Connect with us

Ethiopia

አዳማ ከተማ በስድስት በክፍለ ከተሞች ልትከፋፈል ነው ተባለ

Published

on

አዳማ ከተማ በስድስት በክፍለ ከተሞች ልትከፋፈል ነው ተባለ

አዳማ ከተማ በስድስት በክፍለ ከተሞች ልትከፋፈል ነው ተባለ – የአዳማ ከተማ አስተዳደር የክፍለ ከተማ አደረጃጀትን ተግባራዊ ሊያደርግ ነው ተብሏል፡፡

አደረጃጀቱን አስመልክቶ ትናንት ከነዋሪዎች ተወካዮች ጋር ውይይት መካሄዱ የተገለጸ ሲሆን የአዳማ ከተማ ከንቲባ ወይዘሮ አዳነች ሀቤቤ በውይይቱ ላይ አዳማ በስድስት ክፍለ ከተማ እንድትደራጅ የክልሉ ካብኔ ወስኗል ብለዋል።

”አደረጃጀቱ የመንግሥት ሥልጣን ያልተማከለ እንዲሆንና ወደ ህዝቡ በመቅረብ ፈጣን ውሳኔና አገልግሎት ለመስጠት ያስችላል” ብለዋል።

እንዲሁም ህዝቡን አቀናጅቶ ለመምራት፣ የልማት ተሳታፊነቱንና ተጠቃሚነቱን ለማሳደግ እንዲሁም አጠቃላይ የልማት ስራዎችን ለማፋጠን እንደሚረዳም ተናግረዋል፡፡

አስተዳደሩ አደረጃጀቱን ተግባራዊ ለማድረግ የሚያስችል መዋቅር ማዘጋጀቱን የገለጹት ከንቲባዋ የሰው ሃይል ዝግጅቱ በቅርቡ ሲጠናቀቅ በመጪው ወር ወደ ስራ ይገባል ተብሎ ይጠበቃል።

የክፍለ ከተማ አደረጃጀቱን አስመልክቶ የክልሉ ካቢኔ ያሳለፈውን ውሳኔ ተግባራዊ ከመደረጉ በፊት ለህዝቡ ለማስተዋወቅና ግብዓት ለማሰባሰብ ታስቦ መድረኩ መዘጋጀቱን ጠቁመዋል።

የመድረኩ ተሳታፊዎች በበኩላቸው የክፍለ ከተማ አደረጃጀቱ ለከተማዋ ልማትና እድገት ወሳኝ በመሆኑ እንደሚደግፉት ገልጸዋል።

ህዝቡ በአቅራቢያው ቀልጣፋና ፈጣን አገልግሎት እንዲያገኝ ምቹ ሁኔታን ስለሚፈጥር ለተግባራዊነቱ የሚጠበቅባቸውን ድጋፍ ለመስጠት ዝግጁ መሆናቸውን አረጋግጠዋል።

ለግማሽ ቀን በተካሄደው የውይይት መድረክ ላይ ከከተማዋ የተውጣጡ ከ500 በላይ ነዋሪዎች ተሳትፈዋል።

ባለፈው ዓመት የተመሰረተችበትን 100ኛ ዓመት በዓል ያከበረችው አዳማ 14 የከተማና አራት የገጠር ቀበሌዎች ያሏት ሲሆን፣ እስከዛሬ በአንድ የከተማ አስተዳደር ስትመራ ቆይታለች።

ከተማዋ በአሁኑ ወቅት ከ350 ሺህ ህዝብ በላይ እንደሚኖርባት መረጃዎችያመለክታሉ፡፡ ዘገባው የኢዜአ ነው፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close