Connect with us

Tech & Science

ፌስቡክ ስራ ለማፈላለግና ለማመልከት የሚያስችል አገልግሎት አስተዋወቀ

Binyam G-Kirstos

Published

on

ፌስቡክ ስራ ለማፈላለግና ለማመልከት የሚያስችል አገልግሎት አስተዋወቀ

ፌስቡክ ስራ ለማፈላለግና ለማመልከት የሚያስችል አገልግሎት አስተዋወቀ – በዓለም ዙሪያ በቢሊየን የሚቆጠሩ ተጠቃሚዎች ያሉት ፌስቡክ አሁን ደግሞ ጓደኛ እና ቤተሰብን ከማስተሳሰር በዘለለ አዲስ ነገር ይዤ መጥቻለው እያለ ነው።

ይህም ሰዎች በፌስቡክ ገጻቸው ላይ በመሆን ስራ ለማፈላለግ እና በቀጥታ ለማመልከት የሚያስችላቸው መሆኑም ተነግሯል።

በአሜሪካ እና በካናዳ የሚገኙ የፌስቡክ ተጠቃሚዎች በገጻቸው ላይ በመሆን ስራን ማፈላለግ እና በፌስቡካቸው አማካኝነት በቀጥታ ማመልከት እንደሚችሉ ኩባንያው በብሎግ ፖስቱ አስታውቋል።

ይህም ኩባንያዎች በፌስቡክ ገጻቸው ላይ ያላቸውን ክፍት የስራ ቦታ ማስታወቂያዎችን ለመለጠፍ የሚያስችል ሲሆን፥ የስራ ማስታወቂያውም በቀላሉ የስራ ፈላጊዎች ዘንድ እንዲደርስ እና በፌስቡክ ገጻቸው በቀጥታ እንዲያመልቱ የሚያስችል ነው።

የፌስቡክ ኩባንያ የማስታወቂያና ቢዝነስ ፕላትፎርም ምክትል ፕሬዚዳንት አንድሬው ቦስዎርዝ፥ አገልግሎቱን የተጀመረው አነስተኛ ስራን የሚያንቀሳቅሱ ተቋማት ለሚፈልጉት የስራ መደብ ትክክለኛውን ሰው አግኝተው ለመቅጠር እንደሚቸገሩ በጥናት ከተረጋገጠ በኋላ ነው ብለዋል።

ፌስቡክ አሁን የጀመረው አገልግሎትም የእለት ገቢያቸው አነስተኛ የሆኑ እና በቀን ስራ የሚተዳደሩ እንዲሁም እንደ ሊንክዲልን እና ሞንስተር ዶት ኮም ድረ ገጾች ላይ ፕሮፋይል የሌላቸው ሰዎች በቀላሉ ለመድረስ የሚያስችል መሆኑንም ተናግረዋል።

አሁን የተጀመረው አገልግሎትም ክፍት የስራ ማስታወቂያዎች ከመለጠፍ በዘለለ አለምካቾች የማመልከቻ ቅጹን በፌስቡክ ገጽ ላይ እንዲሞሉ ያስችላል ሲሉም ምክትል ፕሬዚዳንቱ አስታውቀዋል።

ከዚህ ቀደም ኩባንያዎች ክፍት የስራ ማስታወቂያዎችን በፌስቡክ ገጻቸው ላይ ይለጥፉ ነበር ያሉት አንድሬው ቦስዎርዝ፥ አሁን የተደረገው ማሻሻያ ግን ስራ ፈላጊውን እና ቀጣሪውን በቀጥታ ለማገናኘት የሚያስችል ነው ብለዋል።

ፌስቡክ አዲስ ባስተዋወቀው አገልግሎት ስራ ለማመልከት የሚፈልጉ ሰዎች “Apply Now” የሚለውን ስፍራ በሚጫኑበት ጊዜ የሚሞሉት ቅፅ የሚመጣላቸው ሲሆን፥ ቅጹን ከሞሉ በኋላ መላክ ብቻ ነው የሚጠበቅባቸው።

የፌስቡክ ተጠቃሚዎችም facebook.com/jobs በማለት ስራም ማፈላለግ የሚችሉ ሲሆን፥ ከሞባይል ስልካቸውም በቀጥታ ማመልከት ይችላሉ ተብሏል።

በአሜሪካ እና በካናዳ በነገው እለት በይፋ እንደሚጀመር የሚጠበቅው ይህ አገልግሎት በቅርቡም በሌሎች ሀገሮች ስራ ላይ እንደሚውል ታውቋል ሲል ቴክዎርም የተሰኘ ድረገጽን ጠቅሶ የዘገበው ኤፍቢሲ ነው።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close