Connect with us

Ethiopia

የኢትዮጵያ ኦርቶዶክስ ተዋሕዶ ቤተክርስቲያን ፕ/ር ሪቻርድ ፓንክረስት እስከ ቤተሰቦቻቸው የእምነቴ ተከታይ ናቸው አለች

Published

on

የፕሮፌሰር ሪቻርድ ፓንክረስት ስርዓተ ቀብር በቅዱስ ስላሴ ነገ ይፈፀማል

‹‹ፕ/ር ሪቻርድ በመንበረ ልዕል ቅዱስ ማርቆስ ሰበካ ጉባኤ አባል ነበሩ፡፡ ስመ-ጥምቀታቸውም፣ ገብረ ሀና ይባላሉ፡፡ ሙሉ የፕ/ር ሪቻርድ ቤተሰቦችም ኦርቶዶክሶች ናቸው፡፡

ለአብነት ዶክተር አሉላ ፓንክረስት ገብረ መስቀል ተብለው ከህዳር 22/2007 ጀምሮ ሥርዓተ ጥምቀት ፈፅመዋል፡፡ ባለቤታቸው ወይዘሮ ቆንጂት ስዮምም ስርጉተ ገብርኤል ይባላሉ፡፡ ካቶሊክ ናቸው የተባለው ስህተት ነው›› ብላለች – ቤተክርስቲያኗ፡፡

በእምነቱ ተከታዮች በተነሳው የግልፅነት ጥያቄ ምክንያት የፕ/ር ሪቻርድ ቀብር ለአንድ ቀን የዘገየ ሲሆን፣ ትናንት ሲኖዶሱ ኦርቶዶክስ ተዋሕዶ መሆናቸውን አረጋግጦ በመንበረ ጸባኦት ቅድስት ስላሴ ካቴድራል ከእናታቸው ሲልባ እና ከብፁዕ አቡነ ተክለ ሃይማኖት መቃብር ጎን በክብር እንዲቀበሩ ወስኗል፡፡

ጸሎተ ፍትሃቱም በመንበረ ልዑል ቅዱስ ማርቆስ ቤተክርስቲያን ተደርጎ 9:00 ሰዓት አካባቢ ፓትርያርክ አቡነ ማቲያስ በተገኙበት ሥርዓተ ቀብሩ ይፈፀማል፡፡ ባህልና ቱሪዝም ሚኒስቴር በሚመራው የቀብር ሽኝት በርካታ ሚኒስትሮች እና ዓለም አቀፍ ዲፕሎማቶች ይገኛሉ፡፡

ፕ/ር ሪቻርድ የካቲት 9/2009 በ 90 ዓመታቸው አርፈዋል፡፡ በአዲስ አበባ ዮኒቨርስቲ ለ55 ዓመታት ያስተማሩት ፕ/ሩ ከ 20 በላይ መጻሕፍትን ስለ ኢትዮጵያ ጽፈዋል፡፡ የዐፄ ቴዎድሮስን ክታብ እና የአክሱምን ሐውልት በማስመለስ በኩል የላቀ ተሳትፎ አድርገዋል፡፡ ስለ ኢትዮጵያ ባህልና ታሪክ በየዓለም አቀፍ የምሁራን ጉባኤያት ላይ በክብር ዘክረዋል፡፡
DIRETUBE

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close