Connect with us

Entertainment

ኮሜዲያን ፍልፍሉ እና ደምስ በገና የበዓል የመዝናኛ ፕሮግራም

Binyam G-Kirstos

Published

on

ኮሜዲያን ፍልፍሉ እና ደምስ በገና የበዓል የመዝናኛ ፕሮግራም

በሀገራችን ሃይማኖታዊ በዓላት ከፍ ያለ ስፍራ የሚሰጣቸው መሆናቸው ይታወቃል፡፡ በበዓላትም በቴሌቪዥን የተለያዩ የመዝናኛ ፕግራሞችን ማዘጋጀት ቆየት ያለ ልምድ ነው፡፡

በባለፈው ዓመት የኢቢሲ የገና በዓል የመዝናኛ ዝግት ላይ ኮሜዲያን ፍልፍሉ ያቀረበውን አዝናኝ የኮሜዲ ስራ ይከታተሉ፡፡

መልካም የገና በዓል ይሁንላችሁ፡፡

READ  ሼህ አልአሙዲ ለሶማሌ ክልል ዕርዳታ ለገሱ

Art and Culture

በጎፋ ጋዜ ማስቃላ ናፍቆት-ከአልባ ዙማ እስከ ጋልማ

Published

on

በጎፋ ጋዜ ማስቃላ ናፍቆት-ከአልባ ዙማ እስከ ጋልማ

በጎፋ ጋዜ ማስቃላ ናፍቆት-ከአልባ ዙማ እስከ ጋልማ | ተጓዡ ጋዜጠኛ ሄኖክ ስዩም መስቀልን መናፈቅ በሚል የመስቀልን ድባብ እየተረከልን ነው፡፡ ከዳሞታ ተራራ ግርጌ ከወላይታዎች ጊፋታ የጀመረው ትረካ ዛሬ ወደ ጎፋዎች መንደር ገብቷል፡፡ የጎፋ ጋዜ ማስቃላን ገጽታዎች እንዲህ ይተርክልናል፡፡ | ሄኖክ ስዩም በድሬ ቲዩብ

አልባ ትልቁ ተራራ፣ የካዎቹ ሞገስ ዘመናት ሲሻገር የተመለከተው ባለ እድሜ፤ አሁን የጎፋዎችን መንደር ናፍቆኛል፡፡ ልቤ ማዜ ወንዝ እስኪጎድል ጠብቆ ለመሻገር ትእግስት የለውም፡፡ የውርጭ ተራሮች በልምላሜ በሚያሸበርቁበት በዚህ ወቅት ሳውላ መሆን መታደል ነው፡፡ በዚህ ወቅት ብልቂ መግባት መባረክ ነው፡፡

ከጎፋ ጋር አብሮ ዮ! እንደማለት የዘመን አጋጣሚ የለም፡፡ እዚህ ከሁሉ የሚበልጠው ቀን ማስቃላ ነው፡፡ ዱዛ የሰው ቀልብ የሚስብበት የልምላሜው ወቅት ነው፡፡ የዛላ ዛዬ ሹቻ ናፍቆት ያላዩት ሀገር የሚለውን ይቃረናል፡፡

ያላ ሳውላ የትም ያለን በትዝታ የምትጎትት ከተማ ናት፡፡ የሆሴ ዜማ ጆሮን ሰላሳ ጊዜ ቢያራግፉት ደጋግሞ ማቃጨሉን አያቆምም፡፡ የጋሼ ባህላዊ ጨዋታ ኦ ሆያ ጋሼ ከአብሮነት ትዕይንቱ ጋር ከዓይን ላይ ሳይጠፋ ስለሚኖርበት ምድር ሳስብ ማስቃላን እናፍቃለሁ፡፡

ጎፋ ጋዜ ማስቃላ አይሰለችም፡፡ ዘለዓለም አብሮ የሚኖር ትዝታ ነው፡፡ የጎፋዎች ምርቃት ማስቃላን ዘለዓለም ከመኖር ጋር ይተሳሰራል፡፡

ምኞታቸው በበረከት የተሞላ ነው፡፡ አህያ ቀንድ እስክታበቅል፣ ልጃገረዶች አግብተው እስኪያልቁ፣ ያ ተራራ የኖረውን ዘመን በመኖር መስቀልን ለማየት የሚመኝ ባህል ውስጥ መኖር ጸጋ ነው፡፡

አንድ ቀን በኢትዮጵያ ትልቁ ኩነት ጎፋ ጋዜ ማስቃላ እንደሚሆን አምናለሁ፡፡ ያኔ ሩቅ የለም፡፡ ለጋዜ ማስቃላ የመጣ ጎብኚ በዎምባ ፏፏቴ ይጠበላል፡፡ የሊዲ ፏፏቴ ውበት የካሜራ ብርሃኖች ያብረቀርቁበታል፡፡

READ  የፍቅር በዓል የሆነው የእየሱስ ክርስቶስን ልደት በዓልን በመተሳሰብና በአንድነት ማክበር ይገባል - የሀይማኖት አባቶች

 

ግንድ አንሳን የሚሳለም፣ ጋልጣ ማርያም ደጃፍ እልል የሚል ብዙ ነው፡፡ በመሎኮዛ ቅመም ያበዱ ምግቦችን እየተመገበ የሀገሬ ሰው መስከረምን እንደ አደይ ጎፋ ላይ ያብባል፡፡ ጎፋ ጋዜ ማስቃላ ይናፍቃል፡፡

ከተራሮች አናት እስከ ማዜ በርሃ መንፈሱ ሁሉ አንድ ነው፡፡

በቶ፣ ጋልማ፣ ቡልቂ፣ ላሃ…..የትም ይሁን ብቻ ማስቃላን አብሮ መሆን የመሰለ ነገር የለም፡፡ ከዚያ ማስቃላ ገባ ተብሎ ወጣ የለም፡፡
ጎፋ በጊያ ካንሶ አድምቆ ይሸኘዋል፡፡

ማስቃላን ለማሰናበት ባህላዊ ክንዋኔው ሲደምቅ ደቦጭ በና ሆኖ አብሮ በጊያ ካንሶ ትዕይንት በደስታ እንደማበድ መልካም እድል የለም፡፡ የመስቀል ናፍቆት ሩቅ ተጓዥ ነው፡፡

ከደቡብ ስሜን የሚወረውር፣ የጨዋ ሰፈር ደመራን ከገነት ተራራ ስር ከጎንደር ልጆች ጋር እንለኩሳለን፡፡ ኢዮሃ መስከረም፡፡

DIRETUBE

Continue Reading

Art and Culture

የካናዳው ፓርላማ አባል ቴዲ አፍሮን አስመልክቶ ለፕሬዝዳንት ሙላቱ የጻፉት ግልጽ ደብዳቤ

Published

on

የካናዳው ፓርላማ አባል ቴዲ አፍሮን አስመልክቶ ለፕሬዝዳንት ሙላቱ የጻፉት ግልጽ ደብዳቤ

“ኢትዮጵያ በየጊዜው ከፍተኛ መጠን ያለው እርዳታ ከካናዳ መንግስትና ሕዝብ ታገኛለች። በቅድሚያ ያ እርዳታ በረሃብ አለንጋ ለሚገረፉት ለእነኚያ ለታሰበላቸው ተረጂዎች መድረሱንና የሰዎች መብት መጠበቁን ማረጋገጥ እንሻለን። በእርግጥ የምናየው የሰብዓዊ መብት ረገጣ ግን በተዘዋዋሪም ቢሆን ያን ዓይነት አመኔታ እንድናሳድር የሚያግዝ አይደለም።” ለኢትዮጵያው ፕሬዝዳንት ሙላቱ ተሾመ ግልጽ ደብዳቤ የጻፉት የካናዳ ፓርላማ አባል አሌክስ ናዳል።

ድርጊቱ ከተፈጸመ ቀናት ቢያስቆጥርም አሁንም እያነጋገረ ነው። ከጉዳዩ ጋር የሚዛመዱ ሌሎች አዝማሚያዎችን ጨምሮም የዋሽንግተን ፖስት ጋዜጣ ሰሞኑን በሰፊው ለመዳሰስ የበቃ ርዕስ ነው።

የንግግር ነጻነት በማንም የማይቸር በማንም የማይደፈር ሰብዓዊ መብት ነው፤ ሲሉ ይንደረደራሉ፤ የኢትዮጵያ መንግስት የቴዲ አፍሮን የሙዚቃ ኮንሰርት መሰረዝ ተንተርሶ ሰሞኑን ለኢትዮጵያው ፕሬዝዳንት ሙላቱ ተሾመ ግልጽ ደብዳቤ የጻፉ አንድ የካናዳ ፓርላማ አባል ለአሜሪካ ድምጽ በሰጡት አስተያየት።

Canadian MP Writes Open Letter to President Mulatu in Support of Teddy Afro

The Canadian member of parliament, from Ottawa and serving the people of Barrie-Springwater-Oro-Medonte, wrote open letter to President Mulatu Teshome of Ethiopia in support of Laureate Teddy Afro and in protest against government’s last hour cancellation of the much awaited “Ethiopia” Album Launch that was scheduled for Sunday September 3, 2017. His letter was also for the prior denial of permission to have his concert at the Millenium Hall in Addis Ababa.

MP Alex Nuttall stated in his letter that “Music and arts are an important reflection on the mood a nation.” and concludes that Ethiopian government now stands against the “Canadian values of openness and freedom” by cancelling the concert and album launch party of artist Teddy Afro.

READ  የአፍሪካ 10 ሀብታም ድምጻዊያን ስም ዝርዝር ይፋ ሆነ

Laureate Tewodros Kassahun aka Teddy Afro has visited Canada multiple times. At his last visit to Canada Teddy Afro received Ethio-Canadian Heritage Center’s 2017 Award on June 24, 2017 in Toronto, Canada.

Continue Reading

Art and Culture

ዓለም ቱሪዝም ቀን በኢትዮጵያ ለ30ኛ ጊዜ መከበር ጀምሯል

Published

on

ዓለም ቱሪዝም ቀን በኢትዮጵያ ለ30ኛ ጊዜ መከበር ጀምሯል

ሀገር አቀፍን ኩነት የሚያስተናግደው የኦሮሚያ ክልል ነው፡፡

የዓለም ቱሪዝም ድርጅት አባል ሀገር የሆችው ኢትዮጵያ በመንግስታቱ ድርጅት የተወሰነውን የዓለም ቱሪዝም ቀን ዘንድሮ ለ30ኛ ጊዜ እያከበረች ነው፡፡

በዓለም ለ38ኛ ጊዜ እየተከበረ ያለው የዘንድሮው የዓለም ቱሪዝም ቀን “ቱሪዝም ለዘላቂ ልማት” በሚል መሪ ቃል በብሔራዊ ደረጃ በኦሮሚያ ክልል ይከበራል፡፡

ከዛሬ መስከረም 11 ቀን ጀምሮ ለስድስት ተከታታይ ቀናት እስከ መስከረም 16 ቀን 2010 የሚከበረው ይህ በዓል የኦሮሚያ ክልል መስህቦችን የመጎብኘት መርሃ ግብር ጨምሮ የፓናል ውይይቶችን ሌሎች ዝግጀቶችን ያካተተ ነው፡፡

በዓሉን ከቀናት በፊት ማክበር የጀመረው የደቡብ ክልል በጋሞ ጎፋ እና በሰገን አካባቢ ህዝቦች ዞን የሚገኙ የመስህብ ሀብቶችን በመጎብኘት በተለያዩ ዝግጅቶች እያከበረ ሲሆን አማራ ክልል ምዕራብ ጎጃም እና አዊ ዞን ላይ በተመሳሳይ መልኩ በዚህ ወር መጨረሻ ለማክበር ዝግጅት እያደረገ እንደሆነ የደረሰን መረጃ ያመላክታል፡፡ DIRETUBE

READ  የአጼ ኃይለ ስላሴ ሁለተኛው የአሜሪካ ጉብኝት እና ያልታዩ እውነቶች
Continue Reading

Trending

news.et Mobile App!

It's Faster!

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close