Connect with us

Weird

የ16 ዓመቱ ታዳጊ 111 የሲሚንቶ ብሎኬቶችን በጭንቅላቱ በመስበር በድንቃድንቅ መዝገብ ላይ ሰፍሯል

Binyam G-Kirstos

Published

on

የ16 ዓመቱ ታዳጊ 111 የሲሚንቶ ብሎኬቶችን በጭንቅላቱ በመስበር በድንቃድንቅ መዝገብ ላይ ሰፍሯል

የ16 ዓመቱ ታዳጊ 111 የሲሚንቶ ብሎኬቶችን በጭንቅላቱ በመስበር በድንቃድንቅ መዝገብ ላይ ሰፍሯል

 የ16 ዓመቱ ቦስኒያዊ ታዳጊ የማርሻል አርቲስት 111 የሲሚንቶ ብሎኬቶችን በጭንቅላቱ በመስበር በአለም የድንቃድንቅ መዝገብ ላይ ሰፍሯል፡፡

ታዳጊው የቴኳንዶ ማርሻል አርቲስት ክሪም አህመትሳፓሂክ ይባላል፡፡

ከሪም በቪሶኮ ከተማ 111 የሲሚንቶ ብሎኬቶችን የመስበር ከፍተኛ ፈተና የቀረበለት ሲሆን ያለድካም ሰባብሯቸዋል፡፡

ከሪም ይህን ያደረገው በጭንቅላቱ ብሎኬቱን ከሰበረ በኋላ በቅጽበት ወደፊት በአየር ላይ በመስፈንጠር መሆኑ ድርጊቱን አስገራሚ አድርጎታል፡፡

በ16 ረድፍ የተደረደሩትን 111 ብሎኬቶችን በ35 ሰከንድ ውስጥ ሲሰባብር በሰውነቱ ላይ ምንም የደረሰ ጉዳት እንደሌለም ነው የተነገረው፡፡

በዓለም ድንቃድንቅ መዝገብ ላይ ስሙ የሰፈረ ሲሆን፥ የምስክር ወረቀትም ተበርክቶለታል፤ ቤተሰቦቹን፣ አሰልጣኙን እና ጓደኞቹንም አመስግኗል፡፡

የሲሚንቶ ጠንካራ ድርድር ብሎኬቶችን የመስበር ልምድ ያልነበረው ከሪም በጠንካራ ወኔ እና በልዩ ችሎታው አሳክቶታል፡፡ FBC

READ  በሎንዶን የቡና ተረፈ ምርት የአውቶብሶችን ነዳጅ ሊተካ መሆኑ ተነገረ
Continue Reading

Environment

60 በመቶ የሚሆነው የዓለማችን ህዝብ የግል መፀዳጃ ቤት የለውም- ተመድ

Published

on

60 በመቶ የሚሆነው የዓለማችን ህዝብ የግል መፀዳጃ ቤት የለውም- ተመድ

የተባበሩት መንግስታት ድርጅት ከዓለም ህዝብ መካከል 60 በመቶ ያክሉ በቤታቸው መፀዳጃ ቤት እንደሌላቸው አስታወቀ።

የመንግስታቱ ደርጅት ትናንት የተከበረው የዓለም የመጸዳጃ ቤት ቀን ምክንያት በማድረግ፥ ከመጸዳጃ ቤት የሚለቀቅ ውኃ አያያዝን ላይ ትኩረት መስጠት አንዳለበት አሳስቧል።

ይህንን ሁኔታም “ዓለም አቀፍ የንፅህና ጉድለት” በማለት በተለያዩ መረጃዎች አስደግፎ አቅርቧል። መረጃው እንደሚያመላክተው በመላው ዓለም 892 ሚሊየን የሚሆነውን ህዝብ ሜዳ ላይ ይፀዳዳል።

በተጨማሪም በአለም ዙሪያ ከ80 በመቶ በላይ የሚሆነው ከመፀዳጃ ቤት የሚለቀቅ ውኃ ሳይታከም ተመልሶ ወደ ተፈጥሮ ሃብት ይፈሳል።

መረጃው እንደሚያሳየው በቂ መፀዳጃ ቤት እና በቂ የንጽህና መጠበቂያ ስፍራ አለመኖር ፈጣን እድገት እያስመዘገቡ ባሉት እንደ ቻይና እና ህንድ ባሉ አገሮች ውስጥም እንድ ትልቅ ችግርነት ይነሳል።

ለዚህም እንደማሳያ በምሥራቅ የቻይና ግዛት የሻንዱንግ ከተማ የሆቴል ፅዳት ሠራተኞች የመኝታ ፎጣዎች ተጠቅመው ሽንት ቤት ስያፀዳዱ መታየታቸው አስቀምጧል።

በተጨማሪም ህንድ ውስጥ የሚገኘው ቦሊውድ የፊልም ኢንዱስትሪ፥ “መፀዳጃ ቤት” በተባለ የፍቅር ታሪክ ፊልሙ ባለፈው በአገሪቱ ያለውን ደካማ የማፀዳጃ ቤት አያያዝ ጉድለት በሚመለከት እንደማሳያ ማቅረቡን ተጠቁሟል።

ከዚህ በመነሳት የተባበሩት መንግስታት ድርጅት ከመፀዳጃ ቤቶች የሚወጡ ቆሻሻዎች አወጋገድ ሰርዓትን በተመለከተ አራት ደረጃዎች አስቀምጣል።

ማጠራቀም፥ ከመፀዳጃ ቤቱ የሚወጣ ቆሻሻ ከሰዎች ንክኪ አርቆ በጽዳት እቃዎች እና በታንከር ውስጥ መቀመጥ አለበት ብሏል።

ማንሳት፥ ከመፀዳጃ ቤቱ የሚወጣ ቆሻሻ በቱቦ በማድረግ ወደ ማከሚያ ስፍራው ማጓጓዝ።

ማከም፥ ከመፀዳጃ ቤቱን የሚወጣ ቆሻሻ ወደ ውሃ ማከሚያ አከባቢ በመውሰድ የአከባቢውን ደህንነት በጠበቀ/በማይበክል ሁኔታ ማከም ያስፈልጋል።

READ  የአረብ ሀገራት ወደ ምስራቅ አፍሪካ መስፋፋት በጎ ብቻ ሳይሆን መጥፎ እድል ይዞ ሊመጣ ይችላል ተባለ

ማስወገድ ወይም እንደገና ጥቅም መጠቀም፥ በተገቢው መንገድ የታከመ ቆሻሻ ለኤሌትሪክ ኃይል ወይም ለምግብ ምርት እንደ ማዳበሪያ ሊያገለግል ይችላል ሲልም የተባበሩት መንግስታት ድርጀት አስታውቋል።

የተባበሩት መንግስታት በሪፖርቱ እንዳሰፈረው ብዙ አገሮች የአካባቢ ንፅህናን ለማሳደግ ሰፊ ሀብቶችን አፍስሰዋል። ለአብነት በቻይና “የመጸዳጃ አብዮት”፥ አካባቢን ለመቆጣጠር የሚያስችሉ አነፍናፊዎችን (sensors) መጠቀም እንደ ከፍተኛ የቴክኖሎጂ መሳርያ ተደርጎ ተወስዷል።

በተመሳሳይ በህንድ ውስጥ በአውሮፓውያኑ 2019 በእያንዳንዱ ቤት፥ ሽንት ቤት ለመገንባት የሚያስችል እቅድ መያዙን ተነግሯል።

 

 

ምንጭ፦ ሲ.ጂ.ቲ.ኤን.

Continue Reading

Africa

በሊቢያ የባርያ ንግድ ተጣጡፏል

Published

on

የዘመናዊው ዓለም ኢ ሰብዓዊው የሰው ሽያጭና ግዢ

የዘመናዊው ዓለም ኢ ሰብዓዊው የሰው ሽያጭና ግዢ | በሊቢያ የባርያ ንግድ ተጣጡፏል፤

ሲኤን ኤን ከሰሞኑ አንድ አስደንጋጭ የምርመራ ዘገባ ለዓለም አሰራጭቷል።ዘገባው መነሻቸውን እንጂ መድረሻቸውን ስለማያውቁና ወደ አውሮፓ ለመሻገር ሊቢያ ስለከተሙ አፍሪካውያን ስደተኞች ዕጣ ፈንታ ያትታል። ዘገባውን የተመለከተ ታዲያ በ 21ኛው ክፍለ ዘመን ይህ እየተፈፀመ ስለመሆኑ በዓይኑ ያየውንም ሆነ በጆሮው የሰማውን ለማመን ይቸገራል።

በተለይ አምባገነኑ የቀድሞው የሊቢያ መሪ መሃመድ ጋዳፊ ለአራት አሥርት ዓመታት የተቀመጡበት ዙፋን እ ኤ አ በ 2011 ሕይወት እና ስልጣናቸውን ነጥቆ ጭምር ካበቃለት በኋላ ሊቢያ የስደተኞች መናኸሪያ ሆናለች። አብዛኞቹ አፍሪካውያን ስደተኞች የሜዲትራኒያንን ባህር አቋርጠው ወደ አውሮፓ ለመግባት ሊቢያን ዋንኛ ተመራጭ መሸጋገሪያቸው ያደርጋሉ። በዚህም ምክንያት አገሪቱ በስደተኞች ቀውስ መወጠር ከጀመረች ዓመታትን ቆጥራለች። የስደተኞች ጉዳይም ራስ ምታት ሆኖባታል።

የሊቢያን ምድር የረገጡ ስደተኞች ተበድረውም ሆነ ቤተሰቦቻቸውን አስቸግረው ያገኙትን ገንዘብ በአገሪቱ ከሚገኙና በህገወጥ የሰዎች ዝውውር ከተሰማሩ ግለሰቦችም ሆነ ተቋማት ጋር በመደራደር የሜዲትራኒያንን ባህር ለማቋረጥ ጉዟቸውን አሃዱ ይላሉ። በመጠነኛ እና አሮጌ ጀልባ በሚከናወነው ባህር የማሻገር ጥረት አስከፊ ስቃይ ይደርስባቸዋል። ዕድል ቀንቷቸው ከሞት ተርፈው ካሰቡት የሚደርሱ ቢኖሩም ከሚያልሙት አውሮፓ መድረስ ያልሆነላቸው ከግዙፉ ባህር ሰምጠው ህይወታቸውን የሚነጠቁት እጅጉን ይበልጣሉ።

ከአገራቸው ተነስተው ሊቢያ እስኪደርሱ በየቦታው ገንዘባቸውን የተነጠቁና የጨረሱት በአንፃሩ ረጅሙን አስከፊ የባህር ጉዞ ለማድረግ ገንዘብ ማግኘት ግድ ይላቸዋል።አውሮፓ የመግባት ህልማቸውን እውን ለማድረግ ታዲያ ህገ ወጥ በሆነ መልኩ ከቦታ ቦታ በመዘዋወር የተገኘውን ለመስራት ይጥራሉ። አሊያም ቤተሰብ እስኪልክላቸው ይጠባበቃሉ። በዚህ መሃል ታዲያ አንድ ዕጣ ፈንታ ይጋረጥባቸዋል። አስከፊውን የሜዲትራኒያን ባህር ሳይረግጡ ገና ከመጀመሪያው በሊቢያ ጎዳና አስከፊ ኢሰብዓዊ ተግባር ይፈፀምባቸዋል።ህይወታቸውን ለባህር ዓሳ ከመስጠት በተጓዳኝ ለግለሰቦችም ተላልፎ ይሰጣል።

READ  አይኤስ በፓስኪስታን ባደረሰው የቦምብ ጥቃት ከ70 በላይ ሰዎች ሞቱ

የሲ ኤን ኤን የሰሞኑ የምርመራ ዘገባ እንደሚያስቃኘው፤ በበርካታ አፍሪካውያን ከጊኒ፣ ከሴኔጋል፣ ከማሊ፣ ከኒጀርና ከጋምቢያ እጅግ አደገኛ የሚባል አሰቃቂ ጉዞ በማድረግ የሰሃራ በረሃን አቋርጠው ሊቢያ ገብተዋል። ስደተኞች አብዛኞቹ ለህገ ወጥ አዘዋዋሪዎቻቸው የሚከፍሉት ሲያጡ እንደ ባርያ ይቀጠራሉ።

የአዘዋዋሪዎቻቸውን ክፍያ ለመመለስ ታዲያ በአዘዋዋሪዎቻቸው ለሽያጭ ይቀርባሉ። ከማንኛውም የመገበያያ ሱቅ ሸቀጥ እንደሚገዛው በጠራራ ፀሐይ በአደባባይ ይገዛሉ፣ ይሸጣሉ። ገዢዎቻቸውም የሰውን ልጅ ተደራድረው ሲገዙ ኀዘንም ሆነ እፍረት አይሰማቸውም። በ21ኛው ክፍለ ዘመን በአፍሪካዊቷ አገር ሊቢያ ዘመናዊ የባሪያ ንግድ በአደባባይ ይከወናል።አፍሪካውያን አፍሪካ ውያንን በአደባባይ ለጨረታ ያቀርባሉ ፣ይሸጣሉ፣ ይገዛሉ።

በዘገባው በቁም እስር በሞትና በህይወት መካከል የሚገኙ ከተለያዩ የአፍሪካ አገራት የተውጣጡ ወጣት ስደተኞች ለሽያጭ ቀርበው ይታያሉ።ስደተኞቹ በአገሪቱ ለሚገኙ ገዥዎቻቸው ብቻ ሳይሆን ወደ ሰሜን አፍሪካ አገራት የሚሸጡም ናቸው።ዋጋቸውም ከ ስድስት መቶ የሊቢያ ዲናር አሊያም ከ400 ዶላር ያነሰ ነው። እንደ ቋንቋና የሥራ ብቃታቸው አሊያም የሰውነት ገፅታ ጥንካሬአቸው ዋጋቸውም ይለያያል።

ከተሸጡ በኋላ አብዛኞቹ መብታቸው ይረገጣል። በቂ ክብካቤ አይደረግላቸውም፤እንደ ባርያ ይታያሉ፣ለከባድ ጉልበት ብዝበዛ ይዳረጋሉ፣ምግብ አይሰጣቸውም፣ በረሃብ ይሞታሉ፣ዕድል የገጠማቸው የልፋታቸውን የማይመጥን መጠነኛ ገንዘብ ያገኛሉ።አንዳንዶቹ በነፃ ቀን ከሌት ይደክማሉ። መጠነኛ መድኃኒት አያገኙም ፣በቀላሉ ለህመም ተጋልጠው ይሞታሉ። በዚህ መልኩ ቁጥራቸው ሲመናመንም አይዛችሁ የሚላቸው የሚደርስላቸው ማንም የለም። ገዢያቸውም ቢሆን በጎደሉት ቁጥር ልክ ከፈለገም ጨምሮ ለመግዛት ገበያ ይወጣል።ብዙም ሳይደክም በቀላሉ ገዝቶም ይመለሳል።

12 አፍሪካውያን ስደተኞች በጥቂት ሰዓት ውስጥ ለአንድ ግለሰብ ሲሸጡ በአይኔ ተመልክቻለሁ የምትለው የሲኤን ኤን ዘጋባዊ ኒማ ኢልባጊር፤ገዥውም የሰዎቹን ተክለ ቁመና እየተመለከተ ዋጋ ሲተምን አስተውላለች።

READ  በሎንዶን የቡና ተረፈ ምርት የአውቶብሶችን ነዳጅ ሊተካ መሆኑ ተነገረ

አስከፊውን የአፍሪካውያን ስደተኞች ስቃይ ያመለከተው ይህ ዘገባ ጉዳዩን አነጋጋሪ አድርጎታል፡፡ ድርጊቱ ብዙዎችን አስቆጥቷል።ለትዝብት ዳርጓል። በተለይ ዓለም አቀፍ መገናኛ ብዙሃን ለጉዳዩ የሰጡት ትኩረት ዝቅተኛ መሆን ትችት እንዲዥጎደጎድባቸው ምክንያት ሆኗል። የዘመናዊው ዓለም ኢ ሰብዓዊ የሰው ሽያጭና ግዥ እየተፈፀመ መሆኑን ጮክ ብለው አለማስተጋባታቸው ብዙዎችን ግር አሰኝቷል።

በፈረንሳይ የሊቢያ ኤምባሲ ደጃፍ በሺዎች የሚቆጠሩ ሰዎች ለተቃውሞ አደባባይ ውጥተው በዘመናዊው የ 21ኛው ክፍለ ዘመን በወንድሞቻቸውና እህቶቻቸው ላይ የሚፈፀመውን ኢሰብዓዊ ድርጊት ኮንነዋል።የሊቢያ መንግሥትን ችላ ባይነትም አውግዘዋል።ቁጣቸውንም በተለያዩ መንገዶች አሳይተዋል።

ቁጣቸውን ከገለጹት ተቋማት መካከል ደግሞ የአፍሪካ ህብረት ቀዳሚው ነው።እንደ ኤኤፍ ፒ ዘገባ ህብረቱ በሊቢያ እየተፈፀመ ያለው የሰው ንግድ በእጅጉ አስቆጥቶታል። የጊኒው የህብረቱ የወቅቱ ፕሬዚዳንት አልፋ ኮንዴ የሊቢያ መንግሥት በአገሪቱ በሚገኙ ስደተኞች ላይ አስፈላጊውን ምርመራና ማጣራት ማድረግ እንዳለበት ጠንከር ያለ መልዕክት አስተላልፈዋል። መሰል ዘመናዊ የባርያ ንግድ በፍጥነት መቆም አለበት ሲሉ የተደመጡት ፕሬዚዳንቱ፤ህብረቱም ይህን ለማድረግ ቁርጠኛ መሆኑን አረጋግጠዋል።

አገራትም ይህን ተግባር በእጅጉ በመኮነን ላይ ናቸው።የሴንጋል መንግሥት በማህበራዊ ድረ ገፅ ባሳለፈው መልዕክት ፤ በሊቢያ ምድር የሰው ልጅን ሰብዓዊ ክብር በሚነካ መልኩ በስደተኛ አፍሪካውያን ላይ የሚፈፀመውን ንግድ በእጅጉ አውግዞታል።

ዢንዋ ይዞት የወጣው ዜና እንዳመለከተው ከሆነ በሊቢያ የሚገኘው የሊቢያ ሰብዓዊ መብት ኮሚሽን ግን የሲኤን ኤ ዘገባ አልተዋጠለትም፡፡ኮሚሽኑ ሲኤን ኤን ዘገባውን ትክክለኛ ባልሆነና በእጅጉ በተጋነነ መልኩ ሰርቶታል ሲል ገልጿል።ኮሚሽኑ በአገሪቱ በሚገኙ አፍሪካውያን ስደተኞች ላይ እጅግ አሳፋሪ የሚባል ኢ ሰብዓዊ ተግባር በተደራጁ ወንጀለኞች፣ ቡድኖችና ህገ ወጥ አዘዋዋሪዎች እየተፈፀመ መሆኑን ግን አልካደም። የአገሪቱ መንግሥት አስፈላጊ የሚባለውን ማጣራትና ምርመራ እንዲያደርግም ጥሪ ማቅረቡን ጠቁሟል።

READ  የሦስት ሺህ ሜትር መሰናክል ተወዳዳሪዎች በዳኞች ስህተት ተጨማሪ 400 ሜትር ሮጡ

ባሳለፍነው አርብ የሲኤን ኤን ዘጋቢ ላውረን ሰኢድ እንደሰራው ዘገባ፤ የሊቢያ መንግሥት በጉዳዩ ላይ ምርመራ ጀምሯል።ምርመራውን የሚያካሂድ ኮሚቴ አዋቅሯል። መንግሥት እንደገለፀው፤ኮሚቴ ተቋቁሞ ምርመራ የሚካሄደው ይህን ሰብዓዊነትን የረገጠ ተግባር የሚፈጽሙ ግለሰቦችን በቁጥጥር ስር በማዋል ለፍርድ ለማቅረብና ተጠያቂ ለማድረግ ብቻ አይደለም።ለባርነት ተሽጠው በተለያዩ ግለሰቦች እጅ የሚገኙ አፍሪካውያን ዜጎችን ወደ የመጡበት አገር ለመመለስና ከቤተሰቦቻቸው ለመቀላቀልም ነው።

ዓለም አቀፉ የስደተኞች ድርጅት ጨምሮ ሌሎች በስደተኞች አስተዳደር ላይ የሚሰሩ በተለይ በሲውዘርላንድ ጄኔቭ መቀመጫቸውን ያደረጉ ተቋማት ታዲያ ይህን የሊቢያ መንግሥት ተነሳሽነት በእጅጉ አድንቀውለታል።ህገ ወጦቹን በማደን ብቻም ሳይሆን በአገሪቱ በስደተኞች ላይ እየተፈፀመ ያለውን ኢሰብዓዊ ተግባር ለመቃኘት ያስችለዋል የሚል እምነትም አሳድረዋል።

እንደ ዓለም አቀፉ የስደተኞች ድርጅት መረጃ ድርጅቱ በዚህ ዓመት ብቻ ከ8ሺ800 የሚልቁ ስደተኞች ወደ አገራቸው መመለሳቸውን ይፋ ቢያደርግም፣ የሲኤን ኤን ዘገቢዋ ግን፤በርካታ ስደተኞች አሁንም ቢሆን በሊቢያ መውጫ ቀዳዳ ጠፍቶባቸው አሁንም በቁም እስር በስቃይ ይገኛሉ።

ዓለም ዓቀፉ ማህበረሰብም ሆነ የሊቢያ መንግሥት ለስደተኞች የሚሰጡትን ትኩረት ዳግም ሊቃኙት ይገባል።ምንም እንኳን በስደት አስከፊነትና ስደተኞች ስለሚያጋጥማቸው ንዋይ ሳይሆን ስለሚገጥማቸው አስከፊና ዘግናኝ ሞት በተደጋጋሚ እየተነገረ ዓለም አቀፍ ግንዛቤም የዛኑ ያህል እያደገ ቢመጣም አሁንም ቢሆን ስደተኞችን ማስቆም አልተቻለም።ስደትም መቋጫ አላገኘም።ህገ ወጥ ደላሎችም ቁጥራቸው እያደር ጨምሯል እንጂ ቀንሷል ለማለት አያስደፍርም።

ታምራት ተስፋዬ

Continue Reading

Law or Order

ሌባውን የጠቆመ አማርጦ ለዓመት ይመገባል

Published

on

ሌባውን የጠቆመ አማርጦ ለዓመት ይመገባል

ፖሊስ የሚባለው ተቋም ወደ ሥራ ከመግባቱ በፊት ጥንት ወንጀለኛ የሚያዝበት መንገድ ከሀገር ሀገር ከማህበረሰብ ማህበረሰብ የተለያየ ነበር፡፡ በሀገራችን እንኳ አውጫጪኝ የሚባል ባህላዊ ወንጀለኛ ማደኛ መንገድ እንደነበር ይታወቃል። አሁንም ቢሆን ወንጀለኛ ላይ ለመድረስ የተለያዩ መንገዶች ተግባራዊ ይደረጋሉ፡፡

በሰለጠነው ዓለም ወንጀለኛ ላይ ለመድረስ ለፖሊስ መማልከት የግድ ቢሆንም፣የፖሊስ ምርመራ ብቻውን አዋጭ የማይሆንበት ጊዜ አለ። ለዚህም ነው አገራት ጭምር ከባድ ወንጀል በመፈፀም የሚፈልጉትን ሰው ለመያዝ ጠቀም ያለ ገንዘብ ይመድባሉ። ወንጀለኛው ያለበትን ሥፍራ ለጠቆመ በጉርሻነት ገንዘብ ማዘጋጀታቸውን በተለያዩ መገናኛ ብዙሃን ሲያስነግሩም ሰምተናል፡፡የአልቃይዳው መሪ ኦሳማ ቢንላደን ያለበትን ስፍራ ለጠቆመ 25 ሚሊዮን ዶላር ነበር የተዘጋጀው፡፡ በዚህ መንገድ በርካታ ወንጀለኞች ተይዘዋል፡፡

ሰሞኑን ከወደ አሜሪካዋ ጆርጅያ ግዛት የተሰማው የተጠርጣሪ ወንጀለኛ አፋልጉኝ መላ ደግሞ ሽልማቱን ከጥሬ ገንዘብነት ይልቅ በዓይነት አድርጎ ብቅ ብሏል።
ነገሩ እንዲህ ነው፣ በግዛቲቷ ከተማ የሆነችው ካስተርስቪሌ ውስጥ መቀመጫውን ያደረገ አንድ የፈጣን ምግቦች ሬስቶራንት ከመኪና ማቆሚያ ቦታው የፈጣን ምግቦች መሸጫ መኪናው ተሰርቃበታለች፡፡

ድርጅቱ ጉዳዩን ለፖሊስ አላሳወቀም፡፡ ወንጀለኛውን ለጠቆመ ወሮታውን ይህን ያህል ገንዘብ እከፍላለሁም አላለም፡፡ድርጅቱ መኪናዋን ለማግኘት ይረዳው ዘንድ በፌስ ቡክ ገፁ በሬስቶራንቱ የደህንነት ካሜራ የተቀረፀ የተጠርጣሪውን ሰው ምስል ጭምር በመለጠፍ ፍለጋውን ማካሄዱን ይቀጥላል፡፡

‹‹ሰው ባለው ነው›› እንዲሉ ወንጀለኛውን የጠቆመ ማንኛውም ሰው ሬስቶራንቱ ለአንድ ዓመት ሙሉ የሬስቶራንቱን ምግቦች እያማረጠ እንዲመገብ እንደሚፈቅድ ይፋ ማድረጉን ነው ዩፒ አይ የተሰኘው ድረገጽ ያስነበበው ፡፡ በሪሁ ብርሃነ

READ  የአምባሳደሮችና የሚሲዮን ሃላፊዎች ስብሰባ “ተቋማዊ ለውጥ ለውጭ ግንኙነት ፖሊሲያችን ስኬት” በሚል መሪ ቃል በሃዋሳ ተጀመረ
Continue Reading

Trending

news.et Mobile App!

It's Faster!

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close