Connect with us

Health

በስፔን 5 በኤች አይቪ የተያዙ ሰዎች በተደረገላቸው ህክምና ከቫይረሱ ነጻ መሆናቸው ተዘገበ

Published

on

በስፔን 5 በኤች አይቪ የተያዙ ሰዎች በተደረገላቸው ህክምና ከቫይረሱ ነጻ መሆናቸው ተዘገበ

በቅርቡ ከናይጄሪያ ኤችአይቪ ኤድስን የሚፈውስ መድሀኒት አንድ ፕሮፌሰር እንዳገኙ መናገራቸውን መዘገባችን ይታወሳል፡፡ አሁን ደግሞ ከወደ ስፔን በ 5 ሰዎች ላይ የተደረገ የህክምና ሙከራ ቫይረሱን መፈወስ እንደቻለ ተነግሯል፡፡

መደበኛውን የጸረ ኤችአይቪ ቫይረስ መድሀኒት እንዲያቆሙ የተደረጉትና አዲሱን ህክምና የተከታተሉት ሰዎቹ ተመርምረው ከቫይረሱ ነጻ መሆናቸው እንደተረጋገጠ ዴይሊ ሜል የዜና ምንጭ ዘግቧል፡፡ አዲሱ ህክምና በክትባት መልክ የሚሰጥ መድሀኒት መሆኑን ዘገባው ጠቁሟል፡፡

ሆኖም ግን አሁን ላይ አዲሱ ህክምና ጥቅም ላይ ከመዋሉ በፊት በስፋት መሞከር እንደሚኖርበት ተመራማሪዎቹ ገልጸዋል፡፡
ክትባቱን በሙከራ ላይ ያዋለው በስፔን ባርሴሎና አንድ የጥናት ተቋም ተመራማሪዎች ቴሬፓቲክ ቫክሲን በተባለው ሙከራቸው የኤችአይቪ ቫይረስን መቀነስና ማጥፋት የሚቻልበትን ዘዴ ለማግኘት ችለናል ብለዋል፡፡

መደበኛውን የጸረ ኤችአይቪ ቫይረስ መድሀኒት በማቆም አዲሱን ክትባት የተሰጣቸው ከቫይረሱ ጋር የሚኖሩት ወገኖችም ይህ ውጤት እንደታየባቸው ነው የተናገሩት፡፡ እስከአሁን 50 ሙከራዎች መደረጋቸውን የሚናገረው ዴይሊ ሜልም በ 5 ቱ ሰዎች ላይ የታየው ለውጥ የመጀመሪያና ትልቅ ስኬት እንደሆነ ተናግሯል፡፡

ከ 30 አመታት በላይ መድሀኒት ያልተገኘለት ኤችአይቪ ኤድስ በርካቶችን ለሞት የዳረገ ዋነኛ የአለም የጤና ችግር ሲሆን በሀገራችንም እጅግ አሳሳቢ በሽታ መሆኑ ይታወቃል፡፡

በመሆኑም ይህን መሰሉ ዜና መሰማቱ በጎ ነገር ቢሆንም እንኳን ህክምናው ገና በሙከራ ደረጃ ላይ ያለ መሆኑን ተረድተው ሰዎች ራሳቸውን ለኤችአይቪ ከሚያጋልጡ ድርጊቶች እንዲቆጠቡ ነው የሚመከረው፡፡  dailymail

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close