Connect with us

Law or Order

በህዳሴ ግድብ ላይ ጥቃት ለማድረስ የነበሩ ታጣቂዎች በፀጥታ ሀይል ተደመሰሱ

Elias Tesfaye

Published

on

GERD

በታላቁ የኢትዮጵያ ህዳሴ ግድብ ላይ ጥቃት ለማድረስ አቅደው ሲንቀሳቀሱ የነበሩ የታጣቂ ሀይል አባላት በፀጥታ ሀይል ተደመሰሱ።

የመንግስት ኮሙዩኒኬሽን ጉዳዮች ጽህፈት ቤት ሚኒስትር ዴኤታ አቶ ዛዲግ አብርሃ ለፋና ብሮድካስቲንግ ኮርፖሬት እንደተናገሩት፥ በህዳሴው ግድብ ላይ ጥቃት ለማድረስ ሲንቀሳቀሱ የነበሩትና መነሻቸውን ኤርትራ ያደረጉት 20 የቤህነን ታጣቂ ሀይል አባላት መንገድ ላይ እርምጃ ተወስዶባቸዋል።

GERD Attack Foiledበተወሰደባቸው እርምጃም 13ቱ የታጣቂ ሀይሉ አባላት ወዲያውኑ የተደመሰሱ ሲሆን፥ ሰባት የሚሆኑት ወደ ሱዳን ለመሸሽ ችለው ነበር ብለዋል።

ሆኖም ግን የሱዳን መንግስት ሸሽተው የሄዱትን የታጣቂ ቡድኑን አባላት ለኢትዮጵያ አሳልፎ መስጠቱን ነው አቶ ዛጊድ የገለጹት።

በአሁኑ ጊዜም ሰባቱ የታጣቂ ቡድኑ አባላት በቁጥጥር ስር እንደሚገኙ ተናግረዋል።

የታጣቂ ሀይሉ ዓላማ የህዳሴው ግድብ ላይ ጉዳት ለማድረስ ነበር ያሉት አቶ ዛዲድ፥ የሀገራቸውን ጥቅም አሳልፈው የሰጡና መቀመጫቸውን ኤርትራ ያደረጉ ሀይሎች ከሻዕቢያ መንግስት ጋር በመተባበር ሙከራውን ማድረጋቸውን ጠቁመዋል።

የታጣቂ ሀይሎቹ ያደረጉት ሙከራ እንደ ከዚህቀደም ሙከራዎች ሁሉ መክሸፍ ችሏል፤ ይህም የፀጥታ ሀይሉ ጠንክራ ስራ ውጤት ነው ብለዋል ሚኒስትር ዴኤታው።

የቤህነን ታጣቂ ሀይል መቀመጫውን ኤርትራ አድርጎ የሚንቀሳቀስ መሆኑ በጥቃት ሙከራው ውስጥ የሻዕቢያ እጅ እንዳለበት እንደሚያረጋግጥም አብራርተዋል።

የህዳሴ ግድብ የኢትዮጵያ ህዝብ ግድብ ነው ያሉት አቶ ዛዲግ፥ ለግድቡ ሁሌም አስተማማኝ ጥበቃ ስለሚደረግ የሚያሰጋ ነገር የለም፤ ሙከራውም ሊከሽፍ የቻለው በዚህ ምክንያት ነው ብለዋል። (ኤፍ.ቢ.ሲ) 

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close