Connect with us

Tech & Science

የስልክ ባትሪዎችን ህይወት ሊያረዝሙ የሚችሉ 5 ጠቃሚ ምክሮች

Asfaw Juliana

Published

on

የስልክ ባትሪዎችን ህይወት ሊያረዝሙ የሚችሉ

(ኤፍ.ቢ.ሲ) የስማርት ስልክዎ ባትሪ በፍጥነት እያለቀ አስቸግሮዎታል?

እንግዲያውስ የሚከተሉትን አማራጮችን በመጠቀም የባትሪ ህይወትን ማርዘም ይችላሉ፡፡

1. ለወራት ያልተቀሙባቸውን አፕሊኬሽኖች ወይም መተግበሪያዎች ማጥፋት

ስልካችን ላይ ጭነናቸው ነገር ግን ለወራት ምንም ጥቅም ላይ ሳናውላቸው ነገር ግን ኢንተርኔት በሚጠቀሙበት ጊዜ ማሳወቂያ (ኖቲፊኬሽን) እና የመሳሰሉትን የሚልኩ መተግበሪያዎች (አፕሊኬሽኖች) የባትሪያችን ህይወት ሊያሳጥሩት ይችላሉ፡፡

በመሆኑም እነዚህን መተግበሪያዎች ከስልካችን ላይ ማጥፋት የባትሪ ህይወት ከማራዘም ባለፈ ከአላስፈላጊ የኢንተርኔት ወጪ ሊያድነን ይችላል፡፡

2. ጠቃሚ ያልሆኑ መተግበሪያዎችን Background data እንዳይጠቀሙ ማድረግ

ኢንተርኔት በሚጠቀሙበት ጊዜ Background data የሚጠቀሙ አፕሊኬሽኖችን ሴቲንግ ውስጥ በመግባት Background data እንዳይጠቀሙ በማድረግ የባትሪ እድሜን ማራዘም እንችላለን።

እናም ብዙ ጊዜ የማይጠቀሙባቸውን አፕሊኬሽኖችን ወይም መተግበሪያዎች በመምረጥ Background data እንዳይጠቀሙ ማድረግ ይኖርብናል።

3. ብዙ መተግበሪያዎችን በአንድ ጊዜ ከመዝጋትና መክፈት መቆጠብ

ብዙ ጊዜ እንደነ ኦፔራ ሚኒ፣ ፌስቡክ የመሳሰሉ መተግበሪያዎችን ተጠቅመን ስንጨርስ ዘግተን ከጥቂት ደቂቃዎች በኋላ መልሰን እንከፍታለን፡፡

ይህን ተግባር በተደጋጋሚ ባደረግን ቁጥር ለሞባይላችን ባትሪ ጠንቅ እንደሆነ ባለሙያዎች ይናገራሉ፡፡

ስለሆነም ከተጠቀምን በኋላ የ“ሆም” ቁልፉን ተጠቅመን መውጣት ሌላ ጊዜ መጠቀም ስንፈልግ ሞባይላችን ካቆመበት እንዲቀጥል ያደርገዋል፡፡
ይህም የሞባይላችንን ባትሪ እድሜን ያስቀጥላል።

4. ንዝረት ማጥፋት

የስልክ ጥሪ በድምፅ (ሪንግቶን) ብቻ መጠቀም ለብዙዎቻችን አስቸጋሪ እንደሚሆን ግልፅ ነው።

ሆኖም ግን የስልካችን ባትሪ ህይወት ማስረዘም ሀሳብ ካለን የስልካችን ቫይብሬሽን ማጥፋት ጠቃሚ ሊሆን ይችላል፡፡

ይህንንም ለማድረግ ሴቲንግ ውስጥ የድምፅ አማራጭ ውስጥ በመግባት ቫይብሬሽኑን ማጥፋት ያስፈልጋል፡፡

5. ብሉቱዝ ማጥፋት

አብዛኞቻችን የምንፈልገውን ነገር ከወዳጆቻችን ጋር ብሉቱዝን በመጠቀም ከተላላክን በኋላ ብሉቱዛችንን ማጥፋት እንዘነጋለን፤ ይህ ደግሞ ለባትሪያችን ህይወት ማጠር እንደ ምክንያት ይነሳል፡፡

ለዚህም እንደአማራጭነት የቀረበው ሁልጊዜ ብሉቱዛችን መጥፋቱን ማረጋገጥ እንዲሁም ከሰዎች ጋር ፋይሎችን ከተላላክን በኋላ ወዲያውኑ ማጥፋትን አለመዘንጋት ነው፡፡ ምንጭ፦ ታይም መፅሄት

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close