Connect with us

Ethiopia

በየመን ኢትዮጵያዊያን ስደተኞች አስከፊ ግዜ እያሳለፉነው ተባለ

Binyam G-Kirstos

Published

on

በየመን ኢትዮጵያዊያን ስደተኞች

ዓለም አቀፉ የስደተኞች ቢሮ (አይኦኤም) ባሳለፍነው ዓመት በስደት ጉዞ 7189 ስደተኞች ህይወታቸው ማለፉን እና ለስደት ወጥተው ደብዛቸው የጠፉትን ሰዎች መዝግቧል ሲል በየመን ኢትዮጵያዊ ስደተኛን በማነጋገር ዘገባ የሰራው ቪኦኤ ዘገባውን ይጀምራል፡፡

በዚሁ ዓመትም በአማካኝ በቀኑ 20 ስደተኞች ህይወታቸው ማፉን የስደተኞቹ ቢሮ ሪፖርት እንደሚያሳይም ተጠቅሷል፡፡

ይህ ቁጥር ካለፈው 2015 ጋር ሲነጻጸርም ቁጥሩ ክፍተኛ ነውም ተብሏል ፡፡

እ.ኤ.አ በ2014 ለስደት ወጥተው ህይወታቸው ያለፉ ሰዎች ቁጥር 5667 የነበረ መሆኑን እንዲሁም በ2015 ደግሞ በተመሳሳይ ለህልፈት የተዳረጉ ስደተኞች ቁጥር 5740 እንደነበር በማነጻጸሪያነት ቀርቧል፡፡

ከሰሜናዊ እና ከምስራቅ አፍሪካ በተለይም ከኤርትራ ፣ ከኢትዮጵያ ፣ ከሶማሊያ እና ከጅቡቲ የሚሰደዱ ስደተኞች ሞት ቁጥርም ከላይ ከተጠቀሰው የሞት መጠን የላቀውን ድርሻ ይይዛል ይላል ዘገባው፡፡

ባሳለፍነው የፈረንጆቹ ዓመትም በግምት 700 የሚሆኑ ስደተኞች ከእነዚህ ሀገራት ህይወታቸው አልፏል  ተብሏል፡፡

ስሙ እንዲጠቀስ አልፈለገም የተባለ አንዲ ኢትዮጵያዊ ስደተኛን መስታወት አራጋው በስልክ ስለ ስደት ሂወቱ የተለያየ ጥያቄ አቅርባለት ነበር፡፡

አብዛኛውን ጉዞውን በእግር እንዲሁም ሲገኝም በተሸከርካሪ በመጓዝ የመን መድረሱንም ይህ ስደተኛ ኢትዮጵያዊ  ይናገራል፡፡

ስሜ አይጠቀስ ብሏል የተባለው ወጣት ‹‹አብዛኞቻችን እዚህ የምንገኘው ስደተኞች ኑሮ ቸግሮን ሳይሆን ሀገራችን ላይ እንደዜጋ መኖር አቅቶን ነው ከሀገራቸን የተሰደድነው›› ሲል ተደምጧል፡፡

ከኢትዮጵያ የወጣው እ.ኤ.አ በ2014 መሆኑን እና የጉዞው ሂደትም ከኢትዮጵያ ተነስቶ ሱማሌ ለመድረስ በርካታ ችግሮችን ተጋፍጦ ከሶማሌ በጀልባ የመን መግባቱን ተናግሯል፡፡

የመን ከገባ በኋላ የገጠመው ችግር ‹‹ተወርቶ አያልቅም የሚለው ወጣቱ›› መንገድ ላይ ሱማሌዎች እየደበደቡን ሴቶች እየተደፈሩ የሚበላ ነገር ሳይኖር ሰላሳ ሰዓት በሚፈጅ የባህር ጉዞ የመን ግተናል ብሏል፡፡

READ  የኢትዮጵያን አየር መንገድ በመጠቀም ቻይናዊያን የመጀመሪያውን ደረጃ ያዙ

የመን ከገቡ በኋላም የረዳቸው ሰው አለመኖሩንእንደውም በእዛው በየመን ጦርነት በመኖሩ በፍርሃት እየኖርን ነው ሲል ተደምጧል፡፡

ወጣቱ ስደተኛ ከኢትዮጵያ ከእስር ቤት አምልጬ ራሴን ለማዳን ነው የወጣቡት ያጣሁት ወይም ኑሮ የቸገረኝ ሰው አይደለሁም ፤ በወቅቱ ከኢትዮጵያ ስወጣም ወዴት እንደምሄድም አላውቅም ነበር ያለ ሲሆን በርካቶቹ አብረውት የተሰደዱት ኢትዮያዊያን ኦሮምኛ ተናጋሪ እንደሆኑ ገልጿል፡፡ ሴቶች እንደሚበዙም ተናግሯል፡፡

በየመን ‹‹በሞት እና በህይወት መካከል ነው የምንገኘው›› የሚለው ወጣቱ የስደተኞች ተቋምም የሚረዳን ነገር የለም ፤ እየተደበቅን ነው ህይወታችንን ለማቆየት የምንጥረው ብሏል፡፡

የዓለም አቀፉ የስደተኞች ቢሮ በተጠናቀቀው የፈረንጆቹ ዓመት ሜዲትራንያንን ለማቋጥ ከሞከሩ ስደተኞች መካከል የ4812 ህይወት ያለፈ መሆኑን ማስታወቁም በዘገባው ተጠቁሟል፡፡

የቪኦኤን ሌሎች ዘገባዎችንም መከታተል ይችላሉ፡፡

Continue Reading

Art and Culture

ነይ የኔ ደመራ! | ሚካኤል አስጨናቂ

Published

on

ነይ የኔ ደመራ!

ሀበሻዎች ግን ጥሩ ብርቃሞች እኮ ነን ! ስልክ ሲገባ ፥ መኪና ሲገባ ፥ ጢያራ ሲገባ ፥ ወፍጮ ሲገባ ፥ ለሁሉም አጀብ አጀብ ብለናል።

ስልክን የሰይጣን ድምጥ የሚያስተጋባ እርኩስ እቃ ፥ መኪናን ነፍስ ያላት ቆርቆሮ (ቁርጥ ግልገል መሳይ ) ፥ ወፍጮን ደግሞ የእህል ሰላቢ አድርገን ቆጥረንም እናውቅ ነበር።
ያኔ ደግሞ ፍርኖ ዱቄት ሀገራችን የገባ ጊዜ ልጆቻችንን ሁሉ ሳይቀር ፉርኖ ብለን በዱቄት ስያሜም ጠርተን እናውቃለን (እዚህ ጋር እየሳኩኝ መሆኑ ይታወቅልኝ ) ፥
ይህም ሁሉ ሆኖ እኔን ግን ክፍት ያለኝ ነገር ቢኖር ገኒዬን ከኔ ለመንጠቅ የሚሯሯጠው ያ ትዕቢተኛ የሰፈራችን ልጅ ስሙ መብራቱ ቦጋለ ሆኖ መቅረቱ ነው! እንደምን ቢሉ አንድም ያኔ ድሮ ገና መብራት ተኸተማችን የገባ ጊዜ አባቱ ከኩራዝ መላቀቅ ብርቅ ሆኖባቸው ስም ጥለውበት ፥ ሌላው ደግሞ አንድዬ የሰው መዛበቻ ሁን ሲለው!
.
በመሰረቱ የመብራቱ ፀባይ ለያዥና ለገናዥ የሚያስቸግር ፥ እንደስሙ ብርሀናማ ሳይሆን ጨለምተኛና የደንቃራ ስራን የሚያዘወትር በምስለት ደረጃ ለኔ የጋኔንን ያህል የሚፀልምብኝ ልጅ ነው። በሰፈሩ ሁሉም ሰው ሰላም አውርዶ ከቤቱ ባይወጣ ቢቀር እንኳ ሌላ ሰፈር ሆነ ብሎ ሄዶ ነገርና ጠብ ይፈልጋል! አዎን ፥ ከሲጃራ ከጫትና ከሴስ ሱስ የማይተናነስ ደባል ሱስ ያየሁት በመብራቱ ነው።

እንደው ባባቱ ዘመን አንድም ብልህና ትንቢተኛ ሰው ጠፋ እንጂ ለዚህ ልጅ ቤተሰቦቹ ስያሜ ሲሰጡት መብራቱን አጠፋ፥ ብርሀን ንሳቸው ፥ ፀሊሙ ጋረደው ቢሆን እንደሚመረጥ ሰው መጠቆም ነበረበት እላለሁ!
.
ለነገሩ እኔ ስለሰው ምን አገባኝ? ከዚህ ሁሉ የስም ጋጋታና ውጣ ውረድ ይልቅ ይህን ልጅ ኤልፓ ብለው ሁሉን ገላጭ ስያሜ እንደሰጠሁት አስባለሁ ፥ ምህ እንደምን አላችሁኝ ልበል? ኤልፓ በያንዳንዱ ቀናቶች ብቻ ሳይሆን በዓልን እንኳ መታገስ አቅቶት ብርሀን ሲነሳን ስላየሁ ብዬ እመልስላቹሀለሁ!

READ  ቱርክ ዲፕሎማሲያዊ ግንኙነት ለማጠናከር በ54ቱ የአፍሪካ ሀገሮች ኢምባሲ እንደምትፈልግ ገለፀች

ይህም የሆነው በአዲሱ ዓመት መግቢያ ቀናችን መስከረም አንድ ዕለት ነው ፥ መቼም በተለምዶው መሰረት እንኳ ለልደታ የቃዠ ልጅ ወሩን ሙሉ ይባንናል እንደሚባለው ሁሉ መስከረም አንድ ብርሀንን የነሳ ድርጅትም ዓመቱን ሙሉ የጨለማ ዝርጋታ ልማዱን አጧጡፎ ቢቀጥለውስ? የሚል ስጋትን ያጭርብኛል! ይሄ በቀን መባቻ መረገም እኮ ክፉ ነገር ነው!
.
ደመራዬ ገኒ ፥ የከተራ በዓልን ልታከብር ነጠላዋን መስቀልያ አጣፍታ ትታየኛለች ! ህዝብ ከተሰበሰበበት አደባባይ መሀከል ቆማ ከዝማሬው ፥ ከደመራው መንቦልቦል ጋር አብራ ብርሀን እየሰጠች የምትዘምር ይመስለኛል! ጉልላት ዓይኖቿ በሚንቀለቀለው የእሳት ብርሀን ዳሰስ ተደርገው ስስ ጨለማ መልሶ ሲጋርዳቸው የሚታየው ትዕይንት ልብን ያነሆልላል!

ገኒን ላገኛት ይገባል ፥ ከጓደኞቿ ለይቻት የያዝኩላትን ስጦታ ብሰጣት እወዳለሁ ! የደመራውን ነበልባል በእኔ እቅፍ ውስጥ ሆና እያየች ልዩ ትዝታን ከልባችን ማህደር ቋጥረን እናስቀር ዘንድ እፈልጋለሁ ፤ ውዴ አንገትህ ስር ግብት ሲሉ ልክ እንደ ደመራው ወላፈን ገላህ ደስ የሚል ሙቀትን ይለግሳል እንድትለኝ እሻለሁ !

የኔ ፍቅር ከከናፍርሽ ድንበር ተላቀው የሚወጡት ቃላቶችሽ ደግሞ ለኔ ወላፈኔ ናቸው ብዬ በስሱ ጉንጮቻን እስማት ዘንድ ነው ምኞቴ!
መብራቱ ግን አለ ! ከስሙ ግብር ጋር ሆድና ጀርባ ሆኖ ፍቅራችንን በጉልበት ሊያደበዝዝ የሚተጋው የክፋት ውላጅ!
.
ገኒዬ መጣች ፥ ንፋሱ ነጠላዋን ያርገበግበዋል ፤ ግንባሯ ላይ የተነሰነችው ፀጉር ሰያፍ ተቀምጣ ከንፋሱ ጋር አብራ ትጫወታለች ፤ ሀጫ በረዶ በመሰሉት ጥርሶቿ ከነበልባሉ ጭስ ጋር አብረው የሚግተለተሉ ይመስላሉ!

ገኒ ደስታዬ ነች ፥ ገኒ ለኔ ስራዬን ማንቂያ ብርሀኔ ነች ፥ በርሷ ውስጥ ተፈጥሮን አያለሁ ፥ በርሷ ውስጥ ነገዬን እተነብያለሁ !
የትንቢቴና ሰናይ ተስፋን የምቋጥርባት ዕንቁዬ ደግሞ ማንንም ሳትሰማ ተንደርድራ ልታቅፈኝ እየሮጠች ነው! እፎይ እየመጣች እኮ ነው።
.
“አይሆንም ገነት ! አይኔ እያየ በገዛ መንደሬ ፥ እንደልቤ በምፈነጭበት መንደሬ ላይ ሆነሽ ለዛ መናኛ ደስታን ልትሰጪ አትቺዪም” ኤልፓ ነበር ስሙን ቄስ ይጥራውና እሱንማ አፌን ሞልቼ አባቱ ባወጣለት ስም አልጠራውም።

READ  ዝርፊያን ባህሉ ያደረገው ኢቢሲ የአደባባይ ቅሌት-በቴዲ አፍሮ የፈጠራ ስራ

ውዴ ፍርሀት ሲሸብባት አየሁ ፥ ያን እብሪተኛ ንቆ መምጣት ለሷም ለኔም ትልቅ ዋጋ እንደሚያስከፍለን ተረድታዋለች መሰለኝ ……….
ገኒ በመጀመርያ ሩጫዋ ዝግ አለ ፥ ከዛ እንደመራመድም ሞከረች ……….. ያ ተንከሲስ በእጁ በትር ይዞ በድፍርስ አይኖቹ እያቁረጠረጠባት ነው! ……………… የኔ ፍቅር ይባስ ብላ ባለችበት ተገትራ ቀረች !

አይ ኤልፓ ፥ አንድዬ በደልህን ይይልህ ! በያንዳንዱ መሰናክሎች ውስጥ እድገቴን ፥ተስፋዬን እና ነገን ማያዬን እያኮሰስከው መሆኑ የማይገባህ ግዑዝ ነህ! አልኩኝ በሆዴ!
ገኒዬ ከሩቅ ታየኛለች ፥ ከእሳቱ ወላፈን ጋር እየፈካች ፥ ከሚግተለተለው ጢስ ጋር እየበነነች………………………………
.
ተፈፀመ!! DIRETUBE

Continue Reading

Art and Culture

በአዲስ አበባ ሁለት የነገሥታት መታሰቢያ ሐውልቶችና ሦስት ጥንታዊ ቤቶች እድሳት ሊጀመር ነው

Published

on

በአዲስ አበባ ሁለት የነገሥታት መታሰቢያ ሐውልቶችና ሦስት ጥንታዊ ቤቶች እድሳት ሊጀመር ነው

በአዲስ አበባ የሚገኙ ሁለት የነገሥታት ሐውልቶችና ሦስት ጥንታዊ ቤቶች እድሳት ሊደረግላቸው መሆኑን የባህልና ቱሪዝም ቢሮ አስታወቀ።

መንግስት ለሐውልቶቹና ለጥንታዊ ቤቶች እድሳት 30 ሚሊዮን ብር በጀት መድቧል፡፡

የቢሮው የኮሙኒኬሽን ዳይሬክተር አቶ ወርቁ መንገሻ እንደሚሉት በመዲናዋ ያሉ ታሪካዊ፣ባሕላዊና ተፈጥሯዊ ቅርሶችን እያደሰ፣ እያስተዋወቀና አዳዲስ የመስህብ ቦታዎችን በማስፋት ላይ ነው።

የአጼ ምኒልክና የአጼ ቴዎድሮስ ሃውልቶች በተጀመረው በጀት ዓመት እድሳታቸው እንደሚደረግላቸው ዳይሬክተሩ ገልጸዋል።

የአዲስ አበባ የመጀመሪያው ከንቲባ ቢትወደድ ወልደ ጻድቅ ጎሹ መኖሪያ ቤት፣የሼክ ኦጄሌ አል ሀሰን ቤተ መንግሥትና በአሁኑ ጊዜ የአራዳ ፍርድ ቤት ሆኖ የሚያገለግለው የቀድሞው የአዲስ አበባ ማዘጋጃ ቤትም እድሳት ከሚደረግላቸው ጥንታዊ ቤቶች መካከል ተጠቃሽ ናቸው።

ሁለቱ የነገሥታት ሐውልቶች 6 ሚሊዮን ብር ለእድሳት የተመደበላቸው ሲሆን፤ ሦስቱን ጥንታዊ ቤቶች ለማደስ ደግሞ 24 ሚሊዮን ብር በጀት እንደተያዘላቸውም ተናግረዋል።

 ሐውልቶቹ የተቀመጡት አደባባይ ላይ በመሆኑ ለጎብኚዎች የማይመቹ ቢሆንም የትራፊክ እንቅስቃሴውን በማያውክ መልኩ እንዲጎበኙ ይደረጋልም ብለዋል።

በቢሮው በ2007 ዓ.ም. ጀምሮ እድሳት ሊያደረግላቸው ከመረጣቸው ሐውልቶች መካከል የአቡነ ጴጥሮስ፣ የስድስት ኪሎ ሰማዕታትና የሚያዝያ 27 የድል መታሰቢያ ሐውልቶች የተጠገኑ ቢሆንም የአጼ ቴዎድሮስ ሴባስቶፖል መታሰቢያና የአጼ ሚኒልክ ሐውልቶች እስካሁን አልተጠገኑም።

ዝርዝር ጥናቱ ጊዜ መፈለጉንና የባቡር ግንባታው ለዕድሳቱ መዘግየት እንደምክንያት ጠቅሰውታል።

ታሪካዊ ቅርሶችንና ሐውልቶችን ይዘታቸው ሳይቀየር ማደስ የሚችል የባለሙያ እጥረትም ሌላው ለሐውልቶቹ ዕድሳት መዘግየት ምክንያት ነው። ena

READ  ተፈጥሮ ሲከዳ - አፍም ብዕር ይጨብጣል
Continue Reading

Art and Culture

የድሬ ቲዩብ መረጃ አዘል ጥያቄ – የኢሬቻ በዓል

Published

on

የድሬ ቲዩብ መረጃ አዘል ጥያቄ - የኢሬቻ በዓል

በየዓመቱ መስከረም 21 የሚከበረው የኢሬቻ በዓል በሠላም እንዲከናወን አባገዳዎች ባቀረቡት ጥያቄ መሠረት የዘንድሮው በዓል በታጠቀ ሀይል እንደማይታጀብ፣ የፓለቲካ ፓርቲዎች ሰንደቅ ዓላማ በስፍራው ላይ እንደማይኖር ስምምነት ላይ ተደርሷል።

ይህ ስምምነት ተገቢነቱን እንዴት ያዩታል?
ሠላምና መረጋጋት እንዳይጠፋ ከሕዝቡስ ምን ይጠበቃል ይላሉ?
እንደተለመደው መልሳችን ጨዋነት አይለየው | ድሬቲዩብ

READ  ተፈጥሮ ሲከዳ - አፍም ብዕር ይጨብጣል
Continue Reading

Trending

news.et Mobile App!

It's Faster!

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close