Connect with us

Health

የፆም ወቅት አመጋገብ ጣፊያ የስኳር መጠንን በአግባቡ እንዲመጥን ያግዘዋል – ጥናት

Asfaw Juliana

Published

on

የፆም ወቅት አመጋገብ

(ኤፍ.ቢ.ሲ) በሰውነታችን ውስጥ ያለው የሰኳር መጠን ከወሰኑ ሲያልፍ የሚመጣው የስኳር በሽታ እንዳያጋጥም ለማድረግ ጣፊያ በመደበኛ ስራው ላይ መገኘት አለበት፡፡

አብዛኛው የምንመገበው ምግብ ለሰውነታችን ኃይል ለመስጠት ወደ ስኳርነት ወይም ግሉኮስነት ይቀየራል፡፡

ታዲያ በጨጓራችን አካባቢ የሚገኘው ጣፊያ የተባለው የሰውነታችን ክፍል ኢንሱሊን በመባል የሚታወቀውን ንጥረነገር ይሰራል፡፡

ይህ ንጥረነገር ደግሞ ስኳር ወደ እያንዳንዱ የሰውነታችን ህዋሳት ውስጥ እንዲገባ የሚያደርግ ነው፡፡

በሌላ በኩል የኢንሱሊን መጠን መጨመር እንዳያጋጥም የሚቆጣጠሩ እና ሲጨምርም የሚስወግዱ “ቤታ” የተባሉ ህዋሳት በጣፊያ ውስጥ ይገኛሉ፡፡

እነዚህ ህዋሳት ራሳቸውን እያደሱ እና አቅም እያከማቹ መደበኛ ስራቸውን ያለማቋረጥ እንዲሰሩ የፆም ወቅት አመጋገብ ወሳኝ ነው፡፡

የአሜሪካ ተመራማሪዎች የፆም ወቅት አመጋገብ ጣፊያ በደም ውስጥ ያለውን የስኳር መጠን እንዲቆጣጠር የሚያስችለውን አቅም እንደገና እንዲያገኝ ያስችላል ብለዋል፡፡

በጣፊያ ውስጥ የሚገኙት “ቤታ” ህዋሳት ራሳቸውን በማደስ ስራቸውን በአግባቡ መስራታቸውም በደም ውስጥ ያለውን የደም መጠን መቆጣጠር ያስችለዋል፡፡

ተመራማሪዎቹ በአይጦች ላይ የተሞከረው የፆም ወቅት አመጋገብ በደማቸው ውስጥ ያለውን የስኳር መጠን ሲለዋውጠው ተስተውሏል ነው ያሉት፡፡

የፆም ወቅት አመጋገብ ጣፊያ ድካም እንዳይሰማው የሚረዳ ሲሆን፥ ለስኳር በሽታም ጥሩ መፍትሔን የያዘ ግኝት መኖሩን ጠቅሰዋል፡፡

አመጋገቡ በጣፊያ ውስጥ የሚገኙትን እና በደም ውስጥ የኢንሱሊን መጠን ሲጨምር የሚያስወግዱትን “ቤታ” የተባሉ ህዋሳትን እንዲያገግሙ እና ብዙ ጊዜ እንዲቆዩ ያስችላል፡፡

በደቡብ ካሊፎርኒያ ዩኒቨርሲቲ ተመራማሪ የሆኑት ዶክተር ቫልተር ሎንጎ፥ አይጦች እንዲራቡ ለተወሰነ ሰዓት ከምግብ በማራቅ ከዚያም መልሶ ምግብ በመስጠት የተሞከረው ይህ ጥናት ውጤቱ ስኬታማ መሆኑን አንስተዋል፡፡

ሆኖም ይላሉ ተመራማሪው ከምግብ ለተወሰነ ጊዜ ተቆጥቦ እስኪርብ መቆየት እንጂ ፈፅሞ በቀን ውስጥ አለመመገብ አይመከርም፡፡

በመሆኑም በአመጋገብ መመሪያዎች በመታገዝ የፆም አመጋገቡን መሞከር እንደሚገባ እና በዘልማድ መተግበር ደግሞ ለከፋ ጉዳት እንደሚጋልጥ ነው የጠቆሙት፡፡

በቀጣይ የምርምሩ ግኝት በሰዎች ላይ የሚሞከር ሲሆን፥ ወደ ገበያው ለማምጣትም ብዙ ለውጦችን የሚያስተናግድ መሆን አለመሆኑን ማየት ያስፈልጋል ብለዋል፡፡

 

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close