Connect with us

Business

በሃዋሳ ከተማ ከምሽት ጭፈራ ቤቶች በሚወጣ ድምጽ ኑሯቸው መታወኩን ነዋሪዎች ተናገሩ

FanaBC

Published

on

በሃዋሳ ከተማ ከምሽት ጭፈራ ቤቶች በሚወጣ ድምጽ ኑሯቸው መታወኩን ነዋሪዎች ተናገሩ

በሃዋሳ ከተማ ከመኖሪያ ቤቶች ጋር ተያይዞ የሚከፈቱ የምሽት ዳንስ ቤቶች ቁጥር መበራከቱን ነዋሪዎች ይናገራሉ።

ነዋሪዎቹ እንደሚሉት በከተማዋ የተለያዩ አካባቢዎች በመኖሪያ ቤት አቅራቢያ የሚከፈቱ እነዚህ ቤቶች ቁጥር እየጨመረ ነው።
ይህ መሆኑ ደግሞ ከጭፈራ ቤቶቹ የሚወጣው ከፍተኛ ጩኸት በመኝታ ሰዓት ለችግር እየዳረጋቸው እና ኑሯቸው እየታወከ መሆኑን ተናግረዋል።

ከዕለት እንቅስቃሴያቸው ተመልሰው ወደ መኝታ ሲያመሩ፥ ምሽት ላይ ከጭፈራ ቤቶቹ በሚወጣው ከፍተኛ ድምጽና ጩኸት ምክንያት ለእንቅልፍ እጦት መዳረጋቸውንም ነው የተናገሩት።

የምሽት ጭፈራ ቤቶች ማህበራዊ አገልግሎት ከሚሰጥባቸው የመኖሪያ አካባቢዎችና መሰል ስፍራዎች ራቅ ብለው እንዲሰሩ ቢደነገግም ይህ አለመተግበሩንም ያነሳሉ።

በከተማዋ ከፒያሳ የሺ እና ከገብርኤል ወደ ማውንቴን በሚወስደው መንገድ ችግሩ ጎልቶ እንደሚታይ ነው ባልደረባችን ባደረገው ቅኝት መታዘብ የቻለው።

የከተማዋ አስተዳደር በበኩሉ፥ ተቋማት ከተሰጣቸው ፈቃድ ውጭ መንቀሳቀሳቸው ለችግሩ መንስኤ መሆኑን ገልጿል።
የሃዋሳ ከተማ የባህል፣ ቱሪዝምና የመንግስት ኮሙዩኒኬሽን ጉዳዮች መምሪያ የአገልግሎት ሰጪ ተቋማት ልማትና ብቃት ማረጋገጫ የስራ ሂደት አስተባባሪ አቶ ደረጀ ያዕቆብ እንደሚሉት፥ በርካታ የምሽት ጭፈራ ቤቶች መጀመሪያ ለንግድ ስራ ከተሰማሩበት ፈቃድ ውጭ የሚሰሩ ናቸው።

ይህ ደግሞ ባለቤቶቹ ባላቸው የግንዛቤ እጥረት ሳቢያ እና የሚያስከትለውን አስተዳደራዊ ቅጣት ካለመረዳት የመጣ ነው ብለዋል።
በከተማዋ በምሽት ጭፈራ ቤትነት ፈቃድ የተሰጣቸው አምስት ቢሆኑም በተደረገ ክትትል ግን ከ20 በላይ የምሽት ጭፈራ ቤቶች በከተማዋ መኖራቸው ተረጋግጧል።

እንደ አቶ ደረጀ ገለጻ ችግሩን ለመቅረፍ አስተዳደሩ መድረኮችን በማዘጋጀት ውይይት ተደርጓል።
በቀጣይ ግን ተቋማቸውም ሆነ የከተማ አስተዳደሩ በምሽት ጭፈራ ቤቶች ላይ እርምጃ እንደሚወስድ ገልጸዋል። fanabc

READ  “ህዝብ መንግስትን ይፈጥራል እንጂ መንግስት ህዝብን አይፈጥርም” - ሻምበል ለማ ጉያ (ሰዓሊ)

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close