Connect with us

Ethiopia

መቼ ተነሱና የወዳደቁት-ራስ አባተ ቧ ያለው የአድዋው ጌጥ

Published

on

መቼ ተነሱና የወዳደቁት-ራስ አባተ ቧ ያለው የአድዋው ጌጥ፤

መቼ ተነሱና የወዳደቁት-ራስ አባተ ቧ ያለው የአድዋው ጌጥ፤

(ተጓዡ ጋዜጠኛ ሄኖክ ስዩም የአድዋን በዓል ትረካውን ቀጥሏል፡፡ ስመ ጥሩ የአድዋው ጀግና ራስ አባተ ቧ ያለው ከአምባላጌ እስከ እንዳየሱስ ጦሩን የመሩ የተጋደሉ እና ለሀገራቸው ክብር ጀግንነታቸውን ያሳዩ የሀገር ባለውለታ ናቸው፡፡ መቼ ተነሱና ሲል ሄኖክ ስዩም ጀግናውን እንዲህ ያስተዋውቀናል፡፡) (ሔኖክ ስዮም በድሬትዩብ)

የወዳደቁት ስለ እኛ ነው፡፡ የአባቶቻችን አጽም የሚመጥን ዛሬ የለንም፡፡ ለሞቱላት ሀገር የከፈልንው ውለታ ሀገሪቷ ትሙት እኔ ልኑር ሆኗል፡፡ እኛ በእርግጥ የአባቶቻችን ልጆች ነን? ብለን እንድንጠይቅ ከሚያደርጉት ጀግኖች አንዱ ራስ አባተ ቧ ያለው ናቸው፡፡

በ1858 ዓ.ም. ሰሜን ሸዋ መንዝ ግሼ የተወለዱት ራስ አባተ ከሊቀ መኳስነት ተነስተው ለራስነት የበቁ የታወቁ ጀግና ነበሩ፡፡ መድፈኛው ራስ አባተ የጦር ገበሬ፤ በሙያቸው የተመሰገኑ የሆኑት ግን የጦርን ትምህርት ተምረው መድፍን እንደ በትር በእጃቸው መዳፍ እንዳሻቸው ሲያደርጉት ነው፡፡ የራስ አባተ ታሪክ ከፍ ያለ ቦታ የያዘው በአምባላጌ ጦርነት በመድፍ ውጊያ የወራሪውን ጦር ድባቅ ሲመቱ ነበር፡፡

ከዚያ አስደናቂው የአምባላጌ ጦርነት ድል ጋር ስማቸው የሚነሳው ራስ አባተ አምባላጌን ቀጥሎ ኢትዮጵያውያን በተዋደቁበት የመቐሌው እንዳ ኢየሱስ ውጊያን ከነ መድፋቸው ገቡበት፡፡

ያቺ በእንዳ ኢየሱስ የውሃ ጉድጓዷን በመክበብ መድፎችቻቸው አመድ በማድረግ በድል እና በጥም ድል የተደረገባት ጦርነት ታላቅ ባለውለታ ከሚባሉት የጦር መሪዎች መካከል አንዱ እና ዋነኛው ራስ አባተ ነበሩ፡፡

ራስ አባተ ምርኮኛውን የነዱ፤ ምርኮውን ያስጫኑ፤ የአድዋን ድል ለትውልድ መጽናኛ ይሆን ዘንድ ለራሳቸው ሳይሰስቱ ከተዋጉ አብነት አባቶቻችን አንዱ ነበሩ፡፡ ያኔ ጦሩ በመሪው ተደነቀ፡፡ ያኔ አዝማሪ ለዚህ ዓይነቱ ተጋድሎ ስንኝ አጣ፡፡ የስንቅን ያክል የግጥም ስንኞች ግድ በሚሉበት የአድዋ ጦርነት እንዲህ ተባለ፡፡

“አበሻ ጉድ አለ ጣሊያን ወተወተ ዓይነ ጥሩው ተኳሽ በዋለው/ቧ ያለው/ አባተ፤” ራስ አባተ አባ ይተረፍ ከተባለው ፈረሳቸው ጋር በጽናት የተዋጉባት አድዋ ዛሬ የጥቁር ህዝቦች የህይወት ዘመን ስኬት ሆና ቀርታለች፡፡

የጦሩ ጀግና ራስ አባተ ከድል በኋላ ዘግይቶ በስተርጅናቸው የገጠማቸው እስር ነበር፡፡ ቀጥሎ የሚመጣው መንግስት የቀደመውን ባለውለታ በአርጩሜ የሚያቀምስባት ሀገር በመሆኗ ይሄ እምብዛም ታሪክ ሆኖ ስፍራ አይሰጠውም፡፡

ጀግናው ግን መቼም ስማቸው በማይጠፋ ቀለም ተጽፏል፡፡ ጥር 6 ቀን 1910 የእግዜርን ሞት ሲሞቱ ስማቸው ከታላቁ ተግባራቸው ጋር ዛሬም ድረስ ህያው ሆኖ እስቲ ምን አላችሁ በተባልን ቁጥር አድዋ ከምንለው ታሪክ ጋር አብሮ ይነሳል፡፡ DIRETUBE

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close