Connect with us

Business

የፌስቡክ ፈጣሪና ሀላፊ ማርክ ዙከርበርግ በመጨረሻ ሀይማኖት አለኝ አለ

Published

on

ማርክ ዙከርበርግ

በቢሊዮን የሚቆጠሩ የአለም ህዝቦችን በማህበራዊ ሚዲያ ያስተሳሰረው የፌስቡክ ፈጣሪና መሪ ማርክ ዙከርበግ ሀይማኖት ያለው መሆኑን ተናገረ፡፡ ከዚህ ቀደም በፌስቡክ የግል ማህደሩ ላይ ሀይማኖትን በሚጠይቀው ዝርዝር ላይ ሀይማሎት የሌለው ሰው መሆኑን በመጻፍ የሚታወቀው ዙከርበርግ አሁን ግን ሀይማኖት ጠቃሚ ስለመሆኑ መመስከሩና ሀይማኖት ያለው መሆኑን መናገሩ ተዘግቧል፡፡

እራሱን ጨምሮ ባለቤቱ፣ ሴት ልጁና ውሻው ለመላው ክርስቲያን ተከታዮቹ ለገና በአል የእንኳን አደረሳችሁ መልእክት እናስተላልፋለን ሲል ፌስ ቡክ ገጹ ላይ ያሰፈረው ዙከርበርግ ከመቼ ወዲህ ሀይማኖተኛ ሆንክ የሚል አስተያየት ሰጪዎች ገጥመውት ነበር፡፡

ይህን ተከትሎ ከአይሁድ ቤተሰብ መወለዱንና አይሁድ ሆኖ ማደጉን ለተከታዮቹ የተናገረው ዙከርበርግ በጥያቄ ተሞልቼ የኖርኩባቸው ጊዜያቶች ነበሩ አሁን ግን ሀይማኖት እጅግ ጠቃሚ ነገር መሆኑን ለመረዳት ችያለሁ በማለት አሁን ላይ የሀይማኖት ተከታይ መሆኑን ይፋ አድርጓል፡፡

ሰሞኑን በወጡ ሌሎች ዜናዎች ላይ ዙከርበግርግ ወደፖለቲካውም ለመግባት ይፈልጋል የሚሉ መረጃዎች ሲነገሩ ቆይተዋል፡፡ ወጣቱ ቢሊየነር ለአሜሪካ ፖለቲከኞች የገንዘብ ድጋፍ ማድረጉ፣ የቻይና ቋንቋን መማሩ እንዲሁም በአሜሪካ የተለያዩ ግዛቶች በመዘዋወር የሰዎችን አስተያየት ለመስማት መሞከሩ ሁሉ ለፖለቲካ ዝንባሌ አለው ከሚለው ጉዳይ ጋር ሲያያዝ ነው የሰነበተው፡፡

ይህን ተከትሎ ዙከርበርግ በይፋ የተናገረው ነገር ባይኖርም አሁን ካለበት ሀላፊነት በተጨማሪ ፖለቲካን ደርቦ ይሰራል የሚለው ጉዳይ የማይመስል አስተያየት መሆኑን ነው የቅርብ ሰዎቹ የተናገሩት፡፡
huffingtonpost

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close