Connect with us

Lifestyle

የገና አከባበር በምስራቁ አለም ክርስቲያን ከምእራባዊያኑ የተለየ ድባብ እንዳለው አይቢ ታይምስ ገለጸ

Published

on

የገና አከባበር በምስራቁ አለም ክርስቲያን ህዝቦች ከምእራባዊያኑ ፍጹም የተለየ ድባብ እንዳለው አይቢ ታይምስ ገለጸ

ምእራባዊያኑ ትናንት አዲስ አመታቸውን ተቀብለዋል፡፡ የምእራባዊያን ሀገሮች አዲስ አመታቸውንና የክርስቶስ ልደት ወይም ክሪስማስ የምንለው ገናቸውን በአንድ ሳምንት ልዩነት ነው የሚያከብሩት፡፡ በእነዚህ ሀገሮች ያለው የገና አከባበር ከምስራቃውያኑ ማለትም ከኦርቶዶክስ አብያተ ክርስቲያናት ተከታዮች ጋር የተለየ ነው የሚለው አይቢ ታይምስ የዜና ምንጭ የሁለቱ አለማት የገና አከባበር ከቀን አቆጣጠራቸው የመጣ መሆኑን ይናገራል፡፡

የሩሲያ፣ የግሪክ፣ የኮፕቲክና የሌሎች ሀገራት የኦርቶዶክስ ክርስቲያኖች እንደፈረንጆቹ አቆጣጠር ከክርስቶስ ልደት በፊት በ 46 አመተ አለም የተሰራውን ጥንታዊውን የጁሊያን የቀን አቆጣጠር ይከተላሉ፡፡ ምእራባዊያኑ ግን በፈረንጆቹ 1582 ላይ በሊቀ ጳጳሥ ግሪጎሪ የተሰራውን የግሪጎርያን ካላንደርን ነው የሚከተሉት፡፡ ይህ የቀን አቆጣጠር በሁለቱ አለማት አብያተ ክርስቲያናት መካከል የገና አከባበር ልዩነትን እንዳመጣ ሚናገረው ዘገባው ምእራባዊያኑ ዲሴምበር 25 ላይ ገናን ሲያከብሩ፤ ምስራቃዊያኑ ግን ጃንዋሪ 7 ላይ ነው የሚያከብሩት ሲል የበአሉን ታሪካዊ ዳራ ያስረዳል፡፡

ዘገባው እንደሚለው የሁለቱ አለማት የገና አከባበር ከቀን አቆጣጠር በተጨማሪም ባህላዊና ሀይማኖታዊ በሆኑ የበአል አከባበር ትውፊቶችም ሰፊ ልዩነት የሚታይበት ነው፡፡ በምእራቡ አለም ገና የቤተሰብ መሰባሰቢያና ፈንጠዝያ የሚበዛበት ስነስርአት ነው፡፡ በምስራቁ አለም ቤተክርስቲያናት ግን ገና የሚከበረው ለ 40 ቀናት ከተጾመ በኋላ ነው፡፡ በነዚህ አለማት ገና ሀይማኖታዊ ክብረበአልነቱ ጎልቶ እንደሚንጸባረቅ የሚናገረው ዘገባው በቤተክርስቲያንና በመንፈሳዊ አገልግሎት ነው የሚከበረው ይላል፡፡

በሀገራት መካከል የገናን በአል የተለያየ የአከባበር እለትና ይዘት እንዲኖረው የሚያደርጉ ሌሎች ጉዳዮችም መኖራቸውን ሚናገረው ዘገባው የግሪክ ካቶሊክ እምነት ተከታዮች ከምእራባዊያኑ በተቃራኒ የምስራቃዊያኑን ገና አከባበር ይከተላሉ፤ ከአለም ኦርቶዶክሶች 39 በመቶ ምትይዘዋ ራሺያ ደግሞ የቀን አቆጣጠሯ የግሪጎርያዊያኑ ነው በማለት ያስረዳል፡፡
ኢትዮጵያ ከምስራቃዊያኑ የጁሊያን ካለንደር ተከታዮች ጋር ገናን የምታከብር ሀገር መሆኗን ሚናገረው ዘገባው በአሉ በአቢያተ ክርስቲያናትና በባህላዊ የስፖርት ጨዋታዎች እንደሚከበር ይጠቅሳል፡፡ ኢትዮጵያ የራሷ የቀን አቆጣጠር ያላትና ከኦርቶዶክስ በተጨማሪም ካቶሊካዊያንና ወንጌላዊያን ክረስቲያኖች በጋራ የሚኖርባት ሀገር ናት፡፡ እነኚህ የክርስትና አማኒንም በመጪው ቅዳሜ በጋራ ገናን ለማክበር በጉጉት እየተጠባበቁ ይገኛል፡፡ ibtimes

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close