Connect with us

Ethiopia

የጃን ሜዳ አገር አቋራጭ ውድድር እሑድ ይካሄዳል

Published

on

የጃን ሜዳ አገር አቋራጭ ውድድር እሑድ ይካሄዳል

አዲስ አበባ የካቲት 2/2009 34ኛው የጃን ሜዳ የዓለም አገር አቋራጭ ሻምፒዮና በመጪው እሁድ እንደሚካሄድ የኢትዮጵያ አትሌቲክስ ፌዴሬሽን ገለጸ።

ፌዴሬሽኑ ውድድሩንና በእለቱ የሚኖረውን መርሃ ግብር አስመልክቶ መግለጫ ሰጥቷል። የጃን ሜዳ አገር አቋራጭ ውድድር ፌዴሬሽኑ በዓመቱ ከሚያካሂዳቸው ውድድሮች መካከል አንዱ ነው።

የፌዴሬሽኑ ፕሬዝዳንት ሻለቃ አትሌት ኃይሌ ገብረስላሴ ውድድሩ ክልሎች፣ ከተማ አስተዳደሮችና ክለቦችን የዓለም አገር አቋራጭ ውድድር እንደሚያሳትፍ ገልጿል።

የአትሌቶችን ወቅታዊ ብቃት ለመመዘንና የተለያዩ አገራት አትሌቶችም በውድድሩ ተገኝተው ልምድ የሚለዋወጡበት እድል ይፈጥራል ብሏል።
ከክልሎች፣ ከተማ አስተዳደሮችና ከክለቦች የተወጣጡ አትሌቶች ኢትዮጵያን ወክለው እንደሚሳተፉበትም ጠቁሟል።

በዚህ ውድድር የኬንያ፣ ጅቡቲ፣ ሱዳን፣ ኡጋንዳ፣ ታንዛኒያና ደቡብ አፍሪካ አትሌቶች ተሳታፊ እንደሚሆኑ ይጠበቃልም ብሏል።
የ6 ኪሎ ሜትር ወጣት ሴቶችና የ10 ኪሎ ሜትር አዋቂ ሴቶች ውድድር፤ የ8 ኪሎ ሜትር የወጣት ወንዶችና የ10 ኪሎ ሜትር አዋቂ ወንዶች ውድድር እንዲሁም በቡድን የሪሌ ዱላ ቅብብል በእለቱ ይካሄዳሉ።

በውድድሩ በሁለቱም ጾታዎች አሸናፊ ለሚሆኑ አትሌቶች በድምሩ የ320 ሺህ ብር ሽልማት ተዘጋጅቷል። ውድድሩ ከምንጊዜውም በላቀ ሁኔታ ጥሩ ስፖርታዊ ጨዋነት የሚንጸባረቅበትና ውጤታማ አትሌቶች የሚፈልቁበት እንዲሆን ሁሉም የድርሻውን እንዲወጣም ፌዴሬሽኑ አሳስቧል።

በዚህ ውድድር የሚያሸንፉ አትሌቶች መጋቢት 17 ቀን 2009 ዓ.ም በኡጋንዳ ካምፓላ በሚካሄደው 42ኛው የዓለም አገር አቋራጭ ውድድር አገር ወክለው የሚሳተፉ ይሆናል።

በዘንድሮው ውድድር 388 ሴትና 821 ወንድ ተወዳዳሪዎች ተሳታፊ ይሆናሉ። ውድድሩ የካቲት 5 ቀን 2009 ዓ.ም ከጠዋቱ አንድ ሠዓት ከ45 ደቂቃ ጀምሮ ይካሄዳል። ena

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close