Connect with us

Politics

የተባበሩት አረብ ኤምሬቶች በምስራቅ አፍሪካ ቀንድ እየተስፋፋች ነው ተባለ

Published

on

የተባበሩት አረብ ኤምሬት በአፍሪካ ቀንድ

ሀገሪቱ በሶማሊ ላንድና በኤርትራ የጦር ሰፈር ገንብታለች ተብሏል
በየመን ጦርነት ቀንደኛ ተሳታፊ የሆነችው የተባበሩት አረብ ኤምሬት በአፍሪካ ቀንድ ሀገሮች መስፋፋቷ እየተዘገበ ይገኛል፡፡ ኢትዮጵያን ጨምሮ ስምንት ሀገራትን የሚያጎራብተው የምስራቅ አፍሪካ ቀንድ ለየመን እጅግ ገቅርበት ጌለው ቀጠና ነው፡፡ በየመን ላይ ጦርነት ለከፈቱት ለሳውዲና ለተባበሩት አረብ ኤምሬቶች አሁን ላይ የምስራቅ አፍሪካ ቀንድ ዋነኛ የወታደራዊ እዞች ማስፋፊያ እየሆነ መጥቷል በማለት አርኤፍአይ የተባለው የዜና ምንጭ ዘግቧል፡፡

እንደ ሶማሊያ፣ ሶማሊ ላንድና ኤርትራ የመሳሰሉ የአፍሪካ ቀንድ ሀገራት በዚህ የተባበሩት አረብ አምሬቶች ወታደራዊ መስፋፋት የተነሳ ተጠቃሚ እየሆኑ ናቸው የሚለው ዘገባው ሀገራቱ የአረቦቹን የገንዘብ ድጋፍ ያገኛሉ ይላል፡፡

እንደዘገባው የተባበሩት አረብ ኤምሬት በሶማሊ ላንድ የበርበራ ወደብን ለመጠቀም የ 25 አመት ኮንትራት የወሰደች ሲሆን ኮንትራቱ እንደአስፈላጊነቱ ይታደሳል ተብሏል፡፡ በኤርትራም የአሰብ ወደብን ለመጠቀም ፈቃድ ያገኘችው ሀገሪቱ በወደቡ ላይ የ 30 አመት የሊዝ ስምምነት እንደተሰጣት ተዘግቧል፡፡

አረብ ኤምሬቶች በምስራቅ አፍሪካ ቀንድ ማንጃበብ ከጀመረች ከራርማለች የሚለው ዘገባው ይሁን እንጂ የአሁኑ በተለይ ከየመን ጦርነትና ከጸጥታ ጋር በተያያዘ ነው ይለናል፡፡ ሀገሪቱ ወታደራዊና ኢኮኖሚያዊ ተጽእኖዎቿን በምስራቅ አፍሪካ እየገነባች ትገኛለች፡፡ ከዚህ በተጨማሪም የቀይ ባህርንና የየመን ጉዳይን ለመከታተል አካባቢው እጅግ ጠቃሚ ሆኖ አግኝታዋለች፡፡ ነገር ግን ቀጠናዊ የሰላም አጀንዳዎች የሚያሳስቧት ከሆነ በአካባቢው የሚንቀሳቀሰውን እንደ አልሸባብ ያለ ቡድንን መፋለም ይኖርባታል ሲል ዘገባው ገልጿል፡፡

በዚህ መሰሉ የአረብ ሀገራቱ መስፋፋት አንዳንድ ሀገሮች ተጠቃሚ ቢሆኑም እንኳን ሌሎች የኣካባቢው ሀገሮች ግን ስጋት አድሮባቸዋል፡፡ እንደ ኢትዮጵያ ያሉ ሀገሮች የአረብ ሀገራቱን ከኤርትራ ጋር መወዳጀት በበጎ አልተመለከቱትም፡፡ ከዚህ ቀደም ኢትዮጵያ ይህንኑ ስጋቷን ለአረብ ሀገራቱ መግለጿ የሚረሳ አይደለም፡፡ en.rfi.fr

Trending

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close