Connect with us

Middle East

በየመን ላይ ጦር የሰበቀችው የተባበሩት አረብ ኤምሬት የ 5 ቢሊዮን ዶላር ጦር መሳሪያ ግዢ ስምምነት አካሄደች

Published

on

በየመን ላይ ጦር የሰበቀችው የተባበሩት አረብ ኤምሬት የ 5 ቢሊዮን ዶላር ጦር መሳሪያ ግዢ ስምምነት አካሄደች

የአለም የጦር መሳሪያ ግብይት አውደርእይ በአቡዳቢ ተካሂዷል
አለም አቀፉ የጦር መሳሪያ ገበያ 31 ቢሊዮን ዶላር ይዛቅበታል፡፡ 28 ቢሊዮን ዶላሩን በየአመቱ የሚያጋብሱት ደግሞ 10 ሀገራት ናቸው ይባላል፡፡

9.9 ቢሊዮን ዶላር ከዚህ የፍጅት ንግድ የምታፍሰው አሜሪካ ቀዳሚዋ ጦር መሳሪያ ቸብቻቢ ስትሆን፣ ራሺያ 6.4 እንዲሁም ጀርመን 2.8 ቢሊዮን ዶላር ከዘርፉ በመዛቅ ቀዳሚ ሀገራት ናቸው፡፡ ፈረንሳይ፣ ቻይና፣ እንግሊዝ፣ እስራኤል፣ ጣሊያን፣ ደቡብ ኮሪያና ዩክሬን እስከ አስር ያለውን ተከታይ ደረጃ ይይዛሉ፡፡

የጦር መሳሪያ ንግድ ከቀዝቃዛው የአለም ጦርነት ወዲህ በእጅጉ ማሻቀቡ ሲነገር ባለፉት 5 አመታት ደግሞ በእጥፍ ማደጉ ነው የሚነገረው፡፡ ለዚህ ንግድ መድራት በየመን፣ ሶሪያ፣ ኢራቅ አና ደቡብ ሱዳን እንዲሁም በሌሎች አካባቢዎች የተፋፋመው እልቂት ዋነኛ ምክንያት እንደሆነ የአለም አቀፉን የሰላም ጥናት ተቋም መረጃ ዋቢ አድርገው ብዙዎች ይናገራሉ፡፡

በህንድ ቢቀደሙም የመካከለኛው ምስራቅ የነዳጅ ከበርቴ ሀገራት በመሳሪያ ሸመታ ዋነኛ ናቸው ተብለዋል፡፡ በተለይ በየመን ላይ ከባድ ውድመት እያደረሰ ያለውን የአረብ ሀገሮች ጥምር ጦር የሚመሩት ሳውዲ አረቢያና የተባበሩት አረብ ኤምሬቶች ህንድን ተከትለው ሁለተኛና ሶስተኛ ተብለዋል፡፡

አለም አቀፉ ሰላም ወዳድ ህብረተሰብ መንግስታት ከዚህ መሰሉ የጥፋት ንግድ እንዲገቱ ግፊት ቢያደርግም የሀገራት እርምጃ ግን በተቃራኒው እየሄደ ነው የሚገኘው፡፡ የጦር መሳሪያ ገበያ አሁን ላይ አለም አቀፍ ድግስ ተደግሶ በይፋ የሚካሄድ ሆኗል ያለው የፕሬስ ቲቪ ዘገባ የዘንድሮው የጦር መሳሪያ አውደ ርእይ በተባበሩት አረብ ኤምሬት አቡዳቢ ሲካሄድ ሰንብቶ ሀሙስ መጠናቀቁን አውስቷል፡፡

በዚህ አውደርእይ ላይ ደግሞ አስተናጋጇና በየመን ዘመቻ ግንባር ቀደሟ ሀገር አረብ ኤምሬቶች የ 5 ቢሊዮን ዶላር የጦር መሳሪያ ግዢ ስምምነት ፈጽማለች ሲል ዘገባው ገልዷል፡፡ በአውደ ርእዩ ላይ የአሜሪካ፣ የብሪታኒያና የምእራባዊያን ሀገራት የፍጅት ንግድ ተዋናዮች ዋነኛ ተካፋይ ነበሩ ተብሏል፡፡  presstv

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close