Connect with us

Ethiopia

የፕሮፌሰር ሪቻርድ ፓንክረስት የቀብር ስነስርዓት ተፈጸመ

Binyam G-Kirstos

Published

on

የፕሮፌሰር ሪቻርድ ፓንክረስት የቀብር ስነስርዓት ተፈጸመ

የፕሮፌሰር ሪቻርድ ፓንክረስት የቀብር ስነስርዓት ተፈጸመ – የፕሮፌሰር ሪቻርድ ፓንክረስት የቀብር ስነስርዓት ዛሬ በአዲስ አበባ መንበረ ጸባዖት ቅድስት ሥላሴ ካቴድራል ተፈጸመ።

በቀብር ስነ ስርዓቱ ላይ የኢፌዴሪ ፕሬዚዳንት ዶክተር ሙላቱ ተሾመን ጨምሮ ሊቃነ ጳጳሳትና ወዳጆቻቸው ተገኝተዋል።

ፕሮፌሰር ፓንክረስት በአምስት ዓመቱ የጣሊያን ወረራ ወቅት ከኢትዮጵያ ጎን የነበሩት የሲልቪያ ፓንክረስት ወንድ ልጅ ሲሆኑ፥ ወደ ኢትዮጵያ የመጡት በ1956 ነበር፡፡

ፕሮፌሰር ሪቻርድ ፓንክረስት ህይወታቸውን በኢትዮጵያ ጥናቶች ላይ አሳልፈዋል።

በአጠቃላይም 400 ጽሑፎችን ለዓለም አቀፍ መጽሔቶች ሲያቀርቡ፣ 22 መፅሃፍቶችን በትብብር እና 17 መፅሃፍቶችን በራሳቸው ፣ ስለ ኢትዮጵያ ታሪክ፣ ባህልና ትውፊት ፅፈዋል።

በበርካታ መፅሃፍት ላይም አርትኦት ሰርተዋል።

የአክሱም ሐውልት ከሮም ወደ ኢትዮጵያ እንዲመለስ ከፍተኛ ንቅናቄ በማድረግም ይታወሳሉ ፕሮፌሰር ፓንክረስት።

በዚህ ስራቸውም በፕሬዚዳንት ዶክተር ሙላቱ ተሾመ የእውቅና ሽልማት ተበርክቶላቸዋል።

ለኢትዮጵያ ባደረጉት የጥናት አበርክቶም በእንግሊዝ መንግስት የኦ ቢ ኢ ሽልማት አግኝተዋል።

የካቲት 9 2009 ዓ.ም ከዚህ አለም በሞት የተለዩት ፕሮፌሰር ሪቻርድ ፓንክረስት ስርዓተ ቀብር ትናንት ሊፈጸም ቢታሰብም፥ በቤተሰቦቻቸው ጥያቄ መሰረት በዛሬው እለት እንዲፈጸም ሆኗል።

የፕሮፌሰር ሪቻርድ ፓንክረስት እናት ሲልቪያ ፓንክረስት ሥርዓተ ቀብርም በመንግስታዊ ክብር በመንበረ ጸባዖት ቅድስት ሥላሴ ካቴድራል መፈፀሙ የሚታወስ ነው ሲል የዘገበው ኤፍቢሲ ነው።

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close