Connect with us

Health

የአለም ጤና ድርጅት በሰው ልጆች ላይ ትልቅ የጤና አደጋ የደቀኑ 12 የባክቴሪያ አይነቶችን ይፋ አደረገ

Published

on

የአለም ጤና ድርጅት በሰው ልጆች ላይ ትልቅ የጤና አደጋ የደቀኑ 12 የባክቴሪያ አይነቶችን ይፋ አደረገ

እነዚህ የባክቴሪያ ዝርያዎች የጸረ ተህዋሲያን መድሀኒቶችን የመቋቋም ባህሪ አዳብረዋል የሚለው የአለም ጤና ድርጅት መግለጫ የሰው ልጆች ዋነኛ የጤና ችግር ሆነዋል በማለት ለይቷቸዋል፡፡

ሰሞኑን የአለም ቁጥር አንድ ቢሊየነር ቢል ጌትስ የሰው ልጆች ለባዮሎጂያዊ አደጋዎች ተጋላጭ ሆነዋል በማለት ምድራችን በሽታና ወረርሽኞች ከባድ ስጋት እንደደቀኑባት መናገራቸው ይታወሳል፡፡ ይህንኑ ስጋት የሚደግፍ መግለጫ ይፋ ያደረገው የአለም ጤና ድርጅትም 12 የባክቴሪያ ዝርያዎች መከላከያ መድሀኒቶችን በመላመድ ትልቅ የጤና ስጋት ደቅነዋል ሲል ዝርዝራቸውን ይፋ አድርጓል፡፡

የሳምባ ነቀርሳ ባክቴሪያ ከነዚህ አደገኛ ተህዋስያን ውስጥ አንዱ ሆኖ መቀመጡን የሚናገረው የአለም ጤና ድርጅት አሲኔቶባክተር፣ ሲዶሞናስና፣ ኢንትሮባክቴሪአሴ የተባሉ የተለያዩ የባክቴሪያ ዝርያዎችን በዋናነት እንደሚጨምር ይፋ አድርጓል፡፡

አሁን ላይ ምድራችን እነዚህን ባክቴሪያዎች የሚከላከሉ መድሀኒቶች እያጠራት ይገኛል የሚለው የአለም ጤና ድርጅት መግለጫ ጠበብት በአፋጣኝ ለነዚህ ተህዋሲያን መከላከያ ካላበጁ በስተቀር ምድራችን ከባድ የጤና ቀውስ ሊገጥማት ይችላል በማለት አትቷል፡፡

በነዚህ ባክቴሪያዎች ጤናውን የሚያጣውና ለሞት የሚዳረገው የአለም ህዝብ ቁጥር በከፍተኛ ሁኔታ መጨመሩን ሚናገረው የአለም ጤና ድርጅት ይህን አሳሳቢ ሁኔታ መንግስታትና ፖሊሲ አውጪዎች ቅድሚያ እንዲሰጡት ጠይቋል፡፡

የ 12 ቱ ባክቴሪያዎች ዝርዝር ይፋ መደረግ በጤናው ዘርፍ የሚሰሩ አካላት ተረባርበው አንድ መፍትሄ እንዲፈልጉና ለጉዳዩ ትኩረት እንዲሰጡ እንደሚረዳ የሚናገረው የአለም ጤና ድርጅት በዚህ ዙሪያ ሰፊ ጥረት ድርጅቱ እንደሚያደርግም አስታውቋል፡፡ አለማችን ለነዚህ ተህዋሲያን አዳዲስ መከላከያዎችን ለመስራት ለምርምር ትኩረት መስጠት ይገባታል መግለጫው ብሏል፡፡ who

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close