Connect with us

Tech & Science

የሰባት አመቷ ታዳጊ ለጉግል የጻፈችው ቅጠሩኝ የሚል ደብዳቤ ከድርጅቱ ሀላፊ ምላሽ ማግኘቱ ተዘገበ

Published

on

የሰባት አመቷ ታዳጊ ለጉግል የጻፈችው ቅጠሩኝ የሚል ደብዳቤ ከድርጅቱ ሀላፊ ምላሽ ማግኘቱ ተዘገበ

የሰባት አመቷ ታዳጊ ለግዙፉ አለም አቀፍ የቴክኖሎጂ ኩባኒያ ጉግል የጻፈችውን ደብዳቤ ይፋ ያደረገው ሲኤንኤን ልጅት ልክ እንደ እድሜ አቻዎቿ አሻንጉሊት ሳያታልላት ከወዲሁ ስታድግ የምትሰራበትን ድርጅት ወስናለች ይላል፡፡

ስሜ ክሉ ይባላል ስትል የስራ ማመልከቻዋን ያሰፈረችው አንድ ፍሬ ታዳጊ ክሉ ብሪጅወተር አስተማሪዎቼ በማንበብና መጻፍ የቀለም ትምህርቶች ጎበዝ እንደሆንኩ ለወላጆቼ መስክረዋል ስትል ያላትን ክህሎትና እውቀት ከወዲሁ ለድርጅቱ አስተዋውቃለች፡፡

ብዙዎች ተምረውና እውቀት ጨብጠው ራሳቸውን በስራ ገበያው ላይ ተፈላጊ ለማድረግ ሲቸገሩ ይታያል፡፡ ኮሌጅ በጥሰውና በትምህርታቸው ከፍተኛ ደረጃ ደርሰው የስራ ማመልከቻ መጻፍ የሚቸገሩ ወይም መመዘኛን ለማለፍ በራስ መተማመን የሚጎድላቸው በርካታ እንደሆኑ ቀጣሪዎችና የድርጅት ሀላፊዎች ይናገራሉ፡፡

ይሁን እንጂ ክሉ ገና በዚህ እድሜዋ ይህን ሁሉ በብቃት ማለፍ ችላለች ይላል ሲኤንኤን በዘገባው፡፡ ልጅት ሌላው ቀርቶ ተጠሪ ወይም ዋስትና ይሆኑኛል ያለቻቸው ሰዎች ስም ዝርዝር በደብዳቤዋ ላይ ማስፈሯ ተነግሯል፡፡ ውድ የጉግል አለቆች ሲል የሚጀምረው የክሉ የስራ ማመልከቻ ከትምህርት ጉብዝናዋ በተጨማሪም በኮምፒዩተር ክህሎት እንዳላት እንዲሁም ታብሌት እንደምትጠቀም ይዘረዝራል፡፡

ይህ ስታድግ ጉግል እንዲቀጥራት የጠየቀችበት ደብዳቤዋ በጉግል የስራ ሀላፊዎች ምላሽ ማግኘቱን የተናገረው ዘገባው ይህን የደብዳቤ ልውውጥም አባት በኢንተርኔት ማስራጨቱን ተከትሎ መነጋጋሪያ እንደሆነ ተመልክቷል፡፡

ውድ ክሉ ጠንክረሽ ከሰራሽና ህልምሽን ለማሳካት ከታገልሽ የምትፈልጊውን ሁሉ ለመሆን ትችያለሽ የሚል ደብዳቤ ከጉግል ዋና ስራ አስፈጻሚ ሱንዳር ፒቻይ ታዳጊዋ ደርሷታል ተብሏል፡፡

የክሎ አባትም በሁኔታው ተደስቶ የጉግል ሀላፊዎችን ማመስገኑ በዘገባው ተገልጿል፡፡ ልጅት ከዚህ ቀደም የመኪና አደጋ የገጠማት ቢሆንም ያን ሁሉ ተቋቁማ በራስ የመተማማን መንፈሷን አዳብራለች ሲል ዘገባው ገልጿል፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close