይት – ዘሪቱ ከበደ (ታዛ)
የአመቱ ምርጥ ነጠላ ዜማ – ኢትዮጵያ (ቴዎድሮስ ካሳሁን)
የአመቱ ምርጥ አዲስ ድምፃዊ/ድምፃዊት – ዳዊት አለማየሁ
የአመቱ ምርጥ የሙዚቃ ቪዲዮ – ብስራት ሱራፌል (ወጣ ፍቅር)
የአመቱ ምርጥ የሙዚቃ አልበም – ቴዎድሮስ ካሳሁን (ቴዲ አፍሮ)/ኢትዮጵያ/
የአመቱ ምርጥ ፊልም -ታዛ
የሕይወት ዘመን ተሸላሚ – ግርማ በየነ

SHEGER FM 102.1 RADIO

READ  ታላቁ የህዳሴ ግድብ አቅም ያለተጨማሪ ወጪ የሚያመነጨውን ሃይል በ400 ሜጋ ዋት ሊያሳድግ ነው ተባለ
Continue Reading

Entertainment

አባይ በርሃ ውስጥ ነኝ | ከበረሃው መሀል ባለችዋ ገነት

Published

on

አባይ በርሃ ውስጥ ነኝ፡፡ ከበረሃው መሀል ባለችዋ ገነት፤

አባይ በርሃ ውስጥ ነኝ፡፡ ከበረሃው መሀል ባለችዋ ገነት፤ | ተጓዡ ጋዜጠኛ ሄኖክ ስዩም ወደ ስሜን አናት እየተጓዘ ነው፡፡ ከአዲስ አበባ ባህር ዳር በሚወስደው መንገድ አባይ በርሃ ውስጥ መንገደኞች ከሚያርፉባት ቀዝቃዛ ቦታ ያደረገውን የጉዞ እረፍት የስሜን ትረካው መጀመሪያ አድርጎታል፡፡ | ሄኖክ ስዩም በድሬ ቲዩብ

አባይን በርሃ የሚለው ማን ነው? አባይ በሁለት ልብስ እንዳለው ለማየት ይሄኔ ነው መምጣት፡፡ ቢጫ ጥለት ያለው አረንጓዴ ኩታ የለበሰ የሚመስለው መልካዓ ምድር በአደይ አበባ መዓዛ አሸብርቋል፡፡ ከፍልቅልቅ እስከ ደጀን ልጆች ጥንቅሽ ይዘው ዓለማቸውን እየቀጩ ነው፡፡ ወፍ እንዳሻዋ የማሽላ ፍሬ ላይ ትራወጣለች፡፡

አባይ በርሃ በዚህ ወቅት ምትሃት የሚመስል ተፈጥሮ ነው፡፡ ክረምት ይውረገረጉ የነበሩ ፏፏቴዎች አሁን በጋን በመቀበል መንፈስ ላይ ናቸው፡፡ ድፍርሱ ውሃ መጥራትም መጉደልም ጀምረዋል፡፡ ማሳው ጥርን ያስናፍቃል፡፡ ይሄ ሁሉ እጽዋት እየተወዛወዘም ይሞቃል፡፡

ከሚሞቀው በርሃ ውስጥ ከታላቁ አባይ ሸለቆ አንድ ጉያ፤ ድልድዩን ተሻግሬ አንዲት ዛፍን ተገን አድርጋ ታላቅ ዓለም ከሆነች ስፍራ አርፌአለሁ፡፡ የውሃ ድምጽ ከሚሰማበት፣ ዝንጀሮ ከሚቀላውጥበት፣ ጦጣ ዛፍ ላይ ሆና ከምትታዘብበት፡፡ ሰፈር የሚያስጠልሉ ዛፎች ከገደሉ አፏፍ ሆነው ቀዝቃዛዋን አየር ከፈጠሩበት ልዩ ስፍራ ነኝ፡፡

ሰብለወንጌል ካፌ ብለዋታል ማረፊያዋን፡፡ እንደ ማር እስከ ጧፍ ሁሉ የሀዲስ ዓለማየሁን የፍቅር እስከ መቃብርን መቼት ተከትላ የተፈጠረች ናት፡፡ እዚህ ነኝ፡፡ አየሯ ልዩ ነው፡፡ መንገደኛ የማያልፋት ስፍራ ናት፡፡

አረፍ ብሎ ሻይ ቡና ማለቱ ወግ ሆኗል፡፡ የፍቅር እስከ መቃብሯ ሰብለ ወንጌል አባይ በርሃን ስታቋርጥ ያረፈችባትን ቦታ መርጠው ዛሬ ማረፊያ ያደረጓት ወጣቶች ምናብ ተከትለው እውን የሆነ ነገር የፈጠሩ ጀግኖች ናቸው፡፡

READ  የትራፊክ ደንብ የሚተላለፉ እግረኞችን መቅጣት የሚያስችለው መመሪያ ወደ ስራ ሊገባ ነው

የአባይ በርሃ ወበቅ እዚህች ስፍራ እጣ ፈንታ የለውም፡፡ እዚህ ያለው እንደ ጎዣም ጠላ ሊያውም ጉሽ እንደሌለው ዝም ብሎ የሚሳብ ወደ ውስጥ የሚገባ አየር ነው፡፡

ቀዝቃዛ አየር፤ ከዛፎቹ ትንፋሽ የሚወጣ፣ በውሃ ድምጽ የታጀበ፣ ወደ ስሜን ጉዞ ላይ ነኝ፡፡ የተራሮች አናት ፓርክ ከሆነ ሃምሳ አመት ሞልቶታል፡፡ እሱን ለማክበር ደባርቅ እገባለሁ፡፡ እናም እዚህች ስፍራ ማረፍ እንጂ መኖር አይቻልምና ጉዞው ቀጠለ፡፡ DIRETUBE

 

Continue Reading

Trending

news.et Mobile App!

It's Faster!