Connect with us

Business

ብዙዋ ኢትዮጵያ እና አንዳንድ የመንግስት ሚዲያዎች እንዳይደመጥ የከለከሉት የቴዲ አፍሮ ሁለት ሙዚቃዎች፤

Published

on

ብዙዋ ኢትዮጵያ እና አንዳንድ የመንግስት ሚዲያዎች እንዳይደመጥ የከለከሉት የቴዲ አፍሮ ሁለት ሙዚቃዎች፤

ብዙዋ ኢትዮጵያ እና አንዳንድ የመንግስት ሚዲያዎች እንዳይደመጥ የከለከሉት የቴዲ አፍሮ ሁለት ሙዚቃዎች፤

ከስናፍቅሽ አዲስ

አሁን የትም የምናደምጠው የቴዲ አፍሮን ሙዚቃ ነው፡፡ የትኛውም የኢትዮጵያ ጥግ ቋንቋ እንደ ባቢሎን ሳይነጣጥለን በአንድ ዜማ አንድ ሀገር እንዲህ ሆ ስትል ማየት የጋራ ሀገር ትኑረን ለሚልም መንግስት ታላቅ ውለታ ነበር፡፡

ዓይኖቻችሁ ተጨፍነው ከቴዲ አፍሮ ሙዚቃ ጋር ቢሄዱ ከአመዴላ እስከ ማንኩሽ፣ ከዛላአንበሳ እስከ ዲማ ኢትዮጵያ የሚለው ሰው ብዙ ነው፡፡ እንዲህ ሀገር በአንድ ዜማ ሆ እያለች የመንግስት ሚዲያው ይሄንን ዜማ ለምን ተጠየፈው ካላችሁኝ ህዝቡን ስለሚጠየፈው ይመስለኛል፡፡

አሁን የቴዲ አፍሮ ኢትዮጵያ እና ጎንደር ጎንደር በአንዳንድ መንግስታዊ በሆኑ ሬዲዮ ጣቢያዎች የማይደመጡ ሆነዋል፡፡ ለምን ማለት ሞኝነት ይመስለኛል፡፡ ከዚያ ይልቅ እንዴት በአንድ ሀገር ሁለት ኢትዮጵያ ኖረችን? እንዴት አንዱ ስምሽን ልጥራው ብሎ ሆ ሲል ሌላው በእኔ ሞገድ ስሟ አይጠራም ባይ ሆነ? ስንት ኢትዮጵያ አለች? እኔ ስሟን የምጠራት ኢትዮጵያ ሌላው ካልጠራት ኢትዮጵያ የኔ ወይስ ያልጠራት?

ጎንደርን ብትመለከቱ የቴዎድሮስ ሀገር ነበረች፡፡ ጎንደር ጎንደር በሚለው ዜማ የኢትዮጵያ ከተሞች ሲጨፍሩ መሰንበታቸውን ሰምተናል፡፡ ሱማሌው ጎንደር ብሎ የኢትዮጵያ ምሰሶ መሆኗን በፍቅር የገለጸባት፣ አፋር እና ኦሮሞው መናገሻችን ሲል ሲያወድሳት የከረመችውን ከተማ ሲተርክልን የነበረ ሚዲያ ጎንደር ጎንደር የሚለው ዜማ የማይለቀቅበት መሆኑ የእብድ ሀገር ኖሮን ይሆን ያስባላል?

ኢትዮጵያ እና ጎንደር የቴዎድሮስ ሀገር የሚሉት ዜማዎች እንደ ደብረ ብርሃን ደሴ እና ጎንደር ፋና ኤፍ ኤሞች የማይለቀቁ ዘፈኖች ሆነዋል፡፡ የሚያስጠይፉ ሆነው ቀይ ቀለም ተሰምሮባቸዋል፡፡ ምናልባት ጣቢያው ከልክሎ ሊሆን ይችላል፤ ከልክሎ የሚለው ሀሳብ ብዙም ደስ የሚል ዘፈን ስላልሆነ አንለቀውም የሚል መልስ ከሚሰጡት ጋዜጠኞች ምላሽ ስለሚሻል ብዬ ነው፡፡ የክልል መገናኛ ብዙሃንስ በዚህ ደረጃ ለላመደመጥ ለምን ፈለጉ፡፡

ኢትዮጵያን ከመጥራት ጣቢያው አይደመጥ አይነት ርምጃ የወሰዱ የመገናኛ ብዙሃን መሪዎች አሁን ተስፋ አለኝ መከራን ልሻገር ለምትል ሀገር የሚመጥኑ ናቸው ብሎ ማሰብ ይቻላል፡፡

ስለ ኢትዮጵያ ህዳሴ የሚያወራ ጣቢያ ኢትዮጵያ ለምን ተጠራች ብሎ የጭን ዘፈኑን ከመደርደሪያ ላይ አቧራ እያራገፈ ሲያነሳ ስንት ኢትዮጵያ ኖራን ይሆን ያስብላል፡፡ እናም የታገዱት ሁለት ዜማዎች አንዱ ስሟን ከፍ የማድረግ አንዱ ጎሳና ዘረኝነትን መጠየፍ ነው፡፡

ለእኔ ሀገሩ ስትጠራው አቤት ብሎ ኢትዮጵያ የማይል ጎሰኝነትና ዘረኝነትን የማይጠየፍ የእኔ ኢትዮጵያ ሰው አይመስለኝም….እንነጋገር

DIRETUBE

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close