Connect with us

Environment

በአዲስ አበባ የበካይ ጋዞች መጠን እየጨመረ ነው ተባለ

Binyam G-Kirstos

Published

on

በአዲስ አበባ የበካይ ጋዞች መጠን እየጨመረ ነው ተባለ

በአዲስ አበባ የበካይ ጋዞች መጠን እየጨመረ ነው ተባለ – በአዲስ አበባ በከባቢ አየር ውስጥ የበካይ ጋዞች መጠን እየጨመረ መምጣቱን አንድ ጥናት አመለከተ።

ሶስት ዓመታት የፈጀውን ጥናት ያደረጉት የአካባቢ፣ ደን ልማትና የአየር ንብረት ለውጥ ሚኒስቴር እና የአዲስ አበባ ዩኒቨርሲቲ ናቸው።

የኢትዮጵያ ዜና አገልግሎት ሚኒስቴር መስሪያ ቤቱን ጠቅሶ እንደገለጸው በከተማዋ በከባቢ አየር ውስጥ የበካይ ጋዞች መጠን እየጨመረ መጥቷል።

የካርቦን ዳይ ኦክሳይድ፣ የካርቦን ሞኖ ኦክሳይድ፣ የናይትሮጅን ኦክሳይይድና ሌሎች ኬሚካሎች መጠን በመዲናዋ በተመረጡ አንዳንድ አካባቢዎች በተወሰደ ናሙና መጨመሩን በአየር ብክለት መሳሪያዎች ማረጋገጥ ተችሏል።

በመዲናዋ ለተከሰተው የአየር ጥራት ችግር የኬሚካሎች መጠን መጨመር የጎላ ድርሻ አለው።

ይህም በህብረተሰብ ጤና ላይ እክል እንደሚፈጥርም ነው በጥናቱ የተገለጸው።

ኢትዮጵያ ከውጭ አገራት የምታስገባው ነዳጅ ካደጉ አገራት ጋር ሲነጻጸር ከፍተኛ የሰልፈር መጠን ያለው በመሆኑ ከተሽከርካሪዎች የሚወጣው የጭስ ልቀት የአየር ብክለት እያስከተለ ነው።

የነዳጅ ጥራት ችግርና ረጅም ጊዜ ካገለገሉ ተሽከርካሪዎች የሚወጣው የጭስ ልቀት ለአየር ጥራት ችግሩ መከሰት ከፍተኛ ድርሻ ይይዛሉ።

ወደ አገሪቱ የሚገቡ አብዛኞቹ ተሽከርካሪዎች ረጅም ጊዜ ያገለገሉ በመሆኑ ከፍተኛ የአየር ብክለት ያስከትላሉ ነው ያለው ጥናቱ።

ከውጭ አገራት የሚገቡት አዳዲስ ታክሲዎች ላይ ከሚጣለው ታክስ ይልቅ የረጅም ጊዜ ግልጋሎት ላይ የሚጣለው ታክስ ዝቅተኛ ነው።

ይህም ታክሲዎቹ በብዛት ወደ መዲናዋ እንዲገቡ ማድረጉን ነው ጥናቱ የሚጠቁመው።

አገራዊ የተሽከርካሪዎች የልቀት ደረጃ ማውጣት፣ ከውጭ የሚገቡ አሮጌ ተሸከርካሪዎች ለማስገባት የጊዜ ገደብ ማስቀመጥና አዳዲስ ተሸከርካሪዎች ወደ አገር ውስጥ ለማስገባት የማበረታቻ ስርዓት እንዲኖር ማድረግ የበካይ ጋዞቹን መጠን በመቀነስ የአየር ጥራት ችግሩን ለማስወገድ በጥናቱ የተዘረዘሩ ምክረ ሀሳቦች ናቸው።

ችግሩን በዘላቂነት ለመፍታት የሚያስችል የአየር ጥራት ቁጥጥር ፍኖተ ካርታ እየተዘጋጀ መሆኑንም ነው ሚኒስቴሩ የገለጸው።

የአየር ጥራትን ለክቶ የሚዘግብ ጣቢያ ያለመኖር የፈጠረውን የአቅም ችግር ለመፍታትና ድጋፍ ለማግኘት የሚያስችል የመግባቢያ ሰነድ ከህንድ የሳይንስና የአካባቢ ምርምር ማዕከል ጋር መፈራረሙንም እንዲሁ፡፡

በኢትዮጵያ 700 ሺህ የሚገመቱ ተሽከርካሪዎች ያሉ ሲሆን ከነዚህም ውስጥ 62 በመቶ የሚሆኑት በአዲስ አበባ ብቻ የሚገኙ በመሆናቸው ለአየር ጥራት ችግር መንስኤ መሆኑን መረጃዎች ያሳያሉ ሲል የኢዜአ ዘገባ ያመለክታል፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close