Connect with us

Sport

ኢትዮጵያ የዶፒንግ ምርመራ ማለፍ በማይችሉ አትሌቶቿ ላይ የህይወት ዘመን እገዳ ልትጥል ነው ተባለ

Binyam G-Kirstos

Published

on

የኢትዮጵያ የዶፒንግ ምርመራ ማለፍ በማይችሉ አትሌቶቿ ላይ የህይወት ዘመን እገዳ ልትጥል ነው ተባለ

ኢትዮጵያ የዶፒንግ ምርመራ ማለፍ በማይችሉ አትሌቶች ላይ የህይወት ዘመን እገዳ ልትጥል ነው ተባለ

የኢትዮጵያ አትሌቲክስ ፌደሬሽን አዲሱ ፕሬዝደንት አትሌት ሻለቃ ሃይሌ ገብረስላሴ በዶፒንግ ቅሌት ውስጥ የሚገቡ አትሌቶች የህይወት ዘመን እገዳ እንዲጣልባቸው ሃሳብ ማቅረቡን  ከፕዝደንቱ ጋር ቆይታ ያደረገውን ሮይተርስን ጠቅሶ ሲሲቲቪ ዘግቧል፡፡

ኢትዮጵያ በኢንተርናሽናል አማተር አትሌቲክስ ፌደሬሽን የዶፒንግ ስጋት ካለባቸው  አምስት ሃገራት ውስጥ አንዷ ነች መባሉ የሚታወስ ሲሆን የዶፒንግ ምርመራ ስርአቷንም እንድታጠናክር ማሳሰቢያ ተሰጥቷት ነበር፡፡

ምንም እንኳ ሀገሪቷን ወክለው በዓለም አቀፍ ደረጃ ባይወዳደሩም ስድስት የሚሆኑ ኢትዮጵያዊያን አትሌቶችም የዶፒንግ ቅሌት ውሰጥ መግባታቸው መረጋገጡም የአትሌቲክሳችን ጥቁር ነጥብ ሆኖ ይታወሳል፡፡

አትሌት ሃይሌ ገብረስላሴ ከሮይተርስ ጋር ባደረገው ቆይታ በእርሱ የሚመራው አዲሱ የኢትዮጵያ አትሌቲክስ ፌደሬሽን አመራር ለዶፒንግ ቅሌት ምንም እይነት ትእግስት አይኖረውም ብሏል፡፡

ይህ ማለት የዶፒንግ ምርመራን ማለፍ ያልቻል ኢትዮያዊ አትሌት በምንም መንገድ በህይወት ዘመኑ ኢትዮጵያን መወከል እንዳይችል እስከማገድ የሚደርስ ነውም ብሏል፡፡

በዶፒንግ ቅሌት የጎረቤታችን ኬንያ እንዲሁም የሩስያ አትሌቶች ለረዥም ግዜ ስማቸው ሲነሳ ቆይቷል፡፡ በዚህ ጉዳይ ስሟ ተነስቶ ይታወቅ ያልነበረችው ኢትዮጵያ ከቅርብ ግዜ ወዲህ ስሟን ከዶፒንግ ቅሌት ጋር ተያይዞ መስማት እየተለመደ መጥቷል፡፡

በጥረታቸው እና በብቃታቸው በዓለም የገነኑ ጀግና አትሌቶቻችን ሳይቀሩ ከጉዳዩ ጋር ስማቸው መያያዙ እና የምእራባዊያን የመገናኝ ብዙሃንም ይህንኑ ማራገባቸው ሀገራችን በዓለም በምትታወቅበት አትሌቲክስ ውጤት ላይ አሉታዊ ተጽእኖ የሚያሳርፍ መሆኑ ግልጽ ነው፡፡

ይህ የአትሌት ሃይሌ ገብረስላሴ ሃሳብም ሀገሪቱ ከመሰል የዶፒንግ ቅሌቶች ጋር ስማቸው የማይነሳ እና በብቃታቸው ላይ ብቻ የተመሰረተ ውጤት የሚያልሙ ጠንካራ አትሌቶች ብቻ እንዲኖራት የሚያደርግ ሃሳብ ነው በሚል በብዙዎች አድናቆትን እያገኘ ነው፡፡

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close