Connect with us

Tech & Science

ተመራማሪዎች ከመደበኛው ጊዜ ቀድመው የሚወለዱ ህጻናትን የሚያሳድግ ሰው ሰራሽ ማህፀን ሰሩ

FanaBC

Published

on

ተመራማሪዎች ከመደበኛው ጊዜ ቀድመው የሚወለዱ ህጻናትን የሚያሳድግ ሰው ሰራሽ ማህፀን ሰሩ

ተመራማሪዎች ከመደበኛው ጊዜ ቀድመው የሚወለዱ ህጻናትን የሚያሳድግ ሰው ሰራሽ ማህፀን ሰሩ – የፊላደልፊያ የህጻናት ሆስፒታል እና የኤደንብራ ዩኒቨርስቲ ተመራማሪዎች ከመደበኛው የወሊድ ጊዜ ቀድመው የሚወለዱ ህጻናትን በፅንስ መልኩ እንደ አዲስ በመደበኛ ሁኔታ የሚሳድግ አዲስ ሰው ሰራሽ ማህፅን ሰርተዋል፡፡

http://www.youtube.com/watch?v=-oCCqqeYPxM

ተመራማሪዎቹ “ባዮ ባግስ” የተባለውን ማህፀን የ23 ሳምንት እድሜ ካለው የሰው ጽንስ ጋር እኩል እድሜ ያለው የበግ ሽል እንዲያሳድግ ሞክረውት ውጤታማ ሆኗል ብለዋል።

ሽሉ ባግስ ከተሰኘው ሰራሽ ማህጸን ውስጥ ሲንቀሳቀስ የሚያሳይ ቪዲዮም ተመራማሪዎቹ ለቀዋል፡፡

ሙከራውም ያለ እድሜያቸው ከ21 እስከ 23 ሳምንት ባለው የእርግዝና ጊዜ የሚወለዱ እና መደበኛ የአካል እድገት የማይታይባቸው ህጻናት ከእናታቸው ማህፀን ውጭ በቂ የሆነ እድገት እንዲኖራቸው ለማድረግ ያለመ ነው።

ይህ ከመደበኛው የእንስሳት ሽል ማሳደጊያ ወይም ኢንኩቤተር የተለየ ሆኖ የተሰራው ሰው ሰራሽ ስነህይወታዊ ማህፀን፥ አስጊ ሁኔታ ውስጥ ወይም በእድገት አለመመጣጠን ምክንያት ህመም ውስጥ ያሉ ፅንሶችን በእንክብካቤ ለማሳደግ ይረዳል ተብሎለታል፡፡

ሰው ሰራሽ ማህፀኑ በሚቀጥሉት አምስት ዓመታትም ወደ ሙከራ ተግባር እንደሚገባ ነው የተተነበየው፡፡

ማህፀኑ ሙሉ የእርግዝና አገልግሎቶችን ወይም ሙሉ ፅንስ የማሳደግ አገልግሎት የማይሰጥ ሲሆን፥ ከመደበኛው ወሊድ ጊዜ ቀድመው የተወለዱ ህጻናትን እንደገና በፅንስ መልኩ የቀራቸውን እድገት እንዲያሟሉ የማድረግ ተግባር ነው የሚሰጠው፡፡

በሰውሰራሽ ማህፀኑ ውስጥም ህጻኑ ምቹ ሁኔታ ተፈጥሮለት አይኖቹን እንዲገልጥ፣ እንደማንኛውም ፅንስ እንዲንቀሳቀስ፣ እንዲተነፍስ እና ምግብ እንዲገኝ ሆኖ የተሰራ ነው – FBC

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close