Connect with us

Environment

ተመራማሪዎች 8ኛ አህጉር ማግኘታቸውን እየገለጹ ነው

FanaBC

Published

on

ተመራማሪዎች 8ኛ አህጉር ማግኘታቸውን እየገለጹ ነው

ተመራማሪዎች 8ኛ አህጉር ማግኘታቸውን እየገለጹ ነው – ተመራማሪዎች 8ኛዋን የምድራ ችንን አህጉር ማግኘታቸውን እየገለጹ ነው።

ዚላንዲያ የሚል መጠሪያ የሰጧት ይህች “አህጉር” በፓሲፊክ ውቅያኖስ ላይ የምትገኝና ለዘመናት የተደበቀች መሆኗንም ገልጸዋል።

በ11 የስነ ምድር ተመራማሪዎች የተዋቀረው ቡድን፥ “ዚላንዲያ የተደበቀችው አህጉር” የሚል ርዕስ የተጻፈ ወረቀታቸውን ለአሜሪካ የስነ ምድር ማህበረሰብ አስገብተዋል።

በወረቀቱም ከአውስትራሊያ ምስራቃዊ ክፍል፥ ኒውዝላንድ አቅራቢያ የምትገኘውን “አህጉር” እንደ 8ኛ አህጉር እንድትታይም ጠይቀዋል።

ቡድኑ ባስገባው ወረቀቱ ዚላንዲያ በተፈጥሮ ዑደት ምክንያት ከተለያዩ አህጉራት በተውጣጣ ቁርስራሽ የተገነባች ሳትሆን ራሷን የቻለች “አህጉር” መሆኗን ገልጿል።

ከአጠቃላይ የዚላንዲያ ክፍል 94 በመቶው ከውሃ በታች ነው ተብሏል።

ቡድኑ በተለይም ባለፉት ሁለት አስርት አመታት የዚላንዲያን አጠቃላይ ሁኔታ ለማጥናት የተለየ ጥናትና ምርምር ማድረጉንም ነው የገለጸው።

በዚህም ዚላንዲያ የአህጉራት ቁራሽ ስብስብ ሳትሆን፥ ከኒውዝላንድ ጋር የተያያዘች እና ራሷን የቻለች አንድ “አህጉር” ናት ብለዋል አባላቱ።

“አዲሷ አህጉር” 4 ነጥብ 9 ሚሊየን ስኩየር ኪሎ ሜትር መጠን ያላት የውቅያኖሱ “ድብቅ አህጉር” ናት ይላል የቡድኑ ሪፖርት።

ከዚህ ባለፈም በደቡባዊ ምዕራብ የፓሲፊክ ወቅያኖስ አካባቢ፥ ዚላንዲያ 3 ሚሊየን ስኩዌር ማይል የሚሸፍን ቦታን ትይዛለች።

የቡድኑ ሪፖርት ዚላንዲያ የኒውዝላንድ አካል ሳትሆን፥ ከኒውዝላንድ ጋር በተለያዩ የአህጉራት ቁራሽ መሬቶች የምትገናኝ አህጉር እንደሆነችም ያሳያል።

በርካቶች ደግሞ ዚላንዲያ ከ100 ሚሊየን አመት በፊት ከቀዝቃዛው የአንታርክቲክ ክፍል እና ከ80 ሚሊየን አመት በፊት ደግሞ ከአውስትራሊያ የተቆረሰ የምድር ክፍል ቅይጥ ናት ይላሉ።

የስነ ምድር ተመራማሪዎች ቡድን ግን የተገኘችው ዚላንዲያ አህጉር ለመሆን የሚያስችላትን ሁሉ አሟልታለችና ስያሜው ይገባታል ነው የሚለው።

እነርሱ በሳተላይት ምስሎች በታገዘ ፎቶ አደረግነው ባሉት ጥናት የአህጉርነት ስያሜው እና እውቅና ይገባታል ብለዋል ሲል የዘገበው ኤፍቢሲ ነው፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close