Connect with us

Law or Order

ዛምቢያ ሴቶች የወርአበባ ሲያዩ ፍቃድ እንዲሰጣቸው ህግ አወጣች

Juliet Tedla Asfaw

Published

on

አንዲት አፍሪካዊት ሀገር ሴቶች የወር አበባ በሚያዩበት ወቅት ለቀጣሪ ድርጅቶቻቸው ደውለው በማሳወቅ እረፍት መውሰድ እንደሚችሉ ደንግጋለች።

ደቡብ አፍሪካዊቷ ዛምቢያ ነች ይህን መብት ለሴቶች የፈቀደችው።

ይህ ልማድ “የእናቶች ቀን” እየተባለ የሚጠራ ሲሆን፥ በሀገሪቱ የሰራተኞች ህግ እንዲካተት መደረጉ ተገልጿል።

የወር አበባ (ፔሬድ) የሚለውን ቃል መጥራት በዛምቢያ እንደ ነውር የሚቆጠር በመሆኑ ነው ኡደቱ “የእናቶች ቀን” በሚል የተሰየመው።

የወር አበባ ሲያዩ ወደ ስራ ገበታ ማምራት ያልቻሉ እና ህመም የተሰማቸው ሴቶች ወደ አሰሪዎቻቸው ደውለው ፈቃድ በመውሰድ በስራ ገበታ ላይ አለመገኘት ይችላሉ ነው የተባለው።

ነገር ግን ሁሉም የወር አበባ ያዩ ሴቶች አይደሉም ከስራ ገበታቸው እንዲቀሩ የሚፈቀድላቸው፤ በዚህ ኡደት የተነሳ ህመም የሚሰማቸው ብቻ እንጅ።

በወርሃዊ ኡደቱ ምክንያት ህመም የተሰማቸው ሴቶች ፈቃድ ጠይቀው የከለከለ ድርጅትም በህግ ተጠያቂ ይሆናል ተብሏል።

ፈቃድ ሳይጠይቁ እና ህመም ሳይሰማቸው የሚቀሩ ሰራተኞችም በህጉ ተጠያቂ ይሆናሉ ብለዋል የሀገሪቱ የሰራተኛ ጉዳይ ሚኒስትር ኖንዴ ሲሙኮኮ።

ፈቃድ ጠይቀውና ከስራ ቀርተው ፀጉራቸውን ሊሰሩ ወጣ ያሉም ሆነ ለሸመታ ወደ ሱቅ ወጥተው የተገኙ ሴቶች እስከመባረር የሚደርስ ቅጣት ይጠብቃቸዋል ነው ያሉት ሚኒስትሩ።

“የእናቶች ቀን” ፈቃድ ተሰጥቷት በእርሻ ስራ ላይ ተሰማርታ የተገኘች ሴት ከስራ መሰናበቷንም ለአብነት አንስተዋል።

ህጉ መልካም ብስራት ነው የሚሉ በርካታ ሴቶች ቢኖሩም ምርታማነትን ይቀንሳል የሚል ስጋት ያላቸውም አልጠፉም።

በሀሰት አሞናል እያሉ ከስራ የሚቀሩ ሴቶችን መጠንም ይጨምራል የሚሉ አሉ።

ከዛምቢያ ባሻገር በቻይና ሶስት ግዛቶች (ሻንሺ፣ ሁቤይ እና ኒንግሺያ) በወር አበባ ምክንያት ለህመም የሚዳረጉ ሴቶች የአንድ ቀን እረፍት እንዲወስዱ ይደረጋል። ፈቃድ የሚከለክሉ ድርጅቶችም ቅጣት ይጠብቃቸዋል።

READ  ከ6 ሚሊየን ብር በላይ አጭበርብረዋል የተባሉ አስመጪና የጉሙሩክ ባለሙያዎች በቁጥጥር ስር ዋሉ

ጃፓን በ1947 ተመሳሳይ ህግ ያወጣች ሲሆን፥ ኢንዶኒዥያ፣ ደቡብ ኮሪያ እና ታይዋንም እንዲሁ ተመሳሳይ ህግ አላቸው።

የኢንዶኒዥያ ሴቶች ይህን መብት ብዙ ጊዜ አይጠቀሙበትም ተብሏል። ምክንያቱም ቀጣሪ ድርጅቶች ፈቃድ ጠያቂ ሴቶች በእርግጥም በወር አበባ የተነሳ ህመም እንደተሰማቸው ለማረጋገጥ ምርመራ እንዲያደርጉ ስለሚያስገድዷቸው ነው።

ይህን መሰሉ ህግ በምዕራባዊያኑ የተለመደ አይደለም።

ሩስያ በ2013 ነበር ሴቶች የወር አበባ ባዩበት ቀን እረፍት እንዲያደርጉ ያለመ እቅድ ለመጀመሪያ ጊዜ ይፋ ያደረገችው፤ ይሁንና ይህ እቅድ ወደ ህግነት አልተቀየረም።

Continue Reading

Art and Culture

የድሬ ቲዩብ መረጃ አዘል ጥያቄ – የኢሬቻ በዓል

Published

on

የድሬ ቲዩብ መረጃ አዘል ጥያቄ - የኢሬቻ በዓል

በየዓመቱ መስከረም 21 የሚከበረው የኢሬቻ በዓል በሠላም እንዲከናወን አባገዳዎች ባቀረቡት ጥያቄ መሠረት የዘንድሮው በዓል በታጠቀ ሀይል እንደማይታጀብ፣ የፓለቲካ ፓርቲዎች ሰንደቅ ዓላማ በስፍራው ላይ እንደማይኖር ስምምነት ላይ ተደርሷል።

ይህ ስምምነት ተገቢነቱን እንዴት ያዩታል?
ሠላምና መረጋጋት እንዳይጠፋ ከሕዝቡስ ምን ይጠበቃል ይላሉ?
እንደተለመደው መልሳችን ጨዋነት አይለየው | ድሬቲዩብ

READ  በኢትዮ ቴሌኮም በተለያየ ኃላፊነት ላይ የነበሩ አራት ሠራተኞች በሙስና ተከሰሱ
Continue Reading

Ethiopia

በክልሎቹ አዋሳኝ አካባቢ በተከሰተው ግጭት የተሳተፉ አካላት ከህግ ተጠያቂነት አያመልጡም-ዶክተር ነገሪ ሌንጮ

Published

on

በአሮሚያና ኢትዮጵያ ሶማሌ ክልሎች አዋሳኝ በተከሰተው ግጭት እጃቸውን ያስገቡ አካላት ለህግ እንደሚያቀርቡ የመንግስት ኮሙኒኬሽን ጉዳዮች ጽህፈት ሃላፊ ሚኒስትር ዶክተር ነገሪ ሌንጮ ገለጹ። ሚኒስትሩ በወቅታዊ ጉዳዮች ዙሪያ ዛሬ ጋዜጣዊ መግለጫ ሰጥተዋል። የጽህፈት ቤቱ ሃላፊ ሚንስትር ዶክተር ነገሪ ሌንጮ በዚህ ወቅት እንዳሉት መንግስት በቅርቡ በአሮሚያና ኢትዮጵያ ሶማሌ ክልሎች አዋሳኝ በተከሰተው ግጭት አስፈላጊውን መረጃና ማስረጃ ካጠናከረ በኋላ በግጭቱ እጃቸውን ያስገቡ አካላትን ለህግ ያቀርባል። በአሁኑ ወቅት አገራዊ ኮሚቴ ተዋቅሮ በተከሰተው ግጭት ለጉዳት የተዳረጉ ዜጎች በፌደራልና በክልል መንግስታት የተቀናጀ ድጋፍ እየተደረገ መሆኑንም ገልጸዋል። መንግስት አልፎ አልፎ የሚከሰቱ ግጭቶችን በዘላቂነት ለመፍታት ህብረተሰቡንና የአገር ሽማግሌዎችን ጨምሮ ከሌሎች ባለድርሻ አካላት ጋር በቅንጅት እየሰራ መሆኑንም ሚንስትሩ ተናግረዋል። "ኢትዮጵያ የህዝቦችን ጥያቄ የመለሰ ፌደራላዊ ስርዓት መገንባቷ በአገሪቱ ሰላም እንዲሰፍን የማይተካ ሚና ተጫውቷል" ያሉት ዶክተር ነገሪ በክልሎች አዋሳኝ አካባቢዎች አልፎ አልፎ የሚፈጠሩ ግጭቶች አገሪቱ ከገነባችው የፌደራዝም ስርዓት ጋር ግንኙነት አንደሌላቸው ገልጸዋል። ኢትዮጵያ ግጭት በማይለየው የአፍሪካ ቀንድ ውስጥ ሆና የራሷን ሰላም ከማስጠበቅ ባለፈ ለሌሎች አገራት ሰላም እየሰራች መሆኗም ተጠቅሷል። ዶክተር ነገሪ በየደረጃው ያሉ አመራሮች በስትራቴጂው የተቀመጡ የልማት ስትራቴጂዎችን በመፈጸምና በማስፈጸም ህብረተሰቡን ከድህነት ማውጣት ዋነኛ ተግባራቸው መሆኑን ተረድተው እንዲንቀሳቀሱም አሳስበዋል። በሌላ ዜና በአገሪቱ የሚከበሩ ህዝባዊና ሃይማኖታዊ በዓላት ዜጎች በህብረት የሚያከብሯቸው የሰላምና የአንድነት እሴቶች በመሆናቸው፤ ያለ ምንም ችግር በሰላም እንዲጠናቀቁ ሁሉም የተለመደውን ትብብር እንዲያደርግ ጥሪ አስተላልፈዋል። መንግስት በዓላቱ ያለምንም ስጋት እንዲከበሩ የቅድመ ዝግጅት ስራውን ማጠናቀቁንም ገልፀዋል። ክበረ በዓላቱን ለግላዊ ፖለቲካ ዓላማ ማስፈጸሚያ ለማደረግ የሚንቀሳቀሱ ሃይሎችም ከድርጊታቸው እንዲቆጠቡ ያሳሰቡት ሚንስትሩ፤ ፈጣሪን በማስታወስና በማመስገን ላይ ትኩረት አድርገው የሚከበሩ ባዕላትን ማወክ ለህዝብ ክብር አለመስጠት አንደሆነም ገልፀዋል።

በአሮሚያና ኢትዮጵያ ሶማሌ ክልሎች አዋሳኝ በተከሰተው ግጭት እጃቸውን ያስገቡ አካላት ለህግ እንደሚያቀርቡ የመንግስት ኮሙኒኬሽን ጉዳዮች ጽህፈት ሃላፊ ሚኒስትር ዶክተር ነገሪ ሌንጮ ገለጹ።

ሚኒስትሩ በወቅታዊ ጉዳዮች ዙሪያ ጋዜጣዊ መግለጫ ሰጥተዋል።

የጽህፈት ቤቱ ሃላፊ ሚንስትር ዶክተር ነገሪ ሌንጮ በዚህ ወቅት እንዳሉት መንግስት በቅርቡ በአሮሚያና ኢትዮጵያ ሶማሌ ክልሎች አዋሳኝ በተከሰተው ግጭት አስፈላጊውን መረጃና ማስረጃ ካጠናከረ በኋላ በግጭቱ እጃቸውን ያስገቡ አካላትን ለህግ ያቀርባል።

በአሁኑ ወቅት አገራዊ ኮሚቴ ተዋቅሮ በተከሰተው ግጭት ለጉዳት የተዳረጉ ዜጎች በፌደራልና በክልል መንግስታት የተቀናጀ ድጋፍ እየተደረገ መሆኑንም ገልጸዋል።

መንግስት አልፎ አልፎ የሚከሰቱ ግጭቶችን በዘላቂነት ለመፍታት ህብረተሰቡንና የአገር ሽማግሌዎችን ጨምሮ ከሌሎች ባለድርሻ አካላት ጋር በቅንጅት እየሰራ መሆኑንም ሚንስትሩ ተናግረዋል።

“ኢትዮጵያ የህዝቦችን ጥያቄ የመለሰ ፌደራላዊ ስርዓት መገንባቷ በአገሪቱ ሰላም እንዲሰፍን የማይተካ ሚና ተጫውቷል” ያሉት ዶክተር ነገሪ በክልሎች አዋሳኝ አካባቢዎች አልፎ አልፎ የሚፈጠሩ ግጭቶች አገሪቱ ከገነባችው የፌደራዝም ስርዓት ጋር ግንኙነት አንደሌላቸው ገልጸዋል።

ኢትዮጵያ ግጭት በማይለየው የአፍሪካ ቀንድ ውስጥ ሆና የራሷን ሰላም ከማስጠበቅ ባለፈ ለሌሎች አገራት ሰላም እየሰራች መሆኗም ተጠቅሷል።

ዶክተር ነገሪ በየደረጃው ያሉ አመራሮች በስትራቴጂው የተቀመጡ የልማት ስትራቴጂዎችን በመፈጸምና በማስፈጸም ህብረተሰቡን ከድህነት ማውጣት ዋነኛ ተግባራቸው መሆኑን ተረድተው እንዲንቀሳቀሱም አሳስበዋል።

በሌላ ዜና በአገሪቱ የሚከበሩ ህዝባዊና ሃይማኖታዊ በዓላት ዜጎች በህብረት የሚያከብሯቸው የሰላምና የአንድነት እሴቶች በመሆናቸው፤ ያለ ምንም ችግር በሰላም እንዲጠናቀቁ ሁሉም የተለመደውን ትብብር እንዲያደርግ ጥሪ አስተላልፈዋል።

መንግስት በዓላቱ ያለምንም ስጋት እንዲከበሩ የቅድመ ዝግጅት ስራውን ማጠናቀቁንም ገልፀዋል።

READ  ከ6 ሚሊየን ብር በላይ አጭበርብረዋል የተባሉ አስመጪና የጉሙሩክ ባለሙያዎች በቁጥጥር ስር ዋሉ

ክበረ በዓላቱን ለግላዊ ፖለቲካ ዓላማ ማስፈጸሚያ ለማደረግ የሚንቀሳቀሱ ሃይሎችም ከድርጊታቸው እንዲቆጠቡ ያሳሰቡት ሚንስትሩ፤ ፈጣሪን በማስታወስና በማመስገን ላይ ትኩረት አድርገው የሚከበሩ ባዕላትን ማወክ ለህዝብ ክብር አለመስጠት አንደሆነም ገልፀዋል። ena

Continue Reading

Ethiopia

የዘንድሮ የኢሬቻ በዓልን በታጠቀ ሀይል አይታጀብም

Elias Tesfaye

Published

on

ኢሬቻ

(የድሬቲዩብ ዜና | Addis Ababa) የዘንድሮን የኢሬቻ በዓል ለማክበር አስፈላጊ ቅድመ ዝግጅት መጠናቀቁን፣ በዕለቱ የታጠቀ ፓሊስ እና የፓለቲካ ፓርቲ ሰንደቅ ዓላማ እንደማይኖር የአባ ገዳዎች ህብረት አስታወቀ።

የኦሮሞ አባ ገዳዎች ህብረት ከኦሮሚያ ክልል ባህልና ቱሪዝም ቢሮ ጋር በመሆን በበዓሉ አከባበር ዙሪያ በትናትናው እለት መግለጫ መስጠታቸውን የፌደራል የመንግሥት ኪምኒኬሽን ጵ/ቤት ዘገባ ያሳያል።

በመግለጫቸውም መስከረም 21 ቀን 2010 የሚከበረውን የኢሬቻ በዓል ሰላማዊ በሆነ መልኩ ለማክበር አስፈላጊ ቅድመ ዝግጅት ተጠናቋል ።

የዘንድሮውን የኢሬቻ በዓል አከባበር የሚያስተባብሩ 300 ወጣቶች መመረጣቸውንም የኦሮሞ አባ ገዳዎች ህብረት አስታውቋል።

በበዓሉ ላይም የጦር መሳሪያ የታጠቀ ፖሊስ እንደማይገኝ የኦሮሚያ ክልል መንግስት ማረጋገጡን የአባ ገዳዎች ህብረት ሰብሳቢ እና የቱለማ አባ ገዳ በየነ ሰንበቶ ተናግረዋል።

የኢሬቻ በዓል በሚከበርበት ስፍራ ላይም ሀገሪቱን የሚያስተዳድረውን ፓርቲ ጨምሮ የማንኛውም የፖለቲካ ፓርቲ ሰንደቅ ዓላማ እንዳይውለበለብ መወሰኑንም አስታውቀዋል።

የኦሮሚያ ባህልና ቱሪዝም ቢሮ ሃላፊ ወይዘሮ ሎሚ በዶ በበኩላቸው፥ ስፍራው የፖለቲካ መድረክ ከመምሰል በፀዳ መልኩ የኦሮሞ ባህልን በማንፀባረቅ የሚከበር ነው ብለዋል።

የኦሮሚያ ፖሊስም ያለ ምንም ትጥቅ ከዳር በመሆን በዓሉን ለማክበር ከመጡት ጋር ተቀላቅለው ጥፋት ለመፈፀም የሚንቀሳቀሱ አካላትን የመከላከል ስራ ይሰራል ሲሉም ተናግረዋል።

በበዓሉ ላይ የሚሳተፉ ሰዎችን የመፈተሽ ስራ የሚሰሩትም በአባ ገዳዎች የተመረጡት 300 ወጣቶች መሆናቸውንም ወይዘሮ ሎሚ ተናግረዋል። DireTube.com

READ  የሌላ ሰውን ስራ በሽያጭ ወይም በኪራይ ቅጂን የማካፈል እና የማብዛት ወንጀል የፈፀመው ግለሰብ በፅኑ እሥራት ተቀጣ
Continue Reading

Trending

news.et Mobile App!

It's Faster!

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close