Connect with us

Tech & Science

የአዳዲስ የቴክኖሎጂዎች ሥልጠና ማዕከል ተቋቋመ

Published

on

የአዳዲስ የቴክኖሎጂዎች ሥልጠና ማዕከል ተቋቋመ

የአዳዲስ ቴክኖሎጂዎች ሥልጠና ማዕከል በአዲስ አበባ፤ ኢትዮጲያ ተቋቋመ አይ ኮግ ላብ ኤሲሲ የሥልጠና ማዕከል የተመሰረተው በአይ ኮግ ላብ እና በአዲስ አበባ ዩኒቨርስቲ የቴክኖሎጂ ተቋም የመጀመሪያ ዓመት ተማሪ በሆነችው ቤተልሔም ደሴ የጋራ ጥረት ሲሆን የ21ኛውን ክፍለ ዘመን መሠረታዊ የኮምፒዩተር ፕሮግራሚንግ፤ ሮቦቲክስ እና ኤልክትሮኒክስ ክህሎት ለወጣቱ ለማስተላለፍ የተቋቋመ ማዕከል ነው፡፡

አሁን ባለንበት ፈጣን የቴክኖሎጂ ዘመን፤ የፕሮግራሚንግ ክህሎት በጣም ተፈላጊ እና ለወጣቶች ለተሻለ የትምህርት እና የስራ ሕይወት ዕድል የሚፈጥር ነው፡፡ ፕሮግራሚንግ ችግር መፍታትን እና ፈጠራን የሚያበረታታ ከመሆኑም በላይ ምክንያታዊ እና ፈጣን አስተሣሠብን ያሻሽላል፡፡ እንደ ኢትዮጲያ ባለች ሀገር ውስጥ ፕሮግራሚንግ የቴክኖሎጂ ዕድገትን የሚያግዝ ብቻ ሳይሆን ሁሉንም ዘርፍ ያቀፍ ዕድገት የሚያመጣ መንገድ ይሆናል፡፡

ቤተልሔም ደሴ

የኢንፎርሜሽን ኮሚዩኒኬሽን ቴክኖሎጂን ለማስተማር በትምህርት ሥርዓት ውስጥ የኢንፎርሜሽን ቴክኖሎጂ (አይ.ቲ) ኮርሶችን በማካተት ሙከራዎች እየተደረጉ ቢሆንም በፅንሰ ሃሳብ እና መተግበር መካከል ሰፊ ልዩነት በመኖሩ አሁንም መሻሻል ያለባቸው ክፍተቶች ይታያሉ፡፡ የአይ ኮግ ኤሲሲ ፕሮጀክት ዋናው ዓላማ ይህንን ክፍተት ማጥበብ እና ተማሪዎች የፅንሰ ሃሣብ ብቃታቸውን ከተግባራዊ ዕውቀታቸው ጋር በማስማማት ከፍተኛ ውጤት እንዲያመጡ የሚረዳ ተቋም ነው፡፡

አንድ ፕሮግራም ማጠናቀቅ፤ ፕሮግራሙን ለፀፈው ሠው የስኬት ስሜትን የሚፈጥር ነው፡፡ እኔ በልጅነቴ የእራሴን ፕሮጀክቶች በመቅረፅ የኮምፒዩተር ፕሮግራሚንግን የመማር እና የማወቅ ዕድሉን አግኝችይለሁ፡፡ ዛሬ እንደ ምህንድስና ተማሪ ዩኒቨርሲቲ ከመግባቴ በፊት ከኢንሳ በወሰድኩት ሥልጠና በአሁኑ ጊዜ ውስብስብ የሆኑ ሥራዎችን ለመስራት የበለጠ አቅም አለኝ በማለት ቤተልሔም ገልፃለች፡፡

የአይ ኮግ ኤሲሲ ሀላፊዎች ከዚህ በፊት የተደረጉ የውይይት መድረኮች አመርቂ ውጤት አለማምጣታቸውን በመመልከት በደንብ የተወቀረ የሥልጠና ማዕከል ማቋቋም አስፈላጊ መሆኑን ተገንዝበው ይህንኑ ተቋም መስርተዋል፡፡ ኤሲሲ አራት ቅርንጫፎች ያሉት ሲሆን፤ እነሱም የትምህርታዊ ውይይት መድረኮች፣ የአይኮግ ኤሲሲ ክለቦች፣ የክረምት ትምህርት ፕሮግራም እና የድህረ ገፅ መድረኮች ናቸው፡፡

ከጅማሬው አይ ኮግ ኤሲሲ እንደ ካማራ ኤዱኬሽን ኢትዮጲያ ካሉ አጋሮች ጋር በመስራት 55 በመቶ ሴቶች የተሳተፉበትን አፍሪካ ኮድ ሳምንት ላይ ከ5000 በላይ ለሚሆኑ ተማሪዎች የግንዛቤ ማስጨበጫ ሥራዎቸን ሰርቷል፡፡ ከዚህ ጎን ለጎን ፕሮጀክቱ አሁን ከአሜሪካ ኤምባሲ ጋር በመተባበር 10 የመንግስት ትምህርት ቤት ውስጥ ለሚገኙ 100 ሴት ተማሪዎች ሥልጠና ለመስጠት እየሰራ ይገኛል፡፡

ቤተልሔም የሥልጠና ማዕከሉ ተማሪዎችን መመዝገብ እንደጀመረ ገልፃ ሥልጠናውን መካፈል የሚፈለጉ ተማሪዎች የምዝገባ ክፍያ በመክፈል የዚህ ዕድል ተሳታፊ መሆን እንደሚችሉ ተናግራለች፡፡ DIRETUBE NEWS

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close